08/09/2025
"ٹرائی سیریز فائنل پر سادہ الفاظ میں تبصرہ" 😉
کل جو ڈرامہ پاکستان سپنرز نے رقم کیا یقین کیجئے درد اور دکھ کیوجہ سے افغان ٹیم کے کھلاڑی اور مینجمنٹ رات کو نیند بھی نہیں کرسکے ہونگے۔
جب پہلے اوور میں گرباز نے شاہین آفریدی کو چوکا جڑدیا تو افغان کوچ جوناتھن ٹروٹ نے ڈگ آؤٹ میں بیٹھے کھلاڑیوں کی طرف بڑے فخر سے مکمل بے فکری کا اشارہ کیا جس کا مطلب تھا کہ ہم آسانی سے پاکستان کو ہرانے والے ہیں، اسی طرح افغان کپتان راشد خان نے تو مکمل یونیفارم ہی چینچ کیا ہوا تھا حالانکہ ونڈے میں کبھی کبھار نمبر 6/7 والے یونیفارم تبدیل کرکے بیٹھ جاتے ہیں کیونکہ معمول کا کھیل ہوتا ہے جس میں 6/7 والے کا جلدی آنا حسب معمول تاخیر سے ہوتا ہے لیکن ٹی ٹؤنٹی میں ایسا میں نے کبھی نہیں دیکھا تھا وہ بھی ایسے بڑے میچ میں۔۔۔ راشد کو الگ قسم کی خود اعتمادی حاصل ہوگئی تھی۔
شاہین نے پہلے اوور میں گرباز کو دبوچا اور ابرار نے پانچویں اوور میں صدیق الله اتل کو گھیرا تو کوچ جوناتھن ٹروٹ کو ہلکی ہلکی کھجلی ہونا شروع ہوئی کیونکہ باقی اس کو پتہ تھا کہ "دباؤ جھیلنے والے تو میرے کھلاڑی ہے ہی نہیں" اور تو چھوڑیئے ٹروٹ خود کہاں پریشر برداشت کرسکتا ہے؟؟ مجھے اچھی طرح یاد ہے جب 2013 میں دباؤ کیوجہ سے دورہ آسٹریلیا میں ایشز سیریز سے دستبردار ہوگیا تھا 😜
راشد بھی یقین کیجیے اس وقت پتہ نہیں کہاں تھا 😉
محمد نواز کا پہلا اوور افغانستان پر آسمانی بجلی اور دوسرا کلاؤڈ برسٹ کے مانند آپڑا جس میں اننگ کے چھٹے اوور کی آخری دو گیندوں پر درویش رسولی اور عمرزئی کو 0/0 اور اپنے دوسرے اور اننگ کے آٹھویں اوور کی پہلی گیند پر غریبوں کے ویرات کوہلی ابراہیم زدران کو آؤٹ کرکے اپنی ہیٹ ٹرک مکمل کی جبکہ اسی اوور کی چوتھی گیند پر افغانستان کے شکست کی علامت کریم جنت کو بھی پٹخ کر ہر افغانی کو حیران وششدر کرکے رکھ دیا ✌️
نبی اور راشد نے ہاتھ پاؤں مارنے کی معمولی سی کوشش کی پر ابرار نے نبی کو گھیرا جبکہ راشد کو نواز نے نامراد بھیج کر ٹی ٹؤنٹی کیریئر میں پہلی بار پانچ وکٹیں مکمل کرلی۔
باقی بچے دو بچوں (غضنفر اور نور احمد) کو سفیان مقیم ورغلا کر اپنے ساتھ لے گیا اور یوں 141 کے خواب دیکھنے والی افغان ٹیم محض 66 پر ہی ڈھیر ہوگئی۔
ایک بات جو میں اپنے افغان شائقین اور احباب کو کہنا چاہونگا کہ "بے شک افغان ٹیم نہایت باصلاحیت اور قابل نوجوانوں اور اچھے کھلاڑیوں پر مشتمل ہے اور خدا کریں کہ مستقبل قریب میں وہ ایک مضبوط ٹیم بن کر ابھرے لیکن یاد رکھنا تاحال افغان ٹیم پر "چھوٹی ٹیم" کا ہی لیبل چسپاں ہے اور چھوٹی ٹیمیں کبھی کبھار عام میچوں (راؤنڈ/گروپ/باہمی میچز)میں بڑی ٹیم کو ہرا جاتی ہے لیکن بڑے میچوں کو جیتنے کے لئے چٹانوں جیسے اعصاب اور شاہینوں جیسے چال اور پنجوں کی ضرورت ہوتی ہے جن سے چھوٹی ٹیمیں محروم ہوتی ہیں لہذا خدا کریں کہ بڑے میچوں کے دباؤ کو جھیلنا اور مضبوط اعصاب کا خدا افغان ٹیم کو حامل کردیں کہ پھر کبھی ان کو 66 پر نا ڈھیر ہونا پڑے 😉
نوٹ: کل کی جیت کا مزید چسکا لینا ہے تو "کارٹون نیٹ ورک" کے کل افغان بیٹنگ کے دوران کی کچھ جھلکیاں دیکھ لیجیے 😜.
13/11/2024
20/01/2024
19/01/2023
01/01/2023
26/12/2022
25/12/2022
25/12/2022
24/12/2022
24/12/2022