04/10/2026
कृतज्ञता तथा निमन्त्रणा पत्र
आदरणीय खेलप्रेमी, व्यवसायी एवं शुभेच्छुक महानुभावहरू,
मर्दी हिमाल पर्यटन व्यवस्थापन तथा व्यवसायी समिति एवं होटल/लज/रेस्टुरेन्ट व्यवसायीज्यूहरू,
विषय: कृतज्ञता ज्ञापन तथा हार्दिक निमन्त्रणा सम्बन्धमा।
हार्दिक नमस्कार !
"आजको आवश्यकता, समाज विकासमा युवा एकता" भन्ने मूल नाराका साथ विजया दशमीको पावन अवसरमा श्री नव निश्चल झरना युवा क्लबद्वारा आयोजित 'नवौं बडा दशैं लुम्रे उत्सव–२०८३' को निमन्त्रणा पत्र तथा आर्थिक सहयोग संकलन अभियानका क्रममा यहाँहरूले देखाउनुभएको अभूतपूर्व आत्मीयता, सहयोग र न्यानो आतिथ्यताप्रति हामी क्लब परिवार अत्यन्तै आभारी छौं।
यस अभियानलाई सफल बनाउन अहोरात्र खटिएर निमन्त्रणा पत्र तथा सहयोग अपिल पत्र वितरण कार्य कुशलतापूर्वक र सफलताका साथ सम्पन्न गर्नुहुने हाम्रा क्लबका जुझारु सदस्यहरू श्री आदेश रामदाम र श्री कुशल गुरुङलाई क्लब परिवारको तर्फबाट हार्दिक धन्यवाद व्यक्त गर्दछौं।
साथै, व्यस्तताका बाबजुद हाम्रा प्रतिनिधिहरूमार्फत पठाइएको पत्र सहर्ष स्वीकार गरी कार्यक्रमप्रति ऐक्यबद्धता जनाउनुहुने, सकारात्मक हौसला प्रदान गर्नुहुने तथा आर्थिक, भौतिक एवं नैतिक सहयोगको प्रतिबद्धता व्यक्त गर्नुहुने 'मर्दी हिमाल पर्यटन व्यवस्थापन तथा व्यवसायी समिति', यस रुटका सम्पूर्ण होटल, लज तथा रेस्टुरेन्ट व्यवसायीज्यूहरू एवं शुभेच्छुक महानुभावहरूप्रति हार्दिक कृतज्ञता प्रकट गर्दछौं।
गाउँको ऐतिहासिक, भौगोलिक तथा सांस्कृतिक पहिचानलाई प्रवर्द्धन गर्ने उद्देश्यका साथ 'लुम्रे गाउँ चिनारी गीत' को छायांकन (Shooting) समेत गरिने यस भव्य उत्सवका सम्पूर्ण खेलकुद तथा सांस्कृतिक कार्यक्रमहरूमा यहाँहरूको गरिमामय उपस्थिति, अमूल्य सहयोग र मार्गदर्शनको निरन्तर अपेक्षा गर्दछौं।
पुनः एकपटक यहाँहरू सम्पूर्णमा हार्दिक धन्यवाद ज्ञापन गर्दै उत्सवमा आत्मीय आतिथ्यता ग्रहण गरिदिनुहुन हार्दिक निमन्त्रणा गर्दछौं।
धन्यवाद !
आयोजक परिवार:
दिपक राना मगर (अध्यक्ष)
शंकरमान गुरुङ (संयोजक)
टंक विश्वकर्मा (महासचिव)
दुर्गा बहादुर गुरुङ (सांस्कृतिक संयोजक)
जापान गुरुङ (खेलकुद संयोजक)
उदय श्रेष्ठ (सचिव)
तथा श्री नव निश्चल झरना युवा क्लब परिवार
माछापुच्छ्रे गाउँपालिका–८, लुम्रे, कास्की
