Coach _ الكوتش

الحماص كاردوزو و الحوات سانتوس وصلو نهائي الابطال الافريقي ... الكرة تحب الصبر ، الاستمرارية و المشروع

ارتيتا في 2021خسر 3 الماتشوات اللوالة من البريميار ليڨ و الماتش الثالث كلا فيه 5-0 ، حاجة مصارتش من 67 سنة على ارسنال ، الادارة حماتو و ٱمنت بيه و بمشروعه
اليوم 2026 أرسنال بطل البريميار ليڨ بعد اكثر من 20 سنة و فيناليست الابطال الاروبية بعد سنين
بخلاف الفوارق في البنية التحتية و الامكانيات، هذه الفوارق الفكرية الي تخليهم بعاد علينا سنوات ضوئية

🤷‍♂️🔥

ما الفرق بين المدرب و الكوتش؟
فما مدرب احضر فريقه و الماتش متاعو افضل تحضير بأدق التفاصيل و احضر السبناريوات المتوقعة حاجة مش ساهلة و يلزمها دراية كبيرة و مؤهلات أكادمية و لكن اول ما يصير سيناريو غير متوقع يغرق في كاس ما
يوحل ميعرش يعمل تغيير تاكتيكي يقلب لطراح
الارتجال لازمو حضور ذهني و خاصة عين و موهبة في التاكتيك
فما مدربين باهين نحترمهم و تعلمت منهم الكثير من تنظيم التدريبات لتحضير المباريات لكن يوم المباراة و التدخل الحيني و قلبان لطراح لازمو كوتش
قبل في الدراسة فما القراي و الي كل يوم اروح اعاود الي قراه و فما اكالمشوش الي عنده في مخو ، اغيب طول العام و ليلة صالله يحل كلمتين و احضر زوز سيريات و اعدي بالباهي
في كلمة الفرق بيناتهم هو الفرق بين الحافظ و الفاهم ...
avant goût
ما قبل المونديال هانا راجعين 😁
#الكوتش

دهاء "البنزرتي" وتألق "الشامخ".. عندما تصطدم السيطرة بجدار الواقعية 🧠🧤
​رغم السيطرة المطلقة للترجي في جل ردهات المباراة، إلا أن الديربي حُسم بتفاصيل تكتيكية دقيقة وحسابات "النفس الطويل". الترجي دخل اللقاء بشعار "الكل في الكل" متجاهلاً أن التعادل مع انتظار تعثر الإفريقي أمام باجة (التي تلعب من أجل البقاء) كان شونص انجم يكمل يلعب عليه للاخير. لكن الرغبة في الحسم المباشر أدت إلى اندفاع انتحاري في الأنفاس الأخيرة.
​
​جدار الصد (Shot Stopping): لا يمكن تحليل المباراة دون الإنصاف الكبير للحارس عبد المهيب الشامخ؛ تألقه في التصديات الحاسمة هو من حافظ على توازن الإفريقي ومنح زملائه الثقة للصمود أمام ضغط الترجي المتواصل.
​ثمن الاندفاع و"المساحة الفعالة": الترجي خاطر بترك مساحات شاسعة في "المنطقة الميتة" خلف وسط الميدان. غياب "التغطية الوقائية" (Rest Defense) حوّل الهجمة المرتدة للإفريقي إلى "خنجر تكتيكي" في ظهر الدفاع المكشوف.
​دهاء البنزرتي في "التحول الهجومي": بذكاء كبير، عرف فوزي البنزرتي كيف يمتص الضغط وينتظر لحظة فقدان الترجي لتوازنه الذهني، ليوجه ضربة قاضية عبر "كسر الخطوط" (Line-breaking passes) في توقيت لا يسمح بالعودة.
​فلسفة الحسم: السيطرة والاستحواذ لا تعني شيئاً إذا غابت "النجاعة" أمام حارس في يومه، وإذا فُتحت الأبواب خلفك أمام مهاجمين يجيدون استغلال "المساحات النوعية".
​وكما يقول المدرب الأسطوري جوزيه مورينيو:
​"الاستحواذ على الكرة قد يجعلك تشعر بالأمان، لكن المرتدات هي التي تقتل الخصوم."
​الخلاصة:
الترجي لعب بشجاعة وبحث عن الفوز لإنهاء الجدل، لكنه اصطدم بحارس عملاق ومدرب عرف كيف "يسرق" المباراة بدهائه التكتيكي المعهود.
​سؤالي لكم:
هل كان قرار الترجي بالهجوم الشامل "مخاطرة ضرورية" للهرب من حسابات الجولة الأخيرة ، أم كان تسرعاً تكتيكياً كلفهم نقاط المباراة؟ 👇
​ #الترجي

بعد 15 سنة خدمة تعلمت درس قاسي برشا: فما فرق كبير بين واحد عندو "15 سنة خبرة"، وواحد عندو "سنة واحدة خبرة مكررة 15 مرة".

هذا ما نسميه في سيكولوجيا بـ The Stagnation Trap أو فخ الركود.
بمجرد ما نوصلو لـ "الأمان الوظيفي"، عقولنا تدخل في حالة سبات عميق

شفت عباد بمجرد ما يلحق و يوصل يتعرف في برشة خدم و يولي عندو" دخل مستقر، ياقف تماما عن التطور.

لا عاد يخمم لا في تكوين و لا في رسكلة.

يولي "حارس" للمكتسبات متاعو في عوض ما يكون "صانع" لفرص جديدة.

خليني نقلك حاجة توجع: أكبر عدو لذاتك" في المستقبل، هو حالتك "الجيدة" اللي تعيشها توة.

في سوق الشغل متاع 2026، الكفاءة قاعدة تتبدل بسرعة جنونية (Exponential Growth). إذا ما تعملش Mise à jour لمهاراتك كل فترة ، راك تقنيا تتراجع للوراء حتى ولو كنت "تخدم" يوميا.

الرجوع لدرجة الصفر هو أصعب اختبار لـ L'Ego
متاعك. باش تقبل تكون تلميذ من جديد، لازمك شجاعة. استثمر في "جهلك" واقبل تكون مبتدئ في مهارة جديدة، وإلا راك باش تولّي مجرد "نسخة قديمة" لا تصلح للمستقبل.

الذكاء الاصطناعي اليوم ما يهددش الوظائف، يهدد العقول اللي توقفت على التعلم.شنيّا رايكم؟

الكرة نتائج فوزي و الٱخرون ...
أقوى مدرب في تاريخ تونس نقطة و أرجع للسطر .

الأرقام في الكرة .. ! 📊⚽
يقولوا "الأرقام باردة"، وعندهم الحق! الرقم "الأصلع" (كيف نسبة الامتلاك) او عدد التمريرات دون ذكر منطقة التمرير او نجاعة التمرير ، عمودي او افقي؟ ما يربّحش ماتش. القوة هي "وين" و "وقتاش" توظف الرقم.
المحلل اللي يربّح هو اللي يحوّل "الرقم" لـ "قرار":
بالعناوين: موش قداش "مرّرنا"، بل قداش من "تمريرة كاسرة للخطوط" في الثلث الأخير.
بالمناطق: موش قداش ربحنا "Duel"، بل وين "المنطقة العمياء" اللي تسببت في مرتدة؟
بالقرار: "كوتش، الظهير متاعهم يخلي في 10 أمتار وراه.." هوني الرقم يولي "تكتيك".
الخلاصة: اللي يحلل بـ "البركة" و" الڨرينتة " و "احنا الي لعبنا قبل نعرفو" ... باش يلقى روحو "خارج الخدمة" قدام محلل يقرأ لغة الأرقام ويحولها لواقع فوق العشب.
سؤال ليك: شنوة الرقم اللي يخليك تقتنع بمستوى فريق؟ 👇
#تكتيك

شوط اول 1-0
قوة الاهلي في الاطراف و خاصة بعد الهدف الي جاء من الاطراف
الاجنحة طايحين برشا يولي خط الدفاع الاخير ب6
الخط الثاني بعيد الاهلي ولاو اشوطو ومفماش شكون يضغط على حامل الكرة و يمنع من التسديد
البلوك طايح برشا
الحل ؟ اطلع البلوك شوية و تشد كرة شوية ترتح الدفاع
برشا خوف الي اشد كرة احاول يتخلص منها في اقرب وقت
شوط خايب اخيب حتى من الشوط الاول في الذهاب
المهاجم منعزل تماما ياخذ في كرة عالية و في وسط 4
#الكوتش

نسأل الله أن يتقبّل منكم الصيام والقيام وصالح الأعمال، وأن يديم عليكم الصحة والسعادة.
عيدكم مبارك، وكل عام وأنتم بخير 🧡