Sartaj vlogs

سعودی عرب میں ایمیزون ڈیلیوری بوائز کا دردناک حادثہ
​آج میں ایک کسٹمر کا کام ختم کر کے واپس آ رہا تھا کہ راستے میں دیکھا کہ دو ڈیلیوری بوائز (جن کا تعلق ایمیزون کمپنی سے تھا) زمین پر گرے ہوئے تھے۔ جب میں نے وہاں رک کر واقعے کی جانچ پڑتال کی تو پتہ چلا کہ یہ دونوں لڑکے ایک ہی موٹرسائیکل پر سوار تھے، ایک چلا رہا تھا اور دوسرا پیچھے بیٹھا تھا۔ اسی دوران سائیڈ سے ایک سعودی خاتون کار چلاتے ہوئے آئیں اور انہوں نے ان دونوں کو زور دار ٹکر مار دی، جس سے دونوں سڑک پر جا گرے۔
​ان میں سے ایک بیچارے کی ٹانگ ٹوٹ گئی اور دوسرے کو بھی شدید چوٹیں آئیں۔ لیکن ایک چوٹ اسے بہت بری لگی تھی، اس کے کان سے مسلسل خون بہہ رہا تھا، شاید (خدا نہ کرے) اس کے کان کا پردہ پھٹ گیا ہو۔ دیکھتے ہی دیکھتے وہاں بہت زیادہ ہجوم جمع ہو گیا، اور پھر پولیس اور ایمبولینس بھی موقع پر پہنچ گئیں۔ وہ زخمیوں کو ہسپتال لے گئے۔ یہ افسوسناک واقعہ ریاض شہر کے علاقے "طویق" (Tuwaiq) میں پیش آیا۔ اب آگے اللہ ہی بہتر جانتا ہے کہ ان کے ساتھ کیا ہوگا، ان کا علاج ہوتا ہے یا انہیں سیدھا ان کے ملک بھیج دیا جاتا ہے۔ اب دیکھیں سعودی حکومت اس کار سوار خاتون کے خلاف کیا قانونی کارروائی کرتی ہے، اللہ ہی بہتر جانتا ہے۔
​باقی ایک بات اور واضح کر دوں کہ یہ تصویر میں نے تھوڑی سی AI (مصنوعی ذہانت) کی مدد سے بنائی ہے، کیونکہ اس ذات کی قسم! جب میں نے ان لڑکوں کو اس حالت میں دیکھا تو مجھ میں اتنی ہمت اور حوصلہ نہیں تھا کہ میں وہاں زیادہ دیر کھڑا رہ کر تصویریں کھینچتا۔ اسی لیے میں نے AI کی تھوڑی مدد لی، اور جو کچھ میں نے اپنی آنکھوں سے دیکھا تھا، AI نے بالکل ویسا ہی نقشہ بنا کر دے دیا۔
​المختصر! میری سب بھائیوں سے یہی گزارش ہے کہ بائیک (موٹرسائیکل) کے ویزے پر سعودی عرب ہرگز نہ آئیں۔ اگر آپ نے ڈیلیوری کا کام کرنا ہی ہے تو بھائی میرے! کار لو، اسے چلاؤ اور اس پر ڈیلیوری کرو۔ موٹرسائیکل پر بہت زیادہ خطرہ ہے۔ خدا کی قسم! اگر مجھے مہینے کا 5000 ریال بھی آفر ہو، تب بھی میں کبھی بائیک رائڈر کا کام نہ کروں۔ بس آخر میں اتنا ہی کہوں گا کہ یارو! اس کام کے لیے ویزا لے کر مت آؤ، یہ سیدھی سیدھی موت ہے۔ یہاں ایسے واقعات روزانہ کی بنیاد پر دیکھنے کو ملتے ہیں۔
​اگر میری یہ پوسٹ کسی کو بری لگی ہو تو دل سے معذرت چاہتا ہوں، لیکن اسے ایک "صدقہ جاریہ" سمجھ کر آگے شیئر کر دیں (تاکہ کسی اور کی جان بچ سکے)۔
​اللہ پاک تمام بائیک رائڈرز کو اپنی حفظ و امان اور پناہ میں رکھے۔ آمین۔.....

حج سیکیورٹی فورس کے ایک اہلکار نے جمرات (شیطان کو کنکر مارنے والی جگہ) میں اپنی والدہ کی آمد پر دیکھتے ہی انہیں محبت بھرا گلے سے لگا کر خوش آمدید کہا۔ یہ خوبصورت منظر ماں سے محبت، قربانی اور خدمتِ حجاج کے جذبے کی دل کو چھو لینے والی عکاسی کرتا ہے۔
اللہ سب کے والدین کو سلامت رکھے....

پاکستان ایوی ایشن اتھارٹی (پی اے اے) کے مطابق اسلام آباد ایئرپورٹ پر پہلی حج پرواز کی واپسی ہو گئی۔
پاکستان ایوی ایشن اتھارٹی کے مطابق پہلی حج پرواز PK-742 شام 7 بج کر 15 منٹ پر اسلام آباد ایئرپورٹ پہنچی۔
پی اے اے کے مطابق اسلام آباد ایئرپورٹ پر حجاج کی واپسی کا آغاز ہوا، 165 عازمینِ حج کو لے کر پہلی حج پرواز اسلام آباد ایئرپورٹ پر لینڈ کر گئی۔
واضح رہے کہ شیڈول کے مطابق حجاج کرام کی واپسی کا مرحلہ 30 جون تک جاری رہے گا۔
یکم جون کو 5 پروازیں اسلام آباد، 4 کراچی اور 4 ہی لاہور پہنچیں گی جبکہ ملتان اور سیالکوٹ میں 3، 3 پروازیں اتریں گی، فیصل آباد میں 2 اور کوئٹہ میں ایک حج پرواز کی آمد متوقع ہے۔
حج بعد ازآپریشن کے دوران سرکاری سکیم کے تحت فریضہ حج ادا کرنے والے ایک لاکھ 19 ہزار پاکستانی حجاج کرام کو مجموعی طور پر 471 پروازوں کے ذریعے وطن واپس لایا جائے گا، اس آپریشن میں پاکستان کی سرکاری، نجی اور سعودی ایئر لائنز حصہ لیں گی۔....

EID MUBARAK

مملکت میں فضائی نقل و حمل کے نظام کی ترقی کے اہم منصوبوں میں سے ایک کے طور پر، مدینہ منورہ میں شہزادہ محمد بن عبدالعزیز بین الاقوامی ہوائی اڈے کی توسیعی سرگرمیاں جاری ہیں، جن کا مقصد اس کی سالانہ مسافروں کی گنجائش کو 18 ملین مسافروں تک بڑھانا ہے۔

ان منصوبوں میں قومی ایئرلائنز کے لیے بین الاقوامی پروازوں کا ایک نیا ٹرمینل شامل ہے، جس کی سالانہ گنجائش 5.5 ملین مسافروں کی ہوگی، جبکہ موجودہ بین الاقوامی ٹرمینل کو بھی وسعت دے کر اس کی گنجائش 12.5 ملین مسافروں تک بڑھائی جائے گی۔

یہ منصوبہ 1.3 ارب سعودی ریال سے زائد لاگت سے مکمل کیا جا رہا ہے، جس کا مقصد آپریشنل کارکردگی کو بہتر بنانا اور حجاج، عمرہ زائرین اور مدینہ منورہ آنے والے مہمانوں کو اعلیٰ معیار کی خدمات فراہم کرنا ہے۔

سعودی عرب میں 🕋 حج کے دوران شدید گرمی، سینکڑوں حجاج کرام انتقال کر گئے 😢
مکہ مکرمہ میں شدید گرمی کی لہر کے باعث درجہ حرارت 51 ڈگری سینٹی گریڈ تک پہنچ گیا، جس کے نتیجے میں مختلف ممالک سے تعلق رکھنے والے متعدد حجاج کرام جان کی بازی ہار گئے۔ رپورٹس کے مطابق اب تک 577 سے زائد حجاج کرام کے انتقال کی اطلاعات ہیں، جن میں سب سے زیادہ 320 حجاج کا تعلق مصر سے بتایا جا رہا ہے، جبکہ 10 پاکستانی حجاج کے انتقال کی اطلاعات بھی سامنے آئی ہیں۔
یہ دلخراش خبر امت مسلمہ کیلئے انتہائی افسوسناک ہے۔ حج جیسے عظیم فریضے کی ادائیگی کے دوران دنیا سے رخصت ہونے والے خوش نصیبوں کیلئے دعا ہے کہ اللہ تعالیٰ ان کی حاضری قبول فرمائے اور انہیں جنت الفردوس میں اعلیٰ مقام عطا فرمائے۔ 🤲
اللہ تعالیٰ تمام مرحومین کی کامل مغفرت فرمائے، لواحقین کو صبر جمیل عطا کرے اور تمام حجاج کرام کو اپنی حفظ و امان میں رکھے۔ آمین یا رب العالمین۔.

غریب کسان قربانی کا جانور بیچ کر خوشی سے گھر لوٹنا چاہتا تھا، مگر ظالم نے جعلی نوٹ دے کر اس کی ساری امیدیں چھین لیں۔
یہ صرف ایک شخص نہیں، پوری انسانیت کے ساتھ ظلم ہے۔۔لیکن جب بعد میں لوگوں کو پتہ چل گیا ۔تو بہت سے لوگ اس کے گھر گئے اور 55 ہزار کے بجائے اس کو لوگوں نے 3 لاکھ روپے اکٹھے کیے ۔اس کو کہتے ہے انسانیت

اسلام عليكم دوستوں میرے طرف سے تمام امت مسلمہ کو عیدالاضحی مبارک ہو