FANS BSB البعث الرياضى البنانى

بنان غدوة خير
مركز الاقتراع مدرسة 20 مارس
11111111111

كلمات سنستمع اليها كثيرا هذه الأيام

القيام
تفعيل
تقديم
تجسيد
تطوير
إعادة النظر
إعادة صياغة
الحرص على
رفع سقف
دعم وضمان
الإستمرار في
إحياء
التمسك
تطوير
إنجاز
الإستفادة من
و……
في الأخير القفلة
وماتوفيقي الا بالله عليه توكلت واليه انيب

بكلها شعبوية و كلام فارغ وما يتحققش حتى 2% منو

الحل الأنسب هو إختيار من تحمل مسؤولية إحتك من خلالها مع عديد الأشخاص خاصة أن عنا برشا بنانية يحبو بلادنا و واصلين في كل المجالات

"بكم (وليس بالوعود الزائفة)نفتك مشعل التغيير"

القرينتا الزايدة و التحمس المفرط لأغلب اللاعبين هو السبب لتعدد الورقات الحمراء في المقابلات الأخيرة لذلك نداء لكل اللاعبين نرزنو و بقدرة ربي فما كان الخير أحنا الأقوى من الجمعيات الكل

شائت رزنامة هذه السنة أن نواجه الفرق المعنية بالصعود في الجولة قبل الأخيرة زاوية سوسة خارج الديار و الجولة الأخيرة جمال في ملعبنا
منجموش نغلطو في رواحنا بعد تصدرنا في الخمس الجولات الأولى لأن المقابلات مع المنافسين المباشرين متلعبتش و منجموش زادا نقصو من مجهودات اللاعبين بعد البداية الممتازة لأن كل المقابلات صعبة و بدمها
ساقين في القاع و الجمهور يدز معانا و ديما نعاود نقولها مهما كانت نتائج مقابلة زاوية سوسة و جمال مهاش باش تأثر على الترتيب
مقابلات عادية نركزو قدام المرمى و بقدرة ربي فما كان الخير
بنان تعيش

كي تتفرج الأحد ألا فات و تشوف بنان تكور ناقصة و اللعبة كل عنا و تقول المنافس يلعب ناقص مش أحنا و كي اليوم تجيب الربح من خارج ملعبك و من الشوط الأول تلعب ناقص لاعب بعد الطرد ما تنجم تقول كان عنا محاربين على الميدان و حاطين هدف وحيد وهو الصعود

برافو شباب و البنانية الكل معاكم باش تفرحونا

برشا كلام و برشا حديث منا و من غادي و نحكيو عل الطلوع مازال بكري و نرزنو
كان نربحو معندو ما يبدل و كان خسرنا الله لا يقدر مش باش طيح علينا السماء
مقابلة عادية و منكبروهاش
ان شاء الله مربوحة

الدور التمهيدي الأول لكأس تونس
البرق الرياضي ببني حسان # البعث الرياضي البناني

الصفحة الرسمية للبعث الرياضي البناني تشكر السيد رئيس البلدية على صرف القسط الأول من منحة الموسم الماضي على أساس صبها من جيبو والا صبها في وقتها
و بالتالي من هنا فصاعدا سنقوم بشكر و مدح رئيس البلدية مهما كانت أخطاؤه و تجاوزاته في حين سنكون بالمرصاد لكل عضو من الهيئة المديرة
عاش البعث الرياضي البناني

المباراة الأخيرة لاحظنا برشا تجاوزات من عدة أشخاص و من بين هذه الأشخاص بعض الأعضاء من الهيئة المديرة التي سنكون لها بالمرصاد المرة القادمة و نذكرها بالإسم خاصة إذى تمادو في أخطائهم في حين توضيح لمتتبعي هذه الصفحة و خاصة أن أغلبهم من الفرق المجاورة أن نقدنا و تهجمنا لرئيس بلدية بنان بوضر بسبب رفضه تسديد منحة الموسم الماضي صفر مليم لم يقع صرفه من البلدية لا منحة أولى ولا منحة ثانية و لا تكميلية و الأسقط من ذلك أنه يتواجد كل مقابلة لإلتقاط الصور و إستفزاز رئيس النادي و كل هذا لأنو عندو مشكلة شخصية مع رئيس النادي
تذكير رئيس البلدية بناني انتخبناه خاترو شاب باش يخدم الشباب ياخي من ألطاف الله السنة الفارطة كورونا بطبيعتها ماصارتش بطولة الشبان
أما السنة هاذي هنالك بطولة و المدربون لفئة الأصناف الصغرى نقلكم شتخدمو على رحمة الوالدين كان متصبتش المنحة

ملا رئيس بلدية عليك يا بنان
مش مستعرف بالهيئة أما غصّب على روحو و جاء يتصور و ياكل الڤطو
ندعو الهيئة المديرة المقابلة القادمة تكري الكراسي بالغلافات و توفر السالي باش تجيه التصويرة الباهية و مش مشكل كملو أصرفو من جيابكم لين تتصب المنحة

ندعو أعضاء الهيئة المديرة إلى إنارة وجه بنان بمناسبة المقابلة الودية ضد النجم الرياضي الساحلي
نعرفو أن هنالك مصاريف لإستقبال الضيوف لكن آش باش نعملو زيدو أصرفو من جيابكم لين تتسيب المنحة خاتر رئيس البلدية باهي و زيد عطى كلمتو
رئيس البلدية راجل و قال في قلبو فقت على وضعي

ڤروب “green boys” سيعود هذه السنة بقوة و سيكون مدافع شرس على نادينا و لن نرحم أي شخص يتسبب في عرقلة مسار النادي سوى كان حكم يساهم في تغيير النتيجة أو مسؤول يسعى الى عرقلة الفريق