سلة ضاحية الفردوس

❤️

تم يوم الثلاثاء ١٦ آب ٢٠٢٢ مباراة ودية بين فريق الناشئين الشباب في نادي ضاحية الفردوس الرياضي وقريق الناشئين الشباب من مدرسة المهارات skills school. انتهت بنتيجة ٤٢ مقابل ٣٦ لصالح فريق skills. اظهرت المباراة مدى جدية ومهارة الفريقين ومستوى اللياقة العالي والاداء الممتاز. يعود الاداء الرائع الذي تم لانضباط الاعبين وامتثالهم لتوجيهات المدرب ومتابعتهم لتدريباتهم بشكل منتظم وذلك من كلا الفريقين. و كإدارة نادي الفردوس تشكر اللاعبين بشكل اسمي وهم(ابي جلعود+يمان سنكري +نديم الناصر علي +مجد بدران +سعد الدين نقطة +همام الفلو +هادي سرحان+اديب هاشم+زين العابدين محمد ). بالنسبة لنادي ضاحية الفردوس..لابد من شكر المدرب محمود الاحمد لاهتمامه المتواصل ومثابرته على تقديم أفضل ماعنده تجاه اللاعبين باعتبارهم أخوته وأصدقاءه . كما لابد من توجيه الشكر والامتنان للحكم معتز الرقوقي على توجيهاته وتعليماته للمتدربين. وفي النهاية الشكر الكبير للدكتور محمد الحريري رئيس النادي على سعة صبره والتسهيلات التي قدمها ويقدما في سبيل اتجاه أي نشاط يخص النادي.والشكر الاول والاخير للسادة:محمود شويكي مدير مدرسة skills لتعاونه الكبير واستقباله الرائع وللمدربين حيدر عيوش و وسام عبود
عضو مجلس ادارة نادي ضاحية الفردوس
د. رضوان الخطيب
Skills Sports School

أول مباراة ودية لفريق السلة بنادي ضاحية الفردوس مع فريق school skills. يوم أكيد مارح ينساه كل لي شارك فيه من متدربين ومدرسين. لهيك حابب اتشكركن واحد واحد..لأ كل واحد منن بيستاهل أنو ينشكر لحاله رح بلش بالكوتش محمود احمد. هالصوت لي آخد من قلبي وعقلي حصة...نصها حلو ونصها التاني أكتر حلاوة النص الحلو أنو نشيط وجيد ومو دائما بيقبل النقد. والنص الأكتر حلاوة..بالتعب لي تعبه..وتفانية لي تفاناه تجاه النادي..ولا سيما وقت لي ما سجل فيه غير خمس طلاب بسبب كورونا قلي وقته تكرم دكتور..هدول ولاد جيرانا..و ولاد ضاحيتنا مابدي مصاري شكرا الك كوتش..اليوم بين تعبك لي عنجد ما بتقدر بكنوز الدنيا. أما الكوتش بشار محفوض...هالشب الخلوق.. لي قدر خلال ٣ شهور..يعمل لاعبين..يمكن مافيي طول بالحكي عن الكوتش بشار متل ما حكيت عن الكوتش محمود...لان ماعرفنا مع بعض بالنادي غير ٣ شهور و بالمقابل مع الكوتش محمود ٣ سنوات. لهيك كان احساسي بالكوتش محمود أكتر شوي...لأن في قصص وتعب أكتر يمكن..بس عنجد كوتش بشار شكرا الك. معتز الرقوقي...هالشب الحليوة ...صاحب الضحكة و النهفة...كان حكم بالمباريات لي ساويناها بجمرايا بين طلابنا...شكرا الك حكمنا الحلو واهلا وسهلا فيك بنادي ضاحية الفردوس أما عن الطلاب...شو بدي احكي عنن...كل ما مسكو الطابة بهالمباراة...تنمسك روحي معن لحتى يضربوها عالبانية...واذا فاتت غول..يا الاهي...عنجد شي حلو لهيك حابب اتشكرن فردا فردا
(ديمة الظاهر+رهف علي+رهف الشوا+بانا فارس+ريماس الضاوجي+رنيم موسى+ليا كره قلا +سارة محمد+غزل سليمان +شذى الخطيب+رهف قابقلي) وكونو دائما في طلاب مميزين..ولازم نكافيهن تقديرا لتعبن ولنحمس الباقي..وكونوا نحن نادي بسيط وع قدنا..والمكافأة معنوية أكتر ما هيي مادية.وبالتالي تعفى الطالبة ديما الظاهر ٣ شهور من رسوم التدريب..والطالبة رهف علي شهرين و الطالبة سارة محمد شهر ومسك الختام ..الشكر الكبير للدكتور محمد الحريري رئيس النادي..هوي مو رئيس نادي قد ما هوي أخ الي وأب للمدربين والمتدربين
شكراً دكتور محمد الحريري.
د. رضوان الخطيب.

اجمل الاوقات مع احلى طلاب ❤️ اسرة السلة في نادي ضاحية الفردوس ❤️

قبل بدء المباراة الثانية في نادي ضاحية الفردوس بين فريقي الشباب في النادي ❤️كان ادائكن بجنن النجاح الدائم نشالله ومبروك للفريق لفاز وشكرا الكن على تعبكن ❤️

يعطيكن الف عافية عالجهد لقدمتو خلال المباراة الودية ونشالله الف مبروك ❤️ ونشالله منضل ايد وحدة ومنكبر سوا ومنحقق انجازات اكبر ❤️

Happy birthday sama❤️🎉