MAMM in Thailand

ဂျူဂျစ်စုကို ဘယ်ကနေစလေ့လာရမလဲ❓❓❓

➡️ ဒါကတော့ ဂျူဂျစ်စုလေ့ကျင့်လို့ရတဲ့ နေရာတွေနဲ့ အရမ်းကို အလှမ်းဝေးနေတဲ့ ဘရိုတွေအတွက် အကြံပြုချက်လေးပါ။

➡️ ဒီလိုပြောလို့ ကျွန်တော်လည်း အရမ်းကြီးကျွမ်းကျင်နေတာမျိုးမဟုတ်ဘဲ ဝါသနာတူညီအကိုတွေကို ဝေမျှတဲ့ သဘောသက်သက်ပါ။

➡️ တကယ်တမ်းကတော့ လုံးရတဲ့ ပညာရပ်မို့လို့ ကိုယ်တိုင်လေ့ကျင့်တာထက် လေ့ကျင့်ဖော်ရှိရင်ပိုကောင်းပါတယ်။

🔴 (၁) ဂျူဂျစ်စု position တွေ လေ့လာပါ‼️

➡️ ဂျူဂျစ်စုမှာ ကိုယ်ကအသာစီးရတဲ့အနေအထား ၊ ကိုယ်က အသာစီးမရတဲ့အနေအထား ၊ Neutral လို့ခေါ်တဲ့ ဘယ်သူမှ အသာစီးမရတဲ့ အနေအထားစသဖြင့်ရှိပါတယ်။

➡️ ဒါကြောင့် အောက်ကို ပြုတ်ကျသွားရင်တောင် ကိုယ်ကဘယ်လိုအနေအထားကိုယူရမလဲ❓ ဘယ်လိုအနေအထားတွေကတော့ အသာစီးရမလဲဆိုတာ သိနေဖို့လိုပါတယ်။

➡️ ကျွမ်းကျင်မှုဆိုတာ ဗဟုသုတ ၊ အသိပညာကနေလာတာပါ။

➡️ ကျွမ်းကျင်မှုက လေ့ကျင့်မှရမှာတော့ သတိပြုစေချင်ပါတယ်။

🔴 (၂) ပြိုင်ပွဲတွေလေ့လာပါ‼️

➡️ အပေါ်ကအဆင့်ပြီးလို့ အနေအထားတွေကို သေချာသိပြီဆိုရင် ဂျူဂျစ်စုပြိုင်ပွဲဖြစ်ဖြစ် ၊ MMA ပွဲမှာဘဲဖြစ်ဖြစ် သူတို့ဘယ်လိုနေရာယူလဲဆိုတာ လေ့လာလို့ရပါတယ်။

➡️ ဒီကနေမှ သူတို့ချုပ်ကွက်တွေ ဘယ်လိုဖန်တီးယူလဲဆိုတာ အနည်းအကျဉ်းတော့ သဘောပေါက်လာမှာပါ။

🔴 (၃) ချုပ်ကွက်ဖြေဖို့ကို အရင်လေ့လာပါ‼️

➡️ ချုပ်ကွက် ဖြေတဲ့ အခြေခံအချက်လေးတွေက အသုံးဝင်ပါတယ်။

➡️ လုံးဝကို အခြေခံကျတဲ့အချက်တွေကို လေ့လာတာက တကယ်ကို အကျိုးရှိမှာပါ။

✅ Offline မှာ လေ့ကျင့်ပါ။ MAMM Martial arts Academy မှာလေ့လာပါ ✅

Kyokushin (ကျို့ခုရှင်း) ဆိုတာ "အန္တိမ အမှန်တရား"

ယနေ့ခေတ်မှာ ကရာတေး (karate) ကို မသိသူမရှိကြ။
ကရာတေး ဆိုသည်မှာ လက်နက်မဲ့ သိုင်း။
Shotokan Karate
Okinawan karate တို့မှာ လူသိများသော ကရာတေးပညာရပ်များဖြစ်ကြ ပြီး မတူကွဲ ပြားသော လေ့ကျင့်နည်းစနစ် Kata များ ပြိုင်ပွဲများ အသီးသီးရှိကြပြီး ကမ္ဘာတဝှမ်း လူသိများကြသည်။

ဂျပန်ပြည်တွင် ကရာတေးဒိုဂျိုပေါင်းများစွာရှိကြသော်လည်း
အခက်ခဲဆုံး အပင်ပန်းဆုံး အကြမ်းဆုံးဟု သမုတ်ခေါ်ဝေါ်ကြရသည့် ကရာတေးတမျိုးရှိလေသည်။
နာမည်က 🤜Kyokushin Karate🤛

Kyokushin Karate ကို စတင်ခဲ့တည်ထောင်ခဲ့သူ ကလည်း Kyokushin နည်းတူ အခက်ခဲဆုံး အကြမ်းတမ်းဆုံး လမ်းတွေကိုမှ ဖြတ်ကျော်ခဲ့သည်။ ရိုက်ချိုးခဲ့သည်။ အနိုင်ယူပြခဲ့သည်။

ထိုသူ၏ အမည်နာမကား
🤜 Matsutasu Oyama ခေါ် ချွိုင်ဘေဒယ်🤛

သူ့ကို ကမ္ဘာက သိကြသည့်အမည်က
🥋 နတ်ဘုရားလက် ပိုင်ရှင်🥋

တကယ်တော့ Masutatsu Oyama ဟာ ဂျပန်လူမျိုးမဟုတ်ပါဘူး။
ကိုရီးယားမှာ မွေးဖွားခဲ့ပြီး ကိုရီးယားကို ဂျပန်တွေ ကျုးကျော်ထားချိန်မှာ အကိုနဲ့အတူ ဂျပန်ရောက်ခဲ့တာပါ။
ငယ်စဥ်တုန်းက တရုတ်လယ်သမားက သူ့ကို တရုတ်သိုင်းအခြေ ခံတွေသင်ပေးခဲ့ပြီး သိုင်းပညာမျိုးစေ့ချခဲ့တာပါ။
အပင်ပေါက်လေးတွေအပေါ် ခုန်ကျော်ခိုင်းပြီး
လေ့ကျင့်စေခဲ့တာကြောင့် အရွယ်ရောက်လာချိန်မှာ ကြောင်တကောင်လို့ ပေါ့ပါးစွာ ခုန်နိုင်ခဲ့ပါတယ်။

ဂျပန်မှာ လေယာဥ်မောင်းသင်တန်းကျောင်းတက်ခဲ့ပြီး
ဒုတိယကမ္ဘာစစ်အပြီး ဂျပန်တွေ စစ်ရှုံးတော့ ဂျပန်မှာပဲ
သောင်တင်နေခဲ့တာပါ။

ဘဝကို ခက်ခဲစွာရုန်းကန်ရင်း ဂျပန်ကရာတေးသင်တန်းတွေမှာလည်း ပညာလေ့လာဖူးတယ်လို့ဆိုပါတယ်။

ဂျပန်စစ်တပ်ထဲ ဝင်တော့လည်း Judo ကို အဆင့်တခုထိ ပြီးမြောက်အောင် သင်ယူခဲ့ပါသေးတယ်။

ဒါပေမယ့် Korea ကန်ပို သိုင်းကိုလည်း သင်ယူခဲ့ဖူးတာကြောင့် သူ့စိတ်ထဲမှာ စစ်မှန်တဲ့
ကရာတေးပညာရပ်တခုကို တီထွင်ဖို့လည်း အမြဲစဥ်းစားနေခဲ့ပါတယ်။

ဂျပန်တွေ စစ်ရှုံးအပြီးမှာ တိုက်ပွဲအတွင်း ဆုံးရှုံးခဲ့ရတဲ့ သူငယ်ချင်းတွေကြောင့် စိတ်ဒဏ်ရာရနေတဲ့
Mas Oyama ဟာ လမ်းပေါ်မှာ သူခိုးကြမ်းပိုးတွေနဲ့
ဖိုက်လိုက်
အမေရိကန် စစ်သားတွေကို တီးလိုက်နဲ့ အတိုင်းအတာတခုထိ လမ်းပျောက်နေခဲ့ဖူးပါတယ်။

တနေ့မှာ ဂျပန်ဒဏ္ဍာရီလာ သူရဲကောင်း Miyamoto musashi ရေးတဲ့ The book of five rings စာအုပ်ကိုဖတ်ရင်း သူ့ရဲ့ ရည်မှန်းချက်ကို အကောင်အထည်ဖော်ဖို့ ကြံစဥ်ပါတော့တယ်။

(Miyamoto Musashi ဆို ရှုံးပွဲမရှိတဲ့ ဓားသမား ရိုနင်တယောက်ပါ)

Mas Oyama ဟာ တောင်ပေါ်မှာ တယောက်တည်းနှစ်တွေကြာအောင် သွားရောက်ပြီး သူရှာဖွေနေတဲ့ စစ်မှန်တဲ့ကရာတေး ပညာကို မတီထွင်နိုင်မချင်း မဆုတ်မနစ် ကြိုးပမ်းလေ့ကျင့်နေခဲ့ပါတယ်။

တောင်ပေါ်ကနေ ပြန်ဆင်းလာချိန်မှာတော့ Mas Oyama နဲ့အတူ Kyokushin Karate လည်း ပါလာခဲ့ပါတော့တယ်။

Kyokushin Karate တွင် Kihon,kata,kumite ဟု ရှိလေရာ Kiho ကိုအခြေခံအက္ခရာ kata ကို စာလုံး စာကြောင်းများဆိုပါက Kumite သည် စကားပြောလေ့ကျင့်ချင်း အရေးလေ့ကျင့်ခြင်းဟု ရိုးရှင်းစွာ အဓိပ္ပါယ်ဖွင့်နိုင်မည်ဟု Mas Oyama က အဆိုရှိပါသည်။

Kumite ဆိုတာ လက်ဗလာ တီးတာပါပဲ။
Kyokushin ရဲ့နာမည်အကြီးဆုံးကလည်း Kumite ပါပဲ

ခါးစည်းစစ်ပွဲတွေမှာ Kyokushin karate ဟာ တကယ်မတတ်ရင် တကယ်မမာရင် ခါးစည်း အဆင့်တက်မပေးပါဘူး။

တိုက်ခိုက်ရင်း ဖြစ်လာတဲ့ နာကျင်ထိခိုက်မှုတွေကို
လျစ်လျုရှုကာ ဆတိုးလေ့ကျင့်ရင်း ကိုယ်ရောစိတ်ပါ သန်စွမ်းလာလိမ့်မည်ဟု ဆရာကြီးက ဆုံးလည်း ဆုံးမသလို သူကိုယ် တိုင်လည်း တကယ်ချလေ့ရှိသည်။

Kyokushin karate နာမည်ကြီးလာသည်နှင့်အမျှ ပညာရန်စ စိန်ခေါ်သူများလည်း ရှိလာရာ Mas Oyama ၏ သန်စွမ်းမှုများကလည်း နာမည်ကျော်လာခဲ့သည်။

တခြားသော ကရာတေးဆရာကြီးများနှင့် ထိုးသည်သာမက မွေထိုင်းချန်ပီယံနှင့်လည်း ပညာယှဥ်ပြိုင် အနိုင်ယူခဲ့ဖူးသည်။
အမေရိကန် သို့ လှည့်လည် ပညာဖြန့်ဝေရာတွင်လည်း အမေရိကန်နပမ်းသမားများနှင့် ယှဥ်လုံးခဲ့ဖူးသည်။

Mas Oyama သည် လူများဖြင့် ချသည်ကို အားမရတော့ပဲ နွားရိုင်းများနှင့် စိန်ခေါ်ထိုးသတ်ခဲ့သည်မှာ ထိုခေတ်က ဟုန်းဟုန်းကျော်ခဲ့ဖူးသည်။

ချိုသွေးထားသော နွားရိုင်းကို လက်သီးဖြင့်ထိုး၍ လည်းကောင်း ချိုမှ ကိုင်ဆွဲ၍ လည်းကောင်း မြေပေါ်လဲကျအောင် တီးထုတ်ပစ်သည်။
ထိုသို့ ထိုးသည်မှာ တကောင်တည်းမဟုတ်ပဲ 52 ကောင်တိတိ အနိုင်ယူခဲ့ရာ လက်ဝါးစောင်းဖြင့် ချိုကို ရိုက်ချိုးခဲ့သည့်အကောင်ရေမှာလည်း မနည်းပေ။
( မယုံရင် Youtube မှာ Mas Oyama vs Bull လို့ရိုက်ရှာပါ )

ထို့အပြင် Mas Oyamaသည် Kyokushin မျိုးဆက်သစ်များအတွက် စိန်ခေါ်မှုတခုကို ထားခဲ့လေရာ
100 man kumite ဟု အမည်တွင်သည်။
ထို စမ်းသပ်ချက်မှာ လူအယောက်တရာကို တရက်အတွင်း အလဲထိုးရမည်ဖြစ်သည်။ အနိုင်ယူသည့်အခါမှာလည်း ပြတ်သားရှင်းလင်းရမည်။

နမူနာအနေဖြင့် အမာဆုံး လူအယောက်တရာရွေးကာ Mas Oyama ကိုယ်တိုင် သုံးရက်တိတိ ဆက်တိုက်အလဲထိုးခဲ့သည်။ လေးရက်မြောက်တွင် ယှဥ်ပြိုင်မည့် လူတရာ မထိုးနိုင်တော့တာကြောင့် ရပ်ခဲ့ရလေသည်။
( ဤ အရာကား ပုံပြင်မဟုတ်)

ယနေ့အချိန်ထိို 300 man kumite ကို မဆိုထားဘိ 100 man kumite ပြီးမြှောက်သူပင် 15 ယောက်မပြည့်သေးပေ။

1994 Apirl26 ရက်မှာတော့ Kyokushin ဖခင်ကြီး Masutatsu Oyama ဟာ အဆုတ်ကင်ဆာနဲ့ ဂျပန်နိုင်ငံ တိုကျိုမြို့မှာ ကွယ်လွန်ခဲ့ပါတယ်။
ဆုံးပါးချိန်မှာ အသက်70 ပြည့်ခဲ့ပြီး ဖြစ်ပါတယ်။

​မြန်မာနိုင်ငံမှာလည်း Kyokushin karate ကို လက်ဆင့်ကမ်းလာခဲ့တာ မျိုးဆက်ချီခဲ့ပြီး ဖြစ်သလို သင်တန်းပေါင်းများစွာ ဖွင့်လှစ်နိုင်ခဲ့ပါတယ်။
ခါးပတ်နက်ပေါင်း များစွာ မွေးထုတ်နိုင်ခဲ့ပြီး ဖြစ်တာကြောင့် Mas Oyama ရဲ့ အမွေအနှစ်ဟာ မြန်မာမှာ ရှင်သန်နေဆဲပါပဲ။

🤜 Karate ကိုလေ့ကျင့်လေလေ မင်းဘဝအစစ်အမှန်ကို ရှာတွေ့လေလေ🤛

✅✅✅ ကရာတေးသမားတွေအတွက် အလန်းစားဒီဇိုင်းနဲ့ ကရာတေးလက်ပြတ်အကျီတွေ MAMM Fighter Clothing မှာရပါပြီ Comment မှာ ဒီဇိုင်းပြထားပေးပါတယ် ✅✅✅

ရိုးသားစွာဖြင့်
Scorpian

Sambo သမားတွေက အပေါ်မှာပဲနေတယ်

DC က Islam makhachev နဲ့ စကားစမြည်ပြောကြရင်း
နပမ်းအကြောင်း ရောက်သွားတယ်။

Islam Makhachev ကလည်း BJJ သမားတွေက Sambo သမားတွေကို မနိုင်ဘူးလို့ ပြောတော့
DC က အံ့သြ သွားပြီး " ဆက်ပြောပါဦး " လို့ မေးတယ်။

အဲ့အချိန်မှာ UFC ရဲ့ ဝိတ်တန်းတွေမှာ BJJ သမားတွေ ကြမ်းနေတာကိုး။

ဒီတော့ Islam makhachev က
" ဆမ်ဘိုနပမ်းမှာက နပမ်းလုံးကြရင် အောက်ကျတဲ့ကောင်က ရှုံးတာပဲ နပမ်းသမားတွေက အပေါ်စီးကနေ ဖိအားပေးဖို့ လေ့ ကျင့်လာကြတာ
ပြီးတော့ သူတပြန် ကိုယ်တပြန်လုံးရင်း ဖိအားပေးကစားကြတယ်
အဲ့ဒီအချိန်မှာ BJJ သမားတွေ ကြောင်ပျောက်တာပဲ
Side Control တွေ Ground and Pound တွေ ကျွေးရင်
ဘယ်ကောင်မှ အောက်က မခံနိုင်ဘူး "

ဒီစကားပြောပြီး သိပ်မကြာခင်မှာပဲUFC မှာ ဘုရင်လုပ်နေတဲ့ Charles Olivia ခေါ် BJJ ကဝေကို Islam Makhachev သိပ်ပြခဲ့လိုက်ပါတယ်။

ဆိုတော့ ဆမ်ဘိုသာ အကောင်းဆုံးပေါ့ဗျာ။

ချစ်သောအားဖြင့်
August

ကိုယ်ခံပညာရဲ့ အစကဘာလဲ ❓ အဆုံးကဘာလဲ ❓

➡️ ဒါလေးကတော့ မနေ့ကမန့်ထဲမှာ သဘောအကျဆုံးမေးခွန်းလေးပါ။

➡️ ခုမှဘဲ ဒီမေးခွန်းမျိုးစဉ်းစားမိပါတယ်။

➡️ ကျွန်တော့်အတွက်ဆိုရင်တော့ ကိုယ်ခံပညာရပ်က အားမရမှု ၊ ပေါက်ကွဲချင်မှု ၊ လက်စွမ်းပြချင်မှု ၊ သည်းမခံနိုင်မှု ၊ ဒေါသတွေကနေ စတင်ပြီး

➡️ ကိုယ့်ကိုယ်ကို ယုံကြည်မှုရှိရှိနဲ့ တည်တည်ငြိမ်ငြိမ်ဖြစ်သွားမှု ၊ သည်းခံမှု ၊ လေးစားတတ်မှုတွေမှာ အဆုံးသတ်ပါတယ်။

➡️ လေ့လာသင်ယူမှု ၊ ကြံ့ခိုင်မှုတွေကတော့ ဘယ်သောအခါမှ အဆုံးမသတ်ပါ။

ဒီ page လေးမှာ MMA အားကစားနဲ့ ပါတ်သတ်ပြီး အစုံတင်ပေးနေတာမို့ Like and follow လေး လုပ်ခဲ့ကြပါဦးဗျ

MMA ရဲ့ GOAT တပါးအကြောင်း

Mighty Mouse လို့ ကျနော်တို့ သိကြတဲ့ Demetrious Johnson ကို အမေရိကန်နိုင်ငံ ကန်တပ်ကီ မြို့မှာ မွေားဖွားခဲ့ပါတယ်။
ဝါရှင်တန် ပါ့ခ်လန်းမှာ ကြီးပြင်းခဲ့ပြီး ဝါရှင်တန် အထက်တန်းကျောင်းမှာ တက်ရောက်ခဲ့ပါတယ်။
Johnson ဟာ ကျောင်းသားဘဝမှာကတည်းက တာတိုပြေး မာရသွန် နဲ့ နပမ်းအားကစားတွေမှာ ထူးချွန်ခဲ့သူလည်းဖြစ်ပါတယ်။
အထက်တန်းကျောင်းသားဘဝ ဂျုနီယာနဲ့ စီနီယာတန်းတွေမှာ ဒုတိယချိတ်ခဲ့သလို တာတိုပြေးနဲ့ ပြည်နယ်ဖြန်ကျော် မာရသွန်တွေမှာလည်း အနိုင်ရခဲ့ပါတယ်။
နပမ်းမှာ ထူးချွန်လို့ နာမည်ကျော်တက္ကသိုလ်တော်တော်များများက စကော်လားရှစ် ပေးပေမယ့် မိသားစုကို ချန်မထားရစ်ခဲ့နိုင်တဲ့ DJ က စကော်လာတွေ ငြင်းပယ်ကာ အဘုပ်တဖက်နဲ့ မိသားစုကို စောင့်ရှောက်ရင်း Pierce College မှာ အလုပ်လုပ်ရင်း ကျောင်းတက်ခဲ့ပါတယ်။

DJ ဟာ 2006 ခုနှစ်မှာ MMA ပွဲတွေ စထိုးခဲ့ပြီး ပထမအချီမှာတင် ပြိုင်ဘက်ကို အမှောက်သိပ်နိုင်ခဲ့ပါတယ်။
တခြား ​မထင်မရှား ပြည်တွင်းပွဲတွေမှာလည်း ဝင်ထိုးခဲ့ပြီး 8 ပွဲဆက်တိုက် အနိုင်ယူခဲ့သလို ငါးပွဲဆက်တိုက် ချုပ်ကွက်နဲ့ အနိုင်ယူပြခဲ့တာပါ။

Alaska Fighting Championship မှာ DJ ဝင်ပြိုင်ခဲ့ပြီး ပြိုင်ဘက်ကို Head kick နဲ့ အနိုင်ယူပြခဲ့လို့ WEC လို့ ခေါ်တဲ့ World Extreme Cage Fighting နဲ့ စာချုပ်ချုပ်ဆို ခွင့်ရခဲ့ပါတယ်။

WEC ရဲ့ Bantam Weight မှာ DJ ဝင်ကစားတုန်းက DJ အနေနဲ့ Fly weight တန်းမှာ ပြောင်းကစားသင့်တယ်လို့
Joe Rogan က အကြံပေးဖူးပါတယ်။
Flyweight အနေ နဲ့ကို DJ ကအတော်သေးနေပြီး Takedown လုပ်ဖို့ လွယ်ကူနေတယ်လို့ Joe Rogan က ပြောခဲ့တာပါ။

2010 Oct 28 ရက်နေ့မှာတော့ WEC ဟာ UFC အဖွဲ့အစည်းနဲ့ ပူးပေါင်းခဲ့တာကြောင့် WEC က ဖိုက်တာတွေအကုန် UFC လက်အောက် ရောက်သွားခဲ့ပါတယ်။

UFC ရဲ့ Bantam Weight တန်းမှာ DJ ဟာ အစွမ်းပြခဲ့သလို Flyweight တန်းမှာလည်း 2012ကနေ 2018 အထိ ကြီးစိုး မင်းမူနေခဲ့ပါတယ်။
UFC ရဲ့ Fly weightတန်းမှာ DJ ဟာ ဆယ့်တစ်ပွဲတိတိ အရှုံးမရှိ Title Defense နိုင်ခဲ့ပြီး ဂန္ဓဝင်ကစားသမား Anderson Silva ရဲ့ စံချိန်ကိုတောင် ကျော်ဖြတ်ခဲ့ပါတယ်။

Ray Borg ကို Suplex to armbarယူပြခဲ့တဲ့ ချုပ်ကွက်ဟာ ဆိုရင် တနှစ်တာအကောင်းဆုံး ချုပ်ကွက်အဖြစ် သတ်မှတ်ခြင်း ခံခဲ့ရပါတယ်။

UFC 227 ပွဲစဥ်မှာတော့ လိပ်ကြီး ဆဲဟူဒို နဲ့ ဖိုက်တင်ပလေးခဲ့ကြပြီး ဒိုင်အဆုံးအဖြတ်နဲ့ ရှုံးနိမ့်ခဲ့ကာ နိုင်ပွဲဆက် စံချိန်လည်း ကျိုးပျက်ခဲ့ရပါတယ်။
Mighty Mouse ကြီးဟာ UFC မှာ နိုင်ပွဲတွေဆက်ပြီး ပရိတ်သတ်က ကြိုက်ကြပေမယ့် သူကြီး ဒေနာဝှိုက်အတွက်တော့ သဘောတွေ့ဟန်မတူပါဘူး။
2018 Oct 27 မှာ One championship ရဲ့ Welter Weight Champion Ben Askren နဲ့ DJ ကို အလဲအခပ်လုပ်ခဲ့ပါတယ်။

ဘက်တူရင် လူမရွေးတဲ့ DJ ကတော့ One ရဲ့ ပထမဆုံးပွဲမှာတင် ပြိုင်ဘက် Yuga Wakamatsu ကို Guillotine နဲ့ အပြတ်ချုပ်ပြခဲ့ပါတယ်။

One ရဲ့ မွေထိုင်းချန်ပီယံ ရော့ထန်နဲ့လည်း စည်မျည်းအသစ်နဲ့ ပွဲတပွဲလုပ်ပြီး ကစားခဲ့ပါတယ်။
Muay thai နဲ့ MMA သမား ကစားရာမှာ ပထမအချီနဲ့ တတိယအချီကို မွေထိုင်း စည်းမျည်းနဲ့ ကစားရတာဖြစ်ပြီး ဒုတိယအချီနဲ့ တတိယအချီကို MMA စည်းမျည်းနဲ့ ကစားရတာပါ။
မွေထိုင်းမှာ မာလှပါချည်ရဲ့ ဆိုတဲ့ ရော့ထန်လည်း ဒုတိယအချီမှာ DJ ရဲ့ Rare Nake Choke နဲ့ လစ်သွားတာပါပဲ။

Oneမှာ Flyweight အတွက် DJ ဟာ Adriano Moraes နဲ့ ယှဥ်ပြိုင်ခဲ့ရပြီး လူကောင်ကွာပြီး Reach သာတဲ့ Adraino Moraes ရဲ့ ဒူးတိုက်ချက်အောက်မှာ ရှုံးနိမ့်ခဲ့ရပါတယ်။

ဒါပေမယ့် ဒုတိယအကြိမ် မကျေပွဲမှာတော့ DJကပဲ ဖိအားပေးကစားပြီး သူ့ရဲ့ ထူးချွန်ပြောင်မြှောက်တဲ့ Fighting IQကို အသုံးချကာ အနိုင်ယူပြခဲ့ပါတယ်။

2023 မှာတော့ Ar**no Moraes နဲ့ Triology ပွဲ ထိုးပြီးရင် MMA လောက ကနေ အနားယူတော့မယ်လို့
DJ က ကြေငြာခဲ့ပါတယ်။

အမေရိကန်မှာ ကျင်းပတဲ့ One ရဲ့ ပြိုင်ပွဲမှာ DJ ဟာ
ပြိုင်ဘက် Adriano moraes ကို ဒူးပျံတိုက်ကွက်တွေ Takedown တွေနဲ့ ပုံဖော်ပြီး ဖိအားပေးကစားပြကာ
ချန်ပီယံ ဘွဲ့ကို ဆက်ထိန်းနိုင်ခဲ့ပါတယ်။

ဒါပေမယ့် DJ ကို အားပေးနေခဲ့တဲ့ ပရိသတ်ဟာ သူ့ကို တွေဝေသွားစေပုံပါ။
သူ့ကို MMA ပရိသတ်တွေ ဘယ်လောက်အားပေးသလဲဆိုတာ သူသတိထားမိသွားတာကြောင့် အနားယူမယ့်ကိစ္စကို နောက်ဆုတ်လိုက်ပုံပါပဲ။

ဒီထက်ပိုကြည်နူးစရာက DJ ရဲ့ မိန်းမနဲ့ သားလေးတွေပါ ကွင်းထဲဝင်လာပြီး Adriano Moraes နဲ့ ချစ်ချစ်ခင်ခင် နှုတ်ဆက်နေခဲ့တာပါ။

DJ ဟာ မရှိဆင်းရဲသားဘဝကတည်းက သူတယောက်တည်းကောင်းစားဖို့ထက် မိသားစုကိုစောင့်ရှောက်ဖို့ ရွေးချယ်ခဲ့ပုံက အတော်လေး လေးစားဖို့ကောင်းပါတယ်။

သူရဲ့ Fighting IQ ရယ် လုံ့လဝီရိယရယ်က သူ့ကို Mighty Mouse ကြီး ဖြစ်စေခဲ့တာဆိုလည်း မှားမယ်မထင်ပါဘူး။

Flyweight တန်းမှာ တင်ထားခဲ့တဲ့ သူ့ရဲ့ စံချိန်တွေ
တနှစ်တာအကောင်းဆုံးကစားသမားဆု
တနှစ်တာအကောင်းဆုံး ချုပ်ကွက်ဆုတွေက DJ ကို ပြဌာန်းထားတာမဟုတ်ပါဘူး။

မိသားစုအပေါ်ထားတဲ့ သူ့ရဲ့ စိတ်ဓာတ်
ပရိသတ်နဲ့ ပြိုင်ဘက်အပေါ်ထားရှိတဲ့ လေးစားမှု
ဒါက Mighty mouse ကြီးရဲ့ ချန်ထားရစ်တဲ့ အမွေအနှစ် တွေပဲ ဖြစ်ပါလိမ့်မယ်။

ချစ်သောအားဖြင့်
August