Rootboys, Paknaan, Mandaue City (2026)

29/06/2026

DAGHANG SALAMAT! ❤️🏃‍♂️🏃‍♀️

Human sa daghang adlaw nga preparasyon, kakapoy, ug kakulba, malipayon kaayo mi nga nahimong malampuson ang Lumad Taga Tulay Fun Run 2026.

Sa tanan nga niapil, nisuporta, nag-volunteer, nag-marshall, sa among mga sponsors, donors, partners, ug sa tanang nitabang sa bisan unsang paagi—daghang kaayong salamat. Ang inyong suporta ug pagtinabangay mao ang hinungdan nga nahimong malinawon, malampuson, ug puno sa kalipay ang maong kalihokan.

Dako usab ang among pasalamat sa Riot Clothing, sa among mga sponsors, ug sa tanang nagpaluyo sa among adbokasiya. Ang inyong pagtuo ug suporta dili gyud namo kalimtan.

Ug para sa among kaugalingon ROOTBOYS!! Gikan sa brainstorming, pagpangita og sponsors, pagdala og gamit, pagmata sayo, hangtod sa paglimpyo sa venue—murag kami ang unang nakaabot sa finish line. 😅 Salamat sa matag usa sa Rootboys nga walay gikapoy sa pagserbisyo ug nagpamatuod nga kung magtinabangay, walay imposible. Ang tinuod nga kadaugan dili lang ang makalabang sa finish line, kundili ang paghiusa aron mapalampuson ang usa ka kalihokan.

Kini nga fun run dili lang usa ka lumba. Nahimo kining selebrasyon sa pagtuo, panaghiusa, ug gugma sa atong komunidad.

Sa katapusan, Happy Fiesta sa atong mga Patron nga Santos, Sr. San Pablo ug Sr. San Pedro! Hinaut nga ang ilang panalangin magpadayon sa paggiya ug pagpanalipod sa matag usa kanato, ug magpadayon unta ang espiritu sa panaghiusa ug pagtinabangay sa atong barangay.

Hangtod sa sunod nga dagan. Daghang salamat sa inyong tanan, ug Viva Sr. San Pablo ug Sr. San Pedro! 🎉❤️🏃‍♂️🏃‍♀️