Nepal APF School, Kirtipur

21/10/2026

13/10/2026

🌺🙏 विजयादशमीको पावन अवसरमा टीका तथा जमरा ग्रहण कार्यक्रम सम्पन्न 🙏🌺
🌼 नेपालीहरूको महान् पर्व बडादसैँ अर्थात् विजयादशमी को पावन अवसरमा नेपाल एपिएफ स्कुल, कीर्तिपुरमा आज बिहान विद्यार्थी, शिक्षक तथा विद्यालय परिवारबीच टीका तथा जमरा ग्रहण कार्यक्रम हर्षोल्लासका साथ सम्पन्न भएको छ।
उक्त अवसरमा विद्यालयका समादेशक सशस्त्र प्रहरी उपरीक्षक श्री लेखनाथ खनालज्यूले विद्यार्थी काउन्सिल सदस्यहरूलाई टीका, जमरा तथा फलफूल प्रदान गर्नुभयो भने कक्षा शिक्षक/शिक्षिकाज्यूहरूले आ–आफ्नो कक्षाका विद्यार्थीहरूलाई टीका तथा जमरा लगाइदिनुभयो। त्यसैगरी, विद्यालयका प्रधानाचार्य श्री युवराज पराजुलीज्यू तथा सहायक प्रधानाचार्यज्यूले सम्पूर्ण शिक्षक तथा शिक्षिकाज्यूहरूलाई टीका लगाइदिनुभयो।
कार्यक्रममा विद्यालयका समादेशकज्यू तथा प्रधानाचार्यज्यूले उपस्थित सम्पूर्ण विद्यार्थी, शिक्षक तथा विद्यालय परिवारलाई विजयादशमीको शुभकामना व्यक्त गर्दै सुख, शान्ति, समृद्धि, सुस्वास्थ्य, दीर्घायु तथा उत्तरोत्तर प्रगतिको कामना गर्नुभयो।
यस पावन पर्वले आपसी सद्भाव, प्रेम, एकता, भाइचारा र पारिवारिक आत्मीयतालाई अझ प्रगाढ बनाओस्। सम्पूर्ण विद्यार्थीहरूमा दसैँको टीका तथा जमरासँगै असल संस्कार, सकारात्मक सोच र उज्ज्वल भविष्यको आशीर्वाद प्राप्त होस्।
🌺 नेपाल एपिएफ स्कुल, कीर्तिपुर परिवारको तर्फबाट सम्पूर्ण विद्यार्थी, अभिभावक, शिक्षक, कर्मचारी तथा शुभेच्छुकहरूमा बडादसैँको हार्दिक मङ्गलमय शुभकामना!

12/10/2026

🎨 विद्यार्थीको सिर्जना, विद्यालयको गौरव! 🖼️✨

नेपाल एपीएफ स्कुल, कीर्तिपुरमा आज आयोजित बिहानी प्रार्थना सभामा विद्यालयका आर्ट क्लबमा आबद्ध विद्यार्थीहरूले आफूले सिर्जना गरेका विभिन्न आकर्षक चित्र तथा स्केचहरू विद्यालय समादेशक सशस्त्र प्रहरी उपरीक्षक श्री लेखनाथ खनालज्यू, विद्यालय प्रधानाचार्य श्री युवराज पराजुलीज्यू तथा सहायक प्रधानाचार्य पशुपति अर्यालज्यूलाई हस्तान्तरण गरेका छन्।
उक्त अवसरमा विद्यालय समादेशकज्यूले उत्कृष्ट चित्र सिर्जना गर्ने विद्यार्थीहरूको सिर्जनशीलता, मेहनत र कलात्मक प्रतिभाको प्रशंसा गर्दै हार्दिक धन्यवाद तथा बधाई व्यक्त गर्नुभयो। साथै, विद्यार्थीहरूले तयार पारेका ती कलाकृतिहरू विद्यालयको सम्पत्तिका रूपमा संरक्षण गरिने बताउँदै अन्य विद्यार्थीहरूलाई पनि विभिन्न क्लबहरूमा आबद्ध भई आफ्ना प्रतिभा र क्षमता प्रस्फुटन गर्न सक्रिय रूपमा सहभागी हुन प्रेरित गर्नुभयो।
🌟 हरेक विद्यार्थीमा विशेष प्रतिभा हुन्छ, आवश्यक छ त केवल त्यसलाई चिन्ने र प्रस्फुटन गर्ने अवसर!
विद्यार्थीहरूको सिर्जनशीलता, कलात्मक क्षमता र प्रतिभालाई प्रोत्साहन गर्दै उनीहरूका सिर्जनालाई विद्यालयको गौरवका रूपमा संरक्षण गर्न नेपाल एपीएफ स्कुल सदैव प्रतिबद्ध छ।

12/10/2026

🏆 असोज महिनाका उत्कृष्ट विद्यार्थीहरू पुरस्कृत! 🎖️
नेपाल एपीएफ स्कुल, कीर्तिपुरमा आज आयोजित बिहानी प्रार्थना सभामा असोज महिनाका उत्कृष्ट विद्यार्थीहरूलाई प्रमाणपत्र तथा पुरस्कार प्रदान गरी सम्मान गरिएको छ।
उक्त अवसरमा विद्यालय समादेशक सशस्त्र प्रहरी उपरीक्षक श्री लेखनाथ खनालज्यू तथा विद्यालय प्रधानाचार्य श्री युवराज पराजुलीज्यूले संयुक्त रूपमा उत्कृष्ट विद्यार्थीहरूलाई प्रमाणपत्र तथा पुरस्कार प्रदान गर्नुभयो।
विद्यार्थीहरूको मेहनत, अनुशासन, लगनशीलता तथा उत्कृष्ट कार्यसम्पादनको कदर गर्दै उनीहरूलाई थप उत्साहित बनाउने उद्देश्यले आयोजित यस कार्यक्रमले अन्य विद्यार्थीहरूलाई समेत उत्कृष्ट बन्न प्रेरणा प्रदान गर्ने विश्वास लिइएको छ।

12/10/2026

🇳🇵 झण्डोत्तोलन कार्यक्रम सम्पन्न 🇳🇵
आज नेपाल एपीएफ स्कुल, कीर्तिपुरमा बिहान १०:०७ बजेको शुभ साइतमा विद्यालयको झण्डा तथा राष्ट्रिय झण्डाको विशेष पूजा–अर्चनासहित झण्डोत्तोलन कार्यक्रम सम्पन्न भयो।
उक्त अवसरमा विद्यालय समादेशक सशस्त्र प्रहरी उपरीक्षक श्री लेखनाथ खनालज्यू तथा विद्यालयका प्रधानाचार्य श्री युवराज पराजुलीज्यूले झण्डोत्तोलन गर्नुभएको थियो।🇳🇵

10/10/2026

📚 SEE तयारीलाई लक्षित गर्दै शनिबार विषयगत परीक्षा सञ्चालन
नेपाल एपीएफ स्कुल, कीर्तिपुरमा कक्षा १० का विद्यार्थीहरूलाई आगामी माध्यमिक शिक्षा परीक्षा (SEE) को तयारीमा थप सहयोग पुर्‍याउने उद्देश्यले प्रत्येक शनिबार विभिन्न विषयहरूको परीक्षा सञ्चालन गर्ने कार्यक्रमअन्तर्गत आज अङ्ग्रेजी विषयको परीक्षा सञ्चालन गरिएको छ।
नियमित विषयगत परीक्षामार्फत विद्यार्थीहरूको सिकाइ उपलब्धिको मूल्याङ्कन, विषयगत ज्ञानको पुनरावृत्ति, समय व्यवस्थापन तथा परीक्षाप्रतिको आत्मविश्वास अभिवृद्धि गर्ने लक्ष्य विद्यालयले लिएको छ।