08/06/2026
SOOL SPORTS CLUB STATEMENT
Bage Sool Sports Club waxay si adag ula wadaagaysaa walaaca iyo dareenka ka dhashay tacaddiga iyo cadaalad darrada loo geystay garsooraha Soomaaliyeed Omar Abdulkadir Artan, oo FIFA u xushay World Cup.
Waxaa si weyn loo su’aalay:
Sidee qof Soomaali ah oo heer caalami ah gaaray loogu diidi karaa gelitaanka dalka martigelinaya tartanka?
Arrintani ma aha dhacdo gooni ah, balse waxay iftiiminaysaa:
Dhibaatada matalaadda dibadda
Tabar-darrada difaaca muwaadiniinta Soomaaliyeed
Iyo baahida loo qabo diblomaasiyad xooggan oo shaqeysa
Dal kasta wuxuu si adag u ilaaliyaa muwaadiniintiisa iyo wakiilladiisa caalamka. Su’aasha hortaalla waa:
Soomaaliya maxay ka qabataa marka ay dhacaan xaalado sidan oo kale ah?
Arrintani sidoo kale waa niyad-jab weyn (setback) ku ah ciyaartooyda Soomaaliyeed iyo guud ahaan bahda ciyaaraha, maadaama ay dhaawaceyso kalsoonida iyo fursadaha ay ku matalaan dalka caalamka.
Bage Sool Sports Club iyo dhammaan taageerayaasha Soomaaliyeed waxaan si dhab ah ula dareemaynaa xanuunka iyo niyad-jabka arrintan ka dhashay.
Ugu dambeyn, xaqiiqdu waa mid cad:
Sharaf caalami ah laguma helo hadal oo kaliya, balse waxaa lagu helaa difaac, nidaam shaqeeya, iyo matalaad dhab ah.
Mahadsanidin
