ترجي المقاومة

ترجي المقاومة صفحة خاصة بالمكشخين 💛❤️

الصفحة الرسمية تستعد للاعلان يوم الاثنين على صفقتين من العيار الكبير.. بربي من توا نحبو تقديم يليق بقيمة الصفقات وباسم و...
01/08/2026

الصفحة الرسمية تستعد للاعلان يوم الاثنين على صفقتين من العيار الكبير.. بربي من توا نحبو تقديم يليق بقيمة الصفقات وباسم وعراقة النادي. يا سي Digital Manager متاع النادي راهي design graphique حاجة انتيكة وياسر فوضى في الالوان وسوء الترتيب خاصة في المساحات والتصميم.. نحبو حاجة ترفع الراس وتليق بالجمهور والنادي فقط لا غير.. وربي يوفق الجميع لما فيه خير للترجي واحبائه.

بعد إغلاق ملف البلايلي، تم إغلاق ملف ريبارو ✅
26/07/2026

بعد إغلاق ملف البلايلي، تم إغلاق ملف ريبارو ✅

االسيد هذا لا جابتو مصلحة لا طميعة .. وقتلي الناس الي وخرت و سكرت تالفوناتها و هربت النغرة هزتو و طيش روحو .. موقف شكري ...
26/07/2026

االسيد هذا لا جابتو مصلحة لا طميعة .. وقتلي الناس الي وخرت و سكرت تالفوناتها و هربت النغرة هزتو و طيش روحو .. موقف شكري الي خذاه بعد 10 ماي هو موقف بطولي و بش يتخلد كعلامة فارقة في تاريخ جمعيتنا و بش يكون مرجع في التضحية و تحمل المسؤوليات

علاش نقول في الكلام هذا ..خاطر الشي الي عملو شكري قاعد يقابل فيه برود و جحود من داخل الترجي نفسها .. شكري ملي دخل للترجي حط فلوس محطوهاش مسؤولين قعدو سنين في البارك .. اما يا حبيبي للصبر حدود و المرة هذي شكري مهوش بش يكون اللحمة الي بش ترميها بش تسكت غضب الجمهور كان يا رئيس فشلت المركاتو كالعادة

نفس سيناريو كل مركاتو .. نفس التمهطيل و نفس اللغة و نفس السيناريو .. شالولولي و مزيزي البارح و ريبيرو اليوم .. يكفي ما ضحكت على الذقون ..

عندك تاريخ كبير في الترجي له منا كل الاحترام .. اما التاريخ هذا ما ينجمش يكون على حساب مستقبل الترجي ..

اليوم فما حقيقة معادش نجمو نهربو منها ولا نخبيوها .. مركاتو الترجي معطل من قبل السيد حمدي المدب و المركاتو هذا بالذات لا يحتمل اي خزعبلات ولا لعب و لا تمهطيل .. الترجي خسر 8 ملاعبية اساسين و لليوم ما تمش تعويض حتى واحد فيهم بخلاف الحاج محمود و هذا خطر كبير على مستقل النادي و ينجم يتسبب في كارثة عام جاي نبقاو نعانيو فيها عشرات السنين

الصبر متاعنا نفذ و يشهد ربي كنت اول المدافعين عليك اما حرام يتم خذلان شكري الواعر و من وراه جمهور الترجي بالطريقة هذي ..

المركاتو هذا بش يتسأل عليه حمدي المدب دون غيره .. تخلصت من برشا شهريات كبار برشا فلوس دخلت و نتيجة المركاتو كارثية بكل المقاييس ..

✅ الترجي جابتك 2012 بعد ما عملت عامين في مولدية وهران و مازلت قاعد تتعلم في الكورة.✅ الترجي حلتلك عينيك في الافريك، و ل...
24/07/2026

✅ الترجي جابتك 2012 بعد ما عملت عامين في مولدية وهران و مازلت قاعد تتعلم في الكورة.
✅ الترجي حلتلك عينيك في الافريك، و لعبت معاها الشمبيونز ليغ اول مرة في حياتك.
☑️ تخرج libre لاتحاد العاصمة في 2014 و تعمل عام و تتوقف عن الكرة أربعة سنين و بعد العقوبة تطيح ل عامين.
و تخرج بعدهم في 2017 ل Angers، و ما تنجحش و يهبطوك للرديف.

✅ الترجي تاخذ الريسكك و تعيطلك 2018 وقتلي الناس الكل قالت عليك وفى، و الناس الكل قالت الترجي عملت غلطة كبيرة، و الترجي وفرتلك اللي تحلم بيه الكل باش تنجح و عملت أقوى عامين في كاريارك، هزيت فيهم اللي تحلم بيه و وصلت احسن جناح في القارة و رجعت للمنتخب من الباب الكبير و وصلت هزيت كأس افريقيا مع الجزائر بفضل نجاحك في الترجي.

✅ يجيك كونترا كبير و الترجي ما سكرتش الباب في وجهك و قصدت ربي للسعودية عملت معاهم عام و بعد مشيت عملت عام آخر في قطر.
⭕ تعاود ترجع ل فرنسا، لعبت مع Brest و منعت من الطيوح و العام اللي بعدو تلعب مع Ajaccio و تطيح معاهم للديفيزون 2..
⭕ ترجع ل دزاير تعمل عام مع المولدية تهز معاهم بطولة و تخليهم و تجي للترجي خاطرك طمعت في كأس العالم للأندية، و الترجي هزتك لأمريكا و ما حققتلك ح**ة من أحلامك.

✅ تجيك ضربة و الترجي تخسر خدماتك، تتكفل بيك و تداويك، و في وسط فترة الراحة تكمل تجيك عقوبة ب سنة كاملة، و الترجي باقي تساند فيك و توفرلك كل الأوراق اللازمة باش تنقص العقوبة و تقعد معاك أكثر من مرة على طاولة التفاوض و تهرب أكثر من موعد طبي و أكثر من موعد امضاء للعقود.

❌ هذا الكل و فما فئة من جمهورنا يسبو في ادارة الترجي ، خاطر فيبالهم اللي الكرة و الترجي باش ياقفو بعدك، و هوما مازال ما حلوش عينيهم اللي الكرة في الأرجنتين ما وقفتش بعد مارادونا و ما وقفتش في البرازيل بعد بيلي و ما وقفتش في فرنسا بعد بلاتيني و ما وقفتش في حتى نادي و حتى منتخب و موش باش تاقف.

⭕ انتي اللي خسرت يا #بلايلي، خسرت محبة اكبر جمهور في القارة و خسرت قدر اكبر نادي في افريقيا ❤️💛
عاش الترجي الرياضي التونسي 🇩🇪

❌ مش من فراغ الملاعبية الكل كانت تخرج نهاية عقد ..🤷⭕ كان يسربي فينا في لغة الترجي ما تبيعش، و هو حاطط الفلوس لكل في جيبو...
24/07/2026

❌ مش من فراغ الملاعبية الكل كانت تخرج نهاية عقد ..🤷

⭕ كان يسربي فينا في لغة الترجي ما تبيعش، و هو حاطط الفلوس لكل في جيبو، فلوس الترجي يا طحان في كرشك و انتي إلى حد هذه اللحظة مازالت تسمسر و تعرقل في خدمة الرجال. 😡😡

☑️ آلاف الدوسيات اللي تخدمو في الظلام، و الناس ما تحبش تتكلم و تفضح خاطر صورة الترجي في الميزان، اما المرة هذي وقفت الزنقة، و حمدي كان باش يخمم باش يغطي عليك، هو زادة باش يتحل عليه باب بلاء.
ما نحبوش الوسخ، و ما نحبوش المسخين، يا حمدي نحبو أولادها اكهو في البارك، نحبو شكري و أولادها هوما اللي يحكمو و هوما اللي يخافو على مصلحة الترجي و الباقي شطرهم سمسارة.
☑️ يا #حمدي كلمو يرجع فلوس الناس خلينا نكملو الخدمة اللي ماشين فيها، ما كاناش رازة باش ندخلو في زنقة ما تعديش، و المرة هذي باش تجي في راسك قبل راسو 😡😡

أساطير في التسيير الرياضي ألقاب لا تُحصى ولا تُعد ونجاحات بالجملة محليًا وإفريقيًا وعربيًا.شكرًا لكم من القلب فقد صنعتم ...
23/07/2026

أساطير في التسيير الرياضي ألقاب لا تُحصى ولا تُعد ونجاحات بالجملة محليًا وإفريقيًا وعربيًا.
شكرًا لكم من القلب فقد صنعتم مجدًا سيبقى خالدًا وكتبتم أسماءكم بأحرف من ذهب في تاريخ الترجي سيبقى ما قدمتموه مصدر فخر لكل جماهير الترجي، وإرثًا تتناقله الأجيال

TARAJI MEDICAL STAFF ❤️💛الترجي في أيدي أمينة، و الأمانة كبيرة و رجعت لآماليها اللي يعرفو قدرها و قيمتها و مكانتها الكبير...
17/07/2026

TARAJI MEDICAL STAFF ❤️💛
الترجي في أيدي أمينة، و الأمانة كبيرة و رجعت لآماليها اللي يعرفو قدرها و قيمتها و مكانتها الكبيرة في هذا الوطن و في كامل القارة 🇹🇳 🌍
ناقصنا ستاغ و صوناد ❤️💛 ، الاوناس بطبيعتها في ڨمبطة موش بعيدة علينا 😂😂

17/07/2026

تزبزيب فوزي البنزرتي نسمعو فيه من طبرقة ، شفما

على إثر جلسة البارحة مع شكري الواعر ، و كما صار الإتفاق قام يوسف البلايلي بإستئناف التمارين اليوم على إنفراد في إنتظار إ...
16/07/2026

على إثر جلسة البارحة مع شكري الواعر ، و كما صار الإتفاق
قام يوسف البلايلي بإستئناف التمارين اليوم على إنفراد في إنتظار إستكمال إجراءات امضاء العقد و الإلتحاق بالمجموعة في عين دراهم

❗ مختار دبوس :"مادام معين الشعباني موش ولد جمعيتي باش نقعد نتبع فيه بالفتاشة "!!⭕ تصريح صادر عن محامي و حكم سابق!❓ كيفاش...
15/07/2026

❗ مختار دبوس :"مادام معين الشعباني موش ولد جمعيتي باش نقعد نتبع فيه بالفتاشة "!!

⭕ تصريح صادر عن محامي و حكم سابق!
❓ كيفاش تحبو حال الرياضة يتصلح؟؟
❓ كيفاش تحبو الشعب يعطي ثقة في اللاعبين و الفنيين و المسؤولين ؟؟
☑️ بمثل هذه القنوات التلفزية و الإذاعات و المنابر الإعلامية وصلنا للحضيض، و تم تقسيم الشعب الواحد و تم نشر الكراهية في ما بينهم.
بغض النظر عن الناخب الوطني القادم، مهما كان اسمه، فلن يكون هو الحل لكرتنا.
❌ لا وجود لمبادرات إصلاح
❌ لا وجود لتقييم شامل
❌ لا وجود لقرارات
❌ لا وجود لمسؤولين تخشى الله في هذا الوطن
❌ لا وجود لبنية تحتية
❌ لا وجود لمشاريع تطوير كرة القدم
❌ لا وجود لمنابر إعلامية وطنية

✅ و بالتالي لن تتغير النتائج في ظل هذا العبث المتواصل

🤔

Address

Bab Souika

Website

Alerts

Be the first to know and let us send you an email when ترجي المقاومة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category