07/09/2021
کیا مصباح الحق اور وقار یونس،رمیز راجہ کی وجہ سے استعفی دے گئے ہیں!
ٹی ٹونٹی ورلڈکپ کے لئے پاکستان کے 15 رکنی سکواڈ کا اعلان کر دیا گیا۔سکواڈ کے اعلان کے بعد سے ہی چیف سلیکٹر محمد وسیم شائقین کرکٹ کی تنقید کا نشانہ ہیں۔
سکواڈ کے اعلان کے چند گھنٹوں کے بعد قومی ہیڈ کوچ مصباح الحق اور باؤلنگ کوچ وقار یونس نے استعفے کا اعلان کر دیا۔بعض شائقین ان کے اس فیصلےبےحد خوش تھے مگر بعض شائقین کرکٹ اس فیصلے سے مایوس بھی ہوئے۔ایک طرف اعلان کردہ سکواڈ پر کافی تنقید جاری ہے اور دوسری جانب مصباح اور وقار کے استعفے آگئے جن کے بعد کپتان قومی کرکٹ ٹیم بابر اعظم کےاستعفے کا امکان ظاہر کیاجارہا ہے۔ذرائع کے مطابق وہ ورلڈکپ کیلئے اعلان کردہ سکواڈ سے ناخوش ہیں۔انہوں نے اپنے تحفظات کا اظہار اپنے ساتھی کھلاڑیوں سے بھی کیا ہے۔ذرائع کے مطابق بابراعظم کو ٹیم بنانے کا مکمل اختیار دینے والے متوقع چیئرمین پی سی بی رمیز راجہ صاحب نے بابر کی بنائی ٹیم میں چار تبدیلیاں کر دیں۔رمیز راجہ نے فخر زمان،شرجیل خان،فہیم اشرف اور عثمان قادر کو سکواڈ سے نکال کر خوشدل شاہ،آصف علی,اعظم خان اور صہیب مقصود کو شامل کر دیا جبکہ فخر اور عثمان کو ریزرو کھلاڑیوں میں شامل کر دیا۔ان کی اس قسم کی مداخلت سے کھلاڑیوں سمیت کپتان بابر اعظم کو شدید تحفظات ہیں۔اس کی طرح کی مداخلت سے کوئی بھی صحیح طرح کام نہیں کر سکتا۔ابھی تو راجہ صاحب چیئرمیں کی کرسی پر بیٹھے ہی نہیں تو ان کے یہ کام ہیں اور اگر وہ بیٹھ گئے تو پھر پتہ نہیں پاکستان کرکٹ ٹیم کہاں جانے والی ہے۔ہم خود ان کی نامزدگی پر سابقہ کھلاڑیوں کی حمایت وجہ سے مطمئن تھے مگر ان کی اس طرح کی مداخلت پر ہمیں اپنے خدشات حقیقت ہوتے نظر آرہے ہیں۔ہمیں اس بات کا بھی خدشہ ہے کہ کہیں مصباح الحق اور وقار یونس بھی انہیں کی وجہ سے استعفی تو نہیں دے گئے؟ایسا لگتا ہے جیسے وہ جانتے تھے کہ راجہ صاحب کیا کرنے والے ہیں۔