C.Noorshan hamood

الإرادة الإرادة ياناس ❤️❤️💪💪💪

اكيد الصبر ثم الصبر ثم الصبر و(((( الاستمرار ))))

بفرح وبفتخر فيكن بفتخر بالإنجاز يلي عملتوه

الحمدالله وبفضل رب العالمين وبارادتكن مافي شي مستحيل

الوزن السابق 87

الوزن الحالي 60

27 كيلو خلال 7 شهور نزول صحي بنظام أكل صحي

لسا الطريق قدامكن لسا معكن وقت الرياضة ماالا وقت محدد ولاعمر محدد والارادة انت بتخلقوا ..


Russia Gym 2

بونجور التحدي والاستمرار 💪😍
مين لساتو مستمر معنا بالتحدي اليوم الخامس من التحدي مين تعب ومين تعود ومين ماكمل واستسلم
حاسين حالكن خفاف

جاهزين بكرا للتحدي 💪❤️
رح نبلش 1 الشهر ليخلص معنا ب 14 الشهر
مين رح تتحدى حالا تتحدى الأكل تتحدى المقاسات
لاتتضحكوا ع حالكن والتزموا مظبوط بالنهاية هاد الإنجاز الكن لجسمكن لحياتكن

كلنا ناخد قياس خصرنا ندون القياس ع ورقة كرمال وقت نخلص نشوف التغير بالقياس

نشرب مي كتير 3 لتير يومياً

دائما السلطة ثم السلطة ثم السلطة بأي كمية

مسموح اللبن الحليب اللبنة اللبن ... كلشي مشتقات الحليب

ركزوا عالبروتين بيشبعكن ( انواع اللحوم ...البقوليات ...)

نخفف نشويات أهم نقطة

برجع بقلكن المي ضروري ضروري كتيييير

أي سؤال حابين تستفسروا عنو انا بالخدمة اسألوني😘👇

برجع بقلكن اتحدوا حالكن 💪

يلا بينا كل حدا حابب يشارك يعلق تحدي لشوف كم صبية حابة تشارك معنا

#ضيفو رفقاتكن عالصفحة يستفادو يشاركوا👍

الإرادة كنز ويتهنى كل حدا عندو إرادة وتفائل
الطريق صعب بس إرادتنا بتسهل علينا الطريق
بطلتي يلي بفتخر فيا وبالاصرار والإنجاز يلي حققتو لهلق

18 كيلو ب3 شهور نزول صحي بالرياضة والحمية والمثابرة ولسا مكملين لنوصل للهدف للنوصل للشي يلي عطانا هي الارادة

كلنا بنتعرض لنوقف كلنا بنتعرض لنتخاذل شوي بالاكل بس مو كلنا بنرجع وبنكمل مو كلنا عنا هي القوة ..

خلينا دائما نمتلك هي القوة يلي بتخلينا نرجع دائما لنوقف نرجع لنظم أكلنا رياضتنا مانفقد الأمل ونكون صبورين صبورين بكل ما تعنيه الكلمة ونحب حالنا ونشجع حالنا لانتطلع ابدا لورا ولا نسمع القيل والقال

كونو واثقين بحالكن لان الثقة بتعمل إنجاز💪👍

أستغلوا الفرصة بالتحدي يلي نزلنا أستغلوا الفرصة اوعوا ع حالكن قبل مانوقع بمرض بسمنة لاسمح الله لنفكر أخر شي بالرياضة والأكل
ً💪❤️


Russia Gym 2

بونجور البطلات بونجور الجسم الصحي 💪😍

بونجور التحفيز والطاقة وبتمنى دائما حفزكن لتوصلوا لهدفكن باي شكل جسم بدكن ياه وبالجسم الصحي يلي بنسعى لتشكيلو

ومنشان التحفيز رح أطرح فكرة لنحفز بعض ونكون أيد وحدة لنساعد بعض ونمشي بنفس الطريق

(((((تحدي ال14 يوم )))))

التحدي قائم على كم شغلة :

*ممنوع الخبز نهائي أبيض وأسمر اعتمدو بالاكل عالخس الملفوف الفليفلة الخيار

( اي اي فطرو بالفليفلة والخيار والملفوف والخس)😒

*ممنوع أي مشروبات غازية او مشروبات بتحوي سكر
هي يلي بتقلي مابصحصح غير مااشرب نسكافيه وهوت شوكليت وهالحكي كلو ...... تخلي أما تضربا كف تصحصح فيه 😒 مفعولو أقوى من مية نسكافيه
بتقدرو تشربو عصير (طبيعي ) مصنوع بالبيت يعني بتعصروا بايدكن بدون سكر بس

*ممنوع أي نتفة بسكوتة او حبة شيبس حتى اي شي من برا ممنوع كروسان صمون كعك معجنات كلشي بيشبه الخبز حتى ممنوع تعملوا بالبيت

*ممنوع العشا اعتمدي عالسلطة بس

*شرب المي بكميات كبيرة مابدي ٨ كاسات لا اقل شي لترين باليوم

*السلطة مسموحة بأي وقت وبأي كمية

*نشرب كاستين شاي أخضر وبقدر ضفلو زنجبيل وقرفة

* النوم مهم جدا أقل شي ٨ ساعات

* بنقلل كمية النشويات بأكلنا

واخر شي مابننسى الرياضة ثم الرياضة ثم الرياضة

# #طبعا هاد التحدي مو سهل ومو صعب طبعا رح نساخد القياسات قبل التحدي وبعد التحدي للمشاركة معنا وونزل الشكل ومقدار تغير المقاسات يلي رح تكونو رضيانين فيه
خليكن اقوى خليكن صامدين صبورين خليكن متحفزين

رح نكون سوا ايد وحدة رح نصنع أنجاز سوا رح نستغل ضعفنا والشي يلي بيزعجني لنصنع القوة لنصنع الابداع لنكون مثل لغيرنا

خلينا نصنع الفرق💪💪👍

اي شي حابين تسألوني عنو اسألوني ولسا بشرحلكن أكتر وبتمنى من الكل يتغلب ع حالو ويحس بالقوة ويشارك معنا لنكون أفضل