الشهاب الرياضي بالوردانين

30/08/2026

08/08/2026

يعتبر هذا المنشور إعتراف من الهيئة المديرة لشهاب الرياضي بالوردانين بصعوبة المهمة والتسيير في هاته الظروف الصعبة والتي لا تزال غامضة ، هذا المنشور هو من أجل شكر وتقدير كل رئيس وكل إنسان تحمل مسؤولية صلب الشهاب منذ تأسيسها..
إلي يحب بلاده وإلي يحب يناضل هو إلي ينشط صلب الجمعيات سوى كانت رياضية أو غيرها لأنك تخدم متطوع وتعطي من وقتك ومن مالك ومن صحتك بدون مقابل وبدون إمتيازات وبدون حتى جزاء أو شكر وفوق هذا تلقى شكون يسبك وينبّر ويحطلك العصا في العجلة...
اليوم قاعدين نستناو في مبلغ هام مازال لم يرصد ، قاعدين نخبيو في وجوهنا من العباد الي تسالنا وماعادش قادرين نخلصو من جيابنا خاطر غرقنا وخاطر الأمور موش واضحة باش يصبو وإلا لا..وكل حد يتحمل مسؤوليتو
كل واحد يحب من الجمعية مليم رانا باش نعملو المستحيل باش نخلصوه وبالنسبة للجلسة التقييمية باش نعلموكم بيها في أقرب الآجال..
عاش الشهاب ❤️❤️