Sportive Bouchemma MiniFoot

يا جامعة الميني فوت، يا لجنة تعيينات الحكام.. وين تحبوا توصلوا، آش تحبونا نقولوا... دعمناكم، عاوناكم، تنازلنا لين شلكتونا.. شنوا تحبوا توصلوا الغلط في الجمعيات و المسؤولين.. و الله و الله و إسأل أي مسؤول في الميني فوت على المعاناة: أبداها من نقص الموارد لين نوصلوا لتنظيم المقابلات..
نرجعوا لمقابلتنا آمس مع خليج الصخيرة:
و بحكم عملنا في السابق ملاحظات للجنة التعيينات و الجامعة على مستوى الحكام رغم ملاحظاتنا كانت وقت أحنا رابحين و لاحظنا المستوى الضعيف لأغلب الحكام، و الأسبوع هذا نبهنا على النقطة هذي إلا ما راعنا التعيين العشوائي كي العادة مع إحترامي للحكم الأول، كيفاش تحط حكم ثالث من نفس منطقة الفريق المضيف و هو زياد الباش مع إحترامنا لشخصه، و صار هاذا معانا ضد الجرسين في دوز، زيدها الحكم الثاني إلي بصراحة ياسر فيه كلمة حكم مع إحترامي للشخص و هو يحي ونيسي، يا عباد درا قاعدين تبعوا في مستوى تطور حكامكم ولا بعلي، درا تراقبوا في مقابلاتكم و تدونوا في النقائص من أجل إصلاح المستوى كانا تنظيمي أو فني أو حتى لوجستي..
مقابلة تتزفر فيها ضربة جزاء بعد نهاية الوقت الأصلي ب 7 أو 8 دقائق، لينتهي اللقاء بعد 12 أو 13 دقيقة من الوقت القانوني، بطبيعة كيما العادة بفوز أي فريق يلعب على ميدانه و بعد الضغط على الحكام قبل و بين الشوطين....
هكا تحبوا الجمعيات تتصرف، معقول هكا..
بوشمة الرياضية تعرفت بعد المستوى الفني بالمستوى الأخلاقي، و الناس الكل تعرف مسؤولين لاعبين و حكام و حتى الجماهير..
فيقوا على وضعكم راهوا الجمعيات فدت و أغلبها بطلت و إنسحبت، و هانا جايينها كيفهم..

نهاية اللقاء بهزيمة 1-2
بعد شوط ب 38 دق.. ههههه
مانيش باش نحكي علي صار بين الشوطين..
و ضربة الجزاء في الدقيقة 32.
لكن باش نحكي على التحكيم، و إلي نصيحة للجامعة و للقائمين على قطاع التحكيم: راجعوا رواحكم، رانا فدينا.. للحديث بقية

نهاية الشوط الاول
بالفوز على الصخيرة 1-0
(محمد أمين الغرائري ⚽️)

نحبوا نشكروا كافة أعضاء الهيئة المديرة لبوشمّة الرّياضيّة و اللاعبين، وحدهم إلي مضحيين بوقتهم و مالهم من أجل إعلاء راية الجمعيّة
جمعيّة تعاني من إنعدام الدعم المادي، بدينا الموسم بأقل من 250 دينار. قمنا بالإنخراط بالجامعة و حضرنا عدد محدود مالإجازات (10 إجازات)، خذينا الأزياء، تنقلات (مع العلم للمرة الثانية على التوالي ما يمكنوناش من حافلة، و إنسحبنا من مسابقة الكأس من غير ما نتنقلوا لنفس الأسباب).
مع العلم دقينا كل الأبواب، تلقى كان الوعود الفارغة
جمعيّة مصيرها الزوال و شباب يحب يقدم بالمنطقة و يشرف الجهة رغم إلي هو يتصدر الترتيب و الممثل الوحيد لقابس في القسم الوطني الممتاز
نواجهوا في جمعيات تاخذ في منح مالسلط و دعم من ميسوريها بعيدة برشا علينا، ما
نعرفوش شنية المقاييس
إذا ما تحبوناش نواصلوا: النتيجة هي الإنسحاب و نخلوا شبابنا يعاني مشاكل البطالة و التلوث و هم الشارع من فوضى و عنف و زطلة
لك الله يا بوشمّة. لك الله يا قابس 😡

الصفحة الرسمية لولاية قابس
معتمدية قابس الغربية délégation de Gabès ouest
الصفحة الرسمية لبلدية بوشمة
الجامعة التونسية لكرة القدم المصغرة Fédération Tunisienne de Minifootball
المندوبية الجهوية للشباب و الرياضة بقابس Crjs Gabes
Groupe Chimique Tunisien