Maassalama Hajj Umrah & Travel Products

"اپنی تمام نمازوں کی پابندی کرو (ان کا پورا خیال رکھو) اور خاص طور پر درمیانی نماز (عصر) کی، اور اللہ کے سامنے پورے ادب اور فرماں برداری کے ساتھ کھڑے ہوا کرو۔"

(سورۃ البقرہ: 238)

مسجدِ نبوی — الشیخ ڈاکٹر حسین آل الشیخ:

مسلمانوں سے خیر خواہی، ہر معاملے میں سچائی اور امانت داری کا پاس رکھنا اسلام کا بنیادی اور قطعی حکم ہے۔

Quiz Hajj & Umrah | Question 53
میدانِ عرفات میں واقع اس پہاڑی کو کیا کہتے ہیں جہاں کھڑے ہو کر نبی کریم ﷺ نے خطبۂ حجة الوداع دیا تھا؟

مسجدِ حرام — الشیخ ڈاکٹر ماہر المعیقلی:

نبیِ کریم ﷺ کا اسوہِ حسنہ ہی صراطِ مستقیم کا روشن راستہ ہے۔ آپ ﷺ نے امت کو ہر اس گمراہی سے خبردار فرمایا جو حق کے راستے سے بھٹکاتی ہے۔

*پرائیویٹ عازمینِ حج کے لیے اہم ہدایات، ادائیگی کا طریقہ کار اور مالی تحفظ

وزارتِ مذہبی امور و بین المذاہب ہم آہنگی حکومتِ پاکستان نے پرائیویٹ اسکیم کے تحت سفرِ حج کی سعادت حاصل کرنے والے تمام عازمینِ کرام کے لیے نہایت اہم اور ضروری ہدایات جاری کی ہیں۔

اس کا مقصد آپ کی محنت کی کمائی کو محفوظ بنانا اور آپ کے حج کے مراحل کو آسان، شفاف اور بااعتماد بنانا ہے۔
​
​پرائیویٹ حج اسکیم 2027 کے تحت کسی بھی فرد، ایجنٹ، یا کمپنی کو کیش یعنی نقد رقم یا *ان کے ذاتی بینک اکاؤنٹ میں رقم کی ادائیگی ہرگز نہ کریں!*

​اگر آپ پورٹل یا ایپ سے ہٹ کر کسی کو رقم دیتے ہیں، تو کسی بھی قسم کے مالی نقصان کی تمام تر ذمہ داری آپ پر ہوگی اور وزارتِ مذہبی امور اس کی بالکل ذمہ دار نہیں ہوگی۔

یاد رکھیں کہ ​پرائیویٹ حج پیکیج کا انتخاب، مجاز کمپنی کی تصدیق، اور تمام مالی واجبات کی ادائیگی صرف اور صرف پاک حج ایپ یا سرکاری حج منیجمنٹ پورٹل (hajj.mora.gov.pk) کے ذریعے ہی ممکن اور محفوظ ہے۔

​​پرائیویٹ عازمینِ حج کی سہولت اور آسانی کے لیے حکومتِ پاکستان نے پاک حج ایپ اور حج پورٹل پر اقساط میں ادائیگی کی سہولت فراہم کر دی ہے۔

​تمام عازمین اپنے حج پیکیج کی رقم یکمشت دینے کے بجائے مقررہ اقساط میں پورٹل یا ایپ کے ذریعے آسانی سے جمع کرا سکتے ہیں۔

​پاک حج ایپ اور حج منیجمنٹ پورٹل کے ذریعے رقم کی واپسی کا مرحلہ جلد فعال کر دیا جائے گا۔

*​آئی بی این (IBAN) کیا ہے؟*
IBAN (International Bank Account Number)
ایک منفرد بین الاقوامی بینک اکاؤنٹ نمبر ہوتا ہے، جو آن لائن فنڈز کی محفوظ اور درست منتقلی کے لیے استعمال کیا جاتا ہے۔

ریفنڈ کے مرحلے کے دوران عازمین کو اپنے بینک اکاؤنٹ اور IBAN کی بالکل درست تفصیلات کا اندراج کرنا ضروری ہے۔
​
آئی بی این میں صرف اپنا یا اپنے کسی انتہائی قریبی رشتے دار کا بینک اکاؤنٹ نمبر ہی درج کریں تاکہ رقم کی واپسی بلا تاخیر اور محفوظ طریقے سے آپ کو منتقل ہو سکے۔
​
​تمام عازمین اپنے Android یا آئی فون میں QR کوڈ اسکین کر کے فوری طور پر PAK HAJJ APP ڈاؤن لوڈ کریں۔

تمام لاگ ان اور آن لائن کارروائیاں صرف سرکاری ویب سائٹ (https://hajj.mora.gov.pk/login) کے ذریعے انجام دیں۔
​
اپنے شناختی کارڈ کی تفصیلات، پاس ورڈز، یا IBAN معلوماتی تفصیلات غیر متعلقہ افراد یا غیر مصدقہ ایجنٹوں کے ساتھ شیئر کرنے سے گریز کریں۔

پاکستان حج و عمرہ ایگزیبیشن 2026 کے حوالے سے مسلسل موصول ہونے والی استفسارات کے پیشِ نظر ہم اپنے تمام معزز شرکاء، نمائش کنندگان، پارٹنرز اور حج و عمرہ انڈسٹری سے وابستہ احباب کو آگاہ کرنا چاہتے ہیں کہ:

4th Pakistan Hajj & Umrah Exhibition 2026
فی الحال ملتوی کر دی گئی ہے

یہ فیصلہ بعض ناگزیر وجوہات کی بنا پر کیا گیا ہے۔

ان شاء اللہ! آئندہ ایڈیشن سے متعلق تمام تفصیلات مناسب وقت پر جاری کر دی جائیں گی۔

آپ کے مسلسل تعاون، اعتماد اور نیک تمناؤں کے لیے دل کی گہرائیوں سے شکریہ۔

Maassalama Hajj & Umrah Exhibition Team

🕋 پرائیویٹ حج 2027 — خوشخبری!

پرائیویٹ عازمینِ حج کی سہولت کے لیے ’’پاک حج ایپ‘‘ اور حج پورٹل پر اقساط میں ادائیگی کی سہولت فراہم کر دی گئی ہے۔

اب حج کے اخراجات کی ادائیگی آسان اور سہل اقساط میں کی جا سکتی ہے، تاکہ عازمینِ کرام کے لیے حج کی تیاری مزید آسان ہو۔

📱 Pak Hajj App
🌐 Hajj Portal
🤲 آسان ادائیگی، آسان حج