The Institute of Peaceful Lifestyle

پیدل چلنا

برطانیہ میں ہونے والی ایک نئی طبی تحقیق کے مطابق بڑھاپے میں پیدل چلنے والے افراد میں فالج کے امکانات کم ہوجاتے ہیں۔جی ہاں برطانیہ کی یونیورسٹی کالج، لندن میں ہونے والی ایک تحقیق میں یہ بات سامنے آئی کہ ایسے معمر حضرات جو اپنے روز مرہ معمول میں کئی گھنٹے پیدل چلتے ہیں اْن میں فالج کے امکانات بہت کم ہوسکتے ہیں۔ اس کے برعکس ان لوگوں میں فالج کے امکانات زیادہ ہوتے ہیں جو پیدل چلنے سے گریز کرتے ہیں۔ماہرین کا کہنا ہے کہ فالج ایک خطرناک مرض ہے اور موت یا انسان کے معذور ہو جانے کا ایک بڑا سبب ہے لہٰذا اس بات کی ضرورت ہے کہ ایسے طریقے ڈھونڈے جائیں جن سے فالج کو دور رکھا جائے۔ مطالعے میں یہ انکشاف سامنے آیا کہ ایسے لوگ جو روزانہ 3گھنٹے یا اس سے زیادہ پیدل چلتے ہیں ان میں فالج میں مبتلا ہونے کا رسک ان لوگوں کی نسبت دو تہائی کم تھا جو بہت کم پیدل چلتے ہیں۔
نئی امریکی ریسرچ کے مطابق تیز چلنے والے افراد کی عمر لمبی ہوتی ہے۔ یونیورسٹی آف پٹسبرگ میڈیکل سینٹر کی ڈاکٹر اسٹیفنی اسٹوڈنسکی اور ان کے ساتھیوں نے پینسٹھ سال کے زائد عمرکے پینتیس ہزار لوگوں کا معائنہ کیا۔ معائنے کےدوران تمام افراد کے مختلف ٹیسٹ کئے گئے۔ جس میں ان کے مختلف فاصلے طے کرنے کے وقت کا اندازہ لگایا گیا۔ ٹیسٹ کے نتائج سے ثابت ہوا کے تیز چلنے والے افراد زیادہ صحت مند رہتے ہیں۔ ڈاکٹر اسٹیفنی نے بتایا کہ تیز چلنے سے جسم کے مختلف اعضا حرکت میں رہتے ہیں جس سے انسان مختلف بیماریوں سے محفوظ رہتا ہے اور زیادہ عرصے تک جیتا ہے

السلام علیکم
کیا آپ جانتے ہیں کہ مُراقبہ حُضور ﷺ کی پہلی سُنّت ہے؟ یقیناً آپ نے کبھی نا کبھی ضرور یہ پڑھا یا سُنا ہو گا, اور سب لوگ مُراقبہ کرتے بھی ہیں لیکن یا بوریت محسوس کرتے ہیں یا اُنھیں مُشکل لگتا ہے اور چند دن کرکے چھوڑ دیتے ہیں .اگر آپ جسمانی روحانی صحت چاہتے ہیں تو آپ مُراقبہ کو خود پر فرض کر لیں اس سے آپ کو ایسا سکون ملے گا جو آپ نے زندگی میں پہلے کبھی محسوس نہیں کیا ہو گا,اور آپ کا ہر کام آسان ہو جائیگا سب سے بڑا فائدہ یہ ہو گا کہ اللہ کریم سے آپ کا بہت مضبوط تعلق بن جائے گا آپ کو عبادت میں بھی سکون اور لُطف ملے گا . ایک ایسا عمل جس سے آپ کی دُنیا بھی خوبصورت ہو جائے اور آخرت بھی سنور جائے آپ ایسا عمل کیونکر نا کریں گے ؟ اور جانتے ہیں ماہرین کا کہنا یہ ہے کہ جتنی آپ کی عُمر ہے آپ روزانہ کم از کم اُتنے منٹ مُراقبہ باقائدگی سے کریں آج میں آپ کو مُراقبہ کا ایک ایسا طریقہ بتاؤں گی جو بہت خوبصورت ,انوکھا اور آسان ہے. آپ یہ مُراقبہ چند دن کریں مجھے یقینِ کامل ہے کہ آپ کی زندگی بدل جائے گی انشاءاللہ.
نیچے لنک ہے ان ویڈیوز میں مُراقبہ کی مکمل تفصیل ہے .
برائے مہربانی اس پوسٹ کو زیادہ سے زیادہ شیئر بھی کریں جب ہماری وجہ سے کسی کی زندگی میں مُثبت تبدیلی آئیگی تو اللہ کریم ہم سب سے راضی ہو جائے گا انشاءاللہ. جزاکم اللہ خیر
https://youtu.be/-Aq86J8hVEY
https://youtu.be/VcX2eRd2QQg

The Sound of Silence | صوتِ سرمدی کیا ہے؟ | Part 1 | https://youtu.be/VcX2eRd2QQg

گھر کی آلودگی کو جذب کرنے کی قدرتی مشین!
سنیک پلانٹ

یہ پودا عام طور پر سنیک پلانٹ (Snake Plant) کہلاتا ہے جو غالبا” اس کے پتوں پر پڑے دھاری دار سانپ نما ڈیزائن کی وجہ سے کہا جاتا ہے- اس پودے کا دوسرا مشہور نام (Mother In Law’s Tongue) یعنی ساس کی زبان بھی ہے جو نہ جانے کس ساس کے ستائے بلکہ ڈسے دل جلے نے رکھا ہوگا—- اس کا نباتاتی نام
‏ (Sansevieria trifasciata) ہے- یہ پودا نرسریوں پر عام دستیاب ہے- اس کی دیکھ بھال بھی زیادہ مشکل نہیں - ھفتے میں دو تین دن پانی دینا کافی ہوتا ہے- یہ پودا فضا سے آلودگی اور گندی ہوا جذب کرنے کی بہت زیادہ صلاحیت رکھتا ہے- اس پودے پر امریکی تحقیقاتی خلائ ادارے ناسا ( NASA ) کی تحقیقات کے مطابق یہ فضا میں موجود پانچ زہریل گیسوں میں سے چار کو کسی بہترین فلٹر کی طرح جذب کرلیتا ہے- سے اگر کسی نارمل سائز کے کمرے میں اس کا ایک گملا رکھ دیا جائے تو اس کمرے کی فضا صاف ستھری رہے گی اور آپ کو تازہ آکسیجن ملتی رہے گی- اس پودے کو تازہ ہوا اور دھوپ کی ضرورت بھی ہوتی ہے- اگر آپ کمرے میں رکھنا چاہیں تو دن کے وقت کوئ کھڑکی دروازے سے اس کو روشنی ملتی رہنی چاہئے- آپ ایسا بھی کرسکتے ہیں کہ گھر میں تین چار گملے اس کے رکھئے- ایک گملا کمرے میں ایک ھفتہ رکھنے کے بعد اس کو باہر دھوپ میں رکھ دیجئے اور باہر رکھا ہوا دوسرا گملا اگلے ہفتے کے لئے کمرے میں رکھ دیجئے - اس طرح آپ کو کمروں میں نان اسٹاپ آکسیجن کی سپلائ ملتی رہے گی اور گھر کی فضا آلودگی سے صاف رہے گی- آپ اس کو اپنے لان میں کیاریوں میں بھی لگا سکتے ہیں- کہنا بس یہی ہے کہ اگر آپ اپنے گھر کی ہوا کو صاف ستھرا اور آلودگی سے پاک رکھنا چاہتے ہیں تو اس خوبصورت سجاوٹی پودے کو ضرور اپنے گھر میں جگہ دیجئے- یہ دھوکا نہیں دے گا-
اس پودے کی ایک سب سے اہم خاصیت و خوبی یہ ہے کہ یہ رات میں کاربن ڈائ آکسائیڈ خارج نہیں کرتا بلکہ ہوا میں موجود کاربن ڈائ آکسائیڈ کو آکسیجن میں تبدیل کرتا ہے۔
Sanaullah Khan Ahsan



۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔