عشاق نادي جبلة الرياضي

💙💙💙💙

بعد ما انتهت المباراة وطلعنا بتعادل مخيب للأمال خلونا نحكي عبساط أحمدي
عندي عدة أسالة موجهة للشارع الرياضي الجبلاوي
حدا منكم بيعرف شو بدها ادارة النادي من الفريق هالسنة !!
حدا مننا سمع خطت الإدارة لهل الموسم شو بدهم !!
حدا منكم بيعرف شو طلبوا الإدارة من المدرب وقت قامو باستقدامه مشان نعرف ننتقد المركز او عدد النقاط!!
طبعا ماحدا بيعرف لانو أساسا هالشي مابس عنا بالنادي هال
شي هاد بكل اندية سورية باستثناء ناديين تلاتة
طب نحن لايمتا رح نضل متأخرين !!!
طيب نحن فريق محقق كأس الجمهورية السنة الماضية
فريق صار عنا افضلية ولو نفسيا على كتير اندية بس لمجرد اننا ابطال الكاس
اللاعبين الموجودين عنا بالفريق مش بالجودة العالية الخارقة الحارقة
الي وصلنا لهل المركز الي نحن فيه مش معلمية مدرب ولا دهاء ادارة
الي وصلنا لهون هو الانسجام الموجود عند اللاعبين الي صرلن مع بعض اكثر من موسم والشحن الي عم يشحنوه جمهورنا الي اي لاعب بيتمنى يكون عندو هيك جمهور
بس ليش كل فترة ان كان هالموسم ولا الموسم الماضث منشوف هالاداء المخيب فجأة ؟؟!
ببساطة لأنو ماعنا ولا لاعب عالاحتياط قادر يعمل اضافة اذا نزل واللاعبين الي بالملعب مافينك تطلب منهم كل مباراة يقدموا اداء عالي المستوى
طيب شو بتعمل الفرق الي مدخولها ضعيف ؟!
بيشحدو ؟! اكيد لا
طب حدا يفهمني نحن مهددين بالهبوط ؟؟ لا
طب نحن منقدر نكون ابطال الدوري ؟؟! طبعا لاااا
طب انت عندك فريق شباب عم يقدم أجمل مباريات وفيه لاعبين بشهو القلب متى بدنا نعتمد عليهم ونعطيهم فرصة ؟
ادارة النادي على طول بقلولو قرار مدرب
اذا عنجد قرار مدرب انتوا على عشو متفقين معه من بداية الموسم
شو رح نستفاد ياجماعة حدا يفهمني اذا خلصنا الموسم حتى لو بمركز وصيف وماجهزنا ولا لاعب يكون دعم النا بالمواسم الجاية ؟؟
حدا يجاوبني شو رح نستفاد !!
انتو شو عم تعملوا ؟
شو عم تخططوا ؟
انا ضد انتقاد المدرب اذا ماني على علم الادارة شو طالبين منه
ومافيني ضل ساكت وما انتقد الادارة وهي عم تقود الفريق بطريقة سرية عشوائية
يا اخي اطلعو عالعالم وقولولهم نحن هالسنة بدنا نجهز فريق ينافس عالدوري بعد سنتين تلاتة اربعة الي هي
وبدنا نحاول هالموسم نطلع بين مركز ٦/٩
والموسم الجاية ٥/٧
والي بعده بين ال الثلاثة الاوائل
وبعدين بدنا ننافس
عطوا فرصة للمدرب الي حيجي يقدر يشرك لاعب شباب ومايخاف عنقاط المباراة عطوه فرصة مايكون تحت ضغط الجمهور بعد كل مباراة
عطوه فرصة اذا في لاعب بلش يتغالظ
يلعب لاعب شباب ويعاقب الاعب الغليظ
واذا المدرب مارضي يعطي فرصة الله والنبي معه هو الي بشد عأيده يا جماعة
هالسنة يادوب نقدر نكمل الدوري وضع البلد صعب وبجوز السنة الجاية مايكون في مصاري نهائيا عنا لسه فرصة الاياب كامل اقعدوا مع المدرب واحكولو هيك هيك خططنا واذا مانك قادر منعتذر منك
بتمنى اي حدا بدو يعلق تعليق يفكر مليا ويقرأ البوست
صدقا ماني ضد اي شخص ولا موجه كلامي لأي شخص
الموضوع الاهم نادي جبلة فقط وشكرا

كونو كتااار 💙🤍💙🤍

التحضيرات جارية لحفل اليوم واعمال التنظيف والترتيبات اللوجستية لمكان الحفل مستمرة وجارية على قدم وساق بدون كلل او ملل لتكريم أبطال الجمهورية فور عودتهم من دمشق بعد لقاء الجيش الختامي هذا الموسم.

نذكركم بموعدنا اليوم الاحد الساعة 9:00 مساءً في ساحة المول.

هااااام 💙🤍

هــــــام :

الابطال يصلون إلى جبلة عند الساعة الرابعة والنصف
إلى كل جماهير جبلة العظيمة التوجه أمام باب النادي للاحتفال برجال جبلة أبطال كأس الجمهورية العربية السورية.

للنشر والتعميم الفوري 💙💙

🔵🔵صباح أبطال الكأس ⚪️⚪️
🤍💙 ⭐️⭐️⭐️⭐️💙🤍
🤍💙 🏆🏆💙🤍

نهاية احداث الأشواط الإضافية بالتعادل السلبي في كل شيء من الطرفين
ونذهب الآن إلى ركلات الجزاء الترجيحيَّة

إذاً ..عودة الكهرباء بشكل كامل
على بركة الله بداية الشوط الإضافي الأول

يااااارب 🔵⚪️💙

بانتظار عودة التيار الكهربائي لاستكمال المباراة 🥲
وبدأ الأشواط الإضافية

نهاية اللقاء بالتعادل السلبي
0-0
إلى الأشواط الإضافية
💙🤍