Ikram Afzal

خونی رشتے زندگی کا وہ حصہ ہیں جن سے ہم چاہ کر بھی دور نہیں رہ سکتے قدرت ہمیں ان کے ساتھ جوڑ دیتی ہے۔ اکثر انہی رشتوں کے ہاتھوں سے ہماری جھولی میں مایوسی کے کنکر گرتے ہیں، اور دکھ یہ ہوتا ہے کہ نہ ہم ان سے لڑ سکتے ہیں نہ کنارہ کر سکتے ہیں۔
ماں باپ، بہن بھائی، چچا، ماموں، یہ سب وہ لوگ ہیں جن سے ہمارا تعلق خون کا ہے، جذبوں کا ہے، اور سماج کا بھی۔ جب یہی لوگ طنز کریں، موازنہ کریں یا ہمارے خوابوں کو حقیر سمجھیں تو دل کے اندر ایک خاموش دراڑ پڑ جاتی ہے۔ باہر والا کچھ کہے تو جواب دیا جا سکتا ہے، مگر گھر کے فرد کی بات سینے میں تیر کی طرح اترتی ہے۔
ہم برداشت کرتے ہیں کیونکہ رشتے نبھانا تہذیب سمجھا جاتا ہے۔ ماں کی ناراضی جنت کے دروازے بند کر دے گی، باپ کی آہ عرش ہلا دے گی، بڑے بھائی کا ادب فرض ہے، یہ سب سن کر ہم اپنی آواز کا گلا گھونٹ دیتے ہیں۔
مایوسی تب دوہری ہو جاتی ہے جب ہم سے توقع کی جاتی ہے کہ ہم ہر وقت مسکرائیں، خدمت کریں، اور جواباً ملنے والے زخموں کو چھپا لیں۔ ہماری کامیابی پر اگر خونی رشتہ خوش نہ ہو، یا ہماری ناکامی پر تسلی کی بجائے طعنہ دے، تو انسان اندر سے ٹوٹ جاتا ہے۔
غیر لوگوں سے فاصلہ ممکن ہے، تعلق ختم ہو سکتا ہے، مگر خون کے رشتے سماج، مذہب اور ضمیر کے دھاگوں سے بندھے ہوتے ہیں۔ قطع تعلق کو گناہ کہا جاتا ہے، اور لڑنے کو بدتمیزی۔
اس کشمکش میں ہم نہ اپنا دکھ کھل کر بیان کر پاتے ہیں نہ اس کا حل نکال پاتے ہیں۔ اکثر تو ہمیں یہی سکھایا جاتا ہے کہ صبر کرو، وقت کے ساتھ سب ٹھیک ہو جائے گا۔ مگر صبر کرتے کرتے انسان خود کو کھو دیتا ہے۔
یہ مایوسی آہستہ آہستہ ہماری خوداعتمادی کھا جاتی ہے۔ ہم فیصلہ کرنے سے ڈرنے لگتے ہیں کہیں کوئی اپنا ہی ناراض نہ ہو جائے۔ ہم اپنی پسند، اپنا کیریئر، یہاں تک کہ اپنی خوشی بھی قربان کر دیتے ہیں۔
سچ یہ ہے کہ خونی رشتے سب سے زیادہ قریب ہوتے ہیں، اس لیے ان کا دیا ہوا زخم بھی سب سے گہرا ہوتا ہے۔ ان کے لفظ نسلوں تک یاد رہتے ہیں۔
اس کا مطلب یہ نہیں کہ ہر خونی رشتہ تکلیف دیتا ہے۔ مگر جہاں ایسا ہو، وہاں انسان ایک ان دیکھی قید میں رہتا ہے۔ نہ زنجیر نظر آتی ہے نہ دروازہ، بس احساس ہوتا ہے کہ ہم بندھے ہوئے ہیں۔
حل شاید یہی ہے کہ ہم حدود بنانا سیکھیں۔ ادب کے ساتھ اپنی بات کہنا، اپنی ذہنی صحت کو ترجیح دینا، اور یہ مان لینا کہ خاموشی ہر بار نبھانا نہیں ہوتی۔ رشتے نبھاؤ، مگر خود کو مار کر نہیں۔ کیونکہ ٹوٹا ہوا انسان کسی رشتے کا حق بھی ادا نہیں کر پاتا۔💯

#بُلَند☝️🇵🇰
٨٨؟

إِنَّ اللّهَ مَعَ الصَّابِرِينَ,❤️
بُلَند☝️🇵🇰
٨٨؟

جن چیزوں پہ تمہارا اختیار نہیں انہیں اپنے رب پہ چھوڑ دو
زندگی میں کچھ لمحے ایسے آتے ہیں جب ہم پوری کوشش کے باوجود حالات کو اپنے مطابق نہیں ڈھال پاتے اور بے بسی کا احساس دل کو گھیر لیتا ہے۔
ہر انسان کی طاقت، علم اور وسائل کی ایک حد مقرر ہے، اس سے آگے کا دائرہ صرف اللہ رب العزت کے اختیار میں ہے جسے وہ اپنی حکمت سے چلاتا ہے۔
جب ہم اپنی سوچ سے باہر کی چیزوں کو بھی زبردستی کنٹرول کرنے کی ضد کرتے ہیں تو دل کا سکون برباد ہوتا ہے اور راتوں کی نیند اڑ جاتی ہے۔
توکل کا مطلب ہاتھ پہ ہاتھ رکھ کر بیٹھ جانا نہیں بلکہ اپنی استطاعت بھر محنت کر کے نتیجہ اللہ کے سپرد کر دینا ہے۔
جو رزق تمہارے نصیب میں لکھا ہے وہ تم تک پہنچ کر رہے گا، اور جو تمہارے لیے نہیں ہے وہ لاکھ کوشش کے باوجود تمہارا نہیں ہو سکتا۔
لوگوں کے رویے، ان کی محبت یا نفرت، ان کی زبان سے نکلے الفاظ، یہ سب تمہارے بس میں نہیں، اس لیے ان کا بوجھ اپنے کندھوں پر نہ لو۔
مستقبل کا خوف اور ماضی کا پچھتاوا دو ایسے پنجرے ہیں جو انسان کو حال کی نعمتوں سے محروم کر دیتے ہیں۔
جب تم یہ مان لو کہ کائنات کا نظام ایک علیم و خبیر ذات چلا رہی ہے تو دل خودبخود ہلکا ہونے لگتا ہے۔۔
بیماری، تندرستی، عزت، ذلت، نفع، نقصان، یہ سب اللہ کے فیصلے ہیں، ہمارا کام صرف اس کی رضا میں راضی رہنا ہے۔
کسی کا دل بدلنا، کسی کو راہ پر لانا، یہ ہدایت کے خزانے ہیں جن کی کنجیاں صرف رب کے پاس ہیں۔
جب تم اپنا اختیار ختم ہوتا دیکھو تو سمجھ جاؤ کہ اب اللہ کے اختیار کی باری ہے اور وہ بہترین کارساز ہے۔
اپنی دعاؤں میں ضد نہ کرو کہ یہی ہو، بلکہ یہ کہو کہ میرے حق میں جو بہتر ہے وہ ہو، کیونکہ وہ غیب کے خزانے جانتا ہے۔
بارش کب برسے گی، ہوا کا رخ کیا ہوگا، کل کس نے آنا ہے اور کس نے جانا ہے، یہ سب پردۂ غیب کے فیصلے ہیں۔
جو چیز تمہارے قابو سے باہر ہے اس پر رونے سے بہتر ہے کہ سجدے میں گر کر اس ذات کو پکارو جس کے قابو میں سب کچھ ہے۔
تمہارا کام بیج بونا ہے، فصل اگانا اور اسے پروان چڑھانا رب کا کام ہے، تم موسموں کو نہیں بدل سکتے۔
دوسروں کی تقدیر تم نہیں لکھ سکتے، اس لیے خود کو الزام دے کر تھکانا چھوڑ دو اور معاملہ اللہ کے حوالے کر دو۔
جب تم چھوڑ دو گے تو دیکھو گے کہ وہ کیسے بند دروازے کھولتا ہے اور وہاں سے راستہ بناتا ہے جہاں تمہارا گمان بھی نہیں تھا۔
بے چینی اس وقت پیدا ہوتی ہے جب ہم اپنے کمزور ہاتھوں سے وہ بوجھ اٹھانا چاہتے ہیں جو صرف رب کی طاقت سے اٹھ سکتا ہے۔
یقین رکھو کہ جس نے تمہیں ماں کے پیٹ میں پالا وہ تمہیں اب بھی اکیلا نہیں چھوڑے گا۔
اپنی پلاننگ ضرور کرو مگر اس پر اتنا بھروسہ نہ کرو کہ اگر وہ پوری نہ ہو تو تم ٹوٹ جاؤ۔
اللہ کی رحمت تمہارے وہم سے بڑی ہے اور اس کی تدبیر تمہاری سوچ سے بہتر ہے۔
جو گزر گیا اس پر افسوس کے بجائے شکر ادا کرو کہ اس نے تمہیں سکھایا، اور جو آنے والا ہے اسے اللہ کے حوالے کر دو۔
دل کو جب یہ یقین آ جائے کہ میرا رب میرے لیے کافی ہے تو پھر دنیا کی کوئی طاقت تمہیں ہلا نہیں سکتی۔
تمہارے ذمے صرف کوشش، نیت اور دعا ہے، انجام کی ذمہ داری اس نے اپنے ذمے لے رکھی ہے۔
کسی کے دل میں اپنے لیے جگہ بنانے کی فکر چھوڑ دو، وہ رب دلوں کو پھیرنے پر قادر ہے۔
جب سب راستے بند لگیں تو سمجھو کہ اب وہ راستہ کھلنے والا ہے جو صرف اللہ کھول سکتا ہے۔
اپنے آپ کو تھکا دینے سے بہتر ہے کہ اپنے گھٹنے ٹیک دو اور کہہ دو، اے رب یہ معاملہ اب تیرے سپرد ہے۔
یہی سپردگی، یہی حوالگی، یہی توکل، مومن کے دل کا اصل سکون اور دنیا کی سب سے بڑی طاقت ہے۔
تو آج سے یہ وعدہ کر لو کہ جس پر میرا اختیار نہیں، اسے میں سوچوں کا موضوع نہیں بلکہ اپنے رب کی رضا کا حصہ بنا دوں گا۔🤲

#بُلَند☝️🇵🇰
٨٨؟

سچے لوگ جب ملتے ہیں، تو وہ زندگی کے اداس اور بے رنگ نقشے میں امید اور یقین کے رنگ بھر دیتے ہیں۔ وہ ہمیں یہ یقین دلاتے ہیں کہ انسانیت ابھی زندہ ہے اور خلوص اب بھی اپنا وجود رکھتا ہے۔ ان کی سنگت میں گزرا ہوا ایک پل، منافقت کی محفلوں میں گزرے ہزاروں سالوں سے بہتر ہے۔
اگر قدرت نے آپ کو کسی ایسے انسان سے نوازا ہے جس کے قول و فعل میں تضاد نہیں اور جس کا دل آپ کے لیے صاف ہے، تو جان لیجیے کہ آپ پر خدا کا خاص کرم ہے۔ ایسے لوگ زندگی کو صرف گزارنے کے قابل نہیں بناتے، بلکہ اسے خوبصورت، معتبر اور قابلِ فخر بنا دیتے ہیں۔ ان کی قدر کیجیے، کیونکہ مٹی سے سونا تو نکالا جا سکتا ہے، لیکن بچھڑ جانے والے مخلص انسان دوبارہ نہیں ملتے،🫂

#بُلَند☝️🇵🇰
٨٨؟

مضبوط لوگ اپنی طاقت اور عزم سے پہچانے جاتے ہیں، وہ وہ لوگ ہوتے ہیں جو زندگی کے سخت ترین حالات، دھوکہ، مایوسی اور تکلیف کے باوجود اپنی انسانیت قائم رکھتے ہیں، جو دنیا کی بے رحمی کو دیکھ کر بھی دوسروں کے لیے رحم اور شفقت کا فیصلہ کرتے ہیں، جو اپنے دکھ اور صدمے کے باوجود اپنے الفاظ اور اعمال میں نرمی اور عدل دکھاتے ہیں، جو غصے، تکبر یا انتقام کے بجائے صبر، برداشت اور معافی کا انتخاب کرتے ہیں، وہ جانتے ہیں کہ طاقت کا اصل مطلب کسی کو شکست دینا نہیں بلکہ خود پر قابو پانا اور دوسروں کے لیے اچھائی کا راستہ اپنانا ہے، جو دنیا کے اندھیروں کو دیکھ کر بھی امید کا چراغ جلاتے ہیں، جو اپنے دل میں ہمدردی اور محبت کے بیج بو کر دوسروں کی زندگیوں میں روشنی لاتے ہیں، جو دکھ، دھوکہ اور ناانصافی کے بعد بھی اعتماد اور ایمان قائم رکھتے ہیں، مضبوط لوگ جانتے ہیں کہ ہر انسان کی اپنی کہانی ہے اور ہر دل میں درد چھپا ہوتا ہے، اس لیے وہ بغیر کسی فیصلہ بازی کے، بغیر کسی تعصب کے، سب کے ساتھ مساوی اور عزت کے ساتھ پیش آتے ہیں، وہ سمجھتے ہیں کہ دنیا کی سختیاں انسان کو بدل سکتی ہیں مگر انسانیت کو ختم نہیں کر سکتیں، یہی وہ لوگ ہیں جو محبت، عفو اور احترام کے ساتھ زندگی گزارتے ہیں، جو اپنی ناکامیوں اور شکستوں سے سبق سیکھ کر دوسروں کی مدد کرتے ہیں، جو خود پر قابو رکھ کر دوسروں کے لیے بہترین مثال قائم کرتے ہیں، جو اپنی زندگی کی قدر کرتے ہیں اور دوسروں کی قدر کرنا نہیں بھولتے، جو دکھ اور مشکلات کے باوجود دل میں خوشی اور امید پیدا کرتے ہیں، جو نفرت کے مقابلے میں محبت کا راستہ اختیار کرتے ہیں، جو ظلم کے سامنے خاموش نہیں رہتے بلکہ انصاف اور حق کے لیے کھڑے ہوتے ہیں، جو اپنی خامیوں کو تسلیم کر کے خود کو بہتر بنانے کی کوشش کرتے ہیں، جو دوسروں کی کمزوریوں پر ہنسنے یا ان کا مذاق اڑانے کے بجائے سمجھنے اور سہارا دینے کی کوشش کرتے ہیں، جو دنیا کی ہر آزمائش کے بعد بھی ایمان، اخلاق اور عزت کے راستے پر قائم رہتے ہیں، یہی مضبوط لوگ ہیں جو جان لیتے ہیں کہ دنیا سخت ہے مگر انسانیت اس سے بڑی چیز ہے، جو دکھ اور تکلیف کے باوجود دوسروں کے لیے رحم اور نرمی دکھانے کا فیصلہ کرتے ہیں، جو اپنے دل کو نرم رکھتے ہیں اور سخت حالات میں بھی دوسروں کی مدد کرتے ہیں، جو اپنے آپ کو مضبوط بنانے کے بعد دوسروں کو سہارا دینے کے قابل ہوتے ہیں، جو مایوسی کے باوجود امید بانٹتے ہیں، جو اپنے اندر سکون اور قوت پیدا کر کے دنیا میں روشنی پھیلاتے ہیں، جو حالات کی سختیوں کے باوجود اپنے اخلاق اور کردار پر قائم رہتے ہیں، جو ہر انسان کی عزت کرتے ہیں اور خود پر قابو رکھ کر ہر تعلق کو بہتر بناتے ہیں، جو اپنے دل کی طاقت کو استعمال کرتے ہوئے دنیا میں امن، محبت اور خیر پیدا کرتے ہیں، اور یہی وہ لوگ ہیں جو زندگی کی آزمائشوں کے باوجود انسانیت کو قائم رکھنے کا فیصلہ کرتے ہیں۔ 🖤

#بُلَند☝️🇵🇰
٨٨؟

چاہتوں کا مان رکھا کریں،پچھتاوے کام نہیں آتے
جو واقعی میرے دل کو تکلیف دیتا ہے وہ یہ ہے کہ مجھے اُن لوگوں کے ہاتھوں تکلیف پہنچی جن کے لیے میں نے کبھی یہ نہیں چاہا تھا کہ وہ تکلیف میں ہوں،

🖤وَتُعِزُمَن تَشَاءُوَتُذِلُمَن تَشَاءُ❤

Victory isn’t just about the score,it’s about the journey, the struggles, and the relentless effort to come out on top.We did it! After all the hard work, the focus, and teamwork, victory is finally ours. Every player gave their best, and together, we made this win possible,✨🏏

,🕊️
💫

☝🏽 🇵🇰
88?
‎

✨

#reelsfypシ NetPractice By Ikram Afzal in islamabad Preparation for MarkhorSuperLeague2k24.2k25 representing the Ghizer United team Best Wishes Boy.

اس گھوڑے نے اپنی منہ سے باہر نکلی ہوئی زبان کی وجہ سے اپنے ساتھ برابر آئے ہوئے پہلے گھوڑے سے یہ ریس جیت لی تھی
اور یہی کچھ منافقوں کی کامیابی کا راز بھی ہے .... ان کی کامیابی ان کی لمبی زبانوں کی وجہ سے ہے

‏اگر ہزار منافق مل کر تمہاری جڑیں بھی کاٹ دیں اور اگر کوئی ایک اچھا، خاندانی اور مخلص دوست آپ کو سہارا دیئے ہوئے ہو تو یقین مانیں آپ کبھی گر نہیں سکتے۔💯

‏یہ جھنڈا مایوس کن حالات کے باوجود ہماری امیدوں کا مرکز ہے یہ ہماری پہچان ہے اور ہم پاکستانیوں کے ایک دوسرے کیساتھ تعلق کی پہلی اور آخری وجہ ہے اسے دیکھ کر پانچ کلو خون بڑھ جاتا ہے اسکے ساتھ نفرت کرنے والا ہمارے لئے قابل نفرت ہے-🌹