Club Africain : Actualité Infos Analyse

بعد 105 يوم ليوم لولاد جابوه من ملعب الحبشة

الأهم في طقس كيما هاكا و في ظروف كيما هذي …هوما ال3 نقاط … ما نجموش نحكيو كورة و لا طريقة لعب و لا بصمة … يعطيهم الصحة لولاد لي جابو الvictoire
ملتقانا الجمعة الجاية في رادس الناس الكل 🔥❤️🤍

يا ادمين ال page officiel و لي وراه ولي عطى Accord للردان 🤮🤢و العبث لي صاير … ياخي ما تحشموش ؟

ريت ال publication متع ال boutique قلت سمعو بالرأي و الملاحظات متع أمة لا الاهـ إلا الله الكل على الفضيحة متع صيف السنة وًكيفاش ضيعنا الصيفية متع البطولة من غير مداخيل مهمة متع preparation و début de saison …
نقوم نلقى العدد هذا الكل من التوجيه المبرمج للياغرط و Natilait ؟ علاه هاكا علاه ؟ علاه طيحو في قدر النادي و الجمهور و الجمعية و مكوناتها الكل بجاه ربي علاه ! علاه تنطقو فينا من اجنابنا لا produit لا مريول جديد و saison تبدى الجمعة الجاية علاه هاكا ؟!

Änis Ben-Hatira ❤️🙏🏻 One of Us ✌️

Pas 10 minutes ne m'ont suffi pour reconnaître que ce joueur peut avoir un grand avenir. Il y a certainement d'autres talents en Tunisie avec du talent et du potentiel que je n'ai pas encore vus, mais le Club Africain devrait immédiatement l'intégrer aux professionnels, le construire et l'utiliser étape par étape.

برشة مشاو يجريو لمازيمبي و نساو لي ما توصل للكونغو 🇨🇩إلا ما تتعدى لمالي 🇲🇱و تجيب ال Qualification من غادي خاطر ماشيلهم في ال retour بش تلعب ورقة الترشح … ماشي فيبالهم لي دجوليبا ساهلة و لقمة باردة … احنا رجعنا سنة 3 د في أفريقيا لا من الكبارات و لانا مكالجمعيات لي قاعدة تلعب كل عام حتى CAF فاقدين ال rythme و ال Culture متع أفريقيا و لازمنا برشة خدمة و برشة زهر يتبع بش نحاولو ندخلو للمجموعات …
جمعية معاودا بمنظومتها الدفاعية الكل و ligne d’attaque خاسرة اكثر مهاجم efficace فيها ( 40% من الاهداف متاعنا مسجلهم هو )
يلزمنا axial و 6 من Calibre صحيح بش تفارع بيه ناس غولا في أفريقيا السوداء ….
يلزمنا برشة خدمة و برشة présence و قصان les abonnements بش إيمان بلي قادرين نتعداو و ان شاء الله هذاكا لي بش يصير ✊🏻✌️⚽️

نبينا و صلينا عليه …
هاك الدور الأول مع دجوليبا يتلعب 4 و 5 و 6 سبتمبر يعني بعد شهر..
و هاك البطولة تبدى 22 اوت يعني بعد جمعتين!!
⚽️وقتاش ناوي تلنصي المريول الجديد باش تدخل فلوس؟
⚽️وقتاش ناوي تعمل جلسة عامة باش نسكروا العام اللي فات و نركزوا في العام الجديد؟
⚽️ وقتاش ناوي تكمل الانتدابات الناقصة باش نتوكلوا على ربي و نركزوا في التشجيع و الدزان وراء النادي؟؟
مكملين Champion من 10 ماي يعني عندك ثلاثة شهور و عندك استقرار اداري و الجمهور الكل يدز معاك و حتى العباد اللي عارضت قدوم الكنزاري (أولهم احنا)مازلنا ندعمو فيك و قلنالك رانا ضد التعيين اما شد بلاصتك و تحمل مسؤولية اختياراتك!👌
ضيعنا ثلاثة شهور حرام و فلوس ماهيش قاعدة تدخل للنادي و مليارات مهدورة و خاطر ما عرفتوش تخدموا و تستغلوا لقب البطولة!!

يا مهدي ميلاد … راك والله لا تجيها راجل من رجالها الإفريقي والله !
عنا شهر presque ملي سامعين بالخور و القعباجي لي صاير عنا مدة نراو فيك انتي و المساعد لي لقاها فارغة و معاكم ولد فوزي البنزرتي قاعدين تعملو لي تحبو … و ساكتين قدر في فوزي البنزرتي لي على خاطرو فما ملاعبية و فما ناس رجعت تقدر في النادي الإفريقي … و هذاكا علاش كملنا العام و كرمنا ربي بالTitre
اما انو يوصل بيك الNiveau انك تعين هذا على راس الClub ؟!!!! ماهر الكنزاري يا بو قلب !! السيد يكفر بالريحة متع الريحة متاعنا !؟ بش تخلصو بفلوسنا ؟ شنيا اللغة هذي !؟ ماعاتش فيها قدر هي الإفريقي بس هذا يلبس مريولها و يشدها !؟ يا ولدي راك لي تعدى الكل هالصيفية معديهولك الPublic على خاطر فيبالنا بالوضعية الكل اما انو يجي هذا بش يعوض البنزرتي ؟
و بش تقولنا جمهور عاطفي ! ايجا نحكيو Palmarès و Parcours هذا شنوا عمل في تاريخو بش نعفصوً علىً كل شيئ و تجيبو ! عاد كي ولات فيها هاكا خالد بن يحيى أولى منو !! بايع شطر جمعية و ماكش قادر تجيب entraîneur ؟ و شبيه بن شيخة 🇩🇿؟ و علاش مش بوجلبان كي قدر علينا ربي ما نجموش ندفعو و ماعناش فلوس !!
لا حول ولا قوة إلا بالله و حسبنا الله و نعم الوكيل فيك ! وقلي كر عليك هالمرة !!

هذي إفريقيا لي تخدم على روحها … كلها نجحت ✅
و هذي تونس 🇹🇳 الفاسدة رياضيا منافقة اخلاقيا بجامعتها بأعضائها بجمهورها زادا … كملنا ما بين الثلاثة لخرانين في اول mondial ب 48 منتخب 🙃😑