Coach Mohamed Ben Amor

🌟🌛 🌟 عيدكم مبروك و ربي يحييكم لامثاله في الخير و البركة انتم و عايلاتكم و احباؤكم و ان شاء الله عيدك في الجنة امي العزيزة محبوبة - محمد بن عمر 🌟🌜🌟

رمضان مبروك و صيام مقبول و دنب مغفور ان شاءالله 🌙🌙

في آخر سنة 2025
الحمد لله على التوفيق، و خاصة على تمام الصحة 🤍

عام كان مليان بالمخططات الرياضية و المهنية الناجحة و الجميلة، و تبدلت فيه برشا حاجات.
عام عشت فيه تجارب جديدة و متنوعة، و كنت فرحان إني سافرت، جرّبت، تعلمت و تطورت..

و المهم إني خدمت على صحتي و حرصت على تجاوز الإصابة اللي جاتني 💪💪

اما الاهم اليوم إن شاء الله حاضر، مستعد للتجارب الجدد و منفتح على فرص مهنية جديدة

و اللي جاي خير إن شاء الله 💪✨

على الوطنية 1 تتواصل الحكاية… الجزء الثاني من لقاء الشاف منصف بن عمر، حيث التاريخ مازال حيّ ويتكتب.

في الجزء الثاني تدخل أكثر في الجوهر. الشاف منصف بن عمر حكى كيفاش بنى الملعب النابلي، وكيفاش الفريق خرج معاه و تحت تدريبه من وضع متواضع إلى جمعية تنافس على المراتب الأولى، بفضل العمل الكبير .
حكى زادة على الإرث الرياضي داخل العايلة، حبّ كرة اليد اللي كبرنا فيه، عشناها، ولات خدمتنا والـ passion متاعنا، حاجة تجري في دمنا قبل ما تكون مجرّد لعبة ليا و لاخوتي زادة

الـ discipline كانت ومازالت العملة اللي تعرّفنا بيها، هو وإحنا من بعده، وما ينجم حتى حد يشكك فيها و لا يساوم عليها. الانضباط و المهنية اللي نقدموها مع كل فريق نخدمو معاه يضرب بيها المثل.
وزيد عليها الـ adaptabilité وإيجاد حلول تكتيكية في أصعب الفترات، le vrai sens du management et de gestion de stress et de situation complexe من أكثر الحاجات اللي تميّزنا، واللي بيها نجمنا نقلّقو ونتعبو أكبر الجمعيات بإمكانيات بسيطة لكن بعقول تخمّم وقلوب تخدم.

الشاف حكى بحب كبير على نابل، وعلى تعلّقو العميق بالملعب النابلي، المكان اللي عايلة بن عمر الكل عطاته خدمة، فلوس، وشوية من أعمارها. مكان حفر الشاف فيه اسمه بحروف من ذهب رغم قلة العرفان ساعات و لا جهل البعض و لا الغرور اللي يغلط احيانا الناس اللي ما تعرفش التاريخ و لكن الاكيد انو مهما قدم الوقت حد ما ينجم يمحى الامجاد و النجاحات و لا البصمة اللي يخليها

الشجرة اللي غرّسها الشاف، شجرة بن عمر في كرة اليد، جذورها ثابتة في الأرض بخدمته و تاريخه و اللي قدمو الكل…
ومازالت تكبر، تعلى، وتظلّل، خاطر أولادو باقين يخدمو فيها، يرعاوها، ويحافظو على روحها بخدمتنا و نجاحاتنا و التحديات اللي هزيناهم و الجمعيات اللي بنيناها و اللي خرجناها في اصعب الاوقات لما احسن و خير و بحبنا اللي ما يوفاش لكرة اليد..

التاريخ ما يتشرّاش وما يتبدّلش، التاريخ يتبنى ويتكتب بإرادة الناس اللي عندها قلب، صدق، وqualités و هذا اللي مقتنعين و عايشين بيه و ليه !

مرة اخرى شكرا سي الطاهر بن عمر و كل فريق التلفزة الوطنية التونسية علي اللفتة الكريمة و الزيارة اللي اسعدتمونا بيها و ربي يفضل الشاف