Janoon ki jung

امڑی میکوں بستہ گِھن ڈے
امڑی میکوں بستہ گِھن ڈے
،
ہائیں وے بچڑا روندا کیوں ہیں
رو رو تیڈی اکھ وی لال ہے
ہر کوئی تیڈیاں باکاں سُنڑدے
نا او تیڈی پہلی گال ہے
جیونڑ جوگا جیویں شالا
ڈس ہاں تیکوں کیڑھا ڈُکھ ہے
آکھیس میکوں کوئی ڈُکھ کائنی
میڈی بس ہک عرض مجال ہے
میکوں علم دے نال پیار ہے
قلم دوات تے دستہ گِھن ڈے
امڑی میکوں بستہ گِھن ڈے
میں بہوں محنت لا کے پڑھساں
وڈا تھی کے فوجی بنڑساں
اپنڑیں ملک دی شان ودھیساں
پوسی لوڑھ تاں جان وی ڈیساں
اپنڑاں پاکستان بچیساں
امڑی میکوں بستہ گِھن ڈے
امڑی میکوں بستہ گِھن ڈے.