Ahmed Helmy - أحمد حلمى

أول مره اجرب توست بر او غامق بوجه عام .. بجد مع اللبنه و كوباية شاي اخضر او احمر فطار روعه و هيسد معاكم أغلب اليوم على الأقل لوقت الغدا
جربوه مش هتندموا 🫶
فطرتوا ايه يا ابطال 💪💪

فطارى خلال يوم عمل سريع و مضغوط
بتفطروا ايه ف الايام الزحمة الي مش بتقدروا تحضروا فطار
ورونا افكاركم 🙏

فضلا… الدعاء لخالي بالرحمة والمغفرة

مش بكتب البوست كلاعب ولا مدرب ..
بكتبه كشخص عادي له حياة طبيعيه زي اي حد فيكم و له قرايب بحالات صحية مستقرة و غيرهم بحالات مرضية
لما بشوف اصحاب المرض و خصوصا المقربين مني .. بكتشف أن المرض مش وليد اللحظة
المرض بيتبني مش بيتوجد .. المرض له مسببات كتيرة جدا منها حاجات بتتراكم على مدار سنوات و منها على مدار شهور
تعالوا نتخيل تراكم جزء بسيط جدا من الدهون جوا أجسامنا هيكون شكله عامل ازاي بعد ١٠ و ٢٠ و ٣٠ سنة … تخيلتوا
طيي متخيلين الأمراض اللي سببتها و لسه هتسببها الدهون دي؟؟
من اول الأمراض الباطنية و القلبية وصولاً للعظام و الغضاريف

المشكلة الأكبر أن الدهون اللي ببنيها و بتتراكم ف جسمي بقالها سنوات و سنوات .. لما باخد قرار اعدل و احسن الدنيا بتصرف بشكل خطأ
عاوز اتخلص منها ف ظرف شهرين تلاته
عاوز اخد ادوية
همنع كربوهيدرات
هصوم ١٨ ساعه وووو الخ

و النتيجة.. يأس و أحباط و رجوع لبناء و تراكم المزيد من الدهون

كام مرة يتكرر نفس السيناريو .. و كل مره عاوزين نعالج الموضوع بنفس العلاج و نسينا انه مش فعال

و النهاية المؤكدة .. وصولنا لعمر متقدم مع العديد من الأمراض و الأدوية اللي بنكمل بيها حياتنا
و بتصبح المستشفيات و الدكاترة و الأدوية روتين بحياتنا

السبب .. اننا مرضيناش و كان صعب علينا نخلي حاجات بسيطة جدا روتين بحياتنا

اني اشرب كمية مياه مناسبة اكل نفس اكلي بس أراعي الكمية و طريقة الطهي اتحرك ربع ساعه يوميا أنام شويه بدري

ايه أصعب حاجه بالنسبالك خلينا نسهلها عليكم 🙏

بنصحى من النوم نفكر هنلبس ايه النهارده .. عاوز دايما شكلي مميز و رائحتي حلوة
طيب و صحتي ؟؟!
اللي هي مفاصلي اللي ماشي عليها
عقلي اللي بفكر بيه
عضلاتي اللي ماشي و بتعامل بيها طول اليوم
معدتي اللي هي مصدر راحتي او تعبي
هل مهتم بيهم ؟ هل بفكر فيهم قبل ما اتناول او امنع اي أكل
هل هما من أولوياتي ولا انا ناسيهم خالص؟
مش بقولك اشتركي معايا ولا مع غيري
مش بقولك انزلي الچيم
مش بقولك روحي خدي ادوية و مكملات
كل اللي بطلبه منك تحطي صحتك من أهم اولوياتك.. مش بخوفك والله بس مع التقدم بالعمر لو مش حطاها من اهم اولوياتك هتندمي
كمية ناس حواليا في حالات صحية يرثى لها .. و ده كله من عدم الأهتمام
كل حاجه عندنا لو اهتمينا بيها و حافظنا عليها هتدوم معانا العمر كله
ليه مش بنطبق ده على صحتنا
هبسطلك الموضوع لأبسط درجة دون تعقيد
كلي نفس أكلك بس …
بدل ما تقلي اشوي او اسلقي .. صعب؟
بدل ما تاكلي طبق مبير و تنفخي معدتك قسمي وجبتك لوجبتين أو تلاته … صعب؟
أشربي نفس مشروباتك بس قللي سكر … صعب؟
بدل ما تمسكي الموبايل لساعات شغلي تمرين بسيط مناسب ليكي و أعمليه في عشر دقائق من الساعات اللي بتمسكي فيها الموبايل… صعب؟
حاولي تنامي بدرى قدر المستطاع و سيبي الموبايل قبلها بساعه علي الأقل
و شوفي نفسك بعد شهر بالظبط و قارني و احكمي بنفسك و مش مستني تكتبي النتيجة.. مستني انتي تشوفيها و تحسيها ف صحتك

❤️علقي بكلمة صحة علشان تقدرى تتابعي سلسلة بسيطة جدا بتفيدم بصحتك طول عمرك و تغنيكي بأذن الله عن التعب و الأطباء

مفيش مرض في العالم إلا و الدكاتره بينصحوا المريض بتنفيذ طلب أو أكتر من الطلبات دى …
١- خفف وزنك
٢- كل أكل صحي
٣- العب رياضة
طيب بلاش الدكاترة .. هاتولي انتم مرض او تعب بيجي لشخص إلا و تلاقي الي حواليه نصحوة ياكل كويس ينام بدرى ياخد أدويته
اعتقد ده التصرف الطبيعي و التلقائي الي كلنا بنعمله لما نحس بشوية تعب .

طيب ما تيجوا نفكر ايه الصعب اننا نفضل كده علطول..
ايه الصعب انك تتمشي ربع ساعة يوميا . تشرب كمية مياه مناسبة
تنام بدرى شويه . تقرأ عشر دقائق . تتعرض للشمس عشر دقائق

اكلك الموجود هو هو مش مضطر تغيره .. بس اطبخه بشكل صحي
وزك هيقل و هتخف و هتعيش حياتك كلها بشكل مختلف و إيجابي
جرب تبدأ .. وشوف النتيجة كل شهر
قارن نفسك بالنسخة اللي من شهر و شوف التجربة و أحكم بنفسك

جروب مجاني لنهاية الشهر الحالي …
⭐️من فريقين
⭐️هنعمل بعض الخطوات السهلة جدا اللي تقدرى تعمليها مهما كان عمرك و طبيعة عملك سواء موظفة أو ربة منزل
⭐️هنشوف نتايج كويسة جدا بإذن الله
⭐️مش محتاج من المشتركين بعد اذنكم غير الجدية و الإلتزام و تطبيق كل القواعد اللي هنتفق عليها بالجروب

مين مستعدة تبدأ لنهاية الشهر ؟

⭐️هختار أول عشر تعليقات وليس اختيار عشوائي
باقي التعليقات هيكون لها الأولويه بالجروبات اللي جايه 💪💪

بالتوفيق للجميع و يارب الكل يعيش بصحة وعافية و يوصل لكل أهدفه 🤲

عاوزك تقرأى البوست ده بعقلك مش بعينك ..
ايا كان نوع الدايت الي انتي متبعاه
ايا كان نوع الرياضه الي بتمارسيها
اهم حاجه اكون متأكده اني مش بضر نفسي و أكون بتناول جميع المغذيات من بروتينات و كربوهيدرات و دهون صحية و ڤيتامينات و معادن
و الرياضة مناسبة ليا كحالة صحية
لو دول متوفرين …
يبقي مش محتاجة اي شيء غير الاستمرار
مهما كانت نتايجك بطيئة صدقيني مع الوقت هتشوفي صوره منك عمرك ما هتصدقي الا لما تشوفي صور ليكي ف بدايتك
عارفه المقولة اللي بتقول "قليلٌ دائمٌ خيرٌ من كثيرٍ منقطعٍ".
يعني ميغركيش نتائج صحباتك
ميغركيش الناس علي السوشيال ميديا اللي بدون استثناء عاملين عمليات جراحية لشد الجسم و طالعين يصدرولك الوهم ان التمرين و الدايت هو الي موصلها لكده
اقسم بالله العظيم انا اعرف ناس بشكل شخصي عاملين عمليات و بيبيعوا للناس الوهم من منتجات و انظمة و غيره و غيره
كفايه بقي عك و جرى ورا الوهم و استعجال .. انتي مش داخله بطوله ولا سباق
دى حياتك و دي صحتك و انتي المسئوله عنهم و انتي لوحدك الي بتتحملي قراراتك
فأتصرفي بعقل و بحكمه

في حد مش عاوز يعيش سعيد؟! أكيد لأ

طيب ايه اللي ممكن يمنعنى عن السعاده ؟ نمط حياة خاطيء بينتج عنه اخطاء كتير جدا
❌لو مش مهتم بأكلي و بتناول طعام صحى فيه كل الفيتامينات و العناصر الغذائيه اللي بحتاجها علي مدار اليوم بدون نقص او زياده ده ممكن يخلينى مرهق او حاسس بثقل او كسل
❌لو مش نايم كويس ده ممكن يخلينى طول اليوم حاسس بعدم اتزان و عدم تركيز سواء فى الشغل او الدراسة او حتي ف البيت ممكن اضيع اشياء و افضل فتره طويله ادور علي اشياء موجوده قدامى
❌لو مش بتمرن و بقوى جسمى ممكن مع الوقت اشعر ببعض الضعف بجسمى و مفاصلي
الحاجات دي هتوصلنى لنفسيه مش كويسه مش قادرة تكون ايجابيه ولا تساعد نفسها ولا اللي حواليها وده ممكن يولد مشاعر سلبية كتير و بالتالي عدم سعادة

يعنى لو عملت الحاجات البسيطة دي بجد حياتي بتتغير و بكون سعيد ؟ طبعا و بنسبة ١٠٠٪؜

طيب انا معنديش وقت
معنديش فلوس
معنديش خبرة

البوست الجي هتكلم معاك في كل التفاصيل دي و بساعدك تتخطاها علشان تبدأ النسخة السعيدة و الإيجابية من نفسك ❤️