Nuvista Basketball Club Page

Ano Nuggets nyo na? O hindi pa? Bahala kayo jan🙄

Sa mga members ng Nuvista Basketball Club, watch this video at nawa'y may makuha tayong lesson at katatawanan 🤣

Nuvista Basketball Club Season 3 - 40 UPS DIVISION

Alfred Prinotesta ni Kuya Roy
TEAM D PINALUBOG ANG TEAM A, 86-78

Nagmartsa sa ikalawang sunod na panalo ang Team D sa bisa ng malaking 86-78 na pagdispatsa sa Team A na lalong nalubog sa 0-2 standings sa pagpapatuloy ng Nuvista Basketball Club Season 3 40 Ups Division na ginanap sa punum-punong Vera Basketball Court.

Nagbida sa panalo si versatile bigman Kent "The Big Difference" Miranda sa kanyang double-double na 24pts at 12rebs habang maganda rin ang mga ipinukol ni foreign-like shooter Rodel "KoBi" Umali na may 21pts at all-around performance ni power forward Mark "The Dawg" Labrador na may 18pts at 10rebs.

Halos hindi naman magkasya sa scoresheet ang puntos ni Team A superstar Bhong "The Kraken" Ordonio na may game high 37pts at 13rebs na tinulungan ni lefty shooter Jomar "Boy Wasiwas" Labadan na may 14pts subalit hindi ito naging sapat dahil sa magandang gameplan ng Team D. Ang inaabangan namang match up nina nemesis Alfred "Hindi Naglaba" Fuellas ng Team D at senior veteran shooter Roy "The Violent Shooter" Rodjel ay nauwi sa malamyang tagisan matapos magtala lamang ng 4pts si Fuellas at 0pts si Rodjel.

Maagang umabante ang Team D dahil sa sigla at energy ni Labrador na tila war dog na nagpiyesta sa ilalim. Isang tres ni Umali ang nagsara sa iskor na 23-17 sa unang quarter na nakakuha rin ng anim na puntos kay pointguard Michael "The Eagle" Calangian.

Sinamantala ng Team D ang pangangalawang ni Ordonio na hindi nakalaro sa kanilang first game nang maglatag ng zone defense habang tatlong offensive boards para sa anim na 2nd chance points ang iniskor ni Miranda upang panatilihin ang kontrol sa laban. Isang pamosong kasa bago tira ni Henry "Shotgun" Bartolata sa right wing ang nagbigay sa Team C ng 39-29 kalamangan.

Nagsimulang magtumpok ng puntos si Ordonio sa 2nd half sa kanyang malaking 12 3rd quarter points subalit ang inside presence ni Miranda at potent outside shooting ni Umali ang nagbigay pa rin ng abante sa Team D. Isang jumper ni point guard Jhonny "Yes Papa" Tercero ang nagsara sa 3rd quarter bitbit ang 69-55.

Isang 10-0 run ang ginawa ni Ordonio kabilang ang dalawang basket ni slasher CJ "The TasteBuds" Salaza para sa Team A sa unang apat na minuto ng 4th quarter subalit isang tres ni Umali at putback ni Miranda at Labrador ang tumapos sa hangarin ng Team A na makahabol.

Samantala, sinubukan ni Rodjel na iprotesta ang kanyang nemesis na si Fuellas dahil sa ito ay 17 years old pa lamang at matanda lang daw tignan subalit ito ay kailangan pang i-verify ng committee.

TEAM C (86) - Miranda 24, Umali 21, Labrador 18, Calangian 11, Fuellas 4, Jalotjot 3, Tercero 2, Bartolata 2, Leonard 1, Robes 0, Bialen 0

TEAM A (78) - Ordonio 37, Labadan 14, Calumba 8, Pascua 6, Salaza 4, Dela Cruz 4, Espeleta 2, Galiza 3, Rodjel 0, Domondon 0, Acapulco 0

Nuvista Basketball Club Season 3 40 UPS DIVISION

The Bread Master Manalang Inalmusal Ang Ring
TEAM C PINUNIT ANG TEAM B

Winasak ng masipag na hustle plays at magandang offensive ex*****ons ng Team C ang Team B sa bisa ng 62-54 malaking panalo sa pagpapatuloy ng Nuvista Basketball Club Season 3 40 Ups Division sa punum-punong Vera Basketball Court.

Tila sinaniban ng apoy ang mga kamay ni Jeffrey "The Bread Master" Manalang sa 2nd quarter upang magtapos ng solidong 14pts, 3rebs at 2stls para sa Team C habang magandang laro rin ang ipinakita ni sharpshooter William "Chewy" Chua na may 11pts at Chris "The Gentleman" Daquioag na may 10pts. Nasayang naman ang matinding 18pts 5rebs ni Team B main man Joey "Mr. Pomada" Barbosa na bigong masungkit ang ikalawang sunod na panalo.

Matamlay ang panimula ng dalawang team matapos walang makaiskor sa unang tatlong minuto. Isang putback ni hustle guard Rommel "The Caramel" Lopez at tres ni Chua ang nagbigay sa Team C ng 11-6 abante sa unang quarter.

Bagama't nakakuha ng manaka-nakang puntos ang Team B buhat kina bigman Arvs "The Burger" Maglucky at forward Jhet "Ang Mapanakit" Mahinay ay hindi nila napigilan ang explosibong perimeter shooting prowess ni Manalang. Ang back to back basket ni Leonard "Big Mac" Andaya ang nagbigay sa Team C ng malaking 34-16 kalamangan.

Nagsikap si Barbosa na buhatin ang kanyang koponan sa pagkana ng 14 puntos sa 2nd half subalit sapat na ang dalawang tres ni Chua at apat na jumpers ni front court Iñigo "Baby Face" Cerdeña upang itala ang kanilang unang panalo para sa 1-1 kartada sa torneo.

TEAM C (62) - Manalang 14, Chua 11, Daquioag 10, Iñigo 8, Lopez 7, Papa 6, Andaya 6, Ballelos 0

TEAM B (54) - Barbosa 18, Mahinay 9, Grapa 8, Maglucky 7, Barbaran 4, Lara 2, Bacon 2, Foster 2, Peralta 2, Semana 0, Mangaron 0, Espinas 0