club taekwondo hidra

🥋🏅 نهار رياضي… وفرحة ما تتنساش ❤️

نهار 26 أوت 2026 عشنا أجواء مميزة برشا في اليوم الرياضي، نهار كان الهدف متاعو قبل كل شيء هو الفرحة متاع صغارنا وتشجيعهم باش يواصلوا ويحبّوا الرياضة أكثر 💪❤️

كل صغير شارك اليوم هذا، خرج وهو فرحان ومعاه ميدالية ذهبية 🥇 وشهادة مشاركة 🏅، خاطر بالنسبة لينا المشاركة في حد ذاتها إنجاز، وكل مجهود يستحق التقدير.

تحية كبيرة للمدرب اللي ديما يسعى، يتعب، يخطط ويعمل المستحيل باش يشوف الفرحة في وجوه صغارو ❤️
مدرب ما يشوفش في الميدالية كقيمة مادية، أما يشوفها ذكرى جميلة وحافز للصغير باش يكبر و يواصل طريقو بثقة.

👏 يعطيك الصحة على المجهود، على العطاء، وعلى حبك للصغار والرياضة.

اليوم زرعنا فرحة… وغدوة إن شاء الله نحصدوا أبطال 🥋

#تايكوندو

يا أولياء، الفرصة قدّام صغاركم باش يكتشفوا عالم الرياضة والتايكوندو 🥋🔥

نهار رياضي، أجواء حماس وفرح، وتعلّم في نفس الوقت 💪❤️
من عمر 5 سنين حتى 20 سنة، البنات والصبيان الكل مرحّب بيهم.

ما تخليش صغيرك يتفرّج من بعيد… جيبو يعيش التجربة، يمكن تكون أول خطوة في طريق بطل جديد 🏆🇹🇳

نستناوكم الكل، والباب مفتوح للمنخرطين والغير منخرطين ❤️🥋

الرياضة تعلّمو الانضباط، الثقة بالنفس، الاحترام وروح المنافسة 💪🥋
ولهذا ندعيو كل الأولياء باش يجيبو صغارهم ويعيشوا معانا نهار رياضي مميّز.

إنت كولي، اختار لصغيرك الطريق الصحيح 👊🥋

خليه يتحرّك، يتعلّم، يكوّن شخصيتو ويكتسب الثقة في روحو 💪
التايكوندو موش كان رياضة… تربية، انضباط، أخلاق وطموح.

نستناو صغاركم الكل

اخر اجل لقبول الاسماء يوم 24 اوت 2026

🥋🔥 معسكر تدريبي في سبيطلة 🔥🥋

يومي 17 و18 ماي عشنا أجواء رياضية مميزة ومليانة حماس وانضباط 💪🔥
معسكر جمع بين جمعية مولاهي سبيطلة تحت إشراف المدرب مدلة مولاهي، ونادي تايكواندو حيدرة تحت إشراف المدرب سيف الدين سعيداوي.

يومين من التدريب، التحدي، تبادل الخبرات والروح الرياضية 🤝🥋
أجواء بصراحة عالمية بكل ما للكلمة من معنى 🌍🔥

كل الشكر والتقدير لكل اللاعبين والأولياء وكل من ساهم في إنجاح المعسكر ❤️
والأجمل مازال جاي بإذن الله… الطريق طويل والنجاح يصنعو العمل والاستمرارية. 🏆💪

#تايكواندو #سبيطلة #حيدرة

البطولة الوطنية على الأبواب ان شاء الله بالتوفيق لكل اللاعبين

إلى كافة الأولياء والمجتمع المدني
تحية طيبة وبعد،
يتشرف نادي تايكواندو حيدرة بدعوتكم لحضور اجتماع هام يجمع الأولياء والمجتمع المدني، من أجل مناقشة سبل دعم أبنائنا رياضياً وأخلاقياً، والعمل معاً من أجل مستقبل أفضل لهم.
حضوركم يعكس وعيكم وحرصكم على دعم رياضتنا وشبابنا.
حضوركم دعم… وغيابكم خسارة.

👥 الحضور: كل الحضور يهمنا
معاً من أجل أبنائنا… من أجل رياضة تستحق المستقبل

المكان: حسب اقتراحاتكم في الكمنتار