Taunsa Volyball Lover

"قصہ"
سم ونجو میڈے بالو اندهارا هوے.
اساں رل گئیں دا نہ کوئی سہارا هوے.
میڈے بالو اے سچ دی کہانی سنڑو.
هک ها راجہ اتے هک هائی رانی سنڑو.
جڈاں دهرتی تے راجے دا دم هوندا ها.
اوندے سینے غریبیں دا غم هوندا ها..
"روٹی کپڑا مکان" اوندا دستور ها.
اوندے ہتهیں وفا دا علم هوندا ها..
میڈے بالو اے سچ دی کہانی سنڑو..
وقت گزرنڑ لگا.. اوندے وهڑے اندر.
سوهنڑیں جهیئں "بے نظیر" هک پری ان لتهی. اپڑیں.
بهیڑیں بهراویں دی بہوں لاڈلی. اپڑیں بابل تے امڑی دے.
نازیں پلی..اپڑیں طبقے کوں سٹ کے او نازیں پلی..
اساں بے آس لوکیں دے نال ان رلی..
میڈے بالو سنڑو. کوئی گندریل وهلے دیاں نظراں لگیاں..
ساڈے دهرتی اتے. کانڑاں دهہ ان لتهے..
ساڈے وسبے دے وچ اوں اداسی ڈتی..
ساڈے لو الاونڑ دے جرم اچ اونہیں.. ساڈے محبوب لیڈر کوں.
پهاسی ڈتی. میڈے بالو مگر اج وی یاد اے میکوں..
دهی نے پئو دی قبر تے ها وعده ڈتا.
میڈا بابل بهانویں کجه دا کجه تهی ونجے.
تیڈے هر هک ادهورے مشن دے کیتے.
اتهاں وسدے غریبیں دے تن دے کیتے..
اپڑیں دهرتی دے اندر امن دے کیتے..
اپڑیں سوهڑیں سجیلے وطن دے کیتے..
میڈا هر هک قدم نت اگونہاں هوسی..
میڈے بالو سنڑو.. وت ولا ایں تهیا اوندی پل پل حیاتی کوں صدمے ملئے هر قدم اوکوں کوڑے مقدمے ملئے.
اوکوں ناں دے شریفیں ستایا وڈا. اوکوں مونجهیں دا تحفہ "لغاری" ڈتے.. میڈے بالو اے سچ دی کہانی سنڑو..
او هائی دیوی تے بهانویں هائی نیلم پری..
اوندیں اکهیاں توں واهندا هویا نیر ها..
اوندی ڈولی کوں مونڈها ڈواونڑ کیتے نہ ها بابل اوندا.
نہ کوئ ویر ها..
میڈے بالو سنڑو. وقت کوں هک دفعہ میں بدلدا ڈٹهے..
میڈی دهرتی دے سینے تے کہرام ها. میں وفا دا جنازہ نکلدا ڈٹهے.. میڈے بالو میڈو دید بهالو ذرا. میڈیں اکهیاں توں واهندی هوئی برسات هے اج 27 دسمبر دی هک رات هے. ایں توں پہلے اوں دیوی دے بارے پچهو..
ایں توں پہلے جو قاتل دا نانواں پچهو.. ایں توں پہلے جو خواب اچ وئ ڈردے رهوو. خوف بے انت کولوں گزردے رهوو.
ایں توں پہلے جو میں کجه الا نہ سگاں. اے کہانی اگو تے سنڑا نہ سگاں. میں سوالیں دا ولدا وی نہ ڈے سگاں..
جے توڑیں نہ "بلاول" دا سورج ڈسے.
"سم ونجو میڈےبالو اندهارا هوے"
(ریاض عصمت)