Mr. Chelsea - Myanmar

Mr. Chelsea - Myanmar ချဲလ်ဆီးအ​ကြောင်း ရင်တွင်း​ဆောင်းပါးများ

‎'အဆိုးထဲက အကောင်း ဂျာအိုပက်ဒရို'‎‎ဒူးဒဏ်ရာကြောင့် ဘရာဇီးလ်လက်ရွေးစင်အသင်း လူစာရင်းကနေ ဂျာအိုပက်ဒရိုနုတ်ထွက်သွားတာဟာ ချဲ...
17/09/2026

‎'အဆိုးထဲက အကောင်း ဂျာအိုပက်ဒရို'
‎
‎ဒူးဒဏ်ရာကြောင့် ဘရာဇီးလ်လက်ရွေးစင်အသင်း လူစာရင်းကနေ ဂျာအိုပက်ဒရိုနုတ်ထွက်သွားတာဟာ ချဲလ်ဆီးအတွက်လည်း ထိုးနှက်ချက်ပါ။
‎
‎အကြောင်းရင်းကတော့ ဘရာဇီးလ်တိုက်စစ်မှူးဟာ စနေနေ့မနက်မှာယှဉ်ပြိင်ကစားရမယ့် ဘရန့်ဖို့ဒ်နဲ့ပွဲစဉ်ကို လွဲချော်တော့မှာမို့လို့ပဲ။ တစ်ဘက်မှာ အကောင်းဘက်ကပြန်တွေးကြည့်ရင် နိုင်ငံတကာပွဲစဉ်ကာလ (၃)ပတ်ကြာဖြတ်သန်းရမှာမို့ သူ့အတွက်အနားယူချိန် အကြာကြီးရရှိတော့မှာပါ။
‎
‎ဂျာအိုပက်ဒရိုဟာ ဟားလ်စီးတီးနဲ့ပွဲစဉ်မှာ အမြင့်ဘောခေါင်းတိုက်ယှဉ်လုရင်း လဲကျသွားတဲ့နောက် အခုလိုဒဏ်ရာရရှိသွားတာပါ။ သူဟာကွင်းထဲမှာဆက်ရှိနေပြီး ဂိုးသွင်းယူနိုင်ခဲ့ပေမယ့် နာကျင်မှုဆက်လက်ခံစားနေရတာကြောင့် ဆေးစစ်မှုခံယူခဲ့ရတယ်။
‎
‎ဘာပဲပြောပြော ဘရန့်ဖို့ဒ်ပွဲစဉ်ပြီးရင် ကြားထဲမှာ(၃)ပတ်ခြားသွားတာက သူနဲ့ချဲလ်ဆီးအတွက် ခပ်ကောင်းကောင်းပါ။ နိုင်ငံတကာပွဲစဉ်ကာလ ပြီးဆုံးသွားတဲ့အခါ သူအပြည့်အဝပြန်လည်သက်သာလာပြီး ချဲလ်ဆီးထံရာနှုန်းပြည့်ကြံ့ခိုင်မှုနဲ့ ပြန်လာနိုင်လိမ့်မယ်လို့ မျှော်လင့်ထားပါတယ်။
‎
‎Photo crd
‎
‎Mr Chelsea Myanmar

‎'ရွေးချယ်မှု မှားယွင်းခဲ့တဲ့ ဆန်းတို့စ်'‎‎ချဲလ်ဆီးကနေ အန်ဒရေဆန်းတို့စ်တစ်ယောက် ထွက်ခွာခဲ့ရတဲ့အကြောင်းရင်းမှာ ပုံမှန်ပွဲ...
17/09/2026

‎'ရွေးချယ်မှု မှားယွင်းခဲ့တဲ့ ဆန်းတို့စ်'
‎
‎ချဲလ်ဆီးကနေ အန်ဒရေဆန်းတို့စ်တစ်ယောက် ထွက်ခွာခဲ့ရတဲ့အကြောင်းရင်းမှာ ပုံမှန်ပွဲထွက်ခွင့်ရရှိချင်လို့ပါ။
‎
‎ဆန်းတို့စ်ဟာ ယူနိုက်တက်မှာကစားခဲ့တဲ့ နိုင်ငံတူဘရာဇီးလ်ကွင်းလယ်လူ ကတ်စမဲရိုးကို သူ့ရဲ့ idol အဖြစ်သတ်မှတ်ပြီး ကတ်စီလိုဖြစ်ချင်ကြောင်း ထုတ်ပြောဖူးရာ လက်ရှိအချိန်မှာတော့ မှန်းချက်နဲ့နှမ်းထွက် မကိုက်ညီရှာပါဘူး။
‎
‎သူဟာပရီးမီးယားလိဂ်မှာ ပွဲထွက်ခွင့်ပျောက်ဆုံးနေပြီး ဖလားပွဲစဉ်တွေမှာသာ နေရာရနေတာပါ။ ဒါပေမယ့်လည်း မန်ချက်စတာယူနိုက်တက် လိဂ်ဖလားပြိုင်ပွဲကနေ ထွက်ခွာလိုက်ရတဲ့နောက် သူ့ရဲ့ပွဲကစားချိန်တွေ အကန့်အသတ်ပိုဖြစ်လာပါတော့မယ်။
‎
‎စဉ်းစားကြည့်ရင် သူ့အတွက်နှမြောဖို့အရမ်းကောင်းတာက အပြာရောင်ကလပ်မှာသာဆက်နေဖြစ်ခဲ့ရင် မွိုက်ဆက်စ်ကိုင်စီဒို၊ ဂျော်ဒန်ဟန်ဒါဆန်တို့ ဒဏ်ရာကိုယ်စီရနေချိန် ချဲလ်ဆီးရဲ့ပွဲထွက်ကစားသမားအဖြစ် အမြဲတမ်းနေရာရပြီး သူ့ရဲ့အရည်အသွေးကို သက်သေပြခွင့်ရရှိနေမှာပါ။
‎'ရွေးချယ်မှု မှားယွင်းခဲ့တဲ့ ဆန်းတို့စ်'
‎
‎ချဲလ်ဆီးကနေ အန်ဒရေဆန်းတို့စ်တစ်ယောက် ထွက်ခွာခဲ့ရတဲ့အကြောင်းရင်းမှာ ပုံမှန်ပွဲထွက်ခွင့်ရရှိချင်လို့ပါ။
‎
‎ဆန်းတို့စ်ဟာ ယူနိုက်တက်မှာကစားခဲ့တဲ့ နိုင်ငံတူဘရာဇီးလ်ကွင်းလယ်လူ ကတ်စမဲရိုးကို သူ့ရဲ့ idol အဖြစ်သတ်မှတ်ပြီး ကတ်စီလိုဖြစ်ချင်ကြောင်း ထုတ်ပြောဖူးရာ လက်ရှိအချိန်မှာတော့ မှန်းချက်နဲ့နှမ်းထွက် မကိုက်ညီရှာပါဘူး။
‎
‎သူဟာပရီးမီးယားလိဂ်မှာ ပွဲထွက်ခွင့်ပျောက်ဆုံးနေပြီး ဖလားပွဲစဉ်တွေမှာသာ နေရာရနေတာပါ။ ဒါပေမယ့်လည်း မန်ချက်စတာယူနိုက်တက် လိဂ်ဖလားပြိုင်ပွဲကနေ ထွက်ခွာလိုက်ရတဲ့နောက် သူ့ရဲ့ပွဲကစားချိန်တွေ အကန့်အသတ်ပိုဖြစ်လာပါတော့မယ်။
‎
‎စဉ်းစားကြည့်ရင် သူ့အတွက်နှမြောဖို့အရမ်းကောင်းတာက အပြာရောင်ကလပ်မှာသာဆက်နေဖြစ်ခဲ့ပါက မွိုက်ဆက်စ်ကိုင်စီဒို၊ ဂျော်ဒန်ဟန်ဒါဆန်တို့ ဒဏ်ရာကိုယ်စီရနေချိန် ချဲလ်ဆီးရဲ့ပွဲထွက်ကစားသမားအဖြစ် အမြဲတမ်းနေရာရပြီး သူ့ရဲ့အရည်အသွေးကို သက်သေပြနိုင်မှာပါ။
‎
‎Photo crd
‎
‎Mr Chelsea Myanmar

‎'ထွက်သွားသူရဲ့တန်ဖိုး ဘေးဒုက္ခကြုံမှ နားလည်'‎‎ဖိုဖာနာ၊ ဟာတို၊ ဂူစတိုတို့ ချဲလ်ဆီးမှာဆက်ရှိနေပြီး ချာလိုဘာထွက်သွားရတဲ့အဖ...
16/09/2026

‎'ထွက်သွားသူရဲ့တန်ဖိုး ဘေးဒုက္ခကြုံမှ နားလည်'
‎
‎ဖိုဖာနာ၊ ဟာတို၊ ဂူစတိုတို့ ချဲလ်ဆီးမှာဆက်ရှိနေပြီး ချာလိုဘာထွက်သွားရတဲ့အဖြစ်ဟာ မတရားပါဘူး။
‎
‎ကံဆိုးတာက ချာလိုဘာဟာ ချဲလ်ဆီးအကယ်ဒမီထွက်တစ်ယောက်ဖြစ်နေတဲ့အတွက် 'Academy Player Syndrome' ကို ခံစားခဲ့ရတာပါ။ အဲဒါကတော့ နည်းပြအဆက်ဆက်ဟာ သူ့ကိုထိပ်တန်းခံစစ်မှူးအဖြစ် မယုံကြည်ပေးနိုင်ဘဲ အထင်သေးခဲ့တာပါ။
‎
‎ဒါကြောင့်ပဲ အပြာရောင်နည်းပြတွေဟာ သူ့ကိုချောင်ထိုးပြီး ရှာဘီအလွန်ဆိုလက်ထက်လည်းရောက်ရော ကိုမိုထံ အပြီးသတ်ရော-င်းချခံရတော့တာပဲ။ ဒီနေရာမှာ ကျွန်တော့်ရဲ့ဆောင်းပါးက ချာလိုဘာဟာ ချဲလ်ဆီးအဆင့်ခံစစ်မှူးတစ်ယောက်ဖြစ်တယ်လို့ အပြည့်အဝထောက်ခံပြီး ပြောချင်တာမဟုတ်ပါဘူး။
‎
‎ဒါပေမယ့်လည်း လက်ရှိချဲလ်ဆီးမှာ သူ့ထက်သာတဲ့ဗဟိုခံစစ်မှူးဆိုလို့ လခွားတစ်ယောက်တည်းသာရှိနေပြီး ဖိုဖာနာ၊ ကိုဝဲလ်၊ အခီယမ်ပေါင်၊ အန်ဆယ်မီနို၊ ဟာတိုတို့ဟာ သူနဲ့ယှဉ်လိုက်ရင် အရည်အသွေးပိုင်း အဝေးကြီးပြတ်ကျန်ခဲ့ပါပြီ။
‎
‎ချာလိုဘာဟာ ကိုမိုရောက်ပြီးနောက်ပိုင်း အီတလီကလပ်ရဲ့ အဓိကခံစစ်ကျောက်ဆောင်ဖြစ်လာရာ လက်ရှိချဲလ်ဆီးရဲ့ ဝါးအစည်းပြေနေတဲ့နောက်တန်းကိုကြည့်ရှုရင်း ချာလိုဘာကို နှမြောတသလို့မဆုံးနိုင်ပါဘူး။
‎
‎Photo crd
‎
‎Mr Chelsea Myanmar

‎'ချဲလ်ဆီးမှာ ဂျွန်တယ်ရီကို လိုအပ်နေတဲ့အကြောင်းရင်း'‎‎မော်ဒန်ဘောလုံးလောကမှာ တိုက်စစ်အားသန်နည်းပြတွေဟာ ခံစစ်အားပြုနည်းပြတ...
16/09/2026

‎'ချဲလ်ဆီးမှာ ဂျွန်တယ်ရီကို လိုအပ်နေတဲ့အကြောင်းရင်း'
‎
‎မော်ဒန်ဘောလုံးလောကမှာ တိုက်စစ်အားသန်နည်းပြတွေဟာ ခံစစ်အားပြုနည်းပြတွေထက် ပိုမိုလူသိများထင်ရှားပါတယ်။
‎
‎တစ်ဘက်မှာ အသင်းရဲ့ခံစစ်ပိုင်းတိုးတက်လာစေဖို့ နည်းဗျူဟာချမှတ်ရာမှာ ကစားသမားဘဝတုန်းက နောက်ခံလူအနေနဲ့ကျင်လည်ဖူးသူတွေကို မဖြစ်မနေလိုအပ်ပါတယ်။ ဥပမာအားဖြင့် လက်ရှိပရီးမီးယားလိဂ်ချန်ပီယံ အာဆင်နယ်ကိုပဲကြည့်လိုက်ပါ။
‎
‎သူတို့ရဲ့နည်းပြကြီး မီခေးလ်အာတီတာဟာ ကစားသမားဘဝတုန်းက ကွင်းလယ်လူအဖြစ်ဖြတ်သန်းခဲ့သူဆိုပေမယ့် ဂန်းနားတွေရဲ့ခံစစ်ကြောင်း ပရီးမီးယားလိဂ်မှာအကောင်းဆုံးအနေနဲ့ ရပ်တည်နေရတာဟာ နည်းပြအဖွဲ့ဝင် ဂါဘရီယယ်ဟိန့်ဇီကြောင့်ပါပဲ။
‎
‎အာတီတာဟာ ဗဟိုခံစစ်မှူးတွေကို ကောင်းကောင်းမညွှန်ကြားနိုင်ပေမယ့် နောက်ခံလူဖြစ်ဖူးတဲ့ဟိန့်ဇီက အဆိုပါယိုပေါက်ကို ပြင်ဆင်ဖာထေးပေးနေပါတယ်။ ဒါကြောင့်မို့ ချဲလ်ဆီးဟာလည်း ဒီအကြံကောင်းကို နမူနာယူသင့်ပါတယ်။
‎
‎ရှာဘီအလွန်ဆိုရဲ့အပြာရောင်တွေ ပေးဂိုးများပြားလွန်းတဲ့အခြေအနေမှာ အသင်းရဲ့ကပ္ပတိန်ဟောင်းနဲ့ ဗဟိုခံစစ်မှူးဟောင်း ဂျွန်တယ်ရီကို နည်းပြအဖွဲ့ထဲ ခန့်အပ်လိုက်မယ်ဆိုရင် လက်ရှိကြုံတွေ့နေရတဲ့ပြဿနာတွေ အထိုက်အလျောက်ပြေလည်သွားပါလိမ့်မယ်။
‎
‎Photo crd
‎
‎Mr Chelsea Myanmar

‎'ချဲလ်ဆီးအပေါ် ကျေနပ်မိတဲ့ အချက်တစ်ချက်'‎‎မနေ့ညက လိဒ်စ်ယူနိုက်တက်နဲ့ နယူးကာဆယ်ပွဲစဉ်ကိုကြည့်ရှုရင်း ချဲလ်ဆီးတိုက်စစ်အပေ...
15/09/2026

‎'ချဲလ်ဆီးအပေါ် ကျေနပ်မိတဲ့ အချက်တစ်ချက်'
‎
‎မနေ့ညက လိဒ်စ်ယူနိုက်တက်နဲ့ နယူးကာဆယ်ပွဲစဉ်ကိုကြည့်ရှုရင်း ချဲလ်ဆီးတိုက်စစ်အပေါ် အံ့ဩချီးကျူးမိပါတယ်။
‎
‎ပြီးခဲ့တဲ့(၅)ရက်တုန်းက အပြာရောင်ကလပ်ဟာ လိဒ်စ်ကို ၆-၃ နဲ့ဂိုးပြတ်အနိုင်ရရှိခဲ့တာပါ။ အဲတုန်းက (၃)ဂိုးခွင့်ပြုရလို့ဆိုပြီး ချဲလ်ဆီးရဲ့ခံစစ်အပေါ် ပရိသတ်တွေဝေဖန်ပြစ်တင်ခဲ့ကြပေမယ့် (၆)ဂိုးသွင်းယူခဲ့တဲ့တိုက်စစ်ပိုင်းကို တခုတ်တရအသိအမှတ်မပြုမိကြဘူး။
‎
‎လက်ရှိချိန်မှာ လိဒ်စ်ကနယူးကာဆယ်ကို ၄-၁ နဲ့အနိုင်ရရှိသွားရာ အဲလိုအသင်းမျိုးကို (၆)ဂိုးအထိရရှိအောင်စွမ်းဆောင်နိုင်ခဲ့သူ ကိုးလ်ပါးမား၊ ဒန်နီဝဲလ်ဘတ်၊ မော်ဂန်ရော်ဂျာစ်တို့ရဲ့အရည်အသွေးကို ပါးစပ်အဟောင်းသားဖြစ်မိတယ်။
‎
‎တစ်ဘက်မှာ အဲပွဲစဉ်အတွင်း ပေးဂိုး(၃)ဂိုးနဲ့အတူ ပွဲတိုင်း(၂)ဂိုးနဲ့အထက်ခွင့်ပြုနေရတဲ့ ခံစစ်ပိုင်းပြဿနာကိုတော့ အလွန်ဆိုနဲ့ကစားသမားတွေ အလျင်အမြန်ဖြေရှင်းနိုင်ဖို့ အရေးကြီးပါတယ်။
‎
‎Photo crd
‎
‎Mr Chelsea Myanmar

‎'အရင်တုန်းကနဲ့ မတူတော့တဲ့ လာဗီယာ'‎‎ပြီးခဲ့တဲ့မတ်လမှာ ဒဏ်ရာကနေပြန်လာတဲ့ ရိုမီယိုလာဗီယာဟာ အရင်တုန်းကလာဗီယာနဲ့ အများကြီးခြ...
15/09/2026

‎'အရင်တုန်းကနဲ့ မတူတော့တဲ့ လာဗီယာ'
‎
‎ပြီးခဲ့တဲ့မတ်လမှာ ဒဏ်ရာကနေပြန်လာတဲ့ ရိုမီယိုလာဗီယာဟာ အရင်တုန်းကလာဗီယာနဲ့ အများကြီးခြားနားသွားပါပြီ။
‎
‎ဘယ်ဂျီယံကွင်းလယ်ကြယ်ပွင့်ဟာ ကွင်းထဲဝင်ရောက်အသုံးတော်ခံချိန်တိုင်း ထိပ်တန်းအဆင့်ခြေစွမ်းတွေပြသနိုင်ပေမယ့် ဒဏ်ရာပြဿနာမကြာခဏကြုံတွေ့တတ်တာကြောင့် ချဲလ်ဆီးကစားသမားဘဝတစ်လျှောက် မိနစ်(၉၀)ပြည့်မကစားဖူး‌သေးသူအဖြစ် လူသိများခဲ့တာပါ။
‎
‎လက်ရှိအချိန်မှာတော့ လာဗီယာဟာ ဒဏ်ရာတွေအလွယ်တကူမရတော့ပါဘူး။ တစ်ဘက်မှာသူဟာ အလွန်အမင်းနှေးကွေးလေးလံလာပြီး အတိတ်မှာတုန်းကလို အားထုတ်ကစားမှုတွေ မတွေ့ရတော့ပါဘူး။ အကျိုးဆက်အနေနဲ့ ချဲလ်ဆီးကွင်းလယ်ဟာ ခံစစ်ကိုအကာအကွယ်မပေးနိုင်တော့ဘဲ ပေးဂိုးတွေများပြားလာပါတော့တယ်။
‎
‎ဒါကြောင့်မို့ လာဗီယာအနေနဲ့ ကြံ့ခိုင်မှုဆက်ထိန်းနိုင်ဖို့အပြင် ပုံစံကောင်းပြန်လည်ရရှိဖို့လိုအပ်နေပြီး အဲလိုမလုပ်နိုင်ဘူးဆိုရင်တော့ ဒီရာသီဟာ သူ့ရဲ့ချဲလ်ဆီးကစားသမားဘဝ နောက်ဆုံးရာသီဖြစ်သွားနိုင်ပါတယ်။
‎
‎Photo crd
‎
‎Mr Chelsea Myanmar

‎'အလွန်‌ဆိုအပေါ် အပြစ်မတင်သင့်တဲ့ ကွင်းလယ်ပြဿနာ'‎‎ရိစ်ဂျိမ်းစ်၊ ဂူစတိုတို့ကို ကွင်းလယ်မှာအသုံးပြုနေတဲ့ ရှာဘီအလွန်ဆိုရဲ့န...
14/09/2026

‎'အလွန်‌ဆိုအပေါ် အပြစ်မတင်သင့်တဲ့ ကွင်းလယ်ပြဿနာ'
‎
‎ရိစ်ဂျိမ်းစ်၊ ဂူစတိုတို့ကို ကွင်းလယ်မှာအသုံးပြုနေတဲ့ ရှာဘီအလွန်ဆိုရဲ့နည်းဗျူဟာအပေါ် ချဲလ်ဆီးပရိသတ်တော်တော်များများက ဝေဖန်နေကြပါတယ်။
‎
‎တစ်ဘက်မှာသေချာစဉ်းစားကြည့်ရင် လက်ရှိကွင်းလယ် duo မှာ အသုံးတော်ခံနိုင်သူတွေဆိုလို့လည်း သူတို့(၃)ယောက်တည်းသာရှိနေတာပါ။ အားလုံးသိတဲ့အတိုင်း ဟန်ဒါဆန်၊ ကိုင်စီဒိုတို့ဟာ ဆေးရုံကနေမဆင်းရသေးပါဘူး။။
‎
‎ဒါကြောင့်မို့ ဂျိမ်းစ်နဲ့လာဗီယာတို့ကို ပင်တိုင်ကွင်းလယ်အတွဲအဖြစ် အလွန်ဆိုသုံးနေရတဲ့အခါ သူတို့နှစ်ဦးရဲ့ကြံ့ခိုင်မှုအခြေအနေအရ နောက်ပွဲအတွက်သက်လုံချန်ဖို့ ပွဲစဉ်တိုင်းတစ်ယောက်ယောက်ကို လူစားလဲလှယ်ရဖို့ဖြစ်လာတယ်။
‎
‎ဒါကြောင့်ပဲ ဂူစတိုကိုပါ ကွင်းလယ်လူအဖြစ် မြင်တွေ့လာရတာပါ။ ဟားလ်စီးတီးနဲ့ပွဲစဉ်မှာဆိုရင် ဗယ်လန်တင်းဘာကိုလူစားဝင်လာတာနဲ့ ပြိုင်ဘက်ကစားသမားတွေဟာ သူ့ရဲ့လူကောင်သေ:ညှ-က်မှုအပေါ် အနိုင်ကျင့်ဖို့ကြိုးစားတော့တာပဲ။
‎
‎ချဲလ်ဆီးဟာ အန်ဇိုဖာနန်ဒက်ဇ်နေရာ အစားမထိုးနိုင်ခဲ့ခြင်းအပြစ် လက်ငင်းခံစားနေရပြီး ဟန်ဒါဆန်နဲ့ကိုင်စီဒိုတို့ ဒဏ်ရာကနေပြန်လည်သက်သာမှသာ အခုကြုံနေရတဲ့ကွင်းလယ်ပြဿနာ အထိုက်‌အလျောက်အဆင်ပြေသွားမှာပါ။
‎
‎ဆိုတော့ ကွင်းလယ်ကခံစစ်ကို cover လုပ်မပေးနိုင်လို့၊ full-back တွေ ကွင်းလယ်လူအဖြစ် ကစားနေရတာလို့ စတဲ့ complain တွေဟာ အလွန်ဆိုခေါင်းမာခြင်းထက် ချဲလ်ဆီးဘုတ်အဖွဲ့ရဲ့ ကြိုတင်ပြင်ဆင်မှုအားနည်းခြင်းနဲ့ အများကြီးသက်ဆိုင်ပါတယ်။
‎
‎Photo crd
‎
‎Mr Chelsea Myanmar

‎'အလွန်ဆိုနဲ့ ပရီးမီးယားလိဂ်ဖလား ဆွတ်ခူးနိုင်မှာလား'‎‎ဒီရာသီမှာ ရှာဘီအလွန်ဆိုနဲ့အတူ ပရီးမီးယားလိဂ်ဖလားဆွတ်ခူးနိုင်ခွင့် ...
14/09/2026

‎'အလွန်ဆိုနဲ့ ပရီးမီးယားလိဂ်ဖလား ဆွတ်ခူးနိုင်မှာလား'
‎
‎ဒီရာသီမှာ ရှာဘီအလွန်ဆိုနဲ့အတူ ပရီးမီးယားလိဂ်ဖလားဆွတ်ခူးနိုင်ခွင့် မမျှော်လင့်မီ ချဲလ်ဆီးပရိသတ်တွေအနေနဲ့ စပိန်သားနည်းပြကြီး လေဗာကူဆင်မှာဖြစ်ပျက်ခဲ့တာတွေကို ပြန်လည်ဆန်းစစ်လေ့လာသင့်ပါတယ်။
‎
‎၂၀၂၂-၂၃ မှာ လေဗာကူဆင်နည်းပြသစ်ဖြစ်လာတော့ အလွန်ဆိုရဲ့ပထမဆုံး(၆)ပွဲဟာ (၁)ပွဲနိုင် (၂)ပွဲသရေ (၃)ပွဲရှုံး ရဂိုး(၉)ဂိုး ပေးဂိုး(၁၄)ဂိုးပါ။ ချဲလ်ဆီးနည်းပြဘဝ ပထမဆုံး(၆)ပွဲမှာတော့ (၄)ပွဲနိုင် (၁)ပွဲသရေ (၁)ပွဲရှုံးရလဒ်ပိုင်ဆိုင်ပြီး ရဂိုး(၁၈)ဂိုးသွင်းယူကာ ပေးဂိုး(၁၂)ဂိုးခွင့်ပြုခဲ့ရတယ်။
‎
‎ဒါကြောင့်မို့ အပြာရောင်ပရိသတ်တွေ အလွန်ဆိုနဲ့ပတ်သက်ပြီး နားလည်ထားသင့်တာက ပထမရာသီမှာ အရာအားလုံးက ပြီးပြည့်စုံစွာရှောရှောရှူရှူဖြစ်နေဦးမှာ မဟုတ်ဘူးဆိုတာပါပဲ။ အလွန်ဆိုဟာ ရောက်ရောက်ချင်းမှာ အသင်းကိုတည်ဆောက်ရတယ်။
‎
‎ပြဿနာတွေကို အဖြေရှာပြီးဖြေရှင်းရတယ်။ အမှားတွေ၊ ခြေချော်မှုတွေ၊ စိတ်ပျက်မှုတွေကြား သူ့ရဲ့အတွေးအခေါ်ကိုတည်ဆောက်ရတယ်။ ဒါကြောင့်လက်ရှိအချိန်မှာ ချဲလ်ဆီးခံစစ်ကြောင်း ပေးဂိုးဒလဟောခွင့်ပြုနေရပေမယ့် fan တွေဟာ စိတ်ရှည်ရမယ်။
‎
‎နည်းပြဟာအချိန်တန်တာနဲ့ အသင်းကိုလမ်းကြောင်းမှန်ပေါ် ဆွဲတင်ပေးနိုင်လိမ့်မယ်လို့ယုံကြည်ထားပြီး ဒီရာသီမှာတော့ ပရီးမီးယားလိဂ်ချန်ပီယံအိပ်မက်ကို ခဏမေ့ထားသင့်ပါတယ်။
‎
‎Photo crd
‎
‎Mr Chelsea Myanmar

‎'ပါးမားကို နေရာမှန်အသုံးချသင့်တဲ့ အလွန်ဆို'‎‎အာဆင်နယ်နဲ့ပွဲစဉ်ကနေစတင်ပြီး ကိုးလ်ပါးမားဘယ်လိုအသုံးချခံနေရသလဲ မိတ်ဆွေတို့...
13/09/2026

‎'ပါးမားကို နေရာမှန်အသုံးချသင့်တဲ့ အလွန်ဆို'
‎
‎အာဆင်နယ်နဲ့ပွဲစဉ်ကနေစတင်ပြီး ကိုးလ်ပါးမားဘယ်လိုအသုံးချခံနေရသလဲ မိတ်ဆွေတို့ သတိပြုမိကြမယ်ထင်ပါတယ်။
‎
‎ချဲလ်ဆီးကွင်းလယ် duo ဖြစ်တဲ့ ရိစ်ဂျိမ်းစ်နဲ့ လာဗီယာတို့ဟာ ခံစစ်ပိုင်းမလုံခြုံသလို တိုက်စစ်အတွက်ထိရောက်တဲ့ပေးပို့မှုတွေ မပြုလုပ်နိုင်တာကြောင့် နည်းပြကြီးရှာဘီအလွန်ဆိုဟာ ပါးမားကို အလယ်ထိဆင်းပြီး ကူညီခိုင်းပါတယ်။
‎
‎ပါးမားလို number 10 နေရာမှာ အ‌ကောင်းဆုံးကစားသမားကို နောက်ဆင်းခိုင်းတဲ့ကိစ္စက သူ့ရဲ့အရည်အသွေးကိုရော အသင်းလိုက်စွမ်းဆောင်ရည်ကိုပါ လုံးဝထိုးဆင်းသွားစေပါတယ်။ မနေ့ညက ဟားလ်စီးတီးနဲ့ပွဲစဉ်မှာဆိုရင် ပထမပိုင်းတစ်ပိုင်းလုံး ခြေစွမ်းပြသနေတဲ့မော်ဂန်ရော်ဂျာစ်ဟာ ဒုတိယပိုင်းလည်းရောက်ရော ပင်ပန်းနွမ်းနယ်နေရှာတယ်။
‎
‎အကြောင်းရင်းကတော့ ရော်ဂျာစ်ဟာ ပါးမားမရှိတော့တဲ့ number 10 နေရာမှာ တစ်ယောက်တည်းပြေးလွှားပြီး မနိုင်ဝန်ထမ်းနေရလို့ပါပဲ။ တိုက်တိုက်ဆိုင်ဆိုင်ပဲ ပါးမားရှေ့ပြန်တက်ပြီး ရော်ဂျာစ်ကိုကူညီလိုက်တာနဲ့ ချဲလ်ဆီးဟာချေပဂိုး ပြန်လည်သွင်းယူနိုင်ပါတော့တယ်။
‎
‎နောက်လာမယ့်ပွဲစဉ်တွေမှာ အလွန်ဆိုအနေနဲ့ ပါးမားကိုကွင်းလယ်ဆင်းစေမယ့်အစား သူ့ကို number 10 အဖြစ်သာဆက်သုံးတာက မှန်ကန်တဲ့အဖြေတစ်ခုဖြစ်လာလိမ့်မယ်လို့ ယုံကြည်ပါတယ်။
‎
‎Photo crd
‎
‎Mr Chelsea Myanmar

‎'အလွန်‌ဆိုရဲ့ ခေါင်းမာတဲ့ ပြဿနာ'‎‎ကျွန်တော်တို့ဟာ ချဲလ်ဆီးရဲ့နိုင်ပွဲကို မျှော်လင့်ချင်တယ်ဆိုရင် အနည်းဆုံး(၃)ဂိုးနဲ့အထက...
13/09/2026

‎'အလွန်‌ဆိုရဲ့ ခေါင်းမာတဲ့ ပြဿနာ'
‎
‎ကျွန်တော်တို့ဟာ ချဲလ်ဆီးရဲ့နိုင်ပွဲကို မျှော်လင့်ချင်တယ်ဆိုရင် အနည်းဆုံး(၃)ဂိုးနဲ့အထက် သွင်းယူနိုင်ဖို့လိုအပ်ပါတယ်။
‎
‎အကြောင်းရင်းကတော့ အပြာရောင်ခံစစ်ကြောင်းက တစ်ပွဲကို(၂)ဂိုးနှုန်း ခွင့်ပြုနေရလို့ပါပဲ။ ချဲလ်ဆီးဟာ (၂)ဂိုးသွင်းယူထားရင်တောင် ပွဲစဉ်ကိုအနိုင်ရရှိဖို့ စိတ်မချရသေးပါဘူး။ ဒီပြဿနာရဲ့ အခြေခံအကြောင်းရင်းက နည်းပြကြီးရှာဘီအလွန်ဆို ခေါင်းမာလို့ပါပဲ။
‎
‎သူဟာ ဂျိုရဲဟာတိုနဲ့ လီဗိုင်းကိုဝဲလ် ဘယ်ခြမ်းခံစစ်မှာ လုံးဝအဆင်မပြေတာသိရဲ့သားနဲ့ ပေတေပြီးဆက်သုံးနေတယ်။ အကျိုးဆက်အနေနဲ့ အပြာရောင်တွေရဲ့ ပေးဂိုးအများစုဟာ ဘယ်ခြမ်းကနေ တောက်လျှောက်ဖြစ်ပေါ်နေတယ်။
‎
‎တကယ်တမ်းဆိုရင် လခွားကို LCB, ပပ်ချာဗာရီယာကို LWB အဖြစ် ရဲရဲကြီးအသုံးပြုနေသင့်ပါပြီ။ တဖန်ကွင်းလယ်မှာလည်း ကိုင်စီဒိုမပါနိုင်ချိန် ရိစ်ဂျိမ်းစ်နဲ့လာဗီယာ ဖ-င်လေး duo ကို တောက်လျှောက်စွဲသုံးနေရာ ခံစစ်ကို cover လုပ်နိုင်စွမ်းမရှိတော့ဘူး။
‎
‎ချဲလ်ဆီးမှာ ကိုင်စီဒိုမြန်မြန်ပြန်လာနိုင်ဖို့နဲ့ ရိစ်ဂျိမ်းစ်ကို သူ့နေရာမှန်ဖြစ်တဲ့ RWB နေရာမှာပြန်လည်အသုံးပြုဖို့ အပူတပြင်းလိုအပ်နေပါပြီ။ အခုဖြစ်နေတာက ဂျာအိုပက်ဒရိုနဲ့ မော်ဂန်ရော်ဂျာစ်တို့ ဂိုးတွေတရစပ်သွင်းယူပေးနေပေမယ့် ခံစစ်ကပေးဂိုးတွေ အလွယ်တကူပြန်လည်ခွင့်ပြုနေတာကြောင့် အဖတ်မတင်တော့ပါဘူး။
‎
‎အလွန်ဆိုအနေနဲ့ ပြိုင်ဘက်ဂိုးဘယ်လောက်သွင်းသွင်း ဂရုမစိုက်ဘဲ ငါတို့အသင်းကဂိုးပိုသွင်းနိုင်ရင်ပြီးရော ဆိုတဲ့ခေါင်းမာတဲ့ လူမိုက်ဆန်ဆန်ချဉ်းကပ်ပုံနဲ့ နေရာမှန်မဟုတ်တဲ့နေရာတွေမှာ အဆင်မပြေသူတွေကို ပေတေအသုံးပြုနေတဲ့ပေါ်လစီကို စွန့်ပယ်ပေးဖို့ တောင်းဆိုချင်ပါတယ်။
‎
‎Photo crd
‎
‎Mr Chelsea Myanmar

Address

Peninsula
Singapore
821325

Website

Alerts

Be the first to know and let us send you an email when Mr. Chelsea - Myanmar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category