Free Throw

نهاية الربع الثالث بتقدم نيوزلندا بنتيجة 99-57.

نهاية الشوط الأول بتقدم نيوزلندا بنتيجة 65-43، شوط أول مقبول في العديد من مجرياته.

المهم هو اللعب برجولة 🇸🇾

مباراة جيدة حتى الآن لمنتخبنا، باستثناء أول دقيقتين!

النتيجة 45-34 وباقي 4 دقائق ونصف على نهاية الشوط الأول.

منتخبنا الوطني ينهي الربع الأول متأخراً أمام نيوزلندا بنتيجة 31-19 🇸🇾🚨

الخماسي الأساسي لمنتخبنا الوطني أمام نيوزلندا:

جيمس جاستس - عمر إدلبي - يوسف عبدالله - كريستيان ماران - كامل عبدالله

هيّا نقدم صورة مغايرة!🇸🇾👏🏻

منتخبنا الوطني للرجال يواجه نيوزلندا في ثاني مبارياته بالدور الحاسم من تصفيات كأس العالم 2027.

- المباراة ستنطلق بتمام الساعة التاسعة صباح غدٍ الأحد ومنقولة عبر قناة بي إن سبورت 8.

جميّل يختار ميار بلبيسي وآندريه فارس 🇸🇾

أعلن المدير الفني لمنتخبنا الوطني الأول للرجال هيثم جميل عن القائمة التي ستخوض مباراة نيوزلندا في ثاني مباريات الدور الحاسم من التصفيات المؤهلة لكأس العالم 2027.

القائمة شهدت غياب مجد عربشة وعبد الوهاب الحموي وعودة ميار بلبيسي وآندريه فارس للتشكيل النهائي.

اليكم قائمة منتخبنا ⬇️

عمر إدلبي - كريستيان ماران - يوسف عبدالله - كامل عبدالله - عمر مكناس - ميار بلبيسي - آندريه فارس - جيمس جاستس - عبد الرحمن الكردي - عمر شيخ علي - ديڤيد هرمز - طارق الجابي

يذكر أن المباراة ستنطلق بتمام الساعة التاسعة صباح غدٍ الأحد ومنقولة عبر قناة بي إن سبورت 8

بالتوفيق 🇸🇾💚

فضيحة كبيرة للسلة السورية بالفلبين ، مين المسؤول و شو هي الأسباب؟

بكل بساطة وبتجرد ما حدا بسورية كلها كان حاطط أمل 1% أنو نفوز اليوم على أستراليا ، بس بنفس الوقت فينا نقول أنو كان في آمال بأنو يطلع منظر المباراة مقبول لحد ما.

بتعمق بسيط بالسلة الأسترالية، فيني قول أنو الفريق الثالث مع لعيبة الصف الرابع بأستراليا ربح كأس آسيا ، الدوري الأسترالي من الأقوى بالعالم وبغير ليڤل كلياً عن كل دوريات آسيا وفيو لعيبة NBA أستراليين وأجانب بالمقابل الجواب عند الكل معروف اذا بدنا نسأل أو نحكي عن دورينا.

هيك مباراة بتدفع الاتحادات " مصاري " حتى تلعبها ولو كان في فوارق فنية كبيرة لأنو لو في خطة إعداد صح بتقدر تستفاد منها ، أول سؤال بينسأل ليش ما لعب ميار بلبيسي يلي عم تحكي فيه العالم كلها بأنو أهم مشروع للسلة السورية حالياً؟؟

السؤال التاني يلي بقدر أسألو ليش أخدنا هابو اذا مافي خطة للاستفادة منو بالمباراة بدل ما يلعب بوقت المباراة فيه فاصلة حرفياً مع العلم أنو هابو بطولو وإمكانياتو حلم لأي منتخب؟؟

السؤال الثالث ليش ما بلشنا شغل للمستقبل من هي النافذة ورحنا بمنتخب الشباب يلي كان بالهند مع تطعيم بأفضل اللاعبين الشباب عنا ؟

مع كل الحب والاحترام للأسماء الكبيرة " هي قدمت يلي عليها " وأكيد صار الوقت يسلمو الراية لجيل جديد وأنا متأكد أنو ما حدا رح يكون زعلان منهم.

بنظرة بسيطة : كريستيان ماران مع إيجابياتو وسلبياتو " ما حدا كامل " قدر يمشي مع ستايل اللعب الأسترالي لأنو متأسس صح وبيعرف قواعد كرة السلة ، وبيلعبها بشكل سهل ومو بتعقيد متل العقلية يلي عنا بشكل عام ، كمان ديڤيد هرمز عندو شي منيح وعمر مكناس رغم انو إبن الدوري السوري قاتل وعمل يلي عليه وقت كان بالملعب وهاد دليل انو هيك مباريات لهيك لعيبة المستقبل إلها.

أكيد هلق فيني أقعد احكي واكتب من هون لبكرا ، بس مو هون المشكلة!

المشكلة أنو لحد الآن ما عنا استراتيجية واضحة ، مو عرفانين شو بدنا مع احترامي للكل.

صار وقت " نهضة حقيقية بالسلة السورية " ، عنا الإمكانيات وعنا الأدوات والعناصر المطلوبة بس بدهااااا خطة إعدااااد وااااضحة!!!