Adrenaline Moto Club

بصراحة، التأجيل هذا يطرح أكثر من سؤال. كل مرة تتبدل القوانين بطريقة تخدم مصالح أشخاص معيّنين موش مصلحة القطاع ولا مصلحة الرياضة الميكانيكية. قرار سحب الـ licence individuelle وفرض الارتباط الإجباري بجمعية هو أكبر دليل على هذا التوجه.

اللي كانو يعطيو روح ورونق لرالي الطريق، نسبة كبيرة منهم من أصحاب الـ licence individuelle، ناس تخدم بشغفها وإمكانياتها الخاصة وتدعم الحضور والمنافسة. اليوم يتم إقصاؤهم بقرارات بيروقراطية ضيقة، والنتيجة تراجع واضح في المستوى والمشاركة.

وزيد، الراليات موش كان تظاهرة رياضية، عندها دور اقتصادي واضح. النزل تخدم، المطاعم تخدم، محطات الوقود، الحرفيين، وحتى الناس البسيطة تلقى مورد رزق من هالتجمعات. الرالي كان يحرّك الحركة الاقتصادية في الجهات اللي تستضيفو في كامل أنحاء الجمهورية، وكان فرصة للمدن الصغرى باش تنتعش وتستقبل الدراجين والزوار.

وفوق هذا الكل، الرالي كان يجمع الشمل. رغم اختلاف أسماء الجمعيات والتنافس في النتائج، في الأخير كنا عائلة وحدة. صنعنا الفرحة، رسمنا الابتسامة عند الدراجين والمواطنين، صغار وكبار. كانت روح رياضية حقيقية وتضامن بين الجميع.

خسارة كبيرة الوضعية اللي وصلها قطاع الدراجات النارية اليوم. نحبوا قوانين توحّد موش تفرّق، تشجّع المشاركة موش تقصي الناس، وترجع للرالي قيمتو الرياضية والاقتصادية والاجتماعية اللي كان يتميز بيها.
fans زعمة ترجع الأجواء متاع قبل🤔🤔 ؟؟

🔥 للتوضيح:
صاحب الدراجة النارية ليس رافضًا للتأمين، بل هو مستعد لتحمّل مسؤوليته وتأمين وسيلته إذا كان ذلك في حدود المعقول ووفق ما ينص عليه القانون.
احنا في تونس 12مليون والبيت لمفيهاش زوز دراجات نارية تلقا فيها وحدة واذا تطبق التسعيرة القانونية هاذي الناس الكل تعمل تأمين على دراجاتها
أما شركات.التأمين ضربت بالقانون عرض الحائط أقل تأمين 350دينار🫡

قرقنة رمضان 2026

🌙✨
بمناسبة حلول شهر رمضان المعظّم، نتقدّم بأحرّ التهاني وأطيب الأماني إلى كافة متابعي صفحتنا الكرام.
نسأل الله أن يجعله شهر خير وبركة ورحمة،
شهر مغفرة وعتق من النار،
وأن يعيده علينا وعليكم بالصحة والعافية واليُمن والبركات.
كل عام وأنتم بخير، ورمضانكم مبروك

نتوجّه بأسمى عبارات الشكر والتقدير إلى كل الدراجين بالقيروان على المجهودات الكبيرة والقيّمة اللي يقدّمو فيها في مجال السلامة المرورية، ودورهم الفعّال في توعية مستعملي الدراجات النارية بضرورة احترام قانون الطرقات والحفاظ على الأرواح.
كما نتقدّم بخالص الشكر والتقدير إلى المرصد الوطني للسلامة المرورية على دعمه ومرافقته ومجهوداته المتواصلة في نشر ثقافة السلامة المرورية، وتعاونه البنّاء في حملات التحسيس والتوعية.
وتزامنًا مع قدوم شهر رمضان الكريم، اللي للأسف تكثر فيه حوادث الدراجات النارية بسبب التهوّر وقلة التوعية، نثمّن عاليًا هذه المبادرات المشتركة في التحسيس بأهمية السياقة الآمنة، لبس الخوذة، احترام السرعة، وتجنّب المجازفة، حفاظًا على سلامة الجميع.
هذه المجهودات تعكس روح المسؤولية والعمل المشترك، وتساهم بصفة مباشرة في حماية الأرواح والنهوض بقطاع الدراجات النارية، وترسيخ ثقافة السلامة المرورية داخل المجتمع.
بارك الله فيكم وفي مجهوداتكم، وجعلها في ميزان حسناتكم، وكل عام وأنتم بخير بمناسبة حلول شهر رمضان المعظّم 🌙🤍
كونو في الموعد و تحيا تونس 🇹🇳 ✌️
Medi Medi
Sami Zguira
Ali Allani