VIC preloved and ukay shoes atbp.

Sana parehas nito legit resbaker...🥰🥰🙏🙏❤️❤️🤗🤗

Ang Ebanghilyo sa Atong Ginoo
November 7, 2024
Lucas 15:1-10
Ang Karnero nga Nawala

Usa niana ka higayon may daghang mga kobrador sa buhis ug mga makasasala nga miadto kang Jesus aron pagpamati kaniya. Unya ang mga Pariseo ug ang mga magtutudlo sa Balaod nagbagulbol nga nag-ingon, "Kining tawhana nag-abiabi sa mga makasasala ug nakigsalo pa gani kanila sa pagpangaon!" Tungod niini misugilon kanila si Jesus ug usa ka sambingay:
"Pananglit usa kaninyo may 100 ka karnero ug nawala ang usa niini, unsa may iyang buhaton? Iyang biyaan ang 99 didto sa sibsibanan ug pangitaon niya ang nawala nga karnero hangtod nga kini iyang makit-an. Sa makit-an na niya kini, malipay siya pag-ayo ug iya kining pas-anon ug dad-on pagbalik ngadto sa ila. Unya iyang dapiton ang iyang mga higala ug mga silingan, 'Maglipay kita kay akong nakaplagan ang nawala kong karnero!' Sultihan ko kamo nga ingon usab niini ang mahitabo: mas dako ang kalipay didto sa langit tungod sa usa ka makasasala nga naghinulsol kay sa 99 ka tawo nga matarong nga wala magkinahanglan sa paghinulsol.
"Sa laing bahin, pananglit ang usa ka babaye nga may napulo ka tagsa ka salapi, unya kawad-an ug usa, unsa may iyang buhaton? Magdagkot siya ug suga ug manilhig sa iyang balay ug iya gayod kining pangitaon s sa iyang balay ug iya gayod kining pangitaon hangtod nga makit-an.
Ug sa makit-an na niya kini, tawgon niya ang iyang mga higala ug mga silingan. Moingon siya kanila, 'Maglipay kita kay akong nakaplagan ang nawala kong usa ka salapi!' Sultihan ko kamo nga ingon usab niini ang mahitabo, mangalipay ang mga anghel sa Dios tungod sa usa ka makasasala nga naghinulsol."

Amen🙏💕♥️

# # good news of our salvation!🙏💕♥️

Wow...ameseng..
Dati 1600 kron 2,200 na..wow ameseng jud kaayo..hehhee..

Ang Ebanghilyo sa Atong Ginoo
November 6, 2024
Lucas 14:25-33
Ang Gikinahanglan aron Mahimong Tinun-an

Dihay dakong panon sa mga tawo nga nikuyog kang Jesus, ug miatubang siya kanila ug miingon, "Kinsa kadtong moari kanako nga dili magdumot sa iyang amahan ug inahan, sa iyang asawa ug mga anak ug mga igsoon ingon man sa iyang kaugalingon, dili mahimong akong tinun-an. Ug kinsa kadtong dili mopas-an sa iyang krus ug mosunod kanako dili mahimo nga akong tinun-an. Kon usa kaninyo naglaraw pagtukod ug tore, tun-an una niya kini ug iyang banabanaon pila ang magasto aron pagsuta kon may igo ba siyang salapi nga ikapahuman niini. Kay kon dili niya buhaton, unya dili mahuman ang tore tapos niya ikapahimutang ang patukoranan, biaybiayon unya siya sa tanan nga makakita sa gisangpotan. Ug moingon sila, 'Kining tawhana nagpatugatuga tukod ug tore apan dili diay makahuman niini!' Kon ang usa ka hari nga may 10,000 ka sundalo makiggubat batok sa laing hari nga may 20,000 ka sundalo, iya unang tun-an ug hukman kon makasukol ba siya sa maong hari. Kon dili siya makasukol, magpadala siya ug mensahero sa pagtagbo sa maong hari samtang atua pa siya sa layo aron makigsabotsabot alang sa kalinaw. Sa samang pagkaagi, walay bisan kinsa kaninyo nga mahimong akong tinun-an gawas kon iyang biyaan ang tanan nga anaa kaniya.

Amen🙏💕♥️

# good news of our salvation!🙏💕♥️

Ang Ebanghilyo sa Atong Ginoo
November 4, 2024
Lucas 14:12-14

Unya miingon si Jesus sa nagdapit kaniya, "Kon ikaw magkombira, ayaw dapita ang imong mga higala o ang imong mga igsoon o ang imong mga paryenti o ang mga dato nimong mga silingan kay sila mobalos pagdapit kanimo ug sa ingon niini mabaslan ka sa imong gibuhat. Kon magkombira ka, maoy dapita ang mga kabos, ang mga bakol, ang mga piang ug ang mga buta ug mabulahan ka kay dili man sila makabalos kanimo. Baslan ka ra sa Dios inigkabanhaw sa mga matarong."

Amen🙏💕♥️

# good news of our salvation!🙏💕♥️

Ang Ebanghilyo sa Atong Ginoo
November 3, 2024
Mark 12:28b-34

Nakita niya nga maayo ang pagkatubag ni Jesus sa mga Saduseo busa miduol siya kaniya ug nangutana, "Unsa mang sugoa ang labing mahinungdnon sa tanan?*
Mitubag si Jesus, "Mao kini ang labing mahinungdanon sugo: 'Pamati, Israel! Ang Ginoo nga atong Dios mao ra gayod ang Ginoo. Kinahanglan nga higugmaon mo ang Ginoo nga imong Dios sa tibuok mong kasingkasing, sa tibuok mong kalag, sa tibuok mong salabotan ug sa tibuok mong kusog. Ang sunod mao kini: 'Higugmaa ang imong isigkatawo sama sa imong kaugalingon. Wala nay sugo nga labi pang mahinungdanon kay niining duha."
Ang magtutudlo sa Balaod miingon kang Jesus, "Husto kana, Magtutudlo! Tinuod ang imong gisulti nga ang Ginoo lamang maoy Dios ug wala nay laing Dios gawas kaniya. Busa ang tawo kinahanglang mahigugma sa Dios sa tibuok niyang kasingkasing, sa tibuok niyang salabotan, sa tibuok niyang kusog ug kinahanglang higugmaon niya ang iyang isigkatawo sama sa iyang kaugalingon. Mas maayo ang pagtuman niining duha ka sugo kay sa pagdala ug mga mananap nga sunogon ibabaw sa halaran ug sa paghatag ug ubang mga halad ngadto sa Dios."
Nakamatikod si Jesus nga maalamon kaayo ang tubag sa maong magtutudlo sa Balaod busa miingon siya kaniya, "Dili ka halayo sa gingharian sa Dios."
Ug wala na gayoy nangahas pagpangutana kaniya.

Amen🙏💕♥️

# good news of our salvation!🙏💕♥️

Congrats Jomar Aninohon you are now certified wfw..
Kamo basin gusto mo ..pm lng..

Ang Ebanghilyo sa Atong Ginoo
November 02, 2024
Juan 6:37-40

Ang tanan nga gihatag kanako sa akong Amahan moari kanako. Ug ang moari kanako dili gayod isalikway kay nanaog ako gikan sa langit dili aron pagbuhat sa akong kaugalingong kabubut-on sa nagpadala kanako. Kini mao ang kabubut-on sa nagpapadala kanako: nga dili ako kawad-an bisag usa sa tanan nga iyang gihatag kanako, hinuon banhawon ko silang tanan ss kataposang adlaw. Kay buot sa akong Amahan nga ang tanan nga makakita sa Anak ug motuo kaniya makabaton sa kinabuhing walay kataposan ug banhawon ko sila sa kataposang adlaw."

Amen 🙏♥️💕

# # good news of our salvation!🙏♥️💕

Adto nlng jud ta anig sementeryo para maka kaon tag Biko ani..kinsay mo sabay..

Ang Ebanghilyo sa Atong Ginoo
October 31, 2024
Lucas 13:31-35
Ang Gugma ni Jesus alang sa Jerusalem
Niadtong higayona, may pipila ka mga Pariseo nga miabot kang Jesus ug miingon kaniya, "Kinahanglan nga mopahawa ka dinhi ug moadto sa ubang dapit kay si Herodes buot mopatay kanimo."
Si Jesus mitubag, "Adtoa ug suginli kanang mananap nga milo; 'Naghingilin ako sa mga yawa ug na-ayo sa mga masakiton karon ug ugma ug sa ikatulo ka adlaw akong taposon ang akong buluhaton. Apan mopadayon gayod ako sa akong panaw karong adlawa, ugma ug sa sunod nga adlaw. Dili maayo sa usa ka propeta nga patyon sa gawas sa Jerusalem.
"Jerusalem, O Jerusalem! Imong gipamatay ang mga propeta ug gibato ang mga sinugo nga gipadala sa Dios kanimo! Pagkadaghang higayon nga buot ako mogakos sa tanan mong mga anak, ingon sa usa ka himungaan nga nagtigom sa iyang mga piso ilalom sa iyang mga pako apan dili ka buot buhaton ko kini! Karon ang imong balay biyaan sa hingpit. Dili ka na makakita kanako hangtod sa adlaw nga ikaw moingon, 'Bulahan siya ug mianhi sa ngalan sa Ginoo.' "
Amen🙏♥️💕
# good news of our salvation!🙏♥️💕

Ang Ebanghilyo sa Atong Ginoo
October 30, 2024
Lucas 13:22-30
Ang Sigpit nga Pultahan

Mipadayon si Jesus paingon ss Jerusalem ug nanudlo siya sa kalungsoran ug sa kabalangayan nga iyang giagian.
Unya may usa ka tawo nga nangutana kaniya, "Sir, diyutay ra ba ang maluwas?"
Si Jesus mitubag, "Paningkamot kamo pagsulod sa sigpit nga pultahan kay daghan ang mosulay apan dili makasulod. Mobangon ang pangulo sa panimalay ug sirhan niya ang pultahan. Unya magtindog kamo didto sa gawas ug magsugod kamo pagtuktok sa pultahan ug moingon, 'Sir, ablihi intawon ang pultahan!' Ug motubag siya kaninyo.
Wala ako mahibalo kon taga diin kamo! Unya motubag usab kamo, 'Mikaon ug miinom kami uban kanimo ug diha kami sa nanudlo ikaw sa among lungsod! Apan motubag siya pag-usab, 'Wala ako mahibalo kon taga diin kamo. Palayo kamo kanako---kamong mga daotan!' Maghilak unya kamo ug magkagot ang inyong mga ngipon inigkakita ninyo kang Abraham, kang Isaac ug kang Jacob ug sa tanang mga propeta didto sa Gingharian ss Dios samtang kamo adto ra sa gawas! Daghang mga tawo ang mangabot gikan sa sidlakan ug sa kasadpan ug gikan sa amihanan ug sa habagatan nga motambong sa kan-anan didto sa Gingharian sa Dios. Ug unya adunay naulahi nga mahiuna ug aduna usay nahiuna nga maulahi."

Amen🙏♥️💕

# good news of our salvation!🙏♥️💕

Ang Ebanghilyo sa Atong Ginoo
October 29, 2024
Lucas 13:18-21
Ang Sambingay mahitungod sa Liso sa Mustasa

Si Jesus miingon, "Sama sa unsa man ang Paghari sa Dios? Ug sa unsa ko man kini itandi? Kini sama sa usa ka liso sa mustasa nga gipugas sa usa ka tawo sa iyang uma. Miturok kini ug nahimong kahoy ug nagsalag ang mga langgam diha sa mga sanga niini."
Unya nangutana pag-usab si Jesus, "Sa unsa ko ba itandi ang paghari sa Dios? Sama kini sa igpapatubo sa pan nga gikuha sa usa ka babaye ug gisagol sa usa ka takos nga harina hangtod mitubo ang tibuok minasa."

Amen🙏🙏♥️

# good news of our salvation!💕🙏♥️