Afariet Houda

#وصفة "المدفونة" أكلة زمنيّة تونسيّة 🇹🇳صحّية و بنينة.
#برتاجي عندك الوصفة، جربها و أعطيني رايك 😉

✔️ المقادير:

* للمدفونة:
- 1كغ سلق.
- 400غ لوبيا منفخة.
- مغرفة كبيرة فلفل أحمر.
- مغرفة كبيرة تابل و كروية.
- نصف راس ثوم.
- رشّة ملح.

*للكعابر:
- 500غ لحم مفروم.
- مغرفة كبيرة فلفل أحمر.
- مغرفة كبيرة تابل و كروية.
- مغرفة صغيرة نعناع شايح.
- نصف مغرفة صغيرة كركم.
- رشّة فلفل أكحل.
- نصف رأس ثوم.
- رشّة ملح.

✔️ طريقة التحضير:

1) نحطو اللّحم المفروم في وعاء كبير، نزيدوه التابل، الكركم، الفلفل الأكحل، النعناع الشايح، الملح و الثوم و نخلطوهم مليح باليد ثمّ نشكلوهم على شكل كريات صغيرة.
2) نغسلو السلق مليح، نحطوه في كسكاس فوق النّار و نخليوه يفوّر حتى لين يطرى بالباهي.
3) نخرجو السلق متاعنا، نعصروه بالباهي حتى نخرجو منو الماء الكل و نستحفظو بالماء إلي خرج منو باش نمرقو بيه.
4) نحطو الزّيت في مقلاة، نخليوه لين يسخن، نزيدوه السلق، الثّوم و نحركو المكونات كل شويا لين يتبدل لونو يولي يميل للأكحل، بعد نطفيو عليه، نخليوه لين يبرد و بعد نفرموه مليح.
5) نحطو السلق المقلي في طنجرة، نزيدوه ماء السلق، الفلفل الأحمر، التابل و الكروية و الملح، نحركو المكونات و نخليوه يغلي شويا.
6) نزيدوه الكعابر و اللوبيا (من المستحسن تكون مصموطة في الماء باش متشدش برشا وقت).
7) نخليو المدفونة متاعنا على نار هادئة مدة 30دق حتى لين تقر زيتها.

✔️ صحة و بالشّفاء 😋❤️

#وصفاتي | | #زمنية | | | #المدفونة | #صحية | #بنينة

#قصة #عجيبة 😳
🛑 فمّا حريف تعرض لعمليّة غشّ من متجر ٱخر، كيف بلوكاوه بعد ما هزّ الكوموند، جاء سبّنا أحنا 🤣
✅ أحنا راهو مسؤولين كان على الحاجة إلي أحنا بعناهالك، موش تمشي تاخو من عند واحد يغشّك، تجي تتشكّى خاتر هوما بلوكاوك بعد عمليّة البيع...
✅ أحنا نضمنو خدمات ما بعد البيع، يعني نرجعولك فلوسك ولا نبدلولك إذا لقيت مشكل في المنتج ولا ماهوش مطابق للمواصفات، على شرط تعلمنا في غضون 24 ساعة من تاريخ تسلّم الكوموند أما بطبيعة للمُنتجات إلي شريتهم من متجرنا موش من بلاصة أخرى...
✅ نردو بالنا من الغشّة خاصةً كيف يبدى فمّا فرق واضح في الأسعار و ربّي يهدي الجميع.

| #غشة |

✨ قلبي الصغير لا يتحمّل ❤️‍🩹
✅ التّفاصيل في التّعليقات 👇

✨ هذا الـ العجيب 🇫🇷
☑️ فعّال لعدّة إستعمالات كيما العناية بعد الليزر، توحيد لون البشرة، التقشير، حب الشّباب، الإحمرار متاع الشّمس، لدغات الحشرات، الجروح الخفيفة و لترطيب البشرة خاصةً في فصل الصّيف ⛱️☀️
✅ التّفاصيل في التّعليقات 👇
#سيكابلاست | #كريم | #سحري |

#وصفة إعداد "ياغورت دياري"، إقتصادي، بنين، صحي و سهل التحضير 😋
#برتاجي عندك، جربها و أعطيني رايك 😉

✔️ المقادير:
- 1 لتر حليب نصف دسم.
- كعبة ياغورت طبيعي.
- 5 مغارف سكّر.
- سكّر فانيليا.
- منكّه (قطرين من روح النكهة إلي حاجتك بيها).

✔️ طريقة التّحضير:

1) نسخّنو نصف لتر حليب حتّى درجة الغليان و نخليو النصف الثاني بارد.
2) في الأثناء نخلطو نصف الحليب البارد مع كعبة الياغورت، السكّر، الفانيليا و المنكّه (إختياري حسب الرغبة).
3) نخليوهم يرتاحو لين يغلي الحليب ثمّ نصبوه على الخليط متاع الحليب البارد و نحركوهم مليح.
4) نحطوهم في كؤوس بلار، نغطيوها بالباهي، نحطوهم في طنجرة فيها ماء دافئ، نغطيوها بمنديلة و نخليوها ترتاح ليلة كاملة.
5) نخرجوهم من الطنجرة، نحطوهم في الثلاجة مدة مأقلش من 3 ساعات قبل التّقديم.

✔️ صحّة و بالشّفاء 😋

#ياغورت | #دياري | #منزلي | #صحي | | #مطبخي | | #كوجينة |