alamira silanceالأميرة سيلانسي

23/09/2026

أحياناً منكون عم نحاول نرقص «صح»…
لدرجة إننا مننسى نرقص بإحساس. 🤍
منراقب كل حركة، منخاف نغلط، ومنفكر كيف شكلنا بالمراية…
وبدل ما نسمع الموسيقى، منضل نسمع صوت النقد براسنا.
بس الرقص الحقيقي بيبدأ لما تخففي هالرقابة شوي…
وتتركي جسمك يسمع، يحس، ويجرب.
مو ضروري تكون كل حركة مثالية.
المهم إنك تكوني حاضرة فيها. ✨
جربي المرة الجاية ترقصي أغنية كاملة بدون ما تطلعي عالمراية…
وبعدين خبريني:
كنتِ عم ترقصي؟ ولا كنتِ عم تراقبي حالك وأنتِ عم ترقصي؟ 👀💃🏻
#راقصة #رقص #أنوثة

23/09/2026

22/09/2026

💃🏻 برنامج كورسات الرقص الشرقي
📍 نادي نور الروح – حي الوحدة، دخلة المستوصف
• كورس مسائي: السبت – الاثنين – الأربعاء | 🕕 6:00 م
• كورس صباحي: الأحد – الثلاثاء – الخميس | 🕐 1:00 ظ
• كورس مكثف كل جمعة: 🕕 6:00–8:00 م
📍 Fusion Gym – القصاع
📌 بجانب المشفى الفرنسي وفرن القصاع
• الأحد – الخميس | 🕔 5:00–6:00 م
🌍 تدريب أونلاين – لجميع الدول

18/09/2026

لو جسمك قدر يحكي معك بصراحة… شو كان رح يقولك؟ 🩷
يمكن يقولك:
«خففي ضغط عن حالك…»
«بطّلي تقارني نفسك بغيرك…»
«درّبيني على الجهة اللي بتتعبني…»
«خليني أحس بالموسيقى بدل ما أعدّ كل حركة…»
أو يمكن يقولك ببساطة:
«اتركيني أرقص.» ✨
أحياناً جسمنا ما بيكون عم يعاندنا…
هو بس عم يطلب منّا نفهمه أكتر.
والرقص مو بس كيف بتتحركي…
هو كمان كيف بتسمعي جسمك، وبتحسيه، وبتعطيه المساحة يكون على طبيعته. 💫
هلأ دورك 👇🏻
لو جسمك بعتلك رسالة اليوم…
شو أول جملة بتتوقعي يقولك ياها؟
اكتبيها بالتعليقات بدون تفكير كتير. 🩷

18/09/2026

الواد قلبه بيوجعه.. وعايز حد يدلّعه" 🤍✨بس الصراحة؟ ما حد مأكول حقه بالدلال متلنا نحن البنات! وإذا ناطرة حد يدلعك ماراح تخلصي، تعي أنتِ دلّعي حالك، وافصلي عن كل ضغوطات الدنيا بكورس الرقص الشرقي الجديد! 💃👑بالكورس تبعنا مو بس جايين ننبسط ونغير جو؛ رح نتعلم التكنيك الصح خطوة بخطوة، وندرب الجسم على الليونة والأنوثة، يعني تعليم حقيقي، وبسط، وفصلة طاقة إيجابية بنفس الوقت! 🌸🎻تفاصيل الكورس:🗓️ الأيام: كل أحد وخميس.⏰ التوقيت: من الساعة 5:00 حتى 6:00 مساءً.📍 المكان: فيوجن جيم - Fusion Gym.🗺️ العنوان: القصاع - بجانب المشفى الفرنسي وفرن القصاع.🚨 ملاحظة هامة: أول كلاس وبداية الكورس رح تكون هاد الأحد بتاريخ 20 أيلول (2026-09-20).💌 الأماكن محدودة لتأخذ كل صبية حقها بالتعليم والدلال، لحقي حالك وتواصلي معي عالدايركت لتثبتي اسمك. ناطرتكم! ✨
#القصاع

17/09/2026

اليوم بدي أعمل شي مختلف شوي 🤍
إذا عندكِ مشروع، شغل خاص، صفحة، براند، أو حتى مهارة عم تحاولي تكبّريها… لا تخجلي تحكي عنها! ✨
اكتبي بالتعليقات: 💬 شو شغلك؟ 📌 شو اسم صفحتك أو مشروعك؟ 🔗 وإذا عندك حساب، خلي البنات يفوتوا يتابعوكي ويدعموكي.
خلّونا نعمل من هالبوست مساحة دعم لبعضنا 🤍
يمكن تعليق واحد منك يكون سبب إن وحدة تلاقي زبونة جديدة، أو متابعة جديدة، أو فرصة كانت ناطرتها من زمان.
والأهم… ضلّوا انشروا عن شغلكن!
لا تفكروا إنكم عم تزعجوا الناس لما تحكوا عن شغلكن.
الناس ما رح تعرف شو بتقدمي إذا ما حكيتِ عنه 🌷
يلا، مين أول وحدة رح تعرفنا على شغلها؟ 👇🏻❤️

16/09/2026

صبايا العم يسألو ع كورس القصاع راح نبلش الأحد و التسجيل والتثبيت بنادي فيوجن جيم حد مشفى وفرن القصاع بدكن تفاصيل أكتر بعتولي ماسنجر رابط الفيس بل بايو انستغرام محظورة من الرد ل ٣ تيام 😔

15/09/2026

ليش بدك تسجّلي رقص؟ بدك تصيري رقّاصة؟» 🙃
يمكن أكتر شي بيضحكني إن بعض الناس لسه بيشوفوا الرقص من زاوية واحدة بس:
إذا ما بدك تصيري راقصة محترفة… ليش عم ترقصي؟
طيب… ليش منروح نمشي؟
ليش منتمرّن؟
ليش منعمل يوغا؟
ليش منمارس أي نشاط بيخلينا نتحرك وننبسط؟
الرقص الشرقي مو بس تعلّم حركات.
هو حركة للجسم، وتناسق، وتوازن، ومرونة، وتقوية وتحكم بالجسم…
وهو كمان مساحة لتفريغ الضغط، والتعبير، واستعادة علاقتك بجسمك، وزيادة الثقة والحضور.
وأحيانًا بتفوتي على الكورس لأنك بتحبي الموسيقى والرقص…
وبتكتشفي مع الوقت إنك صرتِ أريح بجسمك، أجرأ، وأقرب لنفسك.
فلا، مو ضروري تكوني بدك تصيري «رقاصة».
يمكن بس بدك تعيشي جسمك بطريقة أحلى. ❤️
وإذا حدا سألك: «ليش رقص؟ شو بدك تصيري؟»
قولي له:
«ولا شي… بدي كون أنا.» ✨
هلق خبروني:
شو أكتر تعليق مستفز سمعتوه لما قلتوا إنكم بدكم تتعلموا رقص شرقي؟ 👀

15/09/2026

✨ وأخيرًا… الكورس اللي كتير منكن كانوا ناطرينه! ✨
مو بس لنتعلّم الرقص الشرقي…
هالمرة بدنا نتعلّم، نرقص، نفرّغ طاقتنا وننبسط سوا 💃🏻❤️
نتعلّم الحركات بطريقة صحيحة، ونعيش الموسيقى، ونخلي كل بنت تلاقي أسلوبها وحضورها بالرقص.
📍 Fusion Gym – القصاع
⏰ الأحد والخميس | 5:00 – 6:00 مساءً
👑 مع كوتش الأميرة سيلانسي
💃🏻 إذا بتحبي الرقص وبدك تتعلميه وتعيشي جوّه بنفس الوقت… هالكورس إلك.
📩 للحجز والاستفسار: رسالة خاصة
جاهزة نرقص وننبسط؟ ❤️🔥