https://www.facebook.com/149362298253108/

Agga Kyaw Soe - အဂ္ဂကျော်စိုး, Singapore, Singapore (2026)

23/03/2026

"မြေနိမ့်ရာ လှံစိုက်ခံနေရလို့ ဒေါသထွက်နေလား... လက်စားချေဖို့ အကောင်းဆုံးနည်းလမ်းက ဒါပါပဲ။"

"မြေနိမ့်ရာ လှံစိုက်ခံရတာ" ဟာ လောကကြီးရဲ့ ခါးသီးတဲ့ သဘာဝတရားတစ်ခုပါ။ ကိုယ့်ဘဝမှာ အောက်ခြေကျနေတဲ့အချိန်၊ အဆင်မပြေဖြစ်နေတဲ့အချိန်မှာ ကိုယ့်ကို တမင်ဒုက္ခပေးတဲ့သူ၊ အထင်သေး နှိမ်ချဆက်ဆံတဲ့သူတွေနဲ့ ဘဝမှာ ကြုံကိုကြုံရမှာပါ။

ကျွန်တော်ကိုယ်တိုင်လည်း ဒီလိုမျိုး ကြုံခဲ့ဖူးပါတယ်။
• ပိုက်ဆံမရှိလို့ အနိုင်ကျင့်ခံရတယ်။
• နောက်ခံ Background မရှိလို့ နှိမ်ခံရတယ်။
• အကူအညီမဲ့နေမှန်း သိလို့ တမင်သက်သက် ဒုက္ခပေးသွားကြတယ်။

ဒီလိုလူတွေ၊ ဒီလိုအဖြစ်အပျက်တွေဟာ တကယ့်လက်တွေ့ဘဝမှာ ရှိကိုရှိပါတယ်။ အဲ့ဒီလို နှိမ်ချဆက်ဆံခံရတဲ့အခါ ဒေါသထွက်၊ ကြိတ်မနိုင်ခဲမရဖြစ်ပြီး ဥပဒေဘောင်ပြင်ပကနေ မိုက်မဲစွာ လက်စားချေဖို့ မစဉ်းစားလိုက်ပါနဲ့။

"ငါ့ကို ပိုက်ဆံမရှိလို့ နှိမ်တယ်" ဆိုပြီး ထိုင်ငိုနေလို့လည်း ဘာမှထူးခြားလာမှာ မဟုတ်ပါဘူး။ တသက်လုံး အနှိမ်ခံဘဝနဲ့ပဲ ပြီးသွားပါလိမ့်မယ်။
ဒါကြောင့် ထိုင်ငိုမနေပါနဲ့။ အလုပ်ကို နှစ်ဆပိုလုပ်ပါ။
ငွေပိုရှာပါ။ ဘဝတိုးတက်ရာ တိုးတက်ကြောင်းကိုပဲ အမြဲတွေးပါ။

ကမ္ဘာကြီးက တကယ်ကို ကျဉ်းပါတယ်။ တစ်နေ့နေ့ တစ်ချိန်ချိန်မှာ အဲ့ဒီလူတွေနဲ့ ပြန်ဆုံကို ဆုံကြဦးမှာပါ။ အဲ့ဒီလို ပြန်ဆုံတဲ့အခါ ကိုယ့်လက်ထဲမှာ "ငွေ" ဆိုတဲ့ လက်နက်ရှိနေဖို့တော့ လိုပါတယ်။
ဘယ်လိုရန်သူမျိုးနဲ့ပဲ ရင်ဆိုင်ရပါစေ... ငွေဆိုတာ လိုကိုလိုပါတယ်။ ငွေရှိနေရင် တိုက်ပွဲရဲ့ တစ်ဝက်ကို နိုင်နေပြီဆိုတာ ငြင်းမရတဲ့ အမှန်တရားပါပဲ။

ဒါပေမယ့် အဲ့ဒီငွေဟာ ရိုးရိုးသားသား ကြိုးစားရှာဖွေထားတဲ့ ငွေဖြစ်ဖို့တော့ အရေးကြီးပါတယ်။ ကလိမ်ကကျစ်လုပ်ပြီး ရှာထားတဲ့ငွေနဲ့ သွားပြီး စစ်မကြေညာမိပါစေနဲ့၊ ပိုပြီးတော့တောင် အနှိမ်ခံရပါလိမ့်မယ်။

👉 အနှိမ်ခံနေရလား? — ငွေပိုရှာပါ။
👉 အခိုင်းခံနေရလား? — ငွေပိုရှာပါ။
👉 Background မရှိဘူးလား? — ငွေပဲရှာပါ။ အားလုံးကို ဖြေရှင်းလို့ရပါတယ်။

တကွေ့ကွေ့မှာ ပြန်ကြုံတဲ့အခါ "မင်းက ဘာကောင်မို့လို့လဲ" လို့ ရဲရဲဝင့်ဝင့် ပြန်မေးနိုင်တဲ့အထိ၊ စိန်ခေါ်ရဲတဲ့အထိ ကိုယ့်ကိုယ်ကို အစွမ်းကုန် ကြိုးစားတည်ဆောက်လိုက်ပါ။ ခွန်အားမွေးပါ။

12/02/2024

ပေါင်းသင်းဆက်ဆံရေးကောင်းသူတယောက်ဖြစ်ဖို့ ဒီလိုမဟာဗျူဟာတွေကို ကျင့်သုံးပါ

ပေါင်းသင်းဆက်ဆံရေး ကောင်းသူတယောက်ဖြစ်လာဖို့ အဓိကလိုအပ်ချက်က တဖက်သားကို စိတ်ဝင်စားခြင်း၊ စိတ်ပါလက်ပါ ပြောဆိုခြင်း ဖြစ်ပါတယ်

အသေးစိတ်အနေနဲ့ သတိပြုရမယ့်အချက် တော်တော်များများရှိပါတယ်။ အချို့အချက်တွေက အရေးမကြီးတဲ့အရာတွေ၊ လူတိုင်းသိတဲ့အချက်တွေလို့ ထင်ရပေမယ့် တကယ့်လက်တွေ့မှာဆိုရင် ဒီအချက်တွေက လိုက်နာကျင့်သုံးခံတယ်ဆိုတာ တွေ့ရပါလိမ့်မယ်။ သေချာ သတိပြုကြည့်မယ်ဆိုရင်ပေါ့

- မိမိနာမည်ကိုပြောပြီး မိတ်ဆက်ပါ။ သေသေချာချာ မသိသေးတဲ့သူနဲ့ လူချင်းတွေ့ပြီး စကားပြောတဲ့အခါမျိုးမှာ ဖြစ်ဖြစ်၊ တယောက်ယောက်ဆီ ဖုန်းဆက်တဲ့အခါမျိုးမှာ ဖြစ်ဖြစ် ဟုတ်ကဲ့ တွေ့ရတာ ဝမ်းသာပါတယ်၊ ကျွန်တော်ပါ၊ ဟယ်လို ကျွန်တော် .......ပါခင်ဗျာ စသဖြင့် မိမိနာမည်ကို အရင်ဆုံး ဖွင့်ပြောမိတ်ဆက်ပါ

- တယောက်နဲ့တယောက် တွေ့ဆုံနှုတ်ဆက်ရတဲ့အခါ မိမိကအရင် လက်ဆန့်တန်းပေးတဲ့ အကျင့်နဲ့ လက်ကို အားရပါးရ ဆုပ်ကိုင်နှုတ်ဆက်တတ်တဲ့ အလေ့အကျင့်တွေကို မွေးမြူပါ

- နာမည်တွေကို မမေ့အောင် မှတ်သားပါ။ စတင်မိတ်ဆက်သိကျွမ်းရတဲ့ စကားဝိုင်းမှာ မိတ်ဆွေသစ်တွေရဲ့ နာမည်ခေါ်ပြီး စကားပြောခြင်းအားဖြင့် သူတို့ရဲ့ နာမည်တွေကို ကိုယ့်ခေါင်းထဲ စွဲမြဲသွားအောင် ဂရုစိုက်ပါ။

- စကားပြောရင် မျက်နှာတည့်တည့်ကြည့်ပြောပါ။ တဖက်လူစကားကို နားထောင်တဲ့အခါမှာလည်း ပြောသူမျက်နှာကို ကြည့်ပြီး နားထောင်ပါ။ မျက်လုံးချင်းဆုံတဲ့အခါ တဖက်လူအနေနဲ့ သူပြောတဲ့ စကားအပေါ် ထက်သန်ယုံကြည်မီု ဘယ်လောက်ရှိတယ်ဆိုတာ ခင်ဗျား ခန့်မှန်းနိုင်သလို သူရဲ့စကားကို ခင်ဗျား ဘယ်လောက်စိတ်ပါဝင်စားမှုရှိတယ်ဆိုတာကိုလည်း တဖက်လူ သိသွားနိုင်မယ်

- မိမိနဲ့ စကားပြောရတဲ့အတွက် တဖက်လူ စိတ်ချမ်းသာသွားစေရမယ်ဆိုတဲ့ စိတ်ဓာတ်မွေးပါ
တဖက်လူကို ချီးမွမ်းပြောဆိုစရာ စကားကိုရှာပြီး ပြောပါ။ တဖက်လူစိတ်ဝင်စားတဲ့ အကြောင်းအရာကို ပြောပါ။ သူပြောခွင့်ရအောင် စကားစပါ

- အပြုဘက် အကောင်းဘက်က ရှုမြင်တဲ့စကားတွေကို ပြောပါ။ ရွှင်ပျလန်းဆန်းတဲ့ သဘောထားဟာ ကူးစက်လွယ်တယ်။ ကိုယ့်ကြောင့် တဖက်သား စိတ်ရွှင်လန်းသွားပါစေ။ မိမိအလုပ် မိမိဘဝနဲ့ပတ်သတ်ပြီး ညည်းတွားတဲ့စကားတွေ မပြောမိအောင် သတိပြုပါ။ ကိုယ့်အကြောင်းနဲ့ကိုယ် စိတ်ညစ်နေရတဲ့အထဲ သူကလာပြီး ခိုညည်းညည်းနေပြန်တယ်ဆိုပြီ း ခင်ဗျားကို စိတ်ပျက်သွားလိမ့်မယ်

- စကားဖွာတဲ့သူမဖြစ်အောင် ဆင်ခြင်ပါ

လူတယောက်က ခင်ဗျားနဲ့ကြုံတုန်း ပြောသွားမိတဲ့ စကားတိုင်းဟာ လူတကာကို လျှောက်ပြောဖို့ မဟုတ်ဘူးဆိုတာ သတိပြုရမယ်။ ခင်ဗျားကို ယုံကြည်ပြီး တိုင်ပင်တဲ့ ကိစ္စကို ခင်ဗျားက တခြားလူတွေကို လျှောက်ပြောမယ်ဆိုရင် ခင်ဗျားဟာ နှုတ်မစောင့်တဲ့သူ၊ ပါးစပ်ဖွာတဲ့သူအဖြစ် ကင်ပွန်းတပ်ခံရပါလိမ့်မယ်

- သူတပါးအရေးကို အလေးထားပါ
ကိုယ့်ကိစ္စချင်း ရှေ့တန်းမတင်ဘဲ တဖက်လူ ကိစ္စတွေကို မိမိစိတ်ဝင်စားကြောင်း၊ စိုးရိမ်ပူပန်တတ်ကြောင်း ပြသပါ။ အနည်းဆုံး နှုတ်၏ဆောင်မခြင်းနဲ့ ကူညီဖို့ ဝန်မလေးပါနဲ့။ မိမိအရေးကို စိတ်ဝင်စားတဲ့သူ စာနာထောက်ထားတဲ့သူကို ခင်မင်တတ်ခြင်းဟာ လူတိုင်းသဘာဝ ဖြစ်ပါတယ်

- တဖက်သားပြောတဲ့စကားကို တိတိကျကျနားလည်အောင် ကြိုးစားပါ
မိမိခေါင်းထဲ မရှင်းမလင်းဖြစ်နေရင် တိတိကျကျ ထပ်မေးပါ။ တဖက်လူစကားကို ရှင်းလင်းသေချာအောင် မေးခြင်းဟာ သူ့ကို ဂရုစိုက်တယ်၊ လေးလေးစားစား ဆက်ဆံတယ်ဆိုတဲ့ သဘောသက်ရောက်တဲ့အတွက် တဖက်လူက ခင်ဗျားကို ကျေနပ်သဘောကျပါလိမ့်မယ်

- အစည်းအဝေးပွဲတွေ ချိန်းထားတာတွေရှိရင် အချိန်တိတိကျကျ ရောက်အောင်သွားပါ
နောက်ကျတယ်ဆိုတာ အလေးမထားဘူးဆိုတဲ့ အဓိပ္ပါယ်သက်ရောက်ပါတယ်။ ကိုယ့်ဘက်က အချိန်မီရောက်မလာနိုင်ရင် မိမိနောက်ကျစရာ ရှိတဲ့အကြောင်း၊ ဘယ်အချိန်လောက်မှ ရောက်လာနိုင်မယ့်အကြောင်း ဖုန်းဆက်ပြီး ကြိုတင်အကြောင်းကြား တောင်းပန်ထားသင့်ပါတယ်

11/02/2024

ဒီတစ်ပတ်ရဲ့ Monday လေးကို….

Energy အပြည့်နဲ့ ပြုံးပြုံးလေး….

စ,တင်လိုက်ပါ….

Start your week with a Smile!!

😊😊😊😊😊😊😊😊😊😊

09/02/2024

#ကိုယ့်တန်ဖိုးကို သတ်မှတ်ပါ
--------------------------------
လူတိုင်းက
ကိုယ် မဟုတ်ဘူးဆိုတာ
ဘယ်တော့မှ မမေ့ပါနဲ့။

ရိုးလွန်းနေရင်လည်း
မင်း အလိမ်ခံရလိမ့်မယ်။

အ,လွန်းနေရင်လည်း
မင်းကို လိုသုံး လုပ်လိမ့်မယ်။

ရိုးသားတာဟာ
အပြစ်တစ်ခု မဟုတ်ပေမဲ့
အ,လွန်းလို့
အသုံးချ ခံနေရမှန်း မသိရင်တော့
မင်းအပြစ် ဖြစ်သွားပြီ။

စေတနာကောင်းရင်
ကံကောင်းတယ်ဆိုတဲ့ စကားက
လူတိုင်းအတွက် မဟုတ်မှန်း
မသိချိန်မှာ
မင်းအပြစ် မဟုတ်ပေမဲ့

ကျောချ မြ
ဓါးမြမှန်း သိချိန်မှာတောင်
အသိတရားမရသေးဘူးဆိုရင်တော့
စေတနာဆိုတဲ့စကားကို
မင်း အလွဲသုံးစား လုပ်မိပြီ။

သူတို့မရှိရင် မဖြစ်ဘူးလို့
တွေးနေသ၍တော့
ကိုယ့်ဘဝက
သူတို့အတွက် ဖြစ်နေဦးမှာပါပဲ။

ကိုယ်မရှိရင် မဖြစ်ဘူးလို့
ထင်နေသ၍တော့
ကိုယ့်အချိန်တွေက
သူတို့အတွက် ဖြစ်နေဦးမှာပါပဲ။

လောကမှာ
ဘောလုံးတစ်လုံးလို မင်းနေရင်
သူတို့က
မင်းကို ကန်ကြလိမ့်မယ်။

ခြေသုတ်အခင်းလို မင်းနေရင်
သူတို့က
မင်းကို တက်နင်းကြလိမ့်မယ်။

ဦးထုပ်တစ်လုံးလို မင်းနေရင်
သူတို့က
မင်းကို ခေါင်းပေါ် တင်ထားကြလိမ့်မယ်။

ဒါကြောင့်
ကိုယ့်တန်ဖိုးကို
ကိုယ်ကိုယ်တိုင် သတ်မှတ်ပါ။

ကိုယ့်ကိုယ်ကို
တန်ဖိုးမထားတတ်ခဲ့ရင်တော့
သူတို့က
မင်းရဲ့တန်ဖိုးကို
ဖြတ်သွားကြပါလိမ့်မယ်

07/02/2024

ငွေဆိုတာ ………

သုံးတတ်ရင် ခိုင်းစားလို့ရပေမယ့်
မသုံးတတ်ရင် ငွေက ကိုယ့်ကို
ပြန်နှိပ်စက် ဘဝပါပျက်တယ် ။

အပျော်ဆိုတာ ………

ပျော်သင့်တဲ့ အတိုင်းအတာ ပျော်ရင်
စိတ်ကို ကြည်လင်လန်းဆန်းပေမယ့်
အတိုင်းအတာ တစ်ခုထက် အပျော်ကြူးရင်း နာမည်ပါပျက်
ဘဝပါပျက်တယ် ။

အပြုံးဆိုတာ ……

ပြုံးတာနှစ်လို့ဖွယ် ကောင်းပေမယ့်
သူတစ်ပါး ဝမ်းနည်းနေချိန်
ဒုက္ခရောက်နေချိန် ပြုံးမိရင်
အမုန်းခံ အထင်လွဲခံရတယ် ။

နာကျည်းတယ်ဆိုတာ ……

နာကျည်းတာကြောင့် မခံချင်စိတ်နဲ့
ကြိုးစားအလုပ် လုပ်ရင်
ဘဝအောင်မြင်မှုတွေ ရရှိပေမယ့်
နာကျည်းတဲ့အတွက်ကြောင့်
ဂလဲ့စားချေတဲ့ စိတ်ထားရင်း
ပူလောင်ရတယ် ။

လုပ်ငန်းဆိုတာ ……

မိမိဘာ့ကြောင့် မအောင်မြင်ရတာလဲဆိုတာ
အဖြေရှာကြည့်ပါ။ မအောင်မြင်တိုင်း
ကံကြမ္မာ အပြစ်ပုံချရင်
အကျင့်ပါသွားတတ်တယ် ။
ကံပေးပေမယ့် ဉာဏ်မပါရင်
ချမ်းသာဖို့ နည်းပါတယ် ။

ပေးကမ်းတယ်ဆိုတာ ………

စည်းစနစ်တကျ ပေးကမ်းတတ်ဖို့လိုတယ်
အပေးမတတ်ရင် မိမိကွယ်ရာမှာ
မိမိက ငပေါကြီးလိုလို
အမြှောက်ကြိုက်ကြီးလိုလို
ဖြစ်တတ်တယ် ။

သည်းခံတယ်ဆိုတာ ………

အတိုင်းအတာ တစ်ခုထိပဲ ကောင်းတယ် ။
မိမိဂုဏ်သိက္ခာထိပါးလာတဲ့ လုပ်ရပ်တွေကို
ပြုံးပြုံးလေး ပြန်လည်ချေပတတ်ဖို့လိုတယ် ။

လဲကျတယ်ဆိုတာ ………

စိတ်တော့လဲမကျနေနဲ့ စိတ်ရောလဲကျရင်
အရာအားလုံးဆုံးရှုံးရတယ် ။
ကျနေတဲ့စိတ်ကို ပြန်လည်ကောက်ယူနိုင်ဖို့
လိုတယ်။

လုပ်ငန်းမှာ အတိုက်အခံရှိနေလို့
စိတ်ဆိုး ဒေါသထွက်မနေပါနဲ့ ။
သင်ကြိုးစားချင်အောင် အမြင့်ဆုံး
တွန်းပိုးတဲ့သူလို့ မှတ်ယူလိုက်ပါ ။
တချို့ အတိုက်အခံတွေကြောင့်
သင်ပိုကြိုးစားဖြစ်တယ် ။

လူရယ်လို့ ဖြစ်လာရင်
ဘယ်အရာမှ အရှုံးမပေးပါနဲ့ ။
ကြိုးစားရင် အမြတ်ပါပဲ ။

05/02/2024

ဖား(၆)ကောင် ပုံပြင်
********************
တစ်ခါတုန်းက
နံနက်စောစောအချိန်မှာ ဖား(၆)ကောင်
အစာရှာထွက်လာကြတယ်။

အစာရှာကြရင်း မထင်မှတ်ဘဲ ရေတွင်းပျက်တစ်ခုထဲကို ဖား(၆)ကောင်စလုံး ပြုတ်ကျသွားတယ်။

ဒါပေမယ့် ကံကောင်းထောက်မစွာနဲ့ ရေတွင်းထဲမှာ ရေတွေရှိနေသေးတော့ ဖားတွေ သေကံ မရောက် အသက် မပျောက်ကြရဘူး။

ဖား(၆)ကောင်လည်း
အကူအညီရလို ရငြား “ ကယ်ပါ ယူပါ ”
တစ်စာစာအော်နေကြတော့ ရေတွင်းထဲမှာ ဖားသံတွေနဲ့ ဆူညံ့နေတာပေါ့။

ဒီလိုနဲ့ အော်ရတာ
မောတဲ့အခါ အော်သံတွေ ရပ်ရင်း တိတ်ဆိတ်ငြိမ်သက်သွားကြတယ်။

ဘာသံမှ မကြားဘဲ တိတ်ဆိတ်ငြိမ်သက်နေတဲ့ အချိန်မှာ ပထမဖားဆီက အသံထွက်လာတယ်။

“ ငါတို့တော့ ဒီတွင်းထဲက
လွတ်မှာ မဟုတ်ပါဘူး ကယ်မယ့်သူလည်း မရှိဘ၀ကတော့ ဆုံးပါပြီ ” ညည်းတွားရင်း စိတ်ပျက်လက်ပျက် ငိုကြွေးနေတယ်။

ဒုတိယဖားကတော့ ငိုနေတဲ့ ပထမဖားကို
“ ငိုမနေပါနဲ့ကွာ ဘ၀ဆိုတာ နေတတ်ရင်
ကျေနပ်စရာကွ၊ ငိုမနေနဲ့ ရောက်ရာအရပ်မှာ ပျော်ပျော်နေ အချိန်တန်ရင် ဒီနေရာက လွတ်မှာပါကွ ငိုမနေနဲ့ ” ဟု နှစ်သိမ့်ရင်း သီချင်းတွေကို ပျော်ရွှင်စွာဆိုနေတယ်။

တတိယဖားကတော့ မိုးနတ်မင်းကို
တိုင်တည်ရင်းဆုတောင်းနေတယ်။

“ မိုးနတ်မင်းကြီး
ကယ်ပါ မိုးရွာချပေးပါ မိုးရွာမှ ရေတွင်းထဲရေတွေပြည့်ပြီး ကျွန်တော်မျိုးတို့လွတ်မြောက်ခွင့်ရမှာဖြစ်ပါတယ်ကျွန်တော်မျိုးတို့ လွတ်မြောက်တဲ့အခါ မိုးနတ်မင်းကြီးကို အရင်ကထက် တိုးပြီး ပူဇော်ပသပါမယ် ဟု" တတွက်တွက်နဲ့ တိုင်တယ်ဆုတောင်းနေတယ်။

စတုတ္ထဖားကတော့ အပြစ်တွေပဲ တင်နေတယ်။

“ ဒီနေ့ အစာရှာ ထွက်မလာခဲ့ရင်
ကောင်းသား၊ ဒီကောင်တွေနဲ့ လိုက်လာမိတာ ငါ့အမှား၊ ဘုရားသခင်ကလည်း ငါတို့ဖားတွေကို အတောင်ပံတွေ ဖန်ဆင်းပေးထားရမှာ ဒါမှ ငါတို့ဖားတွေ ဘယ်နေရာသွားသွား အဆင်ပြေမှာပေါ့ ” တလောကလုံးကို အပြစ်တွေချည်း တင်နေတယ်။

ပဉ္စမဖားကတော့ ငြိမ်သက်စွာ စဉ်းစားနေတယ်။

“ အပေါ်ကို တွယ်တတ်ရင်ကောင်း
မလား၊ တွယ်တက်လို့လည်း ငါ့အစွမ်းနဲ့
ရောက်နိုင်မလား၊ တွယ်တက်လို့ ပြုတ်ကျရင် ဟိုဖားတွေ ငါ့ကို လှောင်ရီကြမှာပဲ၊ တွယ်တက်လို့ မအောင်မြင်ဘဲ နံရံနဲ့ရိုက်မိရင် သေသွားနိုင်တယ်၊ ဒီအတိုင်း ကယ်မယ့်သူကို စောင့်မျှော်နေရင်ကောင်းမလား ” စဉ်းစားနေတယ်။

ဒီလိုနဲ့ ဖား(၅)ကောင်ဟာ ငိုတဲ့ဖားကငို
သီချင်းဆိုတဲ့ဖားကဆို ဆုတောင်းတဲ့ဖားကတောင်း စဉ်းစားတဲ့ဖားကစဉ်းစာရင်း သူတို့အားလုံးရဲ့အဖော် ဆဌမမြောက်ဖားကို သတိရလို့ ကြည့်တဲ့အခါ ရေတွင်းထဲမှာ မရှိဘဲ ပျောက်နေတာကို သတိထားမိကြတယ်။

ဘယ်ရောက်သွားပါလိမ့် အားလုံးဝိုင်းရှာကြတဲ့အခါ မက်ဆောက်လှတဲ့ ရေတွင်းပျက်နံရံရဲ့ ခပ်မြင့်မြင့်တစ်နေရာမှာ ရှိတဲ့ ကျောက်စွန်း တစ်ခုပေါ်ကို ကြိုးစာတက်ရင်း အပေါ်ကိုလည်း မရောက် အောက်ကိုလည်း မကျဘဲ တန်းလန်းဖြစ်နေတဲ့ ဆဌမမြောက်ဖားကို တွေ့လိုက်ရတယ်။

“ ဟာ ဒီကောင်တော့ ပြုတ်ကျ သေတော့မှာပဲ ”

“ ဟေ့ ပြန်ဆင်းခဲ့ကွ မင်း မတက်နိုင်ဘူး
မဖြစ်နိုင်တာတွေ မလုပ်နဲ့ ”

“ ဒီကောင် ကိုယ့်ကိုကိုယ် အထင်ကြီးနေတယ် သူ့ကိုယ်သူ သူရဲကောင်းများ ထင်နေလားမသိဘူး ”

“ အရူးကောင် ပြုတ်ကျတော့မယ် ဟား ဟား ဟား ”

“ သူ့ဘာသာ ပြုတ်ကျတာ အရေးမကြီးဘူး ငါ့ အပေါ် ပြုတ်ကျရင် ငါပါ သေနေဦးမယ်လွတ်ရာ ရှောင်နေမှ ”

ဝေဖန်သံတွေ အမျိုးမျိုးပေးနေပေမယ့်
ဆဌမမြောက်ဖားကတော့ တွယ်တက်ဆဲ ကျောက်စွန်းပေါ်ကို ရှိသမျှ အားတွေကိုသုံးရင်း အမိအရတက်လိုက်ပြီး ကျောက်စွန်းပေါ်မှာ အမောဖြေနေလိုက်တယ်။

အောက်က ဖား(၅)ကောင်လည်း
ပါးစပ်ညောင်းတဲ့အခါ ပြစ်တင်ဝေဖန်သံတွေ တိတ်ဆိတ်သွားသလို ဆဌမမြောက်ဖားကိုလည်း ဂရုတစိုက်နဲ့ မကြည့်ဖြစ်တော့ပဲ သူတို့လုပ်နေကြပုံစံတွေအတိုင်း ငိုတဲ့ဖားကငို သီချင်းဆိုတဲ့ဖားကဆို ဆုတောင်းတဲ့ဖားကတောင်းစဉ်းစားတဲ့ ဖားကစဉ်းစား ပြန်လုပ်ရင်း ဆဌမမြောက်ဖား ဆက်တက်နေလား အပေါ်ရောက်လား ပြုတ်ကျလာမလား သတိမထားမိကြတော့ဘူး။

ဒီလိုနဲ့ အချိန်တွေ ကုန်လာရင်း
ညနေ့ နေ၀င်ချိန်ရောက်လာပါတော့တယ်။

ရေတွင်းထဲမှာ
အလင်းရောင် နည်းလာသလို ကယ်မယ့်သူများ ပေါ်လာလေမလား မျှော်လင့်ချက်နဲ့ ရေတွင်း အ၀ဆီ မှန်းမျှော်ကြည့်ရင်း “ ကယ်ပါ ယူပါ ” ဖားတွေ အော်ဟစ် အကူအညီတောင်းကြပြန်တယ်။

အဲဒီလို အော်သံတွေနဲ့ရေတွင်းထဲမှာ
ဆူညံနေတုန်း ရေတွင်းထဲကို မြွေကြီးတစ်ကောင် ဆင်းလာပါတော့တယ်။

အော်နေတဲ့ ဖားတွေလည်း
အသံတိတ်သွားသလို ဒီတစ်ခါတော့ သူတို့ဘ၀လမ်းဆုံးသွားပြီ ဖြစ်ကြောင်း မျှော်လင့်ချက်မဲ့စွာ ဆောက်တည်ရာမရ ဖြစ်သွားပါတော့တယ်။

မြွေကြီးလည်း တစ်ဖြည်းဖြည်းနီးကပ်လာသလို ဖားတွေလည်း သေခြင်းတရားကို မငြင်းဆန်လိုတော့ဘဲ မျက်လုံးတွေကို မှိတ်ချလိုက်ပါတော့တယ်။

“ ဟေ့ သူငယ်ချင်းတို့ ငါချလိုက်တဲ့
နွယ်ကြိုးမှီရဲ့လား မှီရင် မြန်မြန်တက်လာကြ ဟေ့ မှောင်တော့မယ် ”

အထက်ပါ အသံကို ကြားတော့
ရေတွင်းထဲက ဖားတွေလည်း အံသြ၀မ်းသာမှုတွေနဲ့ မျက်လုံးဖွင့်ကြည့်လိုက်တဲ့အခါ သူတို့ထင်ထားတဲ့ မြွေက သူတို့ရဲ့သူငယ်ချင်း ဆဌမမြောက်ဖား ချပေးတဲ့ နွယ်ကြိုးဖြစ်နေတာကို တွေ့လိုက်ရပါတော့တယ်။

ဖားတွေလည်း ၀မ်းသာ ပျော်ရွှင်သွားကြရင်း နွယ်ကြိုးကို တွယ်တက်ကာရေတွင်းထဲမှလွတ်မြောက် သွားကြတယ်။

သူတို့အားလုံးကို ကယ်တဲ့ ဆဌမမြောက်ဖားကို ကျေးဇူးတင်စကားတွေ ပြောလို့ မ၀သလို ဆဌမမြောက်ဖားရဲ့ ဇွဲ လုံ့လ ဝီရိယနဲ့ ကြိုးစား အားထုတ်မှုတွေကိုလည်း ချီးကျူး ဂုဏ်ပြုစကား ပြောဆိုကြရင်း သီချင်းများ သံပြိုင်သီဆိုကာ ပျော်ရွှင်စွာအိမ်သို့ ပြန်သွားကြပါတော့တယ်။

ပုံပြင်လေးကတော့ ဒါပါပဲ။

သင့်ရဲ့ဘ၀မှာ အခက်အခဲပြသနာတွေနဲ့
ကြုံတွေ့ရတဲ့အခါ ... ပထမ ဖားလို ...
စိတ်ဓာတ်ကျလွယ် ဘ၀ကို အရှုံးပေးလွယ်တဲ့သူ မဖြစ်ပါစေနဲ့။

ဒုတိယ ဖားလို ...
ဘ၀ကို ရေစုန်မျောသလို ဘ၀ကို
အလေးအနက်မရှိ မဖြစ်ပါစေနဲ့။

တတိယ ဖားလို ...
ကိုယ်ရဲ့အစွမ်းအစကို မထုတ်ဖော်ဘဲ
သူတစ်ပါးအပေါ် မှီခိုသူ မဖြစ်ပါစေနဲ့။

စတုတ်ထ ဖားလို ...
ကြိုးစားလိုစိတ်မရှိ အဆိုးမြင်စိတ်တွေနဲ့
အပြစ်မြင်သူ မဖြစ်ပါစေနဲ့။

ပဉ္စမ ဖားလို ...
မိမိကိုယ်ကို ယုံကြည်မှုမရှိဘဲ
တွေဝေသူ မဖြစ်ပါစေနဲ့။

ဘ၀မှာ အောင်မြင်ချင်ရင် ...
ဆဌမ ဖားလို ...
ကျောက်စွန်းမှ ပြုတ်ကျတော့မယ့်
အနေအထားလို ကြိုးစားရမယ်။

အောက်ပြုတ်ကျရင် သေမယ်၊ အသေခံမလား အောင်မြင်သူ အဖြစ်ရပ်တည်မလား။

အင်္ကျီမှာ မီးဆွဲလောင်တဲ့အခါ ချက်ခြင်းငြိမ်းသတ်ဖို့ အားသွန် ခွန်စိုက် ကြိုးစားသလိုမျိုး နေ့ရက်တိုင်းမှာ ကြိုးစားမှုတိုင်းမှာ ဇွဲ လုံ့လ ဝီရိယအပြည့်နဲ့ အားသွန်ခွန်စိုက် ကြိုးစားအားထုတ်မှု ရှိရမယ်။

ဘယ်သူတွေ ဘာပဲပြောနေနေ ဘယ်သူတွေ ဘယ်လိုပဲ ဝေဖန်မှုတွေဘယ်လောက်ပဲရှိနေနေ ယုံကြည်ရာ လမ်းကို စိတ်ဓာတ်ခိုင်မာစွာ အောင်မြင်အောင် အရောက်လှမ်းရမယ်။

မိမိကိုယ်ကိုမြင် အားနည်းချက်တွေပြင်ရင်း ဘ၀မှာ အောင်မြင်သူတွေ ဖြစ်နိုင်ကြပါစေ။

04/02/2024

" မင်းမိန်းမနဲ့ ဘာလို့ကွာရှင်းချင်တာလဲ"

တရားသူကြီးက မေးတယ်။

" ကျနော့ကို နေ့စဉ် ကြက်သွန်ဖြူခွာခိုင်းတယ်။
ကြက်သွန်နီလှီးခိုင်းတယ်။
ပန်းကန် ဆေးခိုင်းတယ် အဲဒါကြောင့်"

" အဲဒါ ဘာများ အပန်းကြီးလဲ။လွယ်လွယ်
လေးဟာကို..

ကြက်သွန်ဖြူမခွာခင် မီးအပူလေး ပေးလိုက်။ အခွံခွာရတာ လွယ်သွားမယ်။ ကြက်သွန်နီလှီးခိုင်းရင် လှီးမဲ့ကြက်သွန်ကို ရေခဲသေတ္တာအထဲ ခဏထား..
နောက်လှီးကြည့်။ မျက်စိမစပ်တော့ဘူးပေါ့။

ဒီလိုပဲလေ..
ပန်းကန်လည်း မဆေးခင် ရေထဲ ဆယ်မိနစ်လောက်စိမ်ထား
ဆေးရတာ လွယ်လွယ်လေး။
ဒါပေမဲ့..မင်းကို
အဝတ်တော့ မလျှော်ခိုင်းသေးဘူး မဟုတ်လား။

နောက် အဝတ်လျှော်ခိုင်းရင် ဒီလိုလုပ်ကွ..
သေချာမှတ်ထား..
အဝတ်မလျှော်ခင် ဆပ်ပြာရည်အထဲ မှာ
အဝတ်ကို ဆယ့်ငါးမိနစ်လောက် စိမ်ထား။
ဂျီးတွေ သူ့အလိုလို ထွက်လာမယ်။
လျှော်တဲ့အချိန် အားသုံးစရာ မလိုတော့ဘူးပေါ့
ပြီးတော့...သနပ်ခါး..သွေး..."

" ရပါပြီ ခင်ဗျ...ကျနော့ လျှောက်လွာ
ပြန်ရုပ်သိမ်းခွင့်ပြုပါ..
တရားသူကြီးမင်း ခင်ဗျား"

"မင်း.. ငါပြောတာ နားလည်သွားလို့ပေါ့ ဟတ်လား"

" အမှန်တော့ ကျနော်ဟာ တရားသူကြီး ထက်စာရင် အများကြီး သက်သာပါသေး
တယ်ဆိုတာ သိသွားလို့ပါ.."😂😂

Start your week with a Smile!!

😊😊😊😊😊😊😊😊😊😊

31/01/2024

Don’t Compare Yourself To Others And Enjoy Your Life.🥳🥳

Agga Kyaw Soe - အဂ္ဂကျော်စိုး

23/03/2026

12/02/2024

11/02/2024

09/02/2024

07/02/2024

05/02/2024

04/02/2024

31/01/2024

Address

Website

Alerts

Shortcuts

Share

Category

Listing takedown request