04/10/2026
ما بعد المباراة
أول نقطة لفتت الانتباه في الماتش ضد شبيبة القيروان وكانت من اسباب الخسارة هيا الـريباوند وخاصة الـديفينس ريباوند النادي الإفريقي ما كانش حاضر بالتركيز والـPhysicality اللازمة تحت السلة وخلّى لاعبي الشبيبة ياخذوا برشة Offensive Rebounds وبالتالي Second Chance Points. بمعنى آخر حتى كي ننجحو في إيقاف الهجمة الأولى كنا نعطو للمنافس فرصة ثانية وثالثة باش يسجّل وهذا في مباراة متقاربة ينجم يكون عامل حاسم الـBox Out ما كانش بالمستوى المطلوب والغياب على الـDefensive Rebound عطى للشبيبة Possessions إضافية وثقة أكبر في الهجوم
من جهة أخرى الـتيرن اوفر كانوا من أكبر المشاكل اللي عانى منها فريقنا الفريق فقد برشة كرات نتيجة التسرع في الـPassing، سوء الـDecision Making والرغبة في إنهاء الهجمة بسرعة قبل ما تتنظم قدّام فريق يلعب بـDefensive Pressure، أي Turnover ينجم يتحول مباشرة إلى Fast Break وEasy Points، وهذا اللي عرفت الشبيبة تستغلو بطريقة جيدة النادي الإفريقي كان محتاج يلعب أكثر بهدوء يعتمد على Ball Movement ويصبر على الهجمة باش يلقى الـOpen Shot بدل ما يستعجل في اتخاذ القرار ( هذا صار في نص الربع الثاني وقت خذينا التقدم)
حتى الـShooting Efficiency ما كانتش في المستوى المطلوب خاصة في الفترات اللي كان فيها الفريق محتاج يقلّص الفارق ويرجع في المباراة الـThree Pointers ما كانوش بالنجاعة المنتظرة وزيد عليهم ضياع عدد من الـFree Throws في أوقات حساسة الرميات الحرة هي نقاط شبه مجانية في كرة السلة ووقت تكون المباراة متقاربة كل نقطة عندها قيمة كبيرة ضياع الفري ثرو في الكلاتش تايم ينجم في النهاية يكون سبب مباشر في خسارة مباراة كان بالإمكان العودة فيها
وزادت شبيبة القيروان صعّبت الأمور بالـDefensive Pressure والـPressing، خاصة في عملية إخراج الكرة وبداية الـOffense الضغط هذا أربك الـBall Handlers متاعنا وخلا الفريق في بعض الفترات يفقد الـOffensive Rhythm متاعو عوض ما تكون الهجمة مبنية على Ball Movement وSpacing وخلق المساحات شفنا استعجال وقرارات فردية وهو ما سهّل المهمة على دفاع الشبيبة
وهنا نجيوا لنقطة أخرى مهمة وهي الـMental Focus في بعض فترات المباراة بان على لاعبي النادي الإفريقي نوع من التوتر والارتباك خاصة وقت اللي المنافس يعمل Run ويبدأ يوسّع الفارق في مثل هاللحظات الفريق يلزمو Composure، يلزمو يهدأ يحرك الكرة ويخدم على كل Possession وحدها أما فريقنا في عديد المناسبات فقد التركيز وهذا انعكس على الـDecision Making وعلى طريقة التعامل مع ضغط المنافس
الاعتماد الزائد على الـIndividual Plays كان زادة من النقاط اللي أثرت على الفريق في بعض الفترات الهجوم ولى يعتمد أكثر على لاعب يحاول يصنع الحل وحدو (كريس كراوفورد في برشا مرات ) عوض ما تكون الكرة تتحرك بين اللاعبين ويتم استغلال الـSpacing والـMismatch. وقت كل لاعب يحاول يعمل الحل وحدو الفريق يخسر الـOffensive Rhythm ويولي أسهل بالنسبة للدفاع المنافس باش يتوقع مسار الهجمة
والمشكل ما كانش في الـOffense وحدو خاطر الـTransition Defense كان زادة نقطة حساسة وقت النادي الإفريقي يفقد الكرة يلزمو يرجع بسرعة وينظم الدفاع باش يمنع الـFast Break، أما كثرة الـTurnovers مع بعض التأخير في الرجوع عطت للشبيبة فرص باش تسجّل Easy Points وفي المقابل كي فريقنا ما يربحش الـDefensive Rebound ما ينجمش يبدأ الـTransition متاعو بالطريقة المطلوبة ويخسر فرصة باش يقلب الدفاع لهجوم سريع
القادم افضل ان شاء الله و مع مرور الجولات الفريق بش يتحسن اكيد
