آخر أخبار النادي الرياضي الصفاقسي

ضميري المهني، حالتي النفسية،أخلاقي،علاقتي مع جاري، علاقتي مع صحابي، طموحاتي،

هاذم الكل منا ل4 شهور القدام مربوطين بالاطراح الزوز المصيريين هاذم😏

كهو عام و شويا نتبع من بعيد و حاير في الناس اللي عندهم باجات كيفاش يخدمو كل حد يشجع 4 جوارات و عندو هو خط احمر و قسمو الجمعية بيناتهم و اذا تعارضهم تولي لحاس ل سي فلان و فلتان
عام و شويا محكيتش جملة خاطر فما ناس تخدم على رواحها و منجم كان نتبع اخبار الجمعية و نشجعها بقلب و رب
ليوم وصلت نطقت الله غالب عباد خماج شادين باجات يسبو و يقررو و يخططو و يحبو يعملو كل شي فالجمعية على كيفهم
ليوم جمهور مقسم كل جماعة مع فلان و كل جماعة براي و اخر همهم انو يشجعو الجمعية خاطر فما مصالح فالوسط
ليوم رئيس جمعية فالحبس... اذا موش مع بعضنا مستحيل تتبدل النتائج و تتحسن الامور
ليوم الله اعلم شنو عنا فلوس فالخزينة متاع النادي و حتى كان عنا فلوس قولو نشالله تكفي ل اخر الموسم
تخب تبيع و تشري اعطيوني ملاعبي كهو يجيب سوم بالمردود لي نشوفو فيه
نلقى باج مهبطة ليستا متاع ملاعبية قريب 10 يقول لازمهم يخرجو ايه نجيب ولاد حومتي يكورو بلاصتهم ولا كيفاش
باج نهار كامل تنبر حتى كي ربحنا نلقاها تنبر والله موش عاجبها لا ربح لا تعادل لا خسارة
باجات المل ولات قالت من قبل اللي المدرب و الملاعبية ما يصلحوش
ارجعو شوفو وقت الميركاتو شكون جابهم لملاعبية
الجمهور لي جاب اغلبهم بكلو من باجاتكم اللي تو تسبو فيهم
كريستو قريب تعملولو تمثال كي العقربي الله يرحمو وقت صحح معانا تو ولا يتسب
مدرب ما خليتو ما حكيتو عليه و احسن مدرب تو يتسب
ياخي جمهور النادي الصفاقسي ولا نبارة مفهمتش
دز مع جمعيتك رابحة ولا خاسرة
فما مسؤولين يسيرو فالجمعية خليهم يخدمو يعرفو شنو يعملو ماهمش صغار باش سيادتك تعمل باج و تبدى تهنتل فيهم
شوف جمعيات لخرين شوف لتوال ميفاش كانت و كيفاش ولات و جمهورها يدز معاها
سبيتو ملاعبية و خرجتوهم اوكم في جمعيات اخرين طايرين
الله يهديكم و اكهو سيبو رجال تخدم و اهر العام نحاسبوهم

ايا سيدي بردتو ولا مازلتو!!!!!
والله الجمعيات تلوج باش تصلح
و جمعيتنا مقسمة على زوز موش كان فالادارة حتى الجمهور مقسم
كيفاش باش تتصلح الحمعية قبل ما تتصلح الاجواء؟؟؟؟
عقد دحمان عقد ندرب 6 شهور بن سالم الخ...
عنا عام نستناو في مدرب يصلح الجمعية في لخر جابوه 6 شهور 😂
دحمان نزالو شهر و يولي لاعب حر و الباقي معروف
بن سالم شنيا اخرتو يا رجعو يا سيب الراجل يمشي يشوف جمعية على روحو
الراحل باس الساقين و مرضيتوش
عاش النادي الرياضي الصفاقسي 🏳🏴🏳🏴

مبروك للاولمبي الباجي
وقت نعملو جمعية صحيحة نلعبو على الالقاب
عاش النادي الرياضي الصفاقسي

جوارات موش خالصة في فلوسها و هوا يقلي مدرب كبير هههههه 😂
و بعد نرجعو لمنع الانتدبات و نقعدو نعاود المعبوكة من اول و جديد
خرف يلي تخرف والله قهرتونا ببهامتكم
اتفرج و اسكت يرحم والديكم
ولا برا خلص الجوارات من جيبك و بعد احكي لصباح 😂
عاش النادي الرياضي الصفاقسي 🖤🤍🏴🏳

وين تتلفت تلقاهم يحكو على بوحلبان!!!
والله العظيم لا نعرفو ولا عندي بيه حتى علاقة لا من قريب ولا من بعيد
اما سيبو الراجل ياخو فرصتو ما نتصورش الاجانب لي جابوهم باش يكونو خير منو
ربح موش عاجب تعادل موش عاجب شنو تحبوه يعمل يصنعلكم ريال مدريد؟؟؟
هاكا الرصيد البشري لي عندك هاكا حد جهدهم موش باش يرجعهم لكل كريستيانو و مسي
عاش النادي الرياضي الصفاقسي 🖤🤍🖤🤍🖤🤍

قاسم كريم
انتدب النادي الرياضيالصفاقسي لاعب النادي الرياضي بجبنيانة قاسم كريم
لاعب ذو امكانيات و مهارات رائعة
لاعب مغروم بالنادي الصفاقسي نشالله الجمعية توفرو الضروف الملائمة باش يزيد يتحسن اكثر و نشوفوه فالفريق الاول

عندي عامين منحبش نكتب و منحبش نحكي عالجمعية خاطر كل شي واضح لناس الكل
من اول العام كان طموحنا نخلصو لخطاية و نحاولو نترشحو للبلاي اووف
اليوم الخطايا خلصو و البلاي اووف موش بعيد علينا نشاله نترشحو
تشوف في باجات و صحابي عالفايسبوك يسبو في جوارات و هيئة؟؟؟؟؟؟؟؟؟
هههههه 😂 جمعة لتالي ربحنا الملعب التونسي الناس لكل تشكر 😂
خسرو مع لتوال يتسبو 😂
ايا ثبتو رواحكم تخدمو عالجمعية و لا عالجامات 😂
كرهتونا فالكورة والله لا يزي الجرو تزيدو انتم ياسر والله
سلام

قرر المكتب الجامعي المنعقد يوم الجمعة 6 جانفي 2023 ما يلي :

- بالتنسيق مع رئيس الرابطة الوطنية لكرة القدم المحترفة وباقتراح منه قرر المكتب الجامعي التعهد الآلي بملف تعيينات الجولة الاولى إياب من المرحلة الأولى لبطولة الرابطة المحترفة الاولى الصادرة عن الرابطة الوطنية المحترفة و تأجيل موعد هذه الجولة بمجموعتيها الاولى والثانية الى يومي 18 و 19 جانفي 2023 .
- تعيين المقابلة المتأخرة بين الترجي الرياضي التونسي والنجم الرياضي الساحلي يوم 12 جانفي 2023 بملعب حمادي العقربي برادس .
- تعيين المقابلة المتأخرة بين النادي الافريقي والاتحاد الرياضي ببنقردان يوم 13 جانفي 2023 بملعب حمادي العقربي برادس .
- نشر بقية الرزنامة في بداية الأسبوع المقبل .

يؤكد المكتب الجامعي على ثقته التامة في الرابطة الوطنية المحترفة ولكل الكفاءات المكونة لها واحترامه الكامل لكل الأندية التونسية وسعيه الدائم لحفظ حقوق الجميع في كل المجالات المتعلقة باختصاص المكتب الجامعي.

قبل 12 سنة من الآن 🏟

كانت البطولة التونسية محل متابعة من كل الجماهير العربية حتى أن بعض الجماهير الأوروبية يروق لها مشاهدة اللقاءات الكبرى في تونس

أطراح الكلاسيكو بين ليتوال والإفريقي والصفاقسي والترجي ، أطراح الديربي بين ليتوال ومستير والترجي والإفريقي 🔥

وما غير ما ننساو الماتشوات السخونة مع البقلاوة وبنزرت والهمهاما وغيرو.. وقتها كنّا نشوفو الجمهور يحضر من الجانبين وتشوف الدخلات ومهرجان جماهيري ضخم ومستوى فنّي كبير ⚽️

توا المستوى الفنّي للبطولة يضحك ، ما فماش نقل تلفزي ، الجمهور ماعندوش الحق يحضر في المدارج بكامل طاقة إستيعاب الملعب ، الأندية التونسية في أزمة مالية خانقة ، أخطاء تحكيمية بالجملة ، بيع وشراء ذمم الحكام ، تقديم الرشاوي والتلاعب بنتائج المباريات ، ملاعب في حالة مزرية.. إلخ 🇹🇳