Myanmar Cityzens

ဘာဖြစ်ဖြစ် ဆိတ်ဒက်တော့ မကျပါနဲ့ သူငယ်ဂျင်း

ဆုဖလားနဲ့ လက်တစ်ကမ်းအကွာထိကို အာဆင်နယ်တို့ နီးစပ်ခဲ့တာမို့ ရှုံးပေမဲ့ ဂုဏ်ငယ်စရာ မရှိပါဘူး။

အာဆင်နယ်ကို အာတေတာ တည်ဆောက်ထားပုံက ခိုင်မာလွန်းပြီး consistent ရှိတာမို့ တစ်နှစ်မဟုတ်တစ်နှစ် ဒီဖလားကို အရယူနိုင်မှာပါ။

တစ်ဘက်မှာ ပီအက်စ်ဂျီကလည်း ခိုင်မာတည်ငြိမ်လွန်းပါတယ်။ ရီးရဲလ်မက်ဒရစ်နောက်ပိုင်း ပထမဆုံးချန်ပီယံဘွဲ့ကို ကာကွယ်နိုင်တဲ့အသင်း ဖြစ်လာခဲ့ပါပြီ။

မနက်စောစောမှာ ပက်က စီးတီးရဲ့ Video Room ထဲကို အင်မတန်တက်ကြွနေတဲ့ ပုံစံမျိုးနဲ့ ရောက်လာတယ်။

ပက်နဲ့အတူ စိတ်ကူးအသစ်စက်စက်တစ်ခုလည်း ပါလာတယ်။ စီးတီးကစားသမားတွေကို သူအပြောင်းအလဲလုပ်ချင်တဲ့ နည်းစနစ်ပိုင်းဆိုင်ရာတွေကို အသေးစိတ် ရှင်းပြတယ်။

သူရှင်းပြတဲ့ နည်းစနစ်ပိုင်းတွေက အင်မတန်မှကို ရှုပ်ထွေးလွန်းတယ်။ ဒါပေမဲ့ ပက်က သူ့ရဲ့ အိုင်ဒီယာအသစ်အပေါ် အရမ်းကို ဆန္ဒပြင်းပျနေပြီ။ (၄၅)မိနစ်စာလောက် မမောနိုင်မပန်းနိုင် ရှင်းပြတယ်။

ပက်ရှင်းပြတာကို နားထောင်ပြီးတဲ့နောက် စီးတီးကစားသမားတွေက ကွင်းထဲမှာ ဒီစိတ်ကူးသစ်ကို လက်တွေ့အကောင်အထည်ဖော်ပြီး လေ့ကျင့်ကြည့်ကြတယ်။ ‌(၄၅)မိနစ်လောက်ရှိတော့ ပက်က

" ငါအခုပြောခဲ့တာတွေ အကုန်မေ့လိုက်တော့ကွာ၊ အကုန်လုံးကို မေ့ပစ်လိုက်။ အဲ့ဒါတွေက အဓိပ္ပာယ်မရှိနေဘူး။ တစ်ခုမှ အဆင်မပြေဘူး" လို့ ရုတ်တရက်ထပြောတယ်။

ဒီလိုနဲ့ ကစားသမားတွေက ရပ်ပစ်ပြီး ပုံမှန်လုပ်ရိုးလုပ်စဉ် လေ့ကျင့်ခန်းတွေကိုပဲ ဆက်လုပ်ကြရတော့တယ်။ ဒါပေမဲ့ နောက်တစ်နေ့မနက် ပက်ရောက်လာပြန်တော့လည်း နောက်ထပ်စိတ်ကူးသစ်တစ်ခုနဲ့။ အဲ့ဒီစိတ်ကူးသစ်ကတော့ တကယ့်ကို အဆင်ပြေသွားခဲ့တယ်။ အလုပ်လည်း ဖြစ်သွားခဲ့တယ်။

အဲ့ဒါ ပက်ရဲ့ စတိုင်ပါပဲ။ သူအလုပ်မဖြစ်တော့ဘူးလို့ ထင်လာရင် အဲ့အရာကို ချက်ချင်း အဆုံးသတ်ပစ်လိုက်တယ်။ နောက်ထပ်အသစ်တစ်ခုဆီကို ထပ်ရွေ့တယ်။ လူတွေက သူ့ကို ကမ္ဘာ့အကောင်းဆုံးနည်းပြလို့ သတ်မှတ်ကောင်း သတ်မှတ်ကြပါလိမ့်မယ်။ ဒါပေမဲ့ သူက သူ့ရဲ့အတွေးအခေါ်တွေကို အချိန်ရှိသရွေ့ မေးခွန်းပြန်ထုတ်နေတဲ့ ပုဂ္ဂိုလ်မျိုးပါပဲ။

𝐖𝐞'𝐯𝐞 𝐠𝐨𝐭 𝐏𝐞𝐩 𝐆𝐮𝐚𝐫𝐝𝐢𝐨𝐥𝐚.

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

ပက်ရဲ့ စီးတီးနည်းပြဘဝ ပထမဆုံးနဲ့ နောက်ဆုံးသော ပွဲထွက်လူစာရင်း

ပက်က အသင်းသားတွေ လူစုနေတုန်း စကားတစ်ခွန်း ပြောလိုက်တယ်။

" ဘာနီနဲ့ ဂျွန်က အသင်းကနေ ထွက်တော့မယ်ကွာတဲ့၊ ငါတို့ ဒီနှစ်ယောက်ကို မိုးပေါ် ပစ်တင်လိုက်ကြရအောင် "

စီးတီးကစားသမားတွေလည်း ဘာနာလ်ဒိုနဲ့ စတုန်းစ်ကို ဝိုင်းပစ်တင်ရင်း ဂုဏ်ပြုနှုတ်ဆက်ကြတယ်။ ပြီးတော့ ဒီမြှားဦးက ပက်ဘက်ပါ လှည့်လာရော။

ပက်ကိုပါ တစ်သင်းလုံး မိုးပေါ်ပစ်တင်ရင်း ဂုဏ်ပြုနှုတ်ဆက်ကြပြန်ရောပေါ့။

ကျနော် စီးတီးကို ဘောလုံးအသင်းတစ်သင်းထက် ဆိုတာထက် မိသားစုဝင်တွေလို ခံစားမိလာတာကြာပြီ။
တကယ့်ကို နွေးထွေးပြီး ချစ်စရာကောင်းတဲ့ အသိုက်အမြုံလေးပါပဲဗျာ။ ဒီအသိုက်အမြုံလေးထဲက ဘယ်သူပဲ ထွက်သွားထွက်သွား စိတ်မကောင်းဘူး။ ပက်တို့ ဘာနာလ်ဒိုတို့ စတုန်းစ်တို့ကျ ပိုဆိုးတာပေါ့ဗျာ။

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

ပက်ရဲ့ နှုတ်ခွန်းဆက်စကား.. 💔

အခုလို စကားတွေပြောနေရတာ တော်တော်ခက်ခဲမယ်ထင်တာပဲ ကိုယ့်လူတို့ရာ။

ကျနော်စရောက်တော့ ပထမဆုံးအင်တာဗျူးကို နိုဝဲလ် ကယ်လေဂါနဲ့ လုပ်ဖြစ်ခဲ့တယ်။ နိုဝဲလ်လည်း ဒီမှာ ရှ်ိနေမှာဆိုတော့ အဆင်ပြေသွားမှာပါ၊ ဒီမှာ ပျော်ဖို့ကောင်းလောက်တယ်လို့ တွေးခဲ့မိတယ်။

နောက်တော့ ကြည့်စမ်းပါဦး၊ ကျနော်တို့ ဘယ်လိုအချိန်တွေကို အတူတကွပိုင်ဆိုင်ခွင့်ရခဲ့တာလဲ။

ကျနော် ဘာကြောင့် အခုလို ထွက်သွားတာလဲလို့ လာမမေးကြပါနဲ့ဗျာ။ ထွက်သွားရတဲ့ အကြောင်းအရင်းရယ်လို့ မရှိပါဘူး။ ဒါပေမဲ့ ကျနော့်စိတ်ရဲ့ ဟိုးအတွင်းထဲမှာ ‌အချိန်ကျပြီလို့ ခံစားမိနေတယ်လေ။

ဘယ်အရာမှတော့ ထာဝရမတည်မြဲနိုင်ပါဘူး။ တကယ်လို့ ထာဝရတည်မြဲတဲ့အရာရယ်လို့ ရှိခဲ့မယ်ဆိုရင်လည်း ဒီနေရာမှာပဲ ဖြစ်ပါလိမ့်မယ်။ ခံစားချက်တွေ၊ လူတွေ၊ အမှတ်တရတွေ၊ စီးတီးအပေါ်ထားတဲ့ ကျနော့်အချစ်တွေကတော့ ထာဝရပဲပေါ့ဗျာ။

ဒီမြို့ကြီးကို အလုပ်ကြိုးစားမှုတွေ၊ အစဉ်အဆက် လက်ဆင့်ကမ်းမှုတွေနဲ့ တည်ဆောက်ထားတာဗျ။ ဒီမြို့က အုတ်နံရံရဲ့အရောင်တွေထဲမှာ၊ မနက်စောစောထပြီး ညနက်တဲ့အထိ အလုပ်ကြိုးစားနေကြတဲ့ လူတွေဆီမှာ၊ စက်ရုံအလုပ်ရုံတွေဆီမှာ၊ ပန့်ခရပ်စ်ဆီမှာ (မန်ချက်စတာမြို့၏ ဂန္ထဝင်နိုင်ငံနိုင်ငံရေးသမား ဟောင်းကြီး) ၊ အစုအဖွဲ့လေးတွေဆီမှာ၊ တေးဂီတသံတွေ‌မှာ ဒါကို မြင်နိုင်ကြားနိုင်ပါလိမ့်မယ်။

ပြီးတော့ စက်မှုတော်လှန်ရေးက ကမ္ဘာကို ဘယ်လိုပြောင်းလဲပေးခဲ့လဲဆိုတာ ရိုးရိုးလေး တွေးကြည့်ရုံနဲ့ သိနိုင်ကြမှာပါပဲ။ နောက်တော့ ကျနော်တဖြေးဖြေးချင်း နားလည်လာတယ် ကျနော့်အသင်းကလည်း ဒီအလုပ်ကို လုပ်ခဲ့တာပဲ မဟုတ်လားလို့လေ။ ကျနော်တို့ အလုပ်တွေ လုပ်ကြတယ်၊ ခံစားစရာတွေ ကို ရင်ဆိုင်ဖြတ်သန်းကြတယ်၊ တိုက်ကြခိုက်ကြတယ်၊ ပြီးတော့ တချို့အရာတွေကို လုပ်ပြခဲ့ကြတယ် ကိုယ်ပိုင်နည်းလမ်းနဲ့လေ၊ ကျနော်တို့ရဲ့ ကိုယ်ပိုင်နည်းလမ်းတွေနဲ့ပေါ့ဗျာ။
အလုပ်ကြိုးစားတယ်ဆိုတာကလည်း ပုံစံတွေ အမျိုးမျိုးနဲ့ ရှိနေတတ်တယ်လေ။ ဘုန်းမောက်ဆီသွားတဲ့ ခရီးလမ်းမှာ ကျနော်တို့ ပရီးမီးယားလိဂ်ဖလားကို ဆုံးရှုံးလိုက်ရတယ်၊ အဲ့ဒီမှာ ခင်ဗျားတို့လည်းအတူ ရှိနေခဲ့ကြတာပဲနော်။ အစ္စတန်ဘူလ်ဆီ ချီတက်ကြတဲ့ ခရီးတုန်းကလည်း ခင်ဗျားတို့ အတူရှိနေပေးခဲ့တာပဲဗျာ။

မန်ချက်စတာ‌အရီနာတိုက်ခိုက်မှုကိုရော မှတ်မိကြသေးလား။ ကမ္ဘာကြီးကို ခိုင်မာတဲ့ ခွန်အားဆိုတာ ဘာလဲလို့ ဒီမန်ချက်စတာမြို့ကြီးက ပြသခဲ့တဲ့ အချိန်ပေါ့ဗျာ။ ‌အမျက်ဒေါသတွေ မပါဘူး၊ ကြောက်ရွံ့မှုတွေ မပါဘူး၊ ချစ်ခြင်းမေတ္တာတွေ သီးသန့်နဲ့ပဲ၊ ဒီလူ့အဖွဲ့အစည်းကြီးက အတူတကွ ညီညွတ်စွာပဲ ရှိနေခဲ့ကြတာလေ။ စည်းလုံးညီညွတ်တဲ့ ဒီမြို့ကြီးလေ - A City United ။

ကိုဗစ်ကာလကြီးမှာ ကျနော့်အမေ ဆုံးပါးသွားတာကိုလည်း မှတ်မိနေသေးတယ် ပြီးတော့ အဲ့ဒီအချိန် ဒီအသင်းက ကျနော့်ကို ခွန်အားတွေပေးပြီး ရှေ့ဆက်ခေါ်သွားပေးခဲ့တဲ့ ခံစားချက်ကိုရောပေါ့။ စီးတီးပရိသတ်တွေ၊ စီးတီးဆိုတဲ့ ဒီအသင်းကြီး၊ မန်ချက်စတာဆိုတဲ့ ဒီမြို့ကြီးကလူတွေက ကျနော် အလိုအပ်ဆုံးအချိန်မှာ အားအင်တွေ ဝိုင်းပေးခဲ့ကြတာလေ။
ခရစ်၊ ပြီးတော့ ကျနော့်ကလေးတွေ၊ ကျနော့်မိသားစုနဲ့ ခင်ဗျားတို့တတွေ ကျနော့်အတွက် အမြဲအတူရှိပေးခဲ့ကြတာလေ။ ခါလ်ဒွန်ရေ ခင်ဗျားရောပဲနော် အတူရှိပေးခဲ့တယ်။ ကစားသမားတွေရောပါပဲဗျာ။

ဖြစ်ပျက်ခဲ့သမျှ အဖြစ်အပျက်သေးသေးလေးတွေနဲ့ ကြုံတွေ့ခဲ့ရသမျှ အခိုက်အတန့်လေးတွေ အားလုံးကို မမေ့လိုက်ကြပါနဲ့။ ကျနော်ရယ်၊ ကျနော့်ဝန်ထမ်းတွေနဲ့ ဒီအသင်းက စွမ်းဆောင်ခဲ့သမျှ အရာအားလုံးဟာ ခင်ဗျားတို့ ပရိသတ်တွေ အားလုံးအတွက်ပါပဲ။ ပြီးတော့ ခင်ဗျားတို့က သိပ်ကို ထူးခြားတဲ့ပုဂ္ဂိုလ်တွေပဲဗျာ။ ခင်ဗျားတို့ အခုတော့ မသိလောက်သေးဘူးပေါ့၊ ဒါပေမဲ့ ခင်ဗျားတို့တွေဟာလည်း ဂန္တဝင်ဆန်မှုဆိုတဲ့အရာကြီးကို ချန်ရစ်ထားခဲ့ကြသူတွေပါပဲ။

အခုတော့ ကျနော့်အချိန်တွေလည်း အဆုံးသတ်ဖို့ ဖြစ်လာပြီပေါ့ဗျာ။ ပျော်ပျော်ပဲ နေကြပါဗျာ အိုအေစစ်ဘန်လည်း ပြန်လာနေပြီလေ။

ကဲ.. လူကြီးမင်းတို့ရေ ကျနော့်ကို ယုံကြည်ပေးခဲ့ကြတဲ့အတွက်၊ ကျနော့်ကို တွန်းတင် ပေးခဲ့ကြတဲ့အတွက်၊ ကျနော့်ကို ချစ်ပေးခဲ့ကြတဲ့အတွက် ကျေးဇူးပါဗျာ။

မမေ့နိုင်စရာ တိုနီဝက်ရှ်ရဲ့ ကဗျာတစ်ပုဒ်မှာ သူက ဒီလိုရေးခဲ့ဖူးတယ်။ ဒါဟာ နေရာတစ်ခုပါပဲတဲ့။ စိတ်မကောင်းပါဘူး တိုနီရေ ဒီနေရာဟာ ငါ့မြို့ပြ ငါ့နေရာပါပဲကွာ။

နိုဝဲလ်ရေ ငါ့စကားက မှန်ခဲ့တယ်နော်၊ ဒီမှာ စောက်ရမ်းကို ပျော်ဖို့ကောင်းခဲ့တယ်ကွာ။

အားလုံးကို ချစ်ခင်စွာဖြင့်...

ပက်ဂွာဒီယိုလာ

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

တလောလေးကမှ အဆင့်မြှင့်တင်ပြီး တိုးချဲ့ထားတဲ့ အီတီဟတ်ရဲ့ မြောက်ဘက်ပွဲကြည့်စင်ကို ပက်ဂွာဒီယိုလာပွဲကြည့်စင် - The Pep Guardiola Stand အဖြစ် စီးတီးက ဂုဏ်ပြုသတ်မှတ်သွားမှာပဲ ဖြစ်ပါတယ်။

စီးတီးရဲ့ အီတီဟတ်ကွင်းရှေ့က ဒီပွဲကြည့်စင်တည်ရှိတဲ့ အခြမ်းမှာလည်း ဂွာဒီယိုလာရဲ့ ရုပ်ထုတစ်ခုကို တည်ဆောက်ထားရှိသွားဦးမှာပါ။

ဒါ့အပြင် City Football Group ရဲ့ ကမ္ဘာလုံးဆိုင်ရာအကြံပေးအဖြစ် ပက်ကို ဆက်လက်ခန့်အပ်သွားဦးမှာဖြစ်လို့ စီးတီးကို ကိုယ်စားပြု‌နေဆဲ ပုံရိပ်တစ်ခုအဖြစ် ပက်ကို ကျနော်တို့ ဆက်လက်မြင်တွေ့ခွင့် ရှိနေဦးမှာပါ။

အဆိုးထဲက အကောင်း၊ စိတ်ဆင်းရဲစရာကာလကြီး‌ထဲက စိတ်ချမ်းသာစရာ သတင်းလေးတွေပေါ့ဗျာ။

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

စီးတီးရဲ့ နည်းပြသစ် ဖြစ်လာမယ့် အန်ဇိုမာရက်စ်ကာဟာ ရာသီသစ်အတွက် စီးတီးရဲ့ ကြိုတင်ပြင်ဆင်မှုတွေမှာ ကိုယ်တိုင်ပါဝင် ဆောင်ရွက်နေပါပြီ။

အားကစားဒါရိုက်တာဟူဂိုဗီအဲနာနဲ့အတူ နွေရာသီအပြောင်းအရွှေ့ကိစ္စတွေ၊ ရာသီကြို အစီအစဉ်တွေကို အနီးကပ် လက်တွဲ‌လုပ်ကိုင်နေတာပဲ ဖြစ်ပါတယ်။

ဒါ့အပြင် အန်ဇိုမာရက်စ်ကာဟာ လာမယ့်အပတ်မှာ စီးတီးကစားသမားတွေနဲ့ စတင်တွေ့ဆုံဖို့လဲ စီစဉ်ထားပါတယ်။ ဒီတွေ့ဆုံမှုဟာ မာရက်စ်ကာနဲ့ စီးတီးကစားသမားတွေ ကမ္ဘာ့ဖလားခရီးစဥ်နဲ့ နွေရာသီအားလပ်ရက်ခရီးတွေ မတိုင်ခင်မှာ မိတ်ဆက်ထားဖို့နဲ့ ရာသီကြိုအစီအစဉ်တွေကို ဆွေးနွေးသွားဖို့ဖြစ်ပါတယ်။

စီးတီးကစားသမားတွေနဲ့ ပတ်သက်ပြီး မာရက်စ်ကာဟာ ပက်နဲ့ အသေးစိတ် တိုင်ပင်ဆွေးနွေးသွားဖို့လဲ စီစဉ်ထားပါတယ်။

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

စီတီဇင်အများစုဟာ အန်ဇိုမာရက်စ်ကာကို တချိန်က ပက်ရဲ့ လက်ထောက်နည်းပြတစ်ဦး၊ ချဲလ်ဆီးရဲ့ နည်းပြဟောင်းတစ်ဦးဆိုတဲ့ ရှု့ထောင့်ကနေပဲ မြင်မိကြတာပါ။

စီးတီးဘက်က ရှု့ထောင့်ကတော့ အဲ့ဒီထက် အများကြီး ပိုပါတယ်။ စီးတီးရဲ့ Club Culture ကို သေချာနားလည်တဲ့သူ၊ စီးတီးရဲ့ လူငယ်အကယ်ဒမီကို ကောင်းကောင်းရင်းနှီးတဲ့သူ၊ စီးတီးရဲ့ အမြင့်မားဆုံးဖလားသုံးလုံးအောင်မြင်မှုမှာ ကိုယ်တိုင်ဖြတ်သန်းခဲ့ဖူးသူအဖြစ်နဲ့ပါ။

သိထားကြတဲ့အတိုင်း စီးတီးရဲ့ Treble Season မှာ မာရက်စ်ကာဟာ လက်ထောက်နည်းပြအဖြစ် ရှိနေခဲ့ပါတယ်။ အဲ့ဒီကာလမတိုင်ခင်မှာတော့ စီးတီး ယူ-၂၃ရဲ့ နည်းပြအဖြစ်လည်း တာဝန်ယူခဲ့ဖူးသူပါ။ ကိုးလ်ပါလ်မာ၊ အိုရိုင်လ်လေနဲ့ အော်စကာဘော့ဘ်တို့ဟာ မာရက်စ်ကာရဲ့ လက်ထွက်တွေဆိုလည်း မမှားပါဘူး။ ဒါကြောင့်ပဲ စီးတီးရဲ့အကယ်ဒမီနဲ့ အရင်းနှီးဆုံးပုဂ္ဂိုလ်တွေထဲက တစ်ဦးအဖြစ် စီးတီးဘက်က ရှု့မြင်ချင်းကို ခံရတာပါ။

စီးတီးရဲ့ Treble Season မှာ အတူဖြတ်သန်းခဲ့ဖူးသူလည်းဖြစ်လို့ ဖိအားအများဆုံး အခိုက်အတန့်တွေကို ပက်နဲ့ စီးတီး ဘယ်လိုဖြတ်သန်းခဲ့သလဲဆိုတာ ကိုယ်တိုင်မျက်ဝါးထင်ထင် မြင်တွေ့ခဲ့ရသူဆိုလည်း မမှားပါဘူး။ ဒါကြောင့် တောင်းဆိုမှုများတဲ့ စီးတီးရဲ့ Elite Environment က ဖိအားတွေအောက်မှာ အလုပ်ကောင်းကောင်းလုပ်နိုင်မယ်လို့ ယူဆရပါတယ်။

စီးတီးရဲ့ Culture ကို သေချာနားလည်တဲ့သူဆိုတဲ့ ရှု့ထောင့်ကနေ တည်ပြီး စဉ်းစားတဲ့အခါမှာလည်း အာဆင်နယ်ရဲ့ နည်းပြအာတီတာနဲ့ ဘိုင်ယန်နည်းပြ ကွန်ပနီတို့ကလွဲရင် အန်ဇိုမာရက်စ်ကာဟာ တခြားဘယ်ထိပ်တန်းအဆင့်နည်းပြတွေထက်မဆို ခေါင်းတစ်လုံး ပိုမြင့်တဲ့သူ ဖြစ်ပါတယ်။

အာဆင်နယ်နဲ့ အာတီတာနဲ့ သံယောဇဉ်က ပိုပိုပြီးနက်ရှိုင်းလာတဲ့အချိန်၊ ကွန်ပနီက ဂျာမန်မြေမှာ တည်ဆောက်နေဆဲကာလဆိုတဲ့ အခုလိုအချိန်မျိုးမှာတော့ မာရက်စ်ကာဟာ ဒီကဏ္ဍမှာ ဘယ်နည်းပြထက်မဆို စီးတီးရဲ့ မျက်စိကျခြင်းကို ခံရတော့တာပဲဖြစ်ပါတယ်။

တချို့က မာရက်စ်ကာကို ချဲလ်ဆီးကနေ ထုတ်ပယ်ခံလိုက်ရတဲ့ နည်းပြတစ်ဦးအဖြစ်နဲ့ နှာခေါင်းရှုံကြပါတယ်။ ဒါပေမဲ့ ဒီဖြစ်ရပ်ရဲ့ အတွင်းဘက်မှာ ပိုပြီး ရှုပ်ထွေးတဲ့ ကိစ္စတွေ ရှိနေခဲ့သေးတာကိုတော့ လူသိနည်းပါတယ်။ တကယ်တော့ ရလဒ်တွေကြောင့် ထုတ်ပယ်ခံလိုက်ရတာထက် နည်းပြရဲ့ လုပ်ပိုင်ခွင့်နဲ့ ဘုတ်အဖွဲ့ရဲ့ ထိန်းချုပ်မှုအာဏာ ဒီနှစ်ခု ထိပ်တိုက်တွေ့ခဲ့တဲ့ နောက်ဆက်တွဲရလဒ်ဟာ မာရက်စ်ကာရဲ့ ချဲလ်ဆီးနည်းပြဘဝ ကတ္တီပါလမ်းခွဲကို ဖြစ်တည်လာစေခဲ့တာပါပဲ။

ကမ္ဘာ့ကလပ်ချန်ပီယံနည်းပြဖြစ်လာတဲ့နောက် နည်းပြချုပ်ထက်ပိုတဲ့ လုပ်ပိုင်ခွင့်ကို မာရက်စ်ကာဘက်က တောင့်တလာခဲ့သလို၊ ချဲလ်ဆီးရဲ့ ဘုတ်အဖွဲ့က ကစားသမားတွေရဲ့ ပွဲကစားချိန်မိနစ်ကအစ ထိန်းချုပ်ထားချင်ခဲ့တာဟာ ကန့်လန့်ကာနောက်ကွယ်က အဓိကအကြောင်းရင်းတွေ ဖြစ်ပါတယ်။

ဒီလိုလုပ်ပိုင်ခွင့် ကန့်သတ်ချက်တွေကြားထဲကနေ ပီအက်စ်ဂျီကို ကျော်ဖြတ်ပြီး လူငယ်တွေ အများစုနဲ့ ချဲလ်ဆီးကို ကလပ်ကမ္ဘာ့ဖလားယူပေးခဲ့တာ၊ ပရီးမီးယားလိဂ်လို ပြိုင်ပွဲမှာ ချန်ပီယံလိဂ်ဝင်ခွင့် ယူပေးခဲ့တာတွေက သူ့အရည်အချင်းရဲ့ ပြယုဂ်တွေပါပဲ။ ဒီအကြောင်းတွေကို ရာသီအစမှာ ပက်ကိုယ်တိုင်လည်း ထုတ်ဖော်ချီးကျူးခဲ့ဖူးပါတယ်။

ဒါ့အပြင် ပက်လိုပဲ အသေးစိတ်တွေကအစ စေ့စေ့စပ်စပ် တိတိကျကျ အလုပ်လုပ်တတ်တဲ့သူဖြစ်ပါတယ်။ ပက်နည်းတူ ဘောလုံးကို ရူးသွပ်တဲ့ပုဂ္ဂိုလ်တွေထဲက တစ်ဦးဆိုလည်း မမှားပါဘူး။

ကစားသမားဘဝကနေ အနားယူပြီး နည်းပြဘဝကို ကူးပြောင်းလာစအချိန်မှာ ယာဂန်ကလော့ဂ့်ရဲ့ လီဗာပူးလ်အသင်း တစ်ရာသီစာ ကစားခဲ့တဲ့ (၃၈)ပွဲအထိကို တစ်ပတ်ထဲနဲ့ ထိုင်ကြည့်ခဲ့သူမျိုးပါ။ ကလော့ဂ်ရဲ့ အသင်း ဘယ်လိုအလုပ်လုပ်သလဲဆိုတာ လေ့လာဖို့နဲ့ အသေးစိတ်ခွဲခြမ်းစိတ်ဖြာဖို့ ဒီလိုကြည့်ခဲ့တာလို့ မာရက်စ်ကာကိုယ်တိုင် ဖောက်သည်ချခဲ့ဖူးတာဖြစ်ပါတယ်။

ချဲလ်ဆီးနည်းပြဘဝ ပွဲကြိုပြင်ဆင်မှုတွေအတွက် မာရက်စ်ကာရဲ့ ပြိုင်ဘက်တွေအပေါ်လေ့လာမှုကလည်း နာမည်ကြီးပါတယ်။ ရင်ဆိုင်ရမယ့် ပြိုင်ဘက်နောက်ဆုံးကစားခဲ့တဲ့ ပွဲစဉ်(၈)ပွဲစာလောက်ကို ပြန်ကြည့်တတ်သူမျိုးဖြစ်ပါတယ်။

စီးတီးရဲ့ အားကစားဒါရိုက်တာဟောင်း ဆီကီဘီဂီရိစတိန်းကိုယ်တိုင်ကလည်း လွန်ခဲ့တဲ့ခြောက်နှစ်လောက်ကထဲက မာရက်စ်ကာဟာ ပက်ရဲ့ ဆက်ခံသူဖြစ်လာနိုင်တယ်လို့ ယူဆဖူးသူ ဖြစ်ပါတယ်။ စီးတီးကို အခုလို အဆင့်အတန်းမျိုး ရောက်လာအောင် နောက်ကွယ်ကနေ ကြိုးကိုင်ခဲ့တဲ့ ဆီကီတစ်‌ယောက် မာရက်စ်ကာဆီမှာ ကျနော်တို့ မမြင်နိုင်တဲ့ ဘယ်လိုအရည်အသွေးတွေကို ကြိုမြင်ခဲ့တာလဲဆိုတာကတော့ စိတ်ဝင်စားစရာပါပဲ...။

Reference: The Athletic

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

အဂွယ်ရို ထွက်တော့ ပက်ပြောတဲ့ စကားတစ်ခွန်းကို အခုထိ မှတ်မိနေတုန်းပဲ။

ငါတို့ သူ့နေရာကို ဘယ်လိုမှ အစားထိုးလို့ မရဘူးတဲ့၊ မရနိုင်ဘူးကွာတဲ့။

အခုတော့ ဒီစကားက ပက်အတွက် စီးတီးဖန်တွေ ပြောရမယ့် စကားဖြစ်လာခဲ့ပြီပေါ့ 💔