Classic culture centre

19/09/2026

यलमाया क्लासिक
२०८३/०६/०२

🌺 भव्य भरतनाट्यम प्रस्तुति — यलमाया क्लासिक 🌺

यलमाया क्लासिकद्वारा प्रत्येक महिनाको २ गते आयोजना हुँदै आएको शास्त्रीय संगीत कार्यक्रम अन्तर्गत यसपटक Classic Culture Center का संस्थापक तथा भरतनाट्यम गुरु श्री स्वजन रघुवंशीको विशेष भरतनाट्यम प्रस्तुति सम्पन्न भएको छ।

गुरु स्वजन रघुवंशीको मार्गदर्शनमा Classic Culture Center का शिष्यहरूले समेत उत्कृष्ट प्रस्तुति दिँदै कार्यक्रमलाई थप भव्य र आकर्षक बनाउनुभएको थियो। कार्यक्रममा सदिक्षा पौडेल, प्रशान्त सुन्दास, साध्वी नकर्मी, पूर्णिमा विश्वकर्मा, राजीब श्रेष्ठ, कुसुम राजबंशी तथा प्रियंका श्रीवास्तवको सहभागिता रहेको थियो।

कार्यक्रममा भरतनाट्यमका विभिन्न शास्त्रीय प्रस्तुति अन्तर्गत
🌸 पुष्पाञ्जलि
🌸 शब्दम्
🌸 शम्भो नटनम्
🌸 पदम्
🌸 तिल्लाना
प्रस्तुत गरिएको थियो।

कलाको साधना, गुरु–शिष्य परम्परा र शास्त्रीय नृत्यप्रतिको समर्पणलाई आत्मसात् गर्दै सम्पन्न यस कार्यक्रमले दर्शक तथा कला–प्रेमीहरूको मन जित्न सफल भएको छ।

कार्यक्रमलाई भव्य र सफल बनाउन सहयोग गर्नुहुने यलमाया क्लासिक परिवार, सम्पूर्ण गुरुजन, कलाकार, शिष्य–शिष्याहरू, अभिभावक तथा उपस्थित दर्शकवृन्दप्रति Classic Culture Center परिवार हार्दिक आभार व्यक्त गर्दछ। 🙏🌺

गुरुभ्यो नमः।
Classic Culture Center

18/09/2026

16/09/2026

🌺 विशेष निमन्त्रणा | भरतनाट्यम् प्रस्तुति 🌺

यलमाया क्लासिकद्वारा आयोजित विशेष भरतनाट्यम् प्रस्तुति
क्लासिकल कल्चर सेन्टरका संस्थापक तथा भरतनाट्यम् गुरु श्री स्वजन रघुबंशी तथा उहाँका शिष्यहरूको संयुक्त प्रस्तुतिसहित आयोजना हुँदैछ।

🎭 प्रस्तुतिमा सहभागी शिष्यहरू:
सदिक्षा पौडेल • प्रशान्त सुन्दास • साद्भी नकर्मी • कुसुम राजबंशी • पूर्णिमा विश्वकर्मा • राजीव श्रेष्ठ • प्रियांका श्रीवास्तव

📅 असोज २ गते, शुक्रबार
🕔 साँझ ५:०० बजे
📍 स्टेप ढोका, ढोका क्याफे, पाटन

भरतनाट्यम् को भाव, लय, अभिनय र शास्त्रीय सौन्दर्यलाई प्रत्यक्ष अनुभूति गर्ने यस विशेष अवसरमा यहाँहरूको गरिमामय उपस्थितिका लागि हार्दिक आमन्त्रण गर्दछौँ। 🙏🌸

तपाईंको उपस्थितिले हाम्रो गुरु–शिष्यको साधनालाई अझ विशेष बनाउनेछ।

🌿 सादर निमन्त्रणा 🌿

14/09/2026

🌸 हरितालिका तीजको हार्दिक शुभकामना! 🌸

नेपाली कला, संस्कृति र परम्पराको संरक्षण तथा प्रवर्द्धनमा निरन्तर समर्पित Classic Culture Center परिवारको तर्फबाट सम्पूर्ण दिदीबहिनी, आमा तथा सम्पूर्ण नेपालीमा हरितालिका तीजको हार्दिक मंगलमय शुभकामना। 🙏🌺

तीज केवल पर्व मात्र होइन, प्रेम, श्रद्धा, आत्मीयता, संस्कार र नेपाली मौलिक संस्कृतिको सुन्दर अभिव्यक्ति पनि हो।
यस पावन अवसरले सम्पूर्ण परिवारमा सुख, शान्ति, समृद्धि, सुस्वास्थ्य र आपसी प्रेम कायम रहोस् भन्ने हार्दिक कामना गर्दछौँ।

💃 नाचौँ, गाऔँ र हाम्रो मौलिक संस्कृति जोगाऔँ।
🎶 कला र संस्कृतिसँगै तीजको उत्सव मनाऔँ।

Classic Culture Center परिवार

🌺 शुभ तीज! 🌺

09/09/2026

Classic Culture Center - Dance, Zumba & Fitness teej celebration

19/08/2026

13/08/2026

गुरुर्ब्रह्मा गुरुर्विष्णुर्गुरुर्देवो महेश्वरः ।
गुरुरेव परं ब्रह्म तस्मै श्रीगुरवे नमः ॥१॥

Guru purnima ko din kaidgariyeka tasbir haru

❤️ ゚ ゚viralシfypシ゚ ゚

08/08/2026

🌸 भरतनाट्यम वार्षिक सैद्धान्तिक परीक्षा सम्पन्न 🌸

प्रयाग संगीत समिति, इलाहाबाद, भारतबाट वर्षेनी सञ्चालन हुने परीक्षाअन्तर्गत कलानिधि इन्दिरा संगीत महाविद्यालय, नेपाल मार्फत Classic Culture Center बाट भरतनाट्यमको प्रथम, द्वितीय तथा तृतीय वर्षको सैद्धान्तिक परीक्षा आज पुलचोकस्थित त्रिपद्म स्कुलमा सफलतापूर्वक सम्पन्न भएको छ।

गुरु स्वजन रघुवंशी तथा गुरु प्रमिला श्रेष्ठ रघुवंशीको मार्गदर्शनमा सञ्चालित Classic Culture Centerका विद्यार्थी तथा शिष्यहरूका साथै अनलाइन कक्षामार्फत भरतनाट्यमको प्रशिक्षण लिइरहनुभएका पोखरा, चितवन तथा पाँचखालका विद्यार्थीहरू समेत परीक्षा दिन प्रत्यक्ष रूपमा उपस्थित हुनुभएको थियो।

यस संस्थाका सम्पूर्ण विद्यार्थी तथा शिष्यहरू एवं देशका विभिन्न स्थानबाट परीक्षामा सहभागी हुनुभएका सम्पूर्ण परीक्षार्थीहरूलाई हार्दिक बधाई तथा उज्ज्वल भविष्यको शुभकामना व्यक्त गर्दछौँ।

साथै, आगामी प्रयोगात्मक परीक्षाका लागि निरन्तर अभ्यास गर्दै उत्कृष्ट तयारी गर्न सम्पूर्ण परीक्षार्थीहरूमा हार्दिक अनुरोध गर्दछौँ।

शास्त्रीय नृत्यप्रतिको तपाईंहरूको साधना, समर्पण र निरन्तर प्रयासले नेपाली कला तथा संस्कृतिको क्षेत्रमा अझ महत्वपूर्ण योगदान पुर्‍याउँदै जाओस्। 🌺

संस्थापक: गुरु स्वजन रघुवंशी
निर्देशक: गुरु प्रमिला श्रेष्ठ रघुवंशी
Classic Culture Center

ArtAndCulture ClassicCultureCenter bharatnatyam swojanraghubanshi kalanki Pramila_Shrestha_Raghubanshi exam bharatanatyamexam

08/08/2026

🌸 हार्दिक स्वागत तथा सम्मान 🌸

गण्डकी प्रज्ञा प्रतिष्ठानका संस्थापक उपकुलपति तथा अनुशीलन पाठशालाका संस्थापक आदरणीय गोरे गुरुङ सरलाई हाम्रो Classic Culture Center मा हार्दिक स्वागत गर्न पाउँदा हामी अत्यन्तै हर्षित एवं गौरवान्वित छौँ।

साथै, पोखराबाट भरतनाट्यम् नृत्यको परीक्षा दिन काठमाडौं आउनुभएका सम्पूर्ण आदरणीय परीक्षार्थीहरूलाई पनि Classic Culture Center परिवारको तर्फबाट हार्दिक स्वागत तथा शुभकामना व्यक्त गर्दछौँ।

भरतनाट्यम् नृत्यप्रतिको यहाँहरूको साधना, समर्पण र निरन्तर कलायात्राले नेपाली शास्त्रीय नृत्यको क्षेत्रमा अझ महत्वपूर्ण योगदान पुर्‍याउँदै जाओस् भन्ने हार्दिक शुभकामना।

कला र संस्कृतिप्रतिको यहाँहरूको समर्पणले शास्त्रीय नृत्यको गरिमा र विस्तारमा थप ऊर्जा प्रदान गरोस्। 🌸

🙏 स्वागत छ, हार्दिक स्वागत छ! 🙏

Classic Culture Center परिवार