Mr.Handsome Fitness

GYMဆိုတာ ဘာလဲ?
GYMရဲ့ အရှည်ကောက်က ဘာလဲ?
GYMဟာ ဘယ်ကနေပေါ်ပေါက်လာတာလဲ?

အားလုံးမင်္ဂလာပါ

ဒီနေ့မှာ ဘယ်သူကမှ မေးလေ့မေးထမရှိတဲ့
မေးခွန်းလေးကို ကျနော်ဖြေဆိုပေးပါမယ်။
ဘယ်သူကမှ ဒါကိုမေးလေ့မေးထမရှိပေမယ့်
ဒီမေးခွန်းတွေဟာ GYMချစ်တဲ့သူတွေအတွက်
သိပ်ကိုအရေးပါပြီး သိထားသင့်တဲ့အရာတွေဘဲ
ဖြစ်ပါတယ်။ ဒါကြောင့် စိတ်ဝင်စားစွာနဲ့ အားလုံး
အဆုံးထိဖတ်စေချင်ပါတယ်။

▪️GYMဆိုတာ ဘာလဲ?

GYMဆိုတာ အားကစားရုံ၊ လေ့ကျင့်ခန်းနဲ့အားကစား
ပြုလုပ်ဖို့အတွက် မိုးလုံလေလုံ နေရာတစ်ခုဖြစ်ပါတယ်။

▪️GYMရဲ့ အရှည်ကောက်က ဘာလဲ?

GYMရဲ့ အရှည်ဟာ “Gymnasium”ဖြစ်ပါတယ်။
"Gymnos" ဆိုတဲ့ ရှေးဟောင်းဂရိစကားလုံးမှ
ဆင်းသက်လာတာဖြစ်ပြီး ကိုယ်လုံးတီးလို့
အဓိပ္ပါယ်ရပါတယ်။ ဘာကြောင့်လဲဆိုတော့
အဲဒီခေတ်အချိန်တုန်းက ကာယလေ့ကျင့်ခန်းတွေကို
အမျိုးသားများသာ အများစုဆော့ကစားကြပြီး အဝတ်
ဗလာ(အပေါ်ပိုင်း)ဖြင့်သာ ကစားခဲ့ကြလို့ဘဲဖြစ်ပါတယ်။
နောက်ပိုင်းမှ အမျိုးသမီးများပါဝင်လှုပ်ရှား ကစားလာခဲ့
တာဖြစ်ပါတယ်။

▪️GYMကို ဘယ်သူတီထွင်ခဲ့တာလဲ?

ဒီနေရာမှာ အပိုင်း(၂)ပိုင်းခွဲပြီးပြောချင်ပါတယ်။

1. The Dark Ages of Fitness

ပထမဆုံး မှတ်တမ်းသမိုင်းများအရ GYMများဟာ
Physical Fitnessကို အားပေးတဲ့ Zurkhanehဆိုသော
ရှေးပါရှားမှာ လွန်ခဲ့တဲ့နှစ်ပေါင်း 3000ကျော်ကတည်းက
စတင်တွေ့ရှိခဲ့တာဖြစ်ပါတယ်။ ကြီးမားခမ်းနားတဲ့
ရောမ(ဂရိ)ရေချိုးခန်းတွေမှာ မကြာခဏ Fitness
facilities & equipmentများ ရှိနေခဲ့ပါတယ်။
ဒါတွေကို ရှေးဟောင်း ရောမရုပ်ရှင်ကားများမှာ
မြင်တွေ့နိုင်ပါတယ်။ အဲတုန်းကတော့ Commercial
GYMမဟုတ်သေးပါဘူး။

2. ဒါဆို ပထမဦးဆုံး Commercial GYMကို
ဘယ်သူကဦးဆောင်ပြီး တည်ထောင်ခဲ့တာလဲ?

ပထမဦးဆုံး Commercial GYMကို
“Hippolyte Triat”ဆိုတဲ့ပြင်သစ်ကာယဗလ
ကစားသမားမှ စတင်ခဲ့ပါတယ်။ Brusselsမှာ
သူ့ရဲ့ပထမဆုံး GYM clubကိုဖွင့်ခဲ့ပြီး 1840ခုနှစ်
နှောင်းပိုင်းတွေမှာ Paris မှာ ဒုတိယတစ်ခုထပ်ပြီး
ဖွင့်ခဲ့ပါတယ်။ 19 ရာစုအဆုံးမှာတော့
“Hippolyte Triat”ဟာ ဂီတခန်းမတစ်ခုဖြစ်တဲ့
“Eugen Sandow”မှာ နောက်ထပ်GYMတစ်ခုကို
တည်ထောင်ခဲ့ပါတယ်။

အဲဒီနောက် အင်္ဂလန်နိုင်ငံ၊ လန်ဒန်မှာ
1844ခုနှစ်အတွင်း GYMများ ပေါ်ပေါက်လာခဲ့ပါတယ်။
1939 ခုနှစ်မှာ ကာယဗလအကျော်အမော်
“Jack LaLanne”ဟာ ကယ်လီဖိုးနီးယားပြည်နယ်၊
Oaklandမှာ ပထမဆုံးသော US ကျန်းမာရေး
ကလပ်၊ အားကစားရုံကိုဖွင့်လှစ်ခဲ့ပါတယ်။
အဲဒီအချိန်မှာ ဆေးပညာဟာလဲ တိုးတက်လာပြီမို့
ဆရာဝန်တွေဟာ လူနာများကို အလေးမခြင်း၊
ကိုယ်ကာယလေ့ကျင့်ခန်းပြုလုပ်စေခြင်းဖြင့် လူနာ
များရဲ့ ပြန်လည်သန်စွမ်းရေးကို လေ့ကျင့်ခန်းဖြင့်
တစ်စိတ်တစ်ပိုင်း လေ့ကျင့်ကုသစေခဲ့ပါတယ်။
အဲဒီနောက်မှာ LaLanneဟာလဲ အောင်မြင်မှုအတော်
ရရှိခဲ့ပြီး GYM facilities & equipmentများကို
ဒီဇိုင်းထုတ်ကာ မိတ်ဆက်ပေးခဲ့ပါတယ်။ ပြီးတော့
LaLanneဟာ အမျိုးသမီးတွေကို အလေးမလေ့ကျင့်ခန်း၊
GYMဆော့ဖို့ စောစီးစွာ တွန်းအားပေးခဲ့သူဖြစ်ပါတယ်။
ဒါပေမယ့် အစောပိုင်းကာလတွေမှာ အမျိုးသမီးတွေဟာ
သူ့ရဲ့ အကြံပေးမှုကိုအလေးမထားခဲ့ကြပါဘူး။

GYMဖြစ်ပေါ်လာရခြင်း သမိုင်းကြောင်းတစ်လျှောက်မှာ
Evolutionအဆင့်ဆင့်ကို ဖြတ်ကျော်ခဲ့ရပြီး ယနေ့
ခေတ်မှာတော့ GYMဆိုတာ လူအများ နှစ်သက်မြတ်နိုး
ကြတဲ့ အရာတစ်ခုအဖြစ် ရပ်တည်လာခဲ့ပါတယ်။
ဒါတွေဟာ GYMဖြစ်ပေါ်လာရခြင်းနဲ့ သမိုင်းကြောင်းတွေပါဘဲခင်ဗျာ။

Mr. Handsome Fitness Trainer/Zumba Instructor

Mr.Handsome Fitnessမှ ပြန်လည်ပြီး
Fitnessနှင့် ပတ်သက်သမျှ အထွေထွေ
Knowledge Sharingများကို တတ်နိုင်သမျှ
ပြန်လည်ပြီး ပြုလုပ်သွားမှာ ဖြစ်ပါတယ်

ကြားထဲမှာ အကြောင်းအမျိုးမျိုးကြောင့်
ဆက်မလုပ်နိုင်ဘဲ ရပ်တန့်လိုက်ရတာအတွက်
အားလုံးကို နားလည်ပေးဖို့ မျှော်လင့်ပါတယ်

ကျနော်ဟာ Bangkok, Thailandကို
ပြောင်းရွှေ့အခြေချလိုက်ပြီမို့ Bangkokမှ
မိတ်ဆွေများအတွက် နောင်တွင်
Part Time, Personal Trainerအဖြစ်
ခေါ်ယူနိုင်အောင် ကြိုးစားပေးသွားပါမယ်

“ကြွက်သားကြီးထွားစေသော အစားအစာများ”

ယောကျာ်းလေးတော်တော်များများ လက်မောင်းကြွက်သား၊ ရင်အုပ်ကြွက်သားတွေ ကြီးထွားချင်ကြပါတယ်။ ဒီလိုမျိုး ကြွက်သားတွေ ကြီးထွားသန်မာလာဖို့ တချို့ကတော့ GYMဆော့ကြသလို တစ်ချို့ကအိမ်မှာပဲလေ့ကျင့်ခန်း လုပ်ကြပါတယ်။ ဘယ်လိုပဲဆော့ဆော့ ကြွက်သားတွေ အမြန်ထွက်ဖို့ အရေးအကြီးဆုံးကတော့ အစားအသောက်၊ အာဟာရဘဲဖြစ်ပါတယ်။ အာဟာရဟာ ၇၀% ၊ လေ့ကျင့်ခန်းဟာ ၃၀%ပါ။ ဒီတော့ ကြွက်သားကြီးထွားအောင် စားပေးရမယ့် အစားအစာတွေကိုဖော်ပြပေးလိုက်ပါတယ်။



ကြက်ဥ

ကြက်ဥစားရင် အားရှိတယ်ဆိုတာ သိထားပြီးဖြစ်မှာပါနော်။ ကြက်ဥစားသုံးတာက ကိုလက်စထရောတွေကို ထိန်းညှိထားပေးပြီး နှလုံးကျန်းမာရေးကိုလည်းကောင်းစေပါတယ်။ ကြက်ဥဟာ ကျန်းမာရေးအတွက်ကောင်းမွန်တဲ့ အစားအစာဖြစ်ပြီး အထူးသဖြင့်တော့ ကြွက်သားတွေ တည်ဆောက်ရာမှာ ပိုပြီး အားကောင်းစေတာပါ။ ကြက်ဥမှာ ပါဝင်တဲ့ ကိုလက်စထရောဟာ ကြွက်သားတွေ တည်ဆောက်ဖို့ အားပေးတာကြောင့် များများ စားပေးသင့်ပါတယ်။

အစေ့အဆန်

အစေ့အဆန်လေးတွေကလည်း ကြွက်သားတွေမြန်မြန်ထွက်လာစေဖို့ အကူအညီပေးပါတယ်။ ဗာဒံစေ့ (၁)အောင်စမှာ (၁၅၀) ကယ်လိုရီ ပါဝင်ပါတယ်။ ဗာဒံစေ့မှာ ပါဝင်တဲ့ ပရိုတင်း၊ အဆီဓာတ်နဲ့ အမျှင်ဓာတ်တွေဟာ ကြွက်သားတွေ သန်မာတောင့်တင်းလာဖို့ အထောက်အကူပြုပါတယ်။


ပရိုတင်း Shake

ပရိုတင်းပါဝင်တဲ့ Shakeတွေဟာ ကြွက်သားတွေ သန်မာလာစေဖို့ အထောက်အကူပြုပါတယ်။ Shake ထဲမှာ ပါဝင်တဲ့ ပရိုတင်းနဲ့ ကာဗိုဟိုက်ဒရိတ်တွေဟာ ကြွက်သားတွေ ထွက်လာဖို့အတွက် ခန္ဓာကိုယ်က လိုအပ်တဲ့ အာဟာရတွေပါပဲ။ တက္ကသိုလ်တွေရဲ့ သုတေသနပြုလုပ်ချက်တွေအရတော့ ပရိုတင်း shake မှာပါဝင်တဲ့ အာဟာရဓာတ်တွေဟာ ခန္ဓာကိုယ်ထဲမှာ စွမ်းအင်တွေကို သိုလှောင်ထားနိုင်ပြီး ကြွက်သားတွေ သန်မာစေဖို့အတွက်သွေးစီးဆင်းလည်ပတ်မှုကို ပုံမှန်ဖြစ်စေတယ်လို့ ဆိုထားပါတယ်။လေ့ကျင့်ခန်းတွေ လုပ်ပြီးရင်တော့ အနည်းဆုံး တခွက်လောက်သောက်ပေးနော်။

ဆော်လမွန်ငါး

ဆော်လမွန်ငါးမှာ ပရိုတင်း၊ EPA နဲ့ DHA လိုမျိုး အိုမီဂါ ၃တွေလည်း ပါဝင်တာကြောင့် နှလုံးကျန်းမာရေးကို တိုးတက်စေတဲ့အပြင် ကြွက်သားတွေကောင်းမွန်စွာ ဖွံ့ဖြိုးလာဖို့လည်း အထောက်အကူပြုပါတယ်။ဆော်လမွန်ငါး မစားဖြစ်ဘူးဆိုရင်လည်း အိုမီဂါ ၃ ပါဝင်တဲ့ အစားအစာတွေတော့ စားဖို့ လိုပါတယ်။

အမဲသား

အမဲသားကတော့ ကြွက်သားတွေ လျင်လျင်မြန်မြန်ထွက်လာဖို့အတွက် အကောင်းဆုံး အစားအစာတွေထဲက နံပါတ်တစ် အစားအစာပါ။ အမဲသားမှာ အမိုင်နိုင်အက်ဆစ်နဲ့ ဗီတာမင် ဘီလိုမျိုး လိုအပ်တဲ့ ပရိုတင်းတွေ ပါဝင်တာကြောင့်ပါ။နောက်ထပ်တစ်ခုကတော့ အမဲသားက testosterone ပမာဏကို မြှင့်တင်ပေးတာမို့ ကြွက်သားတွေ တည်ဆောက်ရာမှာလည်း အတော်လေးကို အထောက်အကူပြုပါတယ်။



GYMမှာပဲဖြစ်ဖြစ်၊ အိမ်မှာပဲဖြစ်ဖြစ် workout လုပ်တဲ့ ယောက်ျားလေးတွေအနေနဲ့ ကြွက်သားတွေ မြန်မြန် ကြီးထွားလာချင်တယ်ဆိုရင်တော့ အပေါ်မှာဖော်ပြထားတဲ့ အစားအစာတွေကို မမေ့မလျော့ စားပေးဖို့လိုအပ်ပါတယ်။

“အကြောလျှော့ခြင်းကြောင့် ရရှိနိုင်သောကျန်းမာရေး အကျိုးကျေးဇူးများ”

၁။ အကြောတွေပြေလျော့မယ်

အကြောပုံမှန်လျှော့ပေးတာက ကျန်းမာရေးအတွက် အထောက်အကူပြုပါတယ်။ နေ့စဉ် ပုံမှန်အကြောလျှော့ပေးတာက ခန္ဓာကိုယ်ကိုတင် ပြေလျော့စေတာမဟုတ်ဘဲ နေ့စဉ်လှုပ်ရှားသွားလာမှုတွေကိုလည်း အဆင်ပြေပြေနဲ့လုပ်ဆောင်နိုင်စေမှာပါ။ အသက်အရွယ်ရလာတာကြောင့် ခံစားရနိုင်တဲ့ အဆစ်နာတာကိုလည်း သက်သာစေနိုင်ပါတယ်။

၂။ လှုပ်ရှားရတာ အဆင်ပြေစေနိုင်တယ်

အကြောပုံမှန်လျှော့ပေးတာက အဆစ်တွေ နဲ့ ကြွက်သားတွေကို ကျန်းမာသန်စွမ်းစေပြီး နေ့စဉ်လှုပ်ရှားမှုတိုင်းမှာ အကောင်းဆုံးလှုပ်ရှားနိုင်မှာပါ။ သွားလာရတာ ပေါ့ပါး သွက်လက်ချင်တယ်ဆိုရင်တော့ အကြောပုံမှန် လျှော့ပေးပါ။

၃။ လေ့ကျင့်ခန်းလုပ်ရတာ အဆင်ပြေစေနိုင်တယ်

ကိုယ်လက်လှုပ်ရှားမှုတွေမလုပ်ခင်မှာ အကြောလျှော့လေ့ကျင့်ခန်းကို အရင်လုပ်ပါ။ ဒီလိုလုပ်ပေးခြင်းက ကြွက်သားတွေဆီကို သွေးစီးဆင်းရောက်ရှိမှုကောင်းစေသလို လေ့ကျင့်ခန်းလုပ်တဲ့အခါမှာ ကြွက်သားတွေ အဆစ်တွေ ထိခိုက်နာကျင်တာမျိုးမဖြစ်စေဘဲ အကောင်းဆုံးလှုပ်ရှားနိုင်စေမှာပါ။

၄။ ကြွက်သားတွေဆီ သွေးစီးဆင်းရောက်ရှိမှုကောင်းစေနိုင်တယ်

အကြောလျှော့လေ့ကျင့်ခန်းကို ပုံမှန်လုပ်ပေးတာက ကြွက်သွားတွေဆီ သွေးစီးဆင်းရောက်ရှိမှုကောင်းစေပြီး ကြွက်သားတွေ နာကျင်တာ၊ ကြွက်သားစုတ်ပြဲတာမျိုးတွေ မဖြစ်အောင် အထိရောက်ဆုံးကာကွယ်ပေးနိုင်ပါ။ ကြွက်သားတွေ တောင့်တင်းနာကျင်တာမျိုးမဖြစ်အောင်လည်း အကောင်းဆုံးထောက်ပံ့ပေးနိုင်ပါတယ်။

၅။ ခန္ဓာကိုယ်ကို အနေအထားမှန်စေတယ်

အကြောပုံမှန် လျှော့ပေးတာက ကြွက်သားတွေကိုပြေလျော့စေပြီး ကိုယ်နေဟန်ထားကို မှန်ကန်စေနိုင်ပါတယ်။ အရိုးနဲ့ကြွက်သားနာကျင်မှုတွေမဖြစ်အောင် ကာကွယ်ပေးနိုင်သလို ခန္ဓာကိုယ်ကို ဟန်ချက်ညီညီလှုပ်ရှားနိုင်စေမှာပါ။

၆။ ခါးနာမျိုးမဖြစ်အောင်ကာကွယ်ပေးတယ်

ပုံမှန်အကြောလျှော့ပေးတာက နောက်ကျောနဲ့ခါးကြွက်သားတွေ တောင့်တင်းနေတာကို ပြေလျော့စေနိုင်ပြီး ခါးမနာအောင်ကာကွယ်ပေးနိုင်ပါတယ်။ ခါးကြွက်သားတွေကို သန်မာစေနိုင်သလို ခါးနာနေတာကိုလည်း သက်သာစေနိုင်ပါတယ်။

၇။ စိတ်ဖိစီးမှု ပြေလျော့စေတယ်

စိတ်ဖိစီးမှုများတဲ့အခါ ကြွက်သားတွေ တောင့်တင်းနေတာကို ကြုံဖူးမှာပေါ့။ အကြောင်းကတော့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာဖိစီးမှုတွေကို တုံ့ပြန်တဲ့အနေနဲ့ ကြွက်သားတွေက တောင့်တင်လာတတ်ကြပါတယ်။ များသောအားဖြင့်တော့ စိတ်ဖိစီးတဲ့အခါ ဇက်ကြော၊ ပခုံးနဲ့ နောက်ကျောကကြွက်သားတွေ တောင့်တင်းနေတတ်ကြပါတယ်။ ဒါကြောင့် အကြောလျှော့ပေးတာက စိတ်ဖိစီးမှုကို သိသိသာသာပြေလျော့စေမှာပါ။

၈။ စိတ်ခံစားမှုကောင်းစေနိုင်တယ်

ပုံမှန်အကြောလျှော့ပေးတာက ကြွက်သားတွေကိုတင် ပြေလျော့စေတာမဟုတ်ပါဘူး ။ စိတ်ဖိစီးမှုကိုလည်း ပြေလျော့စေနိုင်ပါတယ်။ အကြောလျှော့ပေးတဲ့အခါ ဝင်သက် ထွက်သက်မှန်မှန်ရှုပေးပါ။

၉။ ခေါင်းကိုက်တာကို သက်သာစေနိုင်တယ်

တစ်ခါတလေမှာ ခေါင်းကိုက်နေတာက ကြွက်သားတွေတောင့်တင်းနေတာကြောင့်ဖြစ်တတ်ပါတယ်။ ဒါကြောင့် ခေါင်းကိုက်လာတဲ့အခါ သင့်တင့်တဲ့အစားအစာကို စားပေးတာ၊ ရေဓာတ်ပြည့်ဝအောင် ရေသောက်ပေးတာ၊ ပြည့်ပြည့်ဝဝအနားယူပေးတာတွေအပြင် အကြောလျှော့ပေးတာကလည်း ထိရောက်တဲ့ နည်းလမ်းတစ်ခုပါ။ အကြောင်းကတော့ ကြွက်သားတွေ ပြေလျော့သွားတာကလည်း ခေါင်းကိုက်တာကို သိသိသာသာ သက်သာစေနိုင်မှာပါ။