Art of wellness

الساموراي نجدت ⚔️

هذا البوست صرت مجبور نزلو
بالذات للناس يلي عبتعاني بالنزول بالوزن وبالاخص للناس يلي عبتعاني بالمحافظه عالوزن يلي نزلو
اذا كان الهدف هو النزول بالوزن
واتبعنا نظام رياضي يلي بيركز عالكارديو يعني متل ركض،مشي،بسكلاي...
بهيك حاله الوزن يلي مننزلو
رح يكون نسبه كبيره منو فقدان كتله عضليه
عادتا هيذي النسبه بتتخطى ال 50%
بهيك حاله في اكثر من سبب يلي بيخلونا ندق بالحيط
-كثرة الكارديو بتخلي الجسم يتعود عالمجهود هذا ومع الوقت منصير بحاجه نركض سيعه لنحرق يلي كنا نحرقهون بنص سيعه بالبداي
-كثرة الكارديو بتخلي الجسم يصير فعال اكثر مع الكالوريوت يعني بيصير يقدر يبذل نفس المجهود باقل صرف طاقه
-فقدان الكتله العضليه بيأدي الى تبطيء عملية الميتابوليزم وهذا سبب من اكبر الاسباب يلي بيخلينا ندق بالحيط.

عادتاً يلي بيوصلو لهيك طريق مسدود هن الاشخاص يلي مستعجلين عحالهون وبدهون النتاءج باسرع وقت بس للاسف بيلاقو نتاءج معاكسه

لكون واضح وصريح معكون
هذا الطريق المختصر مش قريب للنجاح بالمرره
عوارضو السلبيه اكبر من ايجابياتو بكثير

بيضل السؤال شو لازم نعمل؟!

اذا استفدتو من هذا البوست شاركو مع اهلكون وصحابكون.
البوست الجاي رح احكيلكون بالتفصيل شو الطريق يلي بفضل تمشو علي للضمان انو الجهد والوقت يلي عبتبذلو ميرحش عالفاضي ومتتعبش نفسيتكون لانو عادتا ًهذا هو السبب يلي بيخلينا نستسلم قدام اهدافنا
❤️

هذا جواب لاكثر سؤال بواجهو يومياً🏃🏻‍♀️

بالنسبه للنزول بنسبة الدهون بالجسم
لاشرحلكون ليش اني بفضل رفع الاوزان على الكارديو
🏋️
طبعا الحكي مع نظام غذاءي ملاءم 👀

الشغلي يلي لازم نركز عليها لتساعدنا بالنزول بالوزن هي تسريع الميتابوليزم🫀
تعو نبلش هيك
رفع الاوزان بيعطي اشاره للجسم انو يبني عضل💪
اذا كنا عمندخل للجسم الغذاء الكافي رح ينجح بتكبير الكتله العضليه بجسمنا
هيك جسمنا بيصير فيهو كتله عضليه اكبر
شو يعني!؟
لقلكون شو يعني
الكتله العضليه وجودها بيكلف كالوريوت اكثر
يعني كل مكبرت الكتله العضليه بالجسم بيصير الجسم يحرق او فينا نقول يستهلك كالوريوت اكثر ونحنا قاعدين 💆

كمان شغلي بونوس
بعد تدريب رفع الاوزان الميتابوليزم بالجسم بيكون اسرع لمدة 24 سيعه ورا التدريب 💃

يعني بدل منروح نعمل كارديو لنحرق عدد معين من الكالوريز
نكبر الكتله العضليه لنوصل لوضع يلي جسمنا بيحرق اكثر ونحنا قاعدين
فما بالكون قديش الجسم رح يحرق اذا منكون مكبرين الكتله العضليه وعمنتدرب كمان 👌

هيك بيصير اهون علينا ندخل عجسمنا كالوريوت اقل من ما جسمنا بيستهلك وهيك بتتم عملية حرق الدهون بالجسم💃

ملاحظه:اذا بهيك حاله مكناش عمندخل بروتينات بكميه كافيه هذا رح يأدي الى فقدان كتله عضليه🙉

اتعودوا بأيا موضوع تتوجهو لحدا مختص يرشدكون احسن متشتغلو غلط وتوصلو لطريق مسدود وبعدها توصلو لمرحله من اليأس يلي تخليكون تستسلمو قدام اهدافكون🙋

بالنسبه للكارديو فيكون تروحو عالبوست السابق

اذا استفدتو شاركو مع صحابكون واذا في اسألي بتقدرو تتوجهولي ❤️

Never forget where you started