Federação Natação de Timor Leste

ekipa Timor Leste

Jolanio Guterres no Salena Marlin Sei Reprezenta Timor-Leste iha Jogos Asiátiku Aichi-Nagoya 2026

Timor-Leste sei ho orgullu reprezenta husi nadador joven rua, Jolanio Guterres no Salena Marlin, iha Jogos Asiátiku Aichi-Nagoya 2026 iha Japão. Eventu ne'e sei halibur atletas husi nasaun sira iha Ázia ho lema "IMAGINE ONE ASIA."

Nudar atleta husi nasaun ida ne'ebé jovem liu iha rejiaun Ázia, Jolanio no Salena reprezenta espírito determinasaun, reziliénsia no esperansa nian atu dezenvolve desportu nasional.

Agora daudaun, nadador rua ne'e halo hela treinamentu intensivu iha Manila, Filipinas, atu prepara an ba kompetisaun hasoru atleta sira di'ak liu iha Ázia.
Sira-nia dedikasaun, treinu maka'as no perseveransa sai ezemplu ba futuru natasaun Timor-Leste no inspira joven sira atu kontinua buka prestasaun iha desportu.
Mai ita hotu - hotu fó apoiu tomak ba Jolanio Guterres no Salena Marlin bainhira sreprezenta nasaun ho valor excelénsia, respeitu no amizade iha Jogos Asiátiku Aichi-Nagoya 2026.


Confederação do Desporto de Timor-Leste - CDTL Comitê Olímpico Nacional de Timor-Leste

Prezidente Federação da Natação de Timor-Leste, Sr. Laurentino Guterres partisipa iha Aichi-Nagoya Asian Games Fun Run ne’ebé realiza iha Gymnasium Díli.
Eventu ida-ne’e atrai partisipante hamutuk besik ema 15.000, inklui nadadór sira junior, estudante sira no atleta sira nebe sei partisipa Asian Games.

Parabéns ba estudante sira, nadadór sira no atleta sira hotu ne’ebé partisipa iha eventu boot ida-ne’e ho successu.

Road to Asian Games

Road to Asian Games Aichi Nagoya- Japan

Atividade Aichi-Nagoya Asian Games Fun Run promove desportu, amizade no unidade iha Ázia - TATOLI Agência Noticiosa de Timor-Leste DILI, 20 Juñu 2026 (TATOLI)–Komité Olímpiku Nasionál Timor-Leste (CONTL) hamutuk ho Olympic Council Of Asia, Sábadu ne’e, organiza Aichi-Nagoya Asian Games Fun Run International, ho objetivu atu promove valór sira husi Jogu Aziátiku, enkoraja moris saudável no ativu, hametin amizade, sol...

Eventu Aichi-Nagoya Asian Games Fun Run atu promove desportu, amizade no unidade - TATOLI Agência Noticiosa de Timor-Leste DILI, 19 Juñu 2026 (TATOLI) – Komité Olímpiku Nasionál Timor-Leste (CONTL, sigla portugés) organiza Aichi-Nagoya Asian Games Fun Run International, atu promove desportu, amizade no unidade iha ázia. Atividade Fun Run ne’e sei hala’o iha loron 20 Juñu, hahú iha tuku 6h00 dadeer, rute hu...

Federação da Natação de Timor-Leste kongratula Sua Excelénsia Sr. Francisco Kalbuadi Lay tanba Reeleitu hanesan Prezidente Komité Olímpiku Nasional Timor-Leste

Díli, 16 Juñu 2026

Sr. Laurentino Guterres, Prezidenti Federação da Natação de Timor-Leste (FNTL), ho laran kontente no respeitu boot hato’o parabéns ba Sua Excelénsia Sr. Francisco Kalbuadi Lay tanba reeleitu ho unanimidade hanesan Prezidenti Komité Olímpiku Nasional Timor-Leste (CONTL) ba mandatu foun tinan haat husi 2026 to’o 2030.
Hodi naran Federação da Natação de Timor-Leste no komunidade natação tomak, Sr. Laurentino Guterres hato’o apresiasaun ba konfiansa no apoiu ne’ebé membru sira husi Komité Olímpiku Nasional Timor-Leste fó ba Sr. Francisco Kalbuadi Lay liuhosi nia eleisaun ho unanimidade.
“Reeleisaun Sr. Francisco Kalbuadi Lay hatudu lideransa forte, kompromisu no dedikasaun ne’ebé aas ba dezenvolvimentu desportu no Movimentu Olímpiku iha Timor-Leste. Ami fiar katak iha nia lideransa kontinua, Komité Olímpiku Nasional sei bele hametin tan apoiu ba atleta sira, federasaun desportiva nasional sira no promove progresu desportu iha nasaun tomak,” dehan Sr. Laurentino Guterres.
Federação da Natação de Timor-Leste sei kontinua servisu hamutuk ho Komité Olímpiku Nasional Timor-Leste atu promove excelénsia iha desportu, encoraja partisipasaun juventude nian no kontribui ba susesu atleta Timoroan sira iha nivel rejional no internasional.
Dala ida tan, Federação da Natação de Timor-Leste hato’o parabéns ba Sua Excelénsia Sr. Francisco Kalbuadi Lay ba nia reeleisaun no hakarak fó votos de susesu ba nia mandatu foun durante períodu 2026–2030.