04/09/2026
الاتنين دول من ساعه ما اتجمعوا مع بعض في ريال مدريد و النادي مش شايف خير ابدا و بيطلع مواسم صفريه !
انت متخيل ان مبابي النهاردة ضيع 4 فرص محققه للتسجيل امام بيتيس منهم ركله جزاء في توقيت حاسم تغير النتيجة كلها ، اهدافه المتوقعه 1.78 هدف و مسجلش ولا هدف ، ركله جزاء و ضيع ، انفرادات و ضيع ، المرمي فاضي و ضيع !
طب متخيل ان فينيسيوس ضيع فرصتين محققين ، حاول يراوغ 8 مرات و نجح مرتين بس ، خسر الكرة 23 مرة ، خسر 7 التحامات من 13 ، كل ده قصاد ظهير خلص كورة زي بيليرين اللي عمل قصاده 11 تصرف دفاعي ناجح !
مبابي حتي الان مقدم ارقام فضيحه في الدوري ، سجل 4 اهداف من 6 متوقعين ، ضيع 8 فرص محققه ، معدل اعتراضه للكرة و استرجاعها من التلت الاخير 0.2 في كل مباراة ، يعني لا بيضغط ولا بيرجع يدافع و اكتر لاعب ضيع فرص !
لا مبابي مهاجم صريح ، ولا فينيسيوس جناح لانه بطل يلعبها من النصف التاني في موسم 2024 ، ولا الاتنين قادر تطلعهم من الملعب لانهم محصنين من بيريز ، روحت جمعتهم مع بعض و هما نفس الخصائص و بعد ما فشلت مرتين مستنيها تنجح للمرة التالته ، رئيس نادي ملوش اي علاقه ب كرة القدم !
