فحصك فيهو شنو

وعندنا ناس بحسبو التوتال من ال BF ويعمل فيها ابو الفهيم.🙂💔

أكبر ماسورة في تاريخ المعامل السودانية.. فحص التايفويد (الـ Widal Test)..😔💔
تمشي المعمل جسمك مكسر ومصدع، يسحبو منك الدم، وبعد شوية تستلم الورقة وتلقى فيها أرقام تخلع (1/160) و (1/320). قلبك يعمل شححح.. وتطوالي تمشي الصيدلية تشيل أكياس المضادات الحيوية وتبدأ فتِك ومتك في معدتك ومناعتك..💔

الفهم شنو طيب؟ 💡 الفحص ده (الـ Widal) قديييم، تعبان، ومضلل جداً! نحن في السودان، أي زول فينا شرب ليهو موية من زير مكسور، ولا ضرب ليهو طلب بوش في الشارع، جسمو حيكون اتعرض لبكتيريا السالمونيلا (بتاعت التايفويد) وعمل ليها مناعة وانتهينا. الفحص ده بقرأ "المناعة القديمة" دي، يعني حيديك إيجابي حتى لو أنت هسي ما عيان بالتايفويد!
العولاق الأكبر من كدي؟ الفحص ده "غشيم".. ممكن تكون عندك ملاريا، ويقوم يديك إيجابي تايفويد! يعني إنت بتكون قاعد تضرب في مضادات حيوية سااااكت، وتقتل في البكتيريا النافعة حقتك، عشان "وهمة" في ورقة المعمل.
طيب الحل شنو؟ 🔬 الدكتور الشِفْت، الفاهم شغلو، لو شك في تايفويد حقيقي بيطلب منك زراعة دم (Blood Culture) أو زراعة براز، وما بيبني قرارو على فحص الـ Widal التعبان ده نهائي.
سؤال: كم مرة فحصت تايفويد وطلع إيجابي وبلعت حبوب
لمن قلت بس وفي النهاية طلعت ملاريا؟ أحكوا لينا تجاربكم في التعليقات وخلينا نكشف المستور 😂👇
(أنا بتاع المعمل البوريك فحصك فيهو شنو.. لكن الروشتة والعلاج بيكتبها ليك دكتورك.. ما تبقى طبيب نفسك وتبلع ساكت). #التايفويد #معامل