Football Club of Mandalay United

24/09/2026

MYANMAR SOCCER LEAGUE SEASON-2
ROUND-11 MATCH-2

F.C. Mandalay United vs Motherland F.C. 10 mins Extended Highlight 13-Sept-2026 HD 4K

(Link ကနေ open app ကိုနိုပ်ပြီး youtube app ထဲသို့ရောက်ရင် Quality ကို HD 4K ဖြင့်ကြည့်နိုင်ပါသည်)

https://youtu.be/jArJmxJ4YgQ

F.C. Mandalay United vs Motherland F.C. Extended Highlight 13-Sept-...

23/09/2026

MSL Season-2
Round 11, Match 2

F.C Mandalay United 8-3 Motherland F.C

West Spring ကွင်းမှာ ၅ နာရီဆိုအေးမြနေပြီဖြစ်သည်နှင့်အညီ ကျွန်တော်တို့အသင်းလည်း လူစုံရောက်နေကြပြီဖြစ်ပါတယ်။ နည်းစနစ်ပိုင်းကိုတော့ ဘိုချစ်၊ Joker နှင့်အသင်းခေါင်းဆောင် မြင့်သူတို့က ပူးတွဲတာဝန်ယူခဲ့ပြီး ပွဲထွက်ကစားသမားများကတော့

ဂိုး- ဝင်းဇော်ထွေး
နောက်တန်း- ဇွဲစည်သူ၊ သျှိုင်းကို၊ သက်နိုင်၊ ဇော်သီ
အလယ်တန်း- ဖြိုးဝေအောင်၊ ဉာဏ်ဉာဏ်၊ မြင့်သူ[C]
ရှေ့တန်း- မင်းချစ်ဦး၊ မောင်ခန့်၊ ဝင်းဇော်

တို့ပွဲထွက်ခဲ့ကြပါတယ်။ ကစားသမားအင်ပြည့်အားပြည့်နဲ့ ကျွန်တော်တို့စတင်နိုင်ခဲ့တာကြောင့် ပွဲစကထဲက ကစားအားမချွေဘဲ တစ်ဖက်အသင်းကို ဆက်တိုက်ဖိအားပေးပြီး လျှင်လျှင်မြန်မြန်ဖြင့် ကစားကြတဲ့အတွက် ပွဲစပြီး၁၀မိနစ်အကျော်မှာ မောင်ခန့်ပေးတာကတစ်ဆင့် မင်းချစ်ဦးသွင်းယူခဲ့ပြီး ဆက်တိုက်ဆိုသလို ၂ မိနစ်အတွင်း မောင်ခန့်ပေးတာကနေပဲ ဝင်းဇော်ကပိတ်သွင်းခဲ့ပြန်ပါတယ်။ အဲ့နောက်
တစ်ဖက်အသင်းက တန်ပြန်ကတဆင့် ဂိုးပြန်သွင်းခဲ့တာကြောင့် ပွဲကသွက်လာခဲ့ပါတယ်။ လူစားလဲမှုအဖြစ် တေဇ၊ ပြည့်ဖြိုး၊ ထွန်းလင်းကျော်တို့ဝင်ကစားခဲ့ပါတယ်။ တေဇကြောင့်ရတဲ့ ပြစ်ဒဏ်ဘောကို မြင့်သူကွင်းလယ်ကနေမတင်ပေးလိုက်ရာ တဖက်နောက်တန်းရှင်းထုတ်လိုက်သည်ကို မောင်ခန့်ပိတ်သွင်းလိုက်ပါတယ်။ အဲ့နောက်မှာ သက်နိုင်ရဲ့ ခုတ်တင်ပေးလိုက်သည့်ဘောလုံးကို မင်းချစ်ဦးဆွဲထုတ်ကာ ကန်သွင်းလိုက်တာကြောင့် ၄-၁ ဖြင့်ပထမပိုင်းအနိုင်ရခဲ့ပါတယ်။

ဒုတိယပိုင်းလူစားလဲမှုတွေကတော့ စည်သူ၊ အောင်ဝင်း၊ ဇေယျာဖြိုး၊ နိုင်နိုင်၊ Joker၊ ဘိုချစ်၊ ချမ်းမြေ့၊ ရန်နိုင်တို့ဝင်ကစားခဲ့ကြပါတယ်။ ပွဲစတာနဲ့ဖိအားပေးကစားလာတဲ့ တဖက်အသင်းကြောင့် ကျွန်တော်တို့အနည်းငယ် ကစားပုံပျက်ခဲ့ပြီး ၂ ဂိုးဆက်ပေးလိုက်ရပါတယ်။ အဲ့နောက်မှာတော့ သက်နိုင်ရဲ့ထောင့်ကန်ဘောကို ဂိုးသမားပုတ်ထုတ်သည်ကို မောင်ခန့်ပိတ်သွင်းနိုင်ခဲ့သလို မောင်ခန့် ခုတ်တင်ပေးလိုက်သည်ကို နိုင်နိုင်ခေါင်းတိုက်သွင်းခဲ့တာကြောင့် ကျွန်တော်တို့ ပြန်ဦးဆောင်နိုင်ခဲ့ပြီး ပွဲကိုထိမ်းချုပ်နိုင်ခဲ့ပြီဖြစ်ပါတယ်။ အဲ့နောက် မြင့်သူထိုးပေးသည်ကို မင်းချစ်ဦးကန်သွင်းယူနိုင်ခဲ့သလို မောင်ခန့်နှင့်မင်းချစ်ဦး အတွဲကနေ မောင်ခန့် ထပ်မံသွင်းယူခဲ့တာကြောင့် ပွဲအပြီး ၈-၃ ဖြင့် အနိုင်ရခဲ့ပါတယ်။

ပွဲပြီးအချုပ်အရ ဂိုးပြတ်အနိုင်ပွဲအတွက် အရင်ပျော်ကြမယ် နောက်ပွဲအတွက်လည်း ပြင်ဆင်ထားကြဖို့တိုက်တွန်းလိုက်ပါတယ်။

✨Thanks to Motherland FC team for a beautiful game and excellent sportsmanship!
🤝Thanks to our sponsor, Matrix Ark

23/09/2026

FCMU’s Man Of The Match 👏🏻👏🏻👏🏻
F.C. Mandalay United 8-3 Motherland F.C.

21.Min Chit Oo

ကျွန်တော်တို့ F.C. Mandalay United အသင်းရဲ့ တိုက်စစ်မှူး ကျောနံပတ် 21.Min Chit Oo သည် MSL Season 2 ပွဲစဥ်ဖြစ်သည့် Round 11, Match 2 ပွဲစဥ် Motherland FC အသင်း နှင့် ယှဥ်ပြိုင်ခဲ့သည့်ပွဲမှာ အသင်းအတွက် အနိုင် ၃ ဂိုးသွင်းယူပြီး ၁ ဂိုးဖန်တီးပေးခဲ့ကာ တိုက်စစ်အဆုံးသတ်ကောင်းမွန်သည့် ခြေစွမ်းကြောင့် FCMU - Man of the match အဖြစ် အသင်းဖော်များက အများဆုံးရွေးချယ်ပေးခြင်း ခံခဲ့ရသည်ကို ဂုဏ်ယူစွာဖြင့် ကြေငြာလိုက်ပါတယ် ခင်ဗျား…။

Man Of The Match ရွေးချယ်ခံရတဲ့အပေါ် Min Chit Oo ရဲ့ ရင်ထဲကစကားကတော့ ”အသင်းရဲ့အနိုင်ရလဒ်မှာ ကျွန်တော့်သွင်းဂိုးတွေပေါင်းထည့်နိုင်ခဲ့တဲ့အတွက် ကျေနပ်မိသလို အသင်းဖော်တွေအားလုံးကိုလည်း ကျေးဇူးတင်ပါတယ်” လို့ရင်ထဲကဝမ်းသာစကား ဆိုခဲ့ပါတယ်။

12/09/2026

MSL CUP
ROUND-11, MATCH-2

F.C. MANDALAY UNITED vs MOTHERLAND F.C.
West Spring Secondary School
13 September 2026 | 5pm

မင်္ဂလာပါ F.C. Mandalay United ပရိသတ်ကြီးနှင့် ကစားသမား ညီအစ်ကိုများခင်မျာ... ဒီတပတ်မှာ MSL Season-2 Round 11 Match 2 ပွဲကို Motherland FC အသင်းနှင့် ယှဥ်ပြိုင်ရမှာဖြစ်ပါတယ်။ အနိုင် ၃မှတ်က အသင်းရဲ့ အမှတ်ပေးဇယားအထက်ကို တက်လှမ်းဖို့ အရေးပေါ်လိုအပ်နေပြီဖြစ်လို့ အနိုင်ရရှိအောင် အစွမ်းကုန်ကြိုးစားကစားသွားမယ့် ဒီပွဲစဥ်ကို Lovely Supporter တို့အနေဖြင့် လာရောက်အားပေးကြပါဦးလို့ ဖိတ်ခေါ်လိုက်ပါတယ်...။

12/09/2026

MYANMAR SOCCER LEAGUE SEASON-2
ROUND-10 MATCH-3

F.C. Mandalay United vs Golden Myanmar F.C. 10 mins Extended Highlight 6-Sept-2026 HD 4K

(Link ကနေ open app ကိုနိုပ်ပြီး youtube app ထဲသို့ရောက်ရင် Quality ကို HD 4K ဖြင့်ကြည့်နိုင်ပါသည်)

https://youtu.be/fYc1V_FJGBQ

F.C. Mandalay United vs Golden Myanmar F.C. Extended Highlight 6-Se...

10/09/2026

MSL Season-2
Round 10, Match 3

F.C Mandalay United 3-5 Golden Myanmar F.C

ရာသီဥတုကတော့ တိမ်မရှိဘဲ ၃ နာရီနေက ပူသလို မြက်ပါးကော်စေ့များတဲ့ May Flower ကွင်းက ပူတာထက်ပိုပူနေခဲ့ပါတယ်။ နည်းပြကြီးကိုကျာ်ရဲ့ ဒီနေ့ပွဲမှာ ပွဲထွက်ကစားသမားများကတော့

ဂိုး- ဝင်းဇော်ထွေး
နောက်တန်း- ဇွဲစည်သူ၊ ဘိုချစ်[C}၊ သက်နိုင်၊ ဇော်သီ
အလယ်တန်း- ဖြိုးဝေအောင်၊ ဇင်မင်းထက်၊ သျှိုင်းကို
ရှေ့တန်း- နိုင်နိုင်၊ မောင်ခန့်၊ ဇေယျာဖြိုး

တို့ပွဲထွက်ခဲ့ကြပါတယ်။ ကစားအားကောင်း လျှင်မြန်တဲ့ Golden Myanmar FC အသင်းက ပွဲစတာနဲ့ တိုက်ရိုက်ကန်တင်ဘောတွေနဲ့ ကျွန်တော်တို့အသင်းရဲ့ နောက်ခံသူတွေကြားထဲရိုက်တင်ပေးပြီး ဖောက်ထွက်မှုတွေအကြိမ်ကြိမ်ပြုလုပ်ခဲ့တာက အောင်မြင်ခဲ့ပြီး ၂ ဂိုးဆက်တိုက်သွင်းယူသွားနိုင်ခဲ့ပါတယ်။ အဲ့နောက်မှာ သျှိုင်းကိုကန်တင်ပေးတာကို နိုင်နိုင်ထိမ်းပြီး မောင်ခန့်ကိုအပေး တဖက်နောက်ခံလူတွေရှင်းထုတ်ရင်း မောင်ခန့်ပြန်လုယူသွားနိုင်ပြီး ဂိုးသွင်းနိုင်ခဲ့တာကြောင့် ချေပဂိုးတစ်ဂိုးရခဲ့ပါတယ်။ ဒါပေမယ့် Golden Myanmar တို့က နောက်ထပ် ၁ဂိုးထပ်မံသွင်းယူသွားပြီး ပထမပိုင်းအပြီးမှာ ၁-၃ ဖြင့်ကျွန်တော်တို့ ရှုံးနေခဲ့ပါတယ်။ လူစားလဲမှုတွေကတော့ ဝင်းဇော်၊ တေဇ၊ စည်သူ၊ ဉာဏ်ဉာဏ်၊ ချမ်းမြေ့၊ အောင်ဝင်း တို့ဝင်ရောက်ကစားခဲ့ပါတယ်။

ဒုတိယပိုင်းမှာ ကျွန်တော်တို့ ချေပဂိုးများရဖို့ ကြိုးစားခဲ့ပေမယ့် Golden Myanmar တို့ဂိုးထပ်မံရသွားခဲ့ပါတယ်။ အဲ့နောက် မောင်ခန့်နဲ့အပေးအယူလုပ်ရင်း ဖြိုးဝေအောင်က ၁၈ ကိုက်စည်းအပြင်ကနေ ကန်သွင်းယူခဲ့တာကြောင့် ကျွန်တော်တို့အားတက်ခဲ့ကြပါတယ်။ ဒါပေမယ့် Golden Myanmar တို့ရဲ့ သွင်းဂိုးတွေကရပ်တန့်မသွားဘဲ ထပ်သွင်းယူနိုင်ခဲ့ပါတယ်။ ကျွန်တော်တို့ရဲ့ နောက်ထပ်ချေပဂိုးကို တေဇက ဝင်းဇော်ထွေးကန်တင်ပေးရာကနေ သွင်းယူပေးခဲ့ပါတယ်။ ပွဲအပြီးမှာ ၃-၅ ဂိုးဖြင့်ကျွန်တော်တို့ ရှုံးနိမ့်ခဲ့ပါတယ်။

ပွဲပြီးအချုပ်အရ အားလုံးအများကြီး ကြိုးစားမှသာ နောက်ထပ်အမှတ်များ စုဆောင်းနိုင်မှာသာဖြစ်ပါတယ်။

✨Thanks to Golden Myanmar FC team for a beautiful game and excellent sportsmanship!
🤝Thanks to our sponsor, Matrix Ark

04/09/2026

Time for Another Battle….

MSL CUP
ROUND-10, MATCH-3

F.C. MANDALAY UNITED vs GOLDEN MYANMAR F.C.
May Flower Secondary School
6 September 2025 | 3pm

မင်္ဂလာပါ F.C. Mandalay United ပရိသတ်ကြီးနှင့် ကစားသမား ညီအစ်ကိုများခင်မျာ... ဒီတပတ်မှာ MSL Season-2 Round 10 Match 3 ပွဲကို Golden Myanmar FC အသင်းနှင့် ယှဥ်ပြိုင်ရမှာဖြစ်ပါတယ်။ အနိုင် ၃မှတ်က ဂုဏ်သိက္ခာအတွက် မဖြစ်မနေလိုအပ်နေပြီဖြစ်လို့ အနိုင်ရရှိအောင် အစွမ်းကုန်ကြိုးစားကစားသွားမယ့် ဒီပွဲစဥ်ကို Lovely Supporter တို့အနေဖြင့် လာရောက်အားပေးကြပါဦးလို့ ဖိတ်ခေါ်လိုက်ပါတယ်...။

25/08/2026

MSL Season-2
Round 9, Match 4

F.C Mandalay United 0-1 Pyay United F.C

ရာသီဥတုကတော့ ကြည်လင်ပြီး West Spring ကွင်းက ၅ နာရီမှာနေကျနေပါပြီ။ နည်းပြကြီးကိုကျော်နဲ့ ကိုချစ်တို့ ပူးတွဲတာဝန်ယူတဲ့ ဒီနေ့ပွဲမှာ ပွဲထွက်ကစားသမားများကတော့

ဂိုး- ဝင်းဇော်ထွေး
နောက်တန်း- ဇွဲစည်သူ၊ ထွန်းလင်းကျော်၊ သက်နိုင်၊ ဆော်လမွန်
အလယ်တန်း- မြင်သူ(C)၊ ဝင်းဇော်၊ ကျော်လေး
ရှေ့တန်း- ဖြိုးဝေ၊ မောင်ခန့်၊ မင်းချစ်ဦး

တို့ပွဲထွက်ခဲ့ကြပါတယ်။ အဆင့် ၃က ပြည်အသင်းက ပွဲစတာနဲ့ယုံကြည်ချက်ရှိရှိ တိုက်စစ်ကိုဖွင့်ကစားခဲ့ပါတယ်။ ဂိုးစောစောရပြီး ပွဲကို အမြန်ချုပ်ကိုင်နိုင်ဖို့ ကြိုးစားခဲ့ပေမယ့် ကျွန်တော်တို့အသင်းကို စိတ်တိုင်းကျမကစားနိုင်ဘဲ ဂိုးရဖို့ခက်နေခဲ့ပါတယ်။ ကျွန်တော်တို့ရဲ့ ကောင်တာများကိုတခါတရံ ကြိုးစားရှင်းထုတ်ခဲ့ရပါတယ်။ ပွဲရဲ့အလှည့်အပြောင်းက ပထမပိုင်းမပြီးခင်မှာ ဖြတ်ထုတ်မှုကြမ်းတဲ့အတွက် မင်းချစ်ဦး တိုက်ရိုက်အနီပြခံခဲ့ရပြီး ကျွန်တော်တို့ ၁ ယောက်လျော့ဖြင့်ကစားခဲ့ရပါတယ်။ လူစားလဲမှုတွေကိုဆက််တိုက်လုပ်ခဲ့ပြီး ပေးဂိုးမပေးရဖို့ ကျွန်တော်တို့ကြိုးစားခဲ့ကြပါတယ်။

ဒုတိယပိုင်းမှာလည်း ကျွန်တော်တို့ လူစားလဲမှုတချို့ပြုလုပ်ခဲ့ပြီး ဆက်တိုက်ဖိထားတဲ့ Pyay United အသင်းရဲ့တိုက်စစ်ကို ကြံ့ကြံ့ခံနိုင်ခဲ့ပါတယ်။ ၁၈ ကိုက်စည်းအတွင်းမှာ Pyay United အသင်းက ထင်တိုင်းလုပ်ခွင့်မရ ဖြစ်နေချိန် ကြုံသလိုကန်သွင်းပြီး တည်ကန်ဘောတွေကပါ ချိန်းခြောက်လာခဲ့တာကြောင့် ကျွန်တော်တို့ ပုိအာရုံစိုက်ခဲ့ရပါတယ်။ ဒုတိယပိုင်းပွဲချိန် တဝက်လောက်မှာ ၁၈ ကိုက်စည်းအပြင်က Pyay United တိုက်စစ်မှုးရဲ့ ကန်ချက်ကကောင်းမွန်ခဲ့ပြီး တစ်ပွဲလုံးလက်စွမ်းပြနေတဲ့ ကျွန်တော်တို့ ဂိုးသမား ဝင်းဇော်ထွေးပုတ်ထုတ်သည့်ကြားထဲက ဂိုးဝင်ခဲ့ပြီး Pyay United အသင်းက စတင်ဦးဆောင်ခဲ့ပါတယ်။ ကျွန်တော်တို့ချေပဖို့ကြိုးစားခဲ့ပေမယ့် နောက်ထပ်ဂိုးများထပ်မသွင်းနိုင်ကြပဲ ပွဲအပြီးမှာ ၀-၁ ရလဒ်ဖြင့်ကျွန်တော်တို့ ရှုံးနိမ့်ခဲ့ပါတယ်။

ပွဲပြီးအချုပ်အရ လက်ကျန်လိဂ်ပွဲတွေကို အမှတ်တွေရမှ အမှတ်ပေးဇယား အထက်ကိုတက်နိုင်မှာဖြစ်ပါတယ်။ ကစားသမားတွေ ဒီပွဲမှာ ပိုအားထုတ်ခဲ့ရတဲ့အတွက် ပြန်လည်အားမွေးပြီး နောက်ပွဲတွေအတွက် လေ့ကျင့်မှုများမပြတ်ကြဖို့ အကြံပြုပါတယ်ခင်မျာ။

✨Thanks to Pyay United FC team for a beautiful game and excellent sportsmanship!
🤝Thanks to our sponsor, Matrix Ark

22/08/2026

“ညီအစ်ကိုတွေ ပြန်ဆုံတဲ့ ပွဲ “

ဒါပေမယ့် …
ဘောလုံးမှာ ညီအကိုတွေ သားအဖ တွေ အထာမထားဘူး

Time for Another Battle….

MSL CUP
ROUND-9, MATCH-4

F.C. MANDALAY UNITED vs PYAY UNITED F.C.
West Spring Secondary School
23 August 2026 | 3pm

မင်္ဂလာပါ F.C. Mandalay United ပရိသတ်ကြီးနှင့် ကစားသမား ညီအစ်ကိုများခင်မျာ... ဒီတပတ်မှာ MSL Season-2 Round 9 Match 4 ပွဲကို Pyay United FC အသင်းနှင့် ယှဥ်ပြိုင်ရမှာဖြစ်ပါတယ်။ Pyay FC နဲ့ FC Mandalay ဆိုတာ ညီရင်းအစ်ကိုတွေလို ချစ်ခင်ကြတဲ့ အသင်းတွေပါ။
အမှတ်ပေးဇယားအဆင့်သုံးအသင်းဆီက ရမှတ်ရအောင် အကောင်းဆုံးကြိုးစားကစားသွားမှာဖြစ်လို့ Lovely Supporter တို့အနေဖြင့် လာရောက်ချီးမြင့်ကြပါဦးလို့ ဖိတ်ခေါ်လိုက်ပါတယ်...။

22/08/2026

F.C. Mandalay United vs Glorious Brothers F.C. 13 mins Extended Highlight 16-August-2026 HD 4K

(Link ကနေ open app ကိုနိုပ်ပြီး youtube app ထဲသို့ရောက်ရင် Quality ကို HD 4K ဖြင့်ကြည့်နိုင်ပါသည်)

https://youtu.be/M6kAohhqsJs?si=ASdeRx3xEfNWixsA

page : Football Club of Mandalay United #...