31/05/2026
🇲🇳 Эх орон минь ирлээ!
Монгол Улсын 3х3 сагсан бөмбөгийн шигшээ багийн тамирчид маань Польш улсын Варшав хотод болох 3х3-ийн Дэлхийн аварга шалгаруулах тэмцээнд оролцохоор хүрэлцэн ирж, бэлтгэл сургуулилтаа базааж байна.
Бэлтгэл сургуулилт нь маш шахуу хуваарьтай байсан ч манай “Варшава Мазаалай” сагсан бөмбөгийн клубын хүүхдүүдтэй уулзахыг хүссэн бидний урилгыг хүлээн авч, үнэт цагаасаа гарган зорин ирсэн та бүхэндээ чин сэтгэлийн талархал илэрхийлье.
Гадаадад амьдарч буй монголчуудын хувьд эх орноо төлөөлөн дэлхийн хэмжээний томоохон тэмцээнд оролцохоор ирсэн баг тамирчдаа харах нь эх орон минь өөрөө хүрч ирсэн мэт бахархалтай, түшигтэй, дотно мэдрэмж төрүүлдэг билээ. 🇲🇳
Шигшээ багийн хамт олон хүүхдүүдтэй маань уулзсанаар Польш улсад төрж өссөн Монгол хүүхдүүдийн зүрх сэтгэлд эх орноороо бахархах бахархал, Монгол хүн гэдгээрээ омогших омгийг төрүүлж, нүдэнд нь гал асаан, зүрхэнд нь мөрөөдөл, зориг итгэл бэлэглэлээ. 🙏🏻🙇🏻♀️❤️💙❤️
Шигшээ багийн нийт тамирчиддаа Дэлхийн аварга шалгаруулах тэмцээнд нь өндөрөөс өндөр амжилт хүсье! Тамирчдаа бид бүгд эрч хүч дүүрэн дэмжих болно. 🔥❤️🔥🇲🇳❤️💙❤️
Мөн энэхүү дахин давтагдашгүй сайхан боломжийг бүрдүүлэхэд үнэтэй хувь нэмэр оруулж, биднийг холбох гүүр болсон МУГТ Мөнхсайханы Цэрэнлхам Munkhsaikhan Tserenlkham найздаа, манай клубын хүүхдүүдтэй уулзах боломжийг олгож, бүх зохион байгуулалтад анхааран дэмжиж ажилласан Монголын Сагсан Бөмбөгийн Холбооны Ерөнхий нарийн бичгийн дарга Самбуугийн Төгсжаргал Tugsjargal Sambuu ахдаа, мөн хүүхдүүдтэй маань хамт цагийг өнгөрүүлж, шидэлтийн бэлтгэл хийлгэн баяр хөөр бэлэглэсэн шигшээ багийн ахлах дасгалжуулагч Steve Sir coach-дээ онцгойлон талархал илэрхийлье ❤️
Mongolian 3x3 Basketball Association/MGL3x3
Түүнчлэн шигшээ багийн тамирчдыг хүлээн авахад туслалцаа үзүүлсэн Eenee Purevjav ахдаа, Toki Banzragch эгчдээ, Lhagva-Ochir ахдаа, мөн энэхүү үйл ажиллагааг амжилттай зохион байгуулахад сэтгэл гарган оролцсон клубынхаа нийт эцэг эхчүүддээ чин сэтгэлийн баяр хүргэе. 🫶🏻
Тамирчдад маань урам зориг өгөх захидал бичиж бэлэглэсэн клубынхаа хүүхдүүддээ, мөн сэтгэлийн бэлгүүдийг маань хайр дүүрэн сэтгэлээр бэлтгэж, бооход тусалсан “Варшава Мазаалай” эмэгтэй багийн охиддоо талархал илэрхийлье. 💖
Бидний урилгыг хүндэтгэн хүрэлцэн ирж, хүүхдүүдийн минь амьдралд мартагдашгүй дурсамж үлдээсэн та бүхэндээ дахин баярлалаа. 🇲🇳❤️💙❤️
