𝐋𝐨𝐯𝐞 𝐌𝐚𝐧 𝐔

ယူရိုပါလိလ် အတွက်
ပြင်ဆင်နေတဲ့ အချစ်တော်တွေ♥️🫰

ဒီပွဲ အရှုံးကို နည်းပြ အဲရစ်တန်ဟက် အနေနဲ့ ဘာ ဆင်ခြေမှ ပေးခွင့် မရှိပါဘူး ။ ဘာကြောင့်လဲဆိုတော့ တဖက် လီဗာပူး က စျေးကွက်မှာ အားဖြည့်မှု မရှိခဲ့သည့်တိုင် ခိုင်မာ တိကျတဲ့ ပုံစံတစ်ခုနဲ့ စနစ်တကျ သွားပြနိုင်တဲ့ အချိန် ၊ တန်ဟက် ကတော့ ဘာမှ တိတိကျကျ ပုံဖော်မထားနိုင်ခဲ့ပါဘူး ။

အခင်းအကျင်းမှာ နှစ်ဖက်လုံး အတောင့်တင်းဆုံး လူစာရင်းကို ချပြခဲ့ပြီး တန်ဟက်အတွက်လည်း လက်ရှိ ဖြစ်နိုင်တဲ့ ကစားသမားတွေ အားလုံးကို ထုတ်သုံးခွင့် ရခဲ့ပါတယ် ။ ဒါ့အပြင် လက်ရှိ ပွဲထွက် ၁၁ ယောက်မှာ သူ ကိုယ်တိုင် ခေါ်ထားတဲ့ ကစားသမား ၆ ယောက်အထိ ရှိနေပြီးမှ ဘာမှ လုပ်မပြနိုင်ဘူးဆိုတော့ ဘယ်သူ အလွန် ဖြစ်နလဲ.. ။

ကက်စ်မဲရိုး က ၂ ကြိမ် တိုင်တိုင်မှားရင်း ပြိုင်ဘက် က ၂ဂိုးရခဲ့တယ်လို့ ညွှန်ပြနိုင်ပေမယ့် ဒုတိယတစ်ပိုင်း လုံး လူစားလဲ သွားချိန်မှာရော ယူနိုက်တက် ရဲ့ နည်းစနစ် က ဘယ်မှာလဲ ။ ၃ နှစ်မြောက်လာတဲ့ ရာသီမှာ စိတ်ကြိုက် ကစားသမားတွေလည်း တစ်သင်းစာ ပြည့်တော့မှာ ဖြစ်ပေမယ့် တိကျတဲ့ ကစားပုံ ၊ နည်းစနစ် ကို ချမပြနိုင်ဘူးဆိုတော့ ဒါဟာ အဲရစ်တန်ဟက် အပေါ်မှာပဲ ၁၀၀% တာဝန် ရှိနေတယ်လို့ မှတ်ချက်ပြုလို့ရပါတယ် ။

တဖက် လီဗာပူး ကတော့ အဝေးကွင်း မှာ လာကစားရသည့်တိုင် အိုးထရက်ဖို့ဒ် ဟာ သူတို့ အိမ်ကွင်းနဲ့ မခြားနားကြောင်း ဖိအား ကင်းကင်းနဲ့ လုပ်စရာရှိတာ လုပ်ပြသွားတာက သက်သေပါပဲ ။ တကယ်လည်း လီဗာပူး တိုက်စစ်သာ အဆုံးသတ် သေချာခဲ့ရင် နောက်တစ်ကြိမ် ၇-၀ ပွဲကို ပြန်မြင်ရနိုင်ပါတယ် ။

ယူနိုက်တက် ကတော့ ခံစစ် ၊ ကွင်းလယ် ၊ တိုက်စစ် လိုအပ်ချက်ပေါင်းများစွာနဲ့ အရုပ်ကြိုးပျက်ဘဝ နဲ့ပဲ ဒူးထောက် လက်မြှောက်ခဲ့ရတာ ဖြစ်ပါတယ် ။ ဒီတော့ INEOS အနေနဲ့လည်း အဲရစ်တန်ဟက် နေရာအတွက် မန်နေဂျာသစ် ကြိုရှာထားသင့်တယ်လို့ပဲ သုံးသပ်မိပါတယ် ။

(သရဲနီဖန်တို့ အနေနဲ့လည်း အမြင်လေးတွေကို အားမနာတမ်း ဝင်ရောက် ဆွေးနွေးနိုင်ပါတယ်...)

မန်ယူ 1 Vs 0 ဖူလ်ဟမ်