Муассисаи давлатии ..Мактаби варзиши 2" - и шахри Хучанд

ХУҶАНДИ БОСТОНӢ РӮЗИ ФАРҲАНГИИ ХУДРО ДАР ШАҲРИ ДУШАНБЕ БАРГУЗОР НАМУД!

Имрӯз, 19-уми июли соли 2026, бахшида ба 35- умин солгарди Истиқлолияти давлатии Ҷумҳурии Тоҷикистон, дар Боғи фарҳангию фароғатии ба номи Садриддин Айнӣ, бо мақсади муаррифии таъриху фарҳанг, расму оинҳои миллӣ ва дастовардҳои кишвари, иҷтимоию иқтисодӣ ва варзишии шаҳри Хуҷанд, Рӯзи фарҳангии ин шаҳрии таърихӣ, бо шукӯҳ ва шаҳомати хосса баргузор гардид.

Меҳмонон ва сокинони пойтахт аз намоиши дастовардҳои шаҳри Хуҷанд дидан намуда, бо маҳсулоти кишоварзӣ, ҳунарҳои мардумӣ, намунаи ҳунармандӣ, таомҳои миллӣ ва дастовардҳои соҳаҳои маориф, тандурустӣ, варзиш ва фарҳангии ин шаҳри таърихӣ аз наздик шинос шуданд. Ба меҳмонон оид ба имконоти сайёҳӣ ва рушду пешрафти шаҳри Хуҷанд маълумоти муфассал пешниҳод гардид.

Ҳамчунин иштирокдорон иброз намуданд, ки баргузории рӯзҳои фарҳангӣ омили таҳкими дӯстӣ, ҳамдигарфаҳмӣ ва густариши ҳамкории фарҳангӣ байни минтақаҳои мамлакат мебошад.
Ҳунармандони шаҳри Хуҷанд бо барномаи хотирмони фарҳангӣ, пешниҳоди суруду таронаҳои дилнишини ватандӯстонаю рақсҳои ҷолиб хотири ҳозиринро болида гардониданд.

Ба гуфтаи мутахассисони соҳаи варзиши шаҳри Хуҷанд, дастовардҳои варзишгарони ин шаҳр хеле назаррас буда, онҳо дар чандин мусобиқаҳои дохилӣ ва сатҳи байналмиллалӣ иштироки фаъолона намуда, соҳиби ҷойҳои ифтихорӣ гардидаанд, ки ба ифтихории ғолибияташон борҳо Парчами давлатии Ҷумҳурии Тоҷикистон парафшон шуда, Суруди миллӣ садо дода аст.

Лозим ба ёдоварист, ки ҳадаф аз баргузории Рӯзҳои фарҳангӣ, муаррифии дастовардҳои фарҳангӣ, ҳунарҳои мардумӣ, дастовардҳои варзишӣ ва анъанаҳои миллии минтақаҳои кишвар, инчунин таҳкими робитаҳои фарҳангӣ миёни шаҳру ноҳияҳои ҷумҳурӣ мебошад.

Маврид ба тазаккур аст, ки ин чорабинӣ дар доираи нақшаи баргузории Рӯзҳои фарҳанги шаҳру ноҳияҳои мамлакат бахшида ба ҷашни 35 - солагии Истиқлолияти давлатии Ҷумҳурии Тоҷикистон баргузор мешавад.

(19.06.2026,ш.Душанбе, таҳияи Меҳрони Қурбон хабарнигори Радиои "Ховар" аз макони барои чорабинии фарҳангӣ)

Ҷаласаи ҳайати мушовараи Кумитаи кор бо ҷавонон ва варзиши назди Ҳукумати Ҷумҳурии Тоҷикистон оид ба ҷамъбасти фаъолияти соҳа дар нимсолаи аввали соли 2026 ва вазифаҳо барои марҳилаи минбаъда .

Машқҳои дастаҷамъонаи пагоҳирӯзи ва теренкур роҳгардии саломатӣ таҳти унвони "Миллати ҷисман солим руҳан низ муқтадир ва шикастнопазир мебошад"

МАШҚҲОИ ПАГОҲИРӮЗӢ БО ИШТИРОКИ ВАСЕИ ҶАВОНОН ДАР «СУҒД АРЕНА» БАРГУЗОР ГАРДИД

Субҳи имрӯз дар майдони футболи «Суғд Арена» бо ташаббуси Раёсати кор бо ҷавонон ва варзиши вилояти Суғд машқҳои пагоҳирӯзии оммавӣ бо иштироки васеи ҷавонон, варзишгарон, кормандони соҳаи ҷавонон ва варзиш, инчунин сокинони фаъоли шаҳри Хуҷанд баргузор гардид.
Ҳадафи баргузории ин иқдом таҳкими тарзи ҳаёти солим, баланд бардоштани сатҳи омодагии ҷисмонӣ, рушди фарҳанги варзиш ва ҷалби ҳарчи бештари ҷавонон ба машқу тамринҳои мунтазам арзёбӣ мегардад.
Дар рафти машқҳо иштирокчиён таҳти роҳбарии мутахассисони соҳаи варзиш маҷмӯи машқҳои умумии ҷисмонӣ, дави сабук ва машқҳои солимгардониро иҷро намуда, рӯҳияи баланди варзишӣ ва ҳамдигарфаҳмиро ба намоиш гузоштанд.
Масъулини Раёсати кор бо ҷавонон ва варзиши вилояти Суғд таъкид намуданд, ки чунин чорабиниҳои солимгардонӣ минбаъд низ ба таври мунтазам баргузор гардида, барои ташаккули ҷомеаи солим, тарғиби тарзи ҳаёти фаъол ва баланд бардоштани нақши варзиш дар ҳаёти ҷавонон мусоидат хоҳанд кард.

Суратгузориш аз баргузории Чемпионати Ҷумҳурии Тоҷикистон оид ба баскетбол байни дастаҳои бонувон бахшида ба таҷлили Рӯзи Ваҳдати миллӣ .

Шанбегӣ ва корҳои ободонӣ бахшида ба таҷлили Рӯзи Ваҳдат.

Баргузории мусобиқаи варзишии волейбол аз рӯи усули маҳал ба маҳал дар шаҳри Хуҷанд.
Дар доира нақша чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкори бо Мақомоти иҷроияи ҳокимияти давлатии шаҳри Хуҷанд мусобиқаи варзишии волейбол аз рӯи усули маҳал ба маҳал байни наврасону ҷавонон ва сокинони маҳаллаҳои Чорчароғ ва Мевағул баргузор гардид.
Дар мусобиқаи мазкур 18 нафар сокинон,аз ҷумла ҷавонон ҷалб гардида ,54 нафар сокинони маҳаллӣ дастаҳои худро мухлиси намуданд.
Дар фарҷом натиҷаи бозӣ 3:2 ба фоидаи дастаи маҳаллаи Мевағул анҷом ефт.

БАРГУЗОРИИ МУСОБИҚАИ ВАРЗИШИИ ШОҲМОТ ВА ШАШКА БАЙНИ КОРМАНДИ ТАШКИЛОТУ ИДОРАҲОИ ШАҲРИ ХУҶАНД

Дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Хуҷанд мусобиқаи варзишии шоҳмот ва шашка байни кормандони соҳаи тандурустӣ баргузор гардид.

Дар мусобиқаи мазкур 16 нафар кормандону масъулини сохторҳои номбурда ҷалб гардида, 26 нафар кормандону сокинони маҳаллӣ ҷараёни баргузории мусобиқаро мухлисӣ намуданд.

Ҳамзамон, нафарони ғолиб имконияти иштирок дар марҳилаи минбаъдаи мусобиқаро пайдо намуданд.

БАРГУЗОРИИ МУСОБИҚАИ ВАРЗИШИИ ГЎШТИНИ МИЛЛИ АЗ РЎИ УСУЛИ МАҲАЛ БА МАҲАЛ ДАР ШАҲРИ ХУҶАНД

Дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Хучанд мусобиқаи варзишии гўштини миллӣ аз рӯи усули маҳал ба маҳал байни наврасону ҷавонон ва сокинони маҳаллаҳои 1 Май ва Дӯстии халқҳо баргузор гардид.

Дар мусобиқаи мазкур 28 нафар сокинон, аз ҷумла ҷавонон ҷалб гардида, 24нафар сокинони маҳаллӣ дастаҳои худро мухлисӣ намуданд.

Ҳамзамон, нафарони ғолиб имконияти иштирок дар марҳилаи минбаъдаи мусобиқаро пайдо намуданд.