The Tunisian Adventurer

Sucil sherpa اليوم كان لي الشرف اني قابلت
متسلق جبال نيبالي معروف و شيربا متمرس ، كان مالبعثة الي عاونت في البحث على المتسلق علي سدبرا الله يرحمه.
في رصيده:
●قمة افريست 3 مرات
●قمة k2 مرة
●كانغشينجونغا 3 مرات
●دهاولاغيري 4 مرات

عسلامة ، بعد راحة طويلة قررت نخرج في long trek متع 120 كم تقريبا على مرحلتين .
المرحلة 1 : من cap blanc حتى cap serrat ( 60km ) تقريبا . نخيم ليلة و بعد نشوف الطقس ، اذا السخانة نقصت نولي نكمل المرحلة2 لطبرقة .
نجم نبارتاجي المغامرة مع شخصين اذا ثما شكون يحب يمشي . Si non نشوفكم في كامبينغ في كاب سيرات❤️

I'm planning an exciting trek covering a total distance of 120 km in two parts. The first part is from Cap Blanc to Cap Serrat, about 60 km long. After reaching Cap Serrat, I'll camp there for the night. Then, in the second part, I'll head to the city of Tabarka if the weather is favorable. If anyone is interested in joining this adventure or wants to camp with me at Cap Serrat, you're welcome to come along! ❤️

نهار مالنهارات باش تقوم الصباح، بعد عشرات السنين الي مشات بين قراية و خدمة و واجبات إجتماعية مسمومة، بعد الجري الماراثوني الحثيث بين البيروات و البنوك، بين القروضات و العرابن، معرس في يديك خاتم يكبس عليك قريب يقطع عليك النفس، وراقد في فرشك عبد ماتربطك بيه حتى صلة إنسانية كان تخربيشة على صداق…
تغزر للمراية نهارتها بعينيك المحوقة، لين تجيك فكرة بسيطة في شكلها، غارقة و عنيفة في تركيبتها تقلك : wake up، ماكش باش تعيش للأبد..
اللحظة أذيكا في حياتك، is a game changer

DO NOT DARE TO WASTE IT.

نهار مالنهارات، باش تاكل وجبتك الأخيرة…
باش تشم ريحة أمك لأخر مرة…
و تعنق صحابك تعنيقة الوداع..
باش تمشي في نهج داركم الي مشيت فيه مليارات المرات، لأخر مرة.. و انتي ماتعرش الي هي اخر مرة..
باش تعمل طقوسك و الحاجات الي تحبهم، و توعد عباد قرابلك باش تقابلهم غدوة و الجمعة الجاية و الشهر الجاي، و انتي قاعد تتنفس في أخر أنفاسك، من غير ماتحس…
مافماش غدوة و الشهر الجاي..
its now or never.
شمر على يديك، ماتخافش عليهم يتمسخو، و أبدى عيش توة، إمشي لبلاد بعيدة عليك و أرمي روحك في قلب المجهول، يزيك مالتصاور الي شفتهم فالإنستغرام، إمشي شوفهم بعينيك العزاز الغالين..
خلي الموج يقلبك، و المطر ترنخك، و الجوع يقرص معدتك و يبهذل بحالك…
تجرأ على الحياة، من غير excuses…

Do it broke.
Do it alone.
Do it tired.
Do it scared.
Do it now.

بش نحكي على كيفاش تختار ال Matelas متاعك كي بش تخرج Trekking .
●كيفاش تختار الTaille؟
•بالنسبة للTaille ، اذا انت اقل من 1m,80 تاخذ Taille L الي تتحمل في اغلب الأحيان حتى ل110kg
اذا انت فوق ال1m,80 تولي تاخذ Taille xl الي تتحمل حتى ل120kg.

●كيفاش تختار الTechnologie متاعها؟
•ال Technologie تتكون من 3 حاجات
-Mousse ( Rèsistant et lèger )
-Auto gonflant ( Facilitè d'utilisation)
- Gonflable ( compact et lèger)
كيفاش تختار الsaison؟
كل saison عندها الR-VALUE متاعها ( تو نفسرهالكم في لخر )
مثال:
■ SAISON CHAUDE ( pour les conditions estivales)
R* 0 - 1.9
■ TROIS SAISONS (Du printemps à l'automne )
R* 2 - 3
■ TOUTES SAISONS ( Toutes saisons Sauf les froids extrèmes )
R* 3 - 4
■FROID EXTRÊME ( Pour les conditiond hivernales difficiles)
R* 4.5 +

شنوة ال R-VALUE ؟
هي الوحدة الي نحسبو بيها LA RÈSISTANCE THERMIQUE , بيها هي تنجم تعرف قدرة الMATELAS على انها تنجم تخلي البدن يستحفظ و لا يخسر الحرارة متع جسمو مقارنة بقاع الارض ، كل ما يكون الR-VALUE عالي كل ما تكون ال ISOLATION DU MATELAS احسن و اقوى .

عم السيفي : قصة بطل ما سيبش ارضو و ترابو و حومتو و غابتو و رزقو و قعد عايش في كوخ في وسط الغابة لا ماء لا ضو ... قصة اك الراجل الي ما يعرفش عمرو هل هو في ال80 او في ال 90 ... قصة الشيخ الذي لم يمل و لم يكل من عيشتو المزيانة ... قصة رجل يسكن في وسط غابة كاب نيقرو من معتمدية نفزة ولاية باجة لأكثر من 50 سنة ...
يفرح كيف يزورو انسان و الفرحة تتجسد في صياحو المتواصل كيف يسمع واحد يعيطلو يا عم السيفي عن بعد كيلومترات ... و ما يسكت الا ما يوصلو ... انسان اقترحو عليه شهرية و فلوس و دار الا انو ما رضاش يهبط من لبلاصة الي هو ساكن فيها بالرغم من انو ساكن في كوخ يقطر عليه بالماء في الشتاء و يدخلو الشمس في الصيف ... الكنز هذا ما يعرفوهوش برشة ناس ... و لليوم و للبارح مازال شادد في كلامو ... يفرح شوية بالصيف على خاطر زوارو يكثرو اما الشتاء يخوفوا كيما قالي ... قالي زادة وليدي ما تنسانيش ... عود ديما طل علية و الارض هذي متاعي و متاعك اما ما تخربهاش ... و من اقوى كلمة قالهالي قشعرلي بيها بدني الكل ... " الملك ملكي و انا مولاه و اي واحد يقربلكم و الا يقلكم كلمة نقصلو لسانو بالسكين "

عم السيفي يسكن في وسط غابة فيها الثعلب و الذيب و الحلوف و البقر الوحشي و القط الوحشي و البهيم الوحشي ... يسكن بين الوحوش هذم الا انو ما يحبش يبعد على ارضو و على ملكو و عالغابة الي عاش فيها عمرو الكل ...
الراجل هذا كنز كبير برشة و ما توصلو الا ما تتعب من مشقة الطريق الوعرة بالصعادي و بطولها ... اما كي توصل لمكانو بلحق تتمنى انك ما عادش تروح من غادي من روعة المنظر الي تراه و جمال المكان ...

شكرا لكل انسان قاعد يعاون في عم السيفي و خاصة عم الطيب الي ما تتعداش جمعة و ما يطلش عليه و ما يتفكروش بالماكلة ...

عم السيفي قصة كنز و بطل تحدى كل مقومات الحياة للعيش في غابة كاب نيقرو ..

عم السيفي في ذمة الله ❤️
الله يرحمك و ينعمك

كان رمز في التضحية و الصبر ، يحب الناس الكل و الناس الكل يحبوه ، شكون ما مشاش لكاب نيقرو و مباتش حذى عم السيفي. كنت و لازلت اب الجميع ❤️

كي بش تسافر لأي دولة لازم تكون حاضر بنسبة 90%, و تخلي 10℅ للمجهول، و الحاجة الوحيدة لي تنجم تعاونك في التخطيط هي التطبيقات لي ولاو بالمئات في مجال السفر. مغير ما تستحق تمشي لوكالة اسفار بش تقص تسكرة ولا تمشي ترزرفي وتيل ولا اي حاجة ..
ليوم جبتلكم احسن التطبيقات الي بش تستحقهم من قبل السفر حتى لين تروح ❤.

1/Transport aérienne ✈️🛩

¶Skyscanner
واحد من أشهر محركات البحث لي يعاونك بش تلقى تذكرة لي حجتك باها بارخص الاسواك عن طريق المقارنة بين عشرات شركات الطيران. و يخليك تلقى ارخص البلايص في بلادك .. و تنجم ترزيرفي الوتيل و حتى تكلم تاكسي يجيك للمطار .☺
¶Hopper
واحد من أحسن التطبيقات عند المسافرين في حجز التذاكر . و يعطيك جدول فيه الاسوام و تكون عبارة على ألوان اخضر ، برتقالي ، احمر. و الي تحدد تقربيا السوم متع التذكرة، و يبعثلك نوتيفيكاسيون للرحلات الي انت متبعهم باش يرخصو، و يزيد يعطيك بالتفصيل على الرحلة متاعك كيف الوزن متع الباكاج، إختيار بلاصة وين تحب تقعد .....

2/Transport commun 🚕🚌

¶Uber
من اشهر التطبيقات الي تخص التنقل داخل المدينة، يخليك تختار الجهة متاعك من وين حتى لوين ،نوع وسيلة النقل ، حتى كيفاش تخلص كاش ولا بكارطة ولا حتى Paypal

¶Grab
هذا تطبيق للتنقل وسط لمدينة يخدم في دول جنوب شرق آسيا، تختار الوجهة متاعك هو يعطيك أقرب تاكسيات لي دايرين بيك مع ثمن الرحلة، يمكن تخلص كاش ولا ب كارت ، و تنجم تعطي note لشيفور ،حت هو ينجم يعمل نفس الشيء،
🛇 ردو بالكم ثما بلايص ممنوع يدخللهم Grab و اذا كان دخل ممكن يصير مالا يحمد عقباه كيف حومة اسمها ubud ف bali .

3/Hebergement 🛌🚿

¶Hostelword
هذا التطبيق خاص بالحجز في hostels وهو خاص بالناس لي عندهم ميزانية ناقصة،ولا الناس لي يحبو يتلقاو بناس من جنسيات مختلفة باش يشاركوا التجارب متاعهم ، و يعطيك خيار كان تحب تاخذ بيت مشتركة مع الناس و حمام مشترك، ولا بيت فردية،المهم الاسوام ارخص ببرشا مالوتلة ،و يمكن تلقى فطور ، بعض الالعاب الجماعية داخل الهوستيل ❤.
¶Booking
واحد من أشهر المواقع بش تعمل ريزرفاسيون : وتييل،هوستل..الحاجة المزيانة فيه هوانك تنجم تحجز مغير ما تخلص كا النهار الي توصل فيه، و يزيدك نوعية المكان (وتيل ولا هوستيل) ..القرب من وسط المدينة...و كي توليو تحجزو برشا بالابليكاسيون هذي ، يولي عندكم Niveau 2 genius ، والي ينقصلكم 15%،على كل حجز و زيد فطور بلاش، و تنجم تاخذ بيت بلاش بعض المرات.☺
¶Couchsurfing
هذا تطبيق خاص بالناس لي متحبش تخلص حق المباتة😂،و الي يحبو يتعرفو على ثقافة الناس في ديارهم ، تعيشو مع السكان المحليين... فالتطبيق بش تلقى الناس لي يرحبوا بالمسافرين يباتوا عندهم،بجميع البيانات الخاصة بيهم، و تنجمو تستعملوا التطبيق بش تقابلو سكان محليين ولا بعض السياح و تقهوجو معاهم، ولا تعملو دورة . انا عشت التجربة بيه في اكثر من مدينة في تنزانيا ❤.

4/Communication 📢🗣

¶Google traduction
تطبيق معروف عند أغلبية الناس ، تستحقو كي تمشي لدولة دولة متعرفش لغتهم،ولا معندكمش لغة مشتركة بيناتكم . تنجم ترجم بيه menu متع ماكلة ، تنجم تسجل كلام متع واحد مفهمتش لغتو، تختار اللغة، والتطبيق يتكلف بالباقي.. لازم عندك انترنت .

¶Trouver internet gratuit
هذا التطبيق يعطيك ليستا متع ال wifi لي قراب منك سواء كانو free و لا بكلمة السر.

¶Travel safe
دليل يشمل الأرقام المهمة في برشا دول ، رقم الشرطة،الاسعاف،رجال الاطفاء....
¶Linguee
هو عبارة علا معجم لي تنجم تيليشرجي الترجمة متع زوز لغات و تخدم بيه بلا انترنت،الحاجة لي ناقصة فيه هو النقص في اللغات.
Transport Entre ville/pays 🚌🚆

¶Busradar
هذا التطبيق ينجم ينفعك في أوروبا او بريطانيا،باش تلقى أرخص الاسوام للتنقل في أوروبا،بما فيها Bus،train حتى couvoiturage ، و يعطيك أقرب المحطات لي دايرين بيك، ويقارن الاسوام .
¶Flixbus
هذا التطبيق يخليك تسافر في اوروبا الكل ماعليك كان تحط الوجهة متاعك ،النهار لي بش تسافر فيه وهو يعطيك الإمكانيات و الأسوام المتوفرة ،الوقت و تنجم تخلص بكارت بنكية،paypal,Sofort,iDeal.

6/Navigation🚦🚏

¶Rome2rio
التطبيق هذا يعاونك برشا .. تحط الوجهة متاعك هو يتكلف باش يعطيك أقرب تراجي تنجم تستعملو ، وسائل النقل الي تستحقهم .. السوم ، حتى الوقت الي تستغرقو في الترونسبور.

7/Nouritture 🍱🍕☕️

¶Yelp
هاد التطبيق يعطيك الاماكن لي قراب ليك ..فين تنجم تاكل بأرخص الاسوام ،تنجم تشوف لكريتيك متع الناس لي جربوا نفس الاكلة،ولا نفس المطعم،أ وجهة النظر متاعهم .للاسف مهوش متوفر في الدول العربية.

8/Gestion Budget 💰💶

¶Splitwise
التطبيق هذا يخص الناس الي تسافر فمجموعات(إبتداءا من 2)،باش متقعدوش كل مرة تحسبو اش صرفتو ،أسيدي معليكم غير لي صرف حاجة يدخلها فالتطبيق،أ فلخر يحسبلكم، و كل واحد يعرف قداش صرف ولا يصرف .

¶XE Currency
هو عبارة على محول العملات.

9/Photographie 📸📹

¶Snapspeed
تطبيق ساهل الإستعمال،فيه برشا فيلتر و من احسن ما تستعمل ❤

10/Météo ☀️🌧🌪

¶The weather channel
تطبيق مهم عللخر ،يعاونك باش تعرف توقعات حالة الطقس فالبلاصة لي انت فيها ،و يعطيك معلومات على الحالة العامة
للجو لمدة 15 يوم،فيها درجة الحرارة،التوقعات المطرية و سرعة الرياح. نسبة الرطوبة،كمية التساقطات،الحرارة المرتقبة، حتى مؤشر الاشعة فوق البنفسجية، حالة التلوث في المنطقة لي انت فيها .
Med Fakhri

اذا حصلت نهار و ضعت في غابة ما تتفجعش . الهلع و الخوف أخطر من أي شيء آخر تنجم تتصورو ، خاتر يشوش على عمل أداة النجاة المفيدة والأفضل والوحيدة الي عندك و هي عقلك. في اللحظة التي تدرك فيها أنك تعرضت للضياع، وقبل ما تعمل اي حاجة ، قم بأخذ نفس عميق وحافظ على هدوئك.
و حاول تطبيق القاعدة "STOP".
S = sit down اجلس
T = think فكر
O = observe ارصد و راقب الأشياء المحيطة بك
P = prepare استعد للنجاة بنفسك عن طريق جمع الأدوات اللازمة