26/09/2026
🥊 POF BOXING TRAINING CAMP 2026 — ایک یادگار اور شاندار تربیتی دن! 🥊
الحمدللہ! POF Boxing Training Camp کا انعقاد 25 ستمبر 2026 بروز جمعہ، POF Boxing Club، 25 Area Wah Cantt میں POF Sports Directorate کے زیرِسرپرستی کیا گیا، جبکہ Rawalpindi Division Boxing Association کا بھرپور تعاون حاصل رہا۔
اس خصوصی تربیتی کیمپ میں راولپنڈی ڈویژن کے نامور باکسنگ کوچ استادِ محترم عبدالجبار پال صاحب اور عابد جانی صاحب اپنی ٹیم کے ہمراہ تشریف لائے اور بچوں کو باکسنگ کی مختلف تکنیکس، ڈرلز، شیڈو ورک، پیڈ ورک اور جدید ٹریننگ سے بھرپور عملی تربیت فراہم کی۔ 🥊🔥
اس تربیتی سیشن نے بچوں کے حوصلے بلند کیے، ان میں کھیل کے لیے نئی جستجو پیدا کی اور کئی ابھرتے ہوئے ٹیلنٹ کو سامنے آنے کا موقع ملا۔
ہم اس کامیاب کیمپ کا خصوصی کریڈٹ POF Sports Directorate کے معزز افسران کو دیتے ہیں، جنہوں نے کراٹے کے ساتھ ساتھ باکسنگ اور دیگر مارشل آرٹس میں نوجوانوں کو آگے بڑھنے کے مواقع فراہم کیے اور ہمیشہ بھرپور تعاون و سپورٹ کیا۔
ہم اپنے معزز مہمانانِ گرامی میجر جنرل کمرشل کاشف آزاد صاحب، ڈپٹی ڈائریکٹر POF Sports Directorate کرنل غلام ربانی صاحب اور سیکرٹری سپورٹس قیصر محمود بھٹی صاحب کے تہہ دل سے شکر گزار ہیں، جنہوں نے کیمپ میں شرکت کرکے بچوں کی حوصلہ افزائی کی اور راولپنڈی سے آنے والے کوچز کی کاوشوں کو سراہا۔ 🌟
❤️ خصوصی خراجِ تحسین ہمارے والدین کے نام!
جو اپنے بچوں کے بہتر مستقبل کے لیے انہیں کھیل کے میدان میں لاتے ہیں، ٹریننگ کے دوران ان کے ساتھ بیٹھتے ہیں اور ہر قدم پر ان کی حوصلہ افزائی کرتے ہیں۔ یقیناً والدین کا یہ تعاون بچوں کے اعتماد اور کامیابی میں بنیادی کردار ادا کرتا ہے۔
📢 واہ کینٹ کے والدین اور نوجوانوں کے نام ہمارا پیغام:
اپنے بچوں کو صرف تعلیم تک محدود نہ رکھیں، بلکہ انہیں کھیل، صحت مند سرگرمیوں اور مثبت ماحول کا حصہ بنائیں۔ ہمارا عزم ہے کہ واہ کینٹ کے بچوں اور بچیوں کو کراٹے کے ساتھ باکسنگ اور دیگر کھیلوں میں بھی قومی اور انٹرنیشنل سطح تک لے کر جائیں۔
🥊 آج کی ٹریننگ، کل کی کامیابی!
🇵🇰 اپنے بچوں کو کھیل دیں، صحت دیں، اعتماد دیں اور ایک روشن مستقبل دیں۔
POF Sports Directorate
POF Boxing Club
Building Champions for Pakistan 🇵🇰🥊
