فريق الفينيق- Phoenix Team

بعد يوم مليان مشي، استكشاف، وهيبة تاريخية بين جبال اللاذقية وقلعة صلاح الدين… رح يكون موعدنا مع وجه تاني من جمال الساحل السوري: شط البدروسية 🌊🌿

هون رح نترك تعب المسير ورا ضهرنا، ونستقبل وقت الراحة والاستجمام بين البحر والرمل والهوى النقي.

رح نقضي وقت ممتع عالشط، نسبح، نسترخي، نضحك، نلتقط صور حلوة، ونعيش لحظات بسيطة بس مليانة طاقة وجمال 📸

وبالليل… الأجواء رح تصير أدفى مع سهرة نار على الشط، قعدة حلوة، صحبة، حكايات، وضحك تحت السما 🔥✨

أما تاني يوم، فرح يكون مخصص للألعاب التفاعلية والأنشطة الجماعية على البحر… تحديات، فرق، حماس، ومواقف بتضل بالذاكرة.

رحلة بتجمع بين المغامرة والاستجمام… بين الجبل والبحر… وبين التاريخ والضحكة الحلوة.

ضمن نشاطنا القادم، رح ناخدكم بمسار بيجمع بين سحر الطبيعة وهيبة التاريخ… وواحدة من محطاتنا المميزة رح تكون زيارة قلعة صلاح الدين في ريف اللاذقية 🏰🌿

بين جبال الساحل السوري وبالقرب من مدينة الحفّة، بتطل القلعة كواحدة من أجمل وأهم القلاع التاريخية بسوريا.

مو بس حجارة قديمة… هي حكاية عمرها مئات السنين، شاهدة على حضارات ومعارك وتاريخ طويل. موقعها بين الوديان والغابات بيعطيها هيبة خاصة، وبيخلي الوصول إلها جزء من المغامرة.

رح تكون زيارتنا محطة أساسية برحلتنا… لنستكشف، نمشي، نعيش لحظة تجمع بين الهايك والطبيعة والتاريخ، ونوثّق صور حلوة 📸

استعدّوا لنشاط مختلف… فيه روح المغامرة، عبق الماضي، وجمال اللاذقية الخفي.

لمعلومات كاملة، رابط الإيفنت بأول تعليق

من نشاطنا درب النجوم ١٠

درب النجوم ١٠ ، حلبون - تلفيتا #فريق_الفينيق

نشاطنا القادم ... جاهزين 💪😁