Akmal Jhedu wrestler

گونگا پہلوان اور امام بخش پہلوان کی پہلی کشتی جب منٹو پارک میں ہوئی رش اتنا زیادہ تھا کہ پاؤں رکھنے کی جگہ نا تھی۔
کشتی جب شروع ہوئی تو لوگوں نے شور مچا اور تالیاں بجا کے دونوں پہلوانوں کو داد دی اس کے بعد میدان میں سناٹا چھا گیا سب خاموشی سے کشتی دیکھنے لگے دونوں حریف خوب داؤ پیچ استعمال کرتے ہوئے ایک دوسرے کو چت کرنے کی کوشش کر رہے تھے کہ
یک دم شور اٹھا جب کشتی لڑتے ہوئے امام بخش پہلوان کھائی میں جا گرے لوگوں نے شور مچا دیا کہ امام بخش پہلوان گر گیا ہے تو گونگا پہلوان وہاں سے نکل کر اپنے گھر جا پہنچا۔
امام بخش پہلوان کے بڑے بھائی گاما پہلوان رستمِ زماں نے فیصلہ ماننے سے انکار کر دیا کشتی منصف نے گونگا پہلوان کے باپ سے کہا اگر گونگا پہلوان نے فیصلہ کن جیت ہار نا کی تو ہم دنگل کا معاوضہ نہیں دیں گے تب گاموں پہلوان گونگا پہلوان کو واپس لائے اور کشتی دوبارہ شروع ہوگئی۔
گونگا پہلوان اور امام بخش پہلوان کے درمیان دوبارہ کشتی شروع ہو گئی اس بار گونگا پہلوان پہلے سے بھی زیادہ ہوشیاری سے لڑا اور بڑی مہارت سے امام بخش پہلوان کو چت کر لیا۔

ذرا اس تصویر پر کلک کر کے پوری تصویرغور سے دیکھیں۔۔۔
کشتی کے شائقین یقیناً انہیں اچھی طرح جانتے اور پہچانتے ہی نہیں بلکہ ان کے چاہنے والے ہزاروں لاکھوں میں ہیں۔
یہ طیب پہلوان جھنگ والا ہے جو کہ ظاہر پیر ہونے والے میلہ میں کشتی کے لیے جانگیہ پہن کر اکھاڑے میں جا رہے ہیں ان کی کشتی طیب پہلوان اعوان لاہوری سے تھی جو برابر رہی۔
تصویر پوری دیکھنے بعد آپ نےنوٹ کیا ہو گا کہ طیب پہلوان چپل پہن کر اکھاڑے کی سمت جا رہے ہیں۔
آپ سوچ سکتے ہیں، کیوں؟
جی ہاں۔ غالباً یہ وقت ہے صبح 10 سے 11 بجے کا اور اس لیے چپل پہن کر جا رہے ہیں تاکہ اپنے پیر جلنے سے بچا سکیں۔
اس کا مطلب زمین اتنی گرم ہے کہ ننگے پیر چلا نہیں جاتا اور میلہ مالکان اس گرم زمین پر پہلوانوں کو کشتی لڑاتے ہیں۔ ایک تو شدت کی گرمی پھر جب کشتی ہوتی ہے تو زور لگانے سے کلیجہ گلے کو آتا ہے۔
ایسی کون سی مجبوری ہوتی ہے کہ کشتیاں ٹھنڈے وقت نہیں ہو سکتیں۔ کیا یہ بہتر نہیں کہ کشتیاں صبح 7 سے 9 بجے کے درمیان مکمل کر لی جائیں تاکہ پہلوان ایسی اذیت سے بچ سکیں اور انہیں کوئی گرمی کی شدت کی وجہ سے مسئلہ نا بن سکے اور کشتی لڑنے والے پہلوانوں سمیت شائقین حضرات کا بھی تسلی سے کشتیاں دیکھ کر مزہ دوبالا ہو
ایک پہلوان جو اپنی زندگی اس فن کی نذر کر دیتا ہے اور اس فن کو زندہ رکھنے کے لیے پوری کوشش کرتا ہے اس کے لیے بھی اچھا سوچا جائے۔
میلہ مالکان یقیناً داد کے مستحق ہیں جو اس فن کو زندہ رکھنے میں کوشاں ہیں بس میلے کا وقت تبدیل کیا جائے۔
اس تحریر کا ہرگز مقصد یہ نہیں کہ میلہ مالکان کی دل آزاری ہو۔
👈: تمام شائقین کمنٹ میں اپنی رائے ضرور دیں تاکہ وقت کے متعلق کچھ بہتری آئے۔

میرے والد محترم تاج محمد پہلوان جھیڈو (مرحوم) اولمپئن میکسیکو کی تقریباً 30 سال پرانی ایک تصویر جس میں انہوں نے ایک طرف اپنے بیٹے محمد اجمل پہلوان اور دوسری طرف اپنے شاگرد ذوالفقار علی عرف بھٹو پہلوان جبکہ پیٹھ پر اپنے بیٹے محمد افضل پہلوان کو اٹھایا ہوا ہے۔

اکمل پہلوان جھیڈو۔
پسر تاج محمد پہلوان جھیڈو (اولمپکس میکسیکو)